Ézéchiel 23

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² בֶּן־אָדָ֑ם שְׁתַּ֣יִם נָשִׁ֔ים בְּנֹ֥ות אֵם־אַחַ֖ת הָיֽוּ׃ ben־ʾadam shetayim nashiym benowt ʾem־ʾaḥat hayu׃

³ וַתִּזְנֶ֣ינָה בְמִצְרַ֔יִם בִּנְעוּרֵיהֶ֖ן זָנ֑וּ מָּה מֹעֲכ֣וּ שְׁדֵיהֶ֔ן וְשָׁ֣ם עִשּׂ֔וּ דַּדֵּ֖י בְּתוּלֵיהֶֽן׃ watizeneynah vemitserayim bineʿureyhen zanu mah moʿakhu shedeyhen wesham ʿisu dadey betuleyhen׃

⁴ וּשְׁמֹותָ֗ן אָהֳלָ֤ה הַגְּדֹולָה֙ וְאָהֳלִיבָ֣ה אֲחֹותָ֔הּ וַתִּֽהְיֶ֣ינָה לִ֔י וַתֵּלַ֖דְנָה בָּנִ֣ים וּבָנֹ֑ות וּשְׁמֹותָ֕ן שֹׁמְרֹ֣ון אָהֳלָ֔ה וִירוּשָׁלִַ֖ם אָהֳלִיבָֽה׃ ushemowtan ʾaholah hagedowlah weʾaholiyvah ʾaḥowtah watiheyeynah liy wateladenah baniym uvanowt ushemowtan shomerown ʾaholah wiyrushalim ʾaholiyvah׃

⁵ וַתִּ֥זֶן אָהֳלָ֖ה תַּחְתָּ֑י וַתַּעְגַּב֙ עַֽל־מְאַהֲבֶ֔יהָ אֶל־אַשּׁ֖וּר קְרֹובִֽים׃ watizen ʾaholah taḥetay wataʿegav ʿal־meʾahaveyha ʾel־ʾashur qerowviym׃

⁶ לְבֻשֵׁ֤י תְכֵ֙לֶת֙ פַּחֹ֣ות וּסְגָנִ֔ים בַּח֥וּרֵי חֶ֖מֶד כֻּלָּ֑ם פָּרָשִׁ֕ים רֹכְבֵ֖י סוּסִֽים׃ levushey tekhelet paḥowt useganiym baḥurey ḥemed kulam parashiym rokhevey susiym׃

⁷ וַתִּתֵּ֤ן תַּזְנוּתֶ֙יהָ֙ עֲלֵיהֶ֔ם מִבְחַ֥ר בְּנֵֽי־אַשּׁ֖וּר כֻּלָּ֑ם וּבְכֹ֧ל אֲשֶׁר־עָֽגְבָ֛ה בְּכָל־גִּלּוּלֵיהֶ֖ם נִטְמָֽאָה׃ watiten tazenuteyha ʿaleyhem miveḥar beney־ʾashur kulam uvekhol ʾasher־ʿagevah bekhal־giluleyhem niṭemaʾah׃

⁸ וְאֶת־תַּזְנוּתֶ֤יהָ מִמִּצְרַ֙יִם֙ לֹ֣א עָזָ֔בָה כִּ֤י אֹותָהּ֙ שָׁכְב֣וּ בִנְעוּרֶ֔יהָ וְהֵ֥מָּה עִשּׂ֖וּ דַּדֵּ֣י בְתוּלֶ֑יהָ וַיִּשְׁפְּכ֥וּ תַזְנוּתָ֖ם עָלֶֽיהָ׃ weʾet־tazenuteyha mimitserayim loʾ ʿazavah kiy ʾowtah shakhevu vineʿureyha wehemah ʿisu dadey vetuleyha wayishepekhu tazenutam ʿaleyha׃

⁹ לָכֵ֥ן נְתַתִּ֖יהָ בְּיַד־מְאַֽהֲבֶ֑יהָ בְּיַד֙ בְּנֵ֣י אַשּׁ֔וּר אֲשֶׁ֥ר עָגְבָ֖ה עֲלֵיהֶֽם׃ lakhen netatiyha beyad־meʾahaveyha beyad beney ʾashur ʾasher ʿagevah ʿaleyhem׃

¹⁰ הֵמָּה֮ גִּלּ֣וּ עֶרְוָתָהּ֒ בָּנֶ֤יהָ וּבְנֹותֶ֙יהָ֙ לָקָ֔חוּ וְאֹותָ֖הּ בַּחֶ֣רֶב הָרָ֑גוּ וַתְּהִי־שֵׁם֙ לַנָּשִׁ֔ים וּשְׁפוּטִ֖ים עָ֥שׂוּ בָֽהּ׃ ס hemah gilu ʿerewatah baneyha uvenowteyha laqaḥu weʾowtah baḥerev haragu watehiy־shem lanashiym ushefuṭiym ʿasu vah׃ s

¹¹ וַתֵּ֙רֶא֙ אֲחֹותָ֣הּ אָהֳלִיבָ֔ה וַתַּשְׁחֵ֥ת עַגְבָתָ֖הּ מִמֶּ֑נָּה וְאֶת־תַּ֨זְנוּתֶ֔יהָ מִזְּנוּנֵ֖י אֲחֹותָֽהּ׃ watereʾ ʾaḥowtah ʾaholiyvah watasheḥet ʿagevatah mimenah weʾet־tazenuteyha mizenuney ʾaḥowtah׃

¹² אֶל־בְּנֵי֩ אַשּׁ֨וּר עָגָ֜בָה פַּחֹ֨ות וּסְגָנִ֤ים קְרֹבִים֙ לְבֻשֵׁ֣י מִכְלֹ֔ול פָּרָשִׁ֖ים רֹכְבֵ֣י סוּסִ֑ים בַּח֥וּרֵי חֶ֖מֶד כֻּלָּֽם׃ ʾel־beney ʾashur ʿagavah paḥowt useganiym qeroviym levushey mikhelowl parashiym rokhevey susiym baḥurey ḥemed kulam׃

¹³ וָאֵ֖רֶא כִּ֣י נִטְמָ֑אָה דֶּ֥רֶךְ אֶחָ֖ד לִשְׁתֵּיהֶֽן׃ waʾereʾ kiy niṭemaʾah derekhe ʾeḥad lisheteyhen׃

¹⁴ וַתֹּ֖וסֶף אֶל־תַּזְנוּתֶ֑יהָ וַתֵּ֗רֶא אַנְשֵׁי֙ מְחֻקֶּ֣ה עַל־הַקִּ֔יר צַלְמֵ֣י [כַשְׂדִּיִּים כ] (כַשְׂדִּ֔ים ק) חֲקֻקִ֖ים בַּשָּׁשַֽׁר׃ watowsef ʾel־tazenuteyha watereʾ ʾaneshey meḥuqeh ʿal־haqiyr tsalemey [khasediyiym kh] (khasediym q) ḥaquqiym bashashar׃

¹⁵ חֲגֹורֵ֨י אֵזֹ֜ור בְּמָתְנֵיהֶ֗ם סְרוּחֵ֤י טְבוּלִים֙ בְּרָ֣אשֵׁיהֶ֔ם מַרְאֵ֥ה שָׁלִשִׁ֖ים כֻּלָּ֑ם דְּמ֤וּת בְּנֵֽי־בָבֶל֙ כַּשְׂדִּ֔ים אֶ֖רֶץ מֹולַדְתָּֽם׃ ḥagowrey ʾezowr bemateneyhem seruḥey ṭevuliym beraʾsheyhem mareʾeh shalishiym kulam demut beney־vavel kasediym ʾerets mowladetam׃

¹⁶ [וַתַּעְגַּב כ] (וַתַּעְגְּבָ֥ה ק) עֲלֵיהֶ֖ם לְמַרְאֵ֣ה עֵינֶ֑יהָ וַתִּשְׁלַ֧ח מַלְאָכִ֛ים אֲלֵיהֶ֖ם כַּשְׂדִּֽימָה׃ [wataʿegav kh] (wataʿegevah q) ʿaleyhem lemareʾeh ʿeyneyha watishelaḥ maleʾakhiym ʾaleyhem kasediymah׃

¹⁷ וַיָּבֹ֨אוּ אֵלֶ֤יהָ בְנֵֽי־בָבֶל֙ לְמִשְׁכַּ֣ב דֹּדִ֔ים וַיְטַמְּא֥וּ אֹותָ֖הּ בְּתַזְנוּתָ֑ם וַתִּ֨טְמָא־בָ֔ם וַתֵּ֥קַע נַפְשָׁ֖הּ מֵהֶֽם׃ wayavoʾu ʾeleyha veney־vavel lemishekav dodiym wayeṭameʾu ʾowtah betazenutam watiṭemaʾ־vam wateqaʿ nafeshah mehem׃

¹⁸ וַתְּגַל֙ תַּזְנוּתֶ֔יהָ וַתְּגַ֖ל אֶת־עֶרְוָתָ֑הּ וַתֵּ֤קַע נַפְשִׁי֙ מֵֽעָלֶ֔יהָ כַּאֲשֶׁ֛ר נָקְעָ֥ה נַפְשִׁ֖י מֵעַ֥ל אֲחֹותָֽהּ׃ wategal tazenuteyha wategal ʾet־ʿerewatah wateqaʿ nafeshiy meʿaleyha kaʾasher naqeʿah nafeshiy meʿal ʾaḥowtah׃

¹⁹ וַתַּרְבֶּ֖ה אֶת־תַּזְנוּתֶ֑יהָ לִזְכֹּר֙ אֶת־יְמֵ֣י נְעוּרֶ֔יהָ אֲשֶׁ֥ר זָנְתָ֖ה בְּאֶ֥רֶץ מִצְרָֽיִם׃ watarebeh ʾet־tazenuteyha lizekor ʾet־yemey neʿureyha ʾasher zanetah beʾerets mitserayim׃

²⁰ וַֽתַּעְגְּבָ֔ה עַ֖ל פִּֽלַגְשֵׁיהֶ֑ם אֲשֶׁ֤ר בְּשַׂר־חֲמֹורִים֙ בְּשָׂרָ֔ם וְזִרְמַ֥ת סוּסִ֖ים זִרְמָתָֽם׃ wataʿegevah ʿal pilagesheyhem ʾasher besar־ḥamowriym besaram weziremat susiym zirematam׃

²¹ וַֽתִּפְקְדִ֔י אֵ֖ת זִמַּ֣ת נְעוּרָ֑יִךְ בַּעְשֹׂ֤ות מִמִּצְרַ֙יִם֙ דַּדַּ֔יִךְ לְמַ֖עַן שְׁדֵ֥י נְעוּרָֽיִךְ׃ ס watifeqediy ʾet zimat neʿurayikhe baʿesowt mimitserayim dadayikhe lemaʿan shedey neʿurayikhe׃ s

²² לָכֵ֣ן אָהֳלִיבָ֗ה כֹּֽה־אָמַר֮ אֲדֹנָ֣י יְהוִה֒ הִנְנִ֨י מֵעִ֤יר אֶת־מְאַהֲבַ֙יִךְ֙ עָלַ֔יִךְ אֵ֛ת אֲשֶׁר־נָקְעָ֥ה נַפְשֵׁ֖ךְ מֵהֶ֑ם וַהֲבֵאתִ֥ים עָלַ֖יִךְ מִסָּבִֽיב׃ lakhen ʾaholiyvah koh־ʾamar ʾadonay yehwih hineniy meʿiyr ʾet־meʾahavayikhe ʿalayikhe ʾet ʾasher־naqeʿah nafeshekhe mehem wahaveʾtiym ʿalayikhe misaviyv׃

²³ בְּנֵ֧י בָבֶ֣ל וְכָל־כַּשְׂדִּ֗ים פְּקֹ֤וד וְשֹׁ֙ועַ֙ וְקֹ֔ועַ כָּל־בְּנֵ֥י אַשּׁ֖וּר אֹותָ֑ם בַּח֨וּרֵי חֶ֜מֶד פַּחֹ֤ות וּסְגָנִים֙ כֻּלָּ֔ם שָֽׁלִשִׁים֙ וּקְרוּאִ֔ים רֹכְבֵ֥י סוּסִ֖ים כֻּלָּֽם׃ beney vavel wekhal־kasediym peqowd weshowʿa weqowʿa kal־beney ʾashur ʾowtam baḥurey ḥemed paḥowt useganiym kulam shalishiym uqeruʾiym rokhevey susiym kulam׃

²⁴ וּבָ֣אוּ עָלַ֡יִךְ הֹ֠צֶן רֶ֤כֶב וְגַלְגַּל֙ וּבִקְהַ֣ל עַמִּ֔ים צִנָּ֤ה וּמָגֵן֙ וְקֹובַ֔ע יָשִׂ֥ימוּ עָלַ֖יִךְ סָבִ֑יב וְנָתַתִּ֤י לִפְנֵיהֶם֙ מִשְׁפָּ֔ט וּשְׁפָט֖וּךְ בְּמִשְׁפְּטֵיהֶֽם׃ uvaʾu ʿalayikhe hotsen rekhev wegalegal uviqehal ʿamiym tsinah umagen weqowvaʿ yasiymu ʿalayikhe saviyv wenatatiy lifeneyhem mishepaṭ ushefaṭukhe bemishepeṭeyhem׃

²⁵ וְנָתַתִּ֨י קִנְאָתִ֜י בָּ֗ךְ וְעָשׂ֤וּ אֹותָךְ֙ בְּחֵמָ֔ה אַפֵּ֤ךְ וְאָזְנַ֙יִךְ֙ יָסִ֔ירוּ וְאַחֲרִיתֵ֖ךְ בַּחֶ֣רֶב תִּפֹּ֑ול הֵ֗מָּה בָּנַ֤יִךְ וּבְנֹותַ֙יִךְ֙ יִקָּ֔חוּ וְאַחֲרִיתֵ֖ךְ תֵּאָכֵ֥ל בָּאֵֽשׁ׃ wenatatiy qineʾatiy bakhe weʿasu ʾowtakhe beḥemah ʾapekhe weʾazenayikhe yasiyru weʾaḥariytekhe baḥerev tipowl hemah banayikhe uvenowtayikhe yiqaḥu weʾaḥariytekhe teʾakhel baʾesh׃

²⁶ וְהִפְשִׁיט֖וּךְ אֶת־בְּגָדָ֑יִךְ וְלָקְח֖וּ כְּלֵ֥י תִפְאַרְתֵּֽךְ׃ wehifeshiyṭukhe ʾet־begadayikhe welaqeḥu keley tifeʾaretekhe׃

²⁷ וְהִשְׁבַּתִּ֤י זִמָּתֵךְ֙ מִמֵּ֔ךְ וְאֶת־זְנוּתֵ֖ךְ מֵאֶ֣רֶץ מִצְרָ֑יִם וְלֹֽא־תִשְׂאִ֤י עֵינַ֙יִךְ֙ אֲלֵיהֶ֔ם וּמִצְרַ֖יִם לֹ֥א תִזְכְּרִי־עֹֽוד׃ ס wehishebatiy zimatekhe mimekhe weʾet־zenutekhe meʾerets mitserayim weloʾ־tiseʾiy ʿeynayikhe ʾaleyhem umitserayim loʾ tizekeriy־ʿowd׃ s

²⁸ כִּ֣י כֹ֤ה אָמַר֙ אֲדֹנָ֣י יְהוִ֔ה הִנְנִי֙ נֹֽתְנָ֔ךְ בְּיַ֖ד אֲשֶׁ֣ר שָׂנֵ֑את בְּיַ֛ד אֲשֶׁר־נָקְעָ֥ה נַפְשֵׁ֖ךְ מֵהֶֽם׃ kiy khoh ʾamar ʾadonay yehwih hineniy notenakhe beyad ʾasher saneʾt beyad ʾasher־naqeʿah nafeshekhe mehem׃

²⁹ וְעָשׂ֨וּ אֹותָ֜ךְ בְּשִׂנְאָ֗ה וְלָקְחוּ֙ כָּל־יְגִיעֵ֔ךְ וַעֲזָב֖וּךְ עֵירֹ֣ם וְעֶרְיָ֑ה וְנִגְלָה֙ עֶרְוַ֣ת זְנוּנַ֔יִךְ וְזִמָּתֵ֖ךְ וְתַזְנוּתָֽיִךְ׃ weʿasu ʾowtakhe besineʾah welaqeḥu kal־yegiyʿekhe waʿazavukhe ʿeyrom weʿereyah wenigelah ʿerewat zenunayikhe wezimatekhe wetazenutayikhe׃

³⁰ עָשֹׂ֥ה אֵ֖לֶּה לָ֑ךְ בִּזְנֹותֵךְ֙ אַחֲרֵ֣י גֹויִ֔ם עַ֥ל אֲשֶׁר־נִטְמֵ֖את בְּגִלּוּלֵיהֶֽם׃ ʿasoh ʾeleh lakhe bizenowtekhe ʾaḥarey gowyim ʿal ʾasher־niṭemeʾt begiluleyhem׃

³¹ בְּדֶ֥רֶךְ אֲחֹותֵ֖ךְ הָלָ֑כְתְּ וְנָתַתִּ֥י כֹוסָ֖הּ בְּיָדֵֽךְ׃ ס bederekhe ʾaḥowtekhe halakhete wenatatiy khowsah beyadekhe׃ s

³² כֹּ֤ה אָמַר֙ אֲדֹנָ֣י יְהֹוִ֔ה כֹּ֤וס אֲחֹותֵךְ֙ תִּשְׁתִּ֔י הָעֲמֻקָּ֖ה וְהָרְחָבָ֑ה תִּהְיֶ֥ה לִצְחֹ֛ק וּלְלַ֖עַג מִרְבָּ֥ה לְהָכִֽיל׃ koh ʾamar ʾadonay yehowih kows ʾaḥowtekhe tishetiy haʿamuqah wehareḥavah tiheyeh litseḥoq ulelaʿag mirebah lehakhiyl׃

³³ שִׁכָּרֹ֥ון וְיָגֹ֖ון תִּמָּלֵ֑אִי כֹּ֚וס שַׁמָּ֣ה וּשְׁמָמָ֔ה כֹּ֖וס אֲחֹותֵ֥ךְ שֹׁמְרֹֽון׃ shikarown weyagown timaleʾiy kows shamah ushemamah kows ʾaḥowtekhe shomerown׃

³⁴ וְשָׁתִ֨ית אֹותָ֜הּ וּמָצִ֗ית וְאֶת־חֲרָשֶׂ֛יהָ תְּגָרֵ֖מִי וְשָׁדַ֣יִךְ תְּנַתֵּ֑קִי כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃ ס weshatiyt ʾowtah umatsiyt weʾet־ḥaraseyha tegaremiy weshadayikhe tenateqiy kiy ʾaniy dibaretiy neʾum ʾadonay yehwih׃ s

³⁵ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה יַ֚עַן שָׁכַ֣חַתְּ אֹותִ֔י וַתַּשְׁלִ֥יכִי אֹותִ֖י אַחֲרֵ֣י גַוֵּ֑ךְ וְגַם־אַ֛תְּ שְׂאִ֥י זִמָּתֵ֖ךְ וְאֶת־תַּזְנוּתָֽיִךְ׃ ס lakhen koh ʾamar ʾadonay yehwih yaʿan shakhaḥate ʾowtiy watasheliykhiy ʾowtiy ʾaḥarey gauekhe wegam־ʾate seʾiy zimatekhe weʾet־tazenutayikhe׃ s

³⁶ וַיֹּ֤אמֶר יְהוָה֙ אֵלַ֔י בֶּן־אָדָ֕ם הֲתִשְׁפֹּ֥וט אֶֽת־אָהֳלָ֖ה וְאֶת־אָהֳלִיבָ֑ה וְהַגֵּ֣ד לָהֶ֔ן אֵ֖ת תֹועֲבֹותֵיהֶֽן׃ wayoʾmer yehwah ʾelay ben־ʾadam hatishepowṭ ʾet־ʾaholah weʾet־ʾaholiyvah wehaged lahen ʾet towʿavowteyhen׃

³⁷ כִּ֣י נִאֵ֗פוּ וְדָם֙ בִּֽידֵיהֶ֔ן וְאֶת־גִּלּֽוּלֵיהֶ֖ן נִאֵ֑פוּ וְגַ֤ם אֶת־בְּנֵיהֶן֙ אֲשֶׁ֣ר יָֽלְדוּ־לִ֔י הֶעֱבִ֥ירוּ לָהֶ֖ם לְאָכְלָֽה׃ kiy niʾefu wedam biydeyhen weʾet־giluleyhen niʾefu wegam ʾet־beneyhen ʾasher yaledu־liy heʿeviyru lahem leʾakhelah׃

³⁸ עֹ֥וד זֹ֖את עָ֣שׂוּ לִ֑י טִמְּא֤וּ אֶת־מִקְדָּשִׁי֙ בַּיֹּ֣ום הַה֔וּא וְאֶת־שַׁבְּתֹותַ֖י חִלֵּֽלוּ׃ ʿowd zoʾt ʿasu liy ṭimeʾu ʾet־miqedashiy bayowm hahuʾ weʾet־shabetowtay ḥilelu׃

³⁹ וּֽבְשַׁחֲטָ֤ם אֶת־בְּנֵיהֶם֙ לְגִלּ֣וּלֵיהֶ֔ם וַיָּבֹ֧אוּ אֶל־מִקְדָּשִׁ֛י בַּיֹּ֥ום הַה֖וּא לְחַלְּלֹ֑ו וְהִנֵּה־כֹ֥ה עָשׂ֖וּ בְּתֹ֥וךְ בֵּיתִֽי׃ uveshaḥaṭam ʾet־beneyhem legiluleyhem wayavoʾu ʾel־miqedashiy bayowm hahuʾ leḥalelow wehineh־khoh ʿasu betowkhe beytiy׃

⁴⁰ וְאַ֗ף כִּ֤י תִשְׁלַ֙חְנָה֙ לַֽאֲנָשִׁ֔ים בָּאִ֖ים מִמֶּרְחָ֑ק אֲשֶׁ֨ר מַלְאָ֜ךְ שָׁל֤וּחַ אֲלֵיהֶם֙ וְהִנֵּה־בָ֔אוּ לַאֲשֶׁ֥ר רָחַ֛צְתְּ כָּחַ֥לְתְּ עֵינַ֖יִךְ וְעָ֥דִית עֶֽדִי׃ weʾaf kiy tishelaḥenah laʾanashiym baʾiym mimereḥaq ʾasher maleʾakhe shaluaḥ ʾaleyhem wehineh־vaʾu laʾasher raḥatsete kaḥalete ʿeynayikhe weʿadiyt ʿediy׃

⁴¹ וְיָשַׁבְתְּ֙ עַל־מִטָּ֣ה כְבוּדָּ֔ה וְשֻׁלְחָ֥ן עָר֖וּךְ לְפָנֶ֑יהָ וּקְטָרְתִּ֥י וְשַׁמְנִ֖י שַׂ֥מְתְּ עָלֶֽיהָ׃ weyashavete ʿal־miṭah khevudah weshuleḥan ʿarukhe lefaneyha uqeṭaretiy weshameniy samete ʿaleyha׃

⁴² וְקֹ֣ול הָמֹון֮ שָׁלֵ֣ו בָהּ֒ וְאֶל־אֲנָשִׁים֙ מֵרֹ֣ב אָדָ֔ם מוּבָאִ֥ים [סֹובָאִים כ] (סָבָאִ֖ים ק) מִמִּדְבָּ֑ר וַֽיִּתְּנ֤וּ צְמִידִים֙ אֶל־יְדֵיהֶ֔ן וַעֲטֶ֥רֶת תִּפְאֶ֖רֶת עַל־רָאשֵׁיהֶֽן׃ weqowl hamown shalew vah weʾel־ʾanashiym merov ʾadam muvaʾiym [sowvaʾiym kh] (savaʾiym q) mimidebar wayitenu tsemiydiym ʾel־yedeyhen waʿaṭeret tifeʾeret ʿal־raʾsheyhen׃

⁴³ וָאֹמַ֕ר לַבָּלָ֖ה נִֽאוּפִ֑ים [עַתָּ כ] (עַתָּ֛ה ק) [יִזְנֻה כ] (יִזְנ֥וּ ק) תַזְנוּתֶ֖הָ וָהִֽיא׃ waʾomar labalah niʾufiym [ʿata kh] (ʿatah q) [yizenuh kh] (yizenu q) tazenuteah wahiyʾ׃

⁴⁴ וַיָּבֹ֣וא אֵלֶ֔יהָ כְּבֹ֖וא אֶל־אִשָּׁ֣ה זֹונָ֑ה כֵּ֣ן בָּ֗אוּ אֶֽל־אָֽהֳלָה֙ וְאֶל־אָ֣הֳלִיבָ֔ה אִשֹּׁ֖ת הַזִּמָּֽה׃ wayavowʾ ʾeleyha kevowʾ ʾel־ʾishah zownah ken baʾu ʾel־ʾaholah weʾel־ʾaholiyvah ʾishot hazimah׃

⁴⁵ וַאֲנָשִׁ֣ים צַדִּיקִ֗ם הֵ֚מָּה יִשְׁפְּט֣וּ אֹֽותְהֶ֔ם מִשְׁפַּט֙ נֹֽאֲפֹ֔ות וּמִשְׁפַּ֖ט שֹׁפְכֹ֣ות דָּ֑ם כִּ֤י נֹֽאֲפֹת֙ הֵ֔נָּה וְדָ֖ם בִּֽידֵיהֶֽן׃ ס waʾanashiym tsadiyqim hemah yishepeṭu ʾowtehem mishepaṭ noʾafowt umishepaṭ shofekhowt dam kiy noʾafot henah wedam biydeyhen׃ s

⁴⁶ כִּ֛י כֹּ֥ה אָמַ֖ר אֲדֹנָ֣י יְהוִ֑ה הַעֲלֵ֤ה עֲלֵיהֶם֙ קָהָ֔ל וְנָתֹ֥ן אֶתְהֶ֖ן לְזַעֲוָ֥ה וְלָבַֽז׃ kiy koh ʾamar ʾadonay yehwih haʿaleh ʿaleyhem qahal wenaton ʾetehen lezaʿawah welavaz׃

⁴⁷ וְרָגְמ֨וּ עֲלֵיהֶ֥ן אֶ֙בֶן֙ קָהָ֔ל וּבָרֵ֥א אֹותְהֶ֖ן בְּחַרְבֹותָ֑ם בְּנֵיהֶ֤ם וּבְנֹֽותֵיהֶם֙ יַהֲרֹ֔גוּ וּבָתֵּיהֶ֖ן בָּאֵ֥שׁ יִשְׂרֹֽפוּ׃ weragemu ʿaleyhen ʾeven qahal uvareʾ ʾowtehen beḥarevowtam beneyhem uvenowteyhem yaharogu uvateyhen baʾesh yiserofu׃

⁴⁸ וְהִשְׁבַּתִּ֥י זִמָּ֖ה מִן־הָאָ֑רֶץ וְנִֽוַּסְּרוּ֙ כָּל־הַנָּשִׁ֔ים וְלֹ֥א תַעֲשֶׂ֖ינָה כְּזִמַּתְכֶֽנָה׃ wehishebatiy zimah min־haʾarets weniuaseru kal־hanashiym weloʾ taʿaseynah kezimatekhenah׃

⁴⁹ וְנָתְנ֤וּ זִמַּתְכֶ֙נָה֙ עֲלֵיכֶ֔ן וַחֲטָאֵ֥י גִלּוּלֵיכֶ֖ן תִּשֶּׂ֑אינָה וִידַעְתֶּ֕ם כִּ֥י אֲנִ֖י אֲדֹנָ֥י יְהוִֽה׃ פ wenatenu zimatekhenah ʿaleykhen waḥaṭaʾey giluleykhen tiseʾynah wiydaʿetem kiy ʾaniy ʾadonay yehwih׃ f