Job 16

¹ וַיַּ֥עַן אִיֹּ֗וב וַיֹּאמַֽר׃ wayaʿan ʾiyowv wayoʾmar׃

² שָׁמַ֣עְתִּי כְאֵ֣לֶּה רַבֹּ֑ות מְנַחֲמֵ֖י עָמָ֣ל כֻּלְּכֶֽם׃ shamaʿetiy kheʾeleh rabowt menaḥamey ʿamal kulekhem׃

³ הֲקֵ֥ץ לְדִבְרֵי־ר֑וּחַ אֹ֥ו מַה־יַּ֝מְרִֽיצְךָ֗ כִּ֣י תַעֲנֶֽה׃ haqets lediverey־ruaḥ ʾow mah־yameriytsekha kiy taʿaneh׃

⁴ גַּ֤ם ׀ אָנֹכִי֮ כָּכֶ֪ם אֲדַ֫בֵּ֥רָה ל֤וּ־יֵ֪שׁ נַפְשְׁכֶ֡ם תַּ֤חַת נַפְשִׁ֗י אַחְבִּ֣ירָה עֲלֵיכֶ֣ם בְּמִלִּ֑ים וְאָנִ֥יעָה עֲ֝לֵיכֶ֗ם בְּמֹ֣ו רֹאשִֽׁי׃ gam ׀ ʾanokhiy kakhem ʾadaberah lu־yesh nafeshekhem taḥat nafeshiy ʾaḥebiyrah ʿaleykhem bemiliym weʾaniyʿah ʿaleykhem bemow roʾshiy׃

⁵ אֲאַמִּצְכֶ֥ם בְּמֹו־פִ֑י וְנִ֖יד שְׂפָתַ֣י יַחְשֹֽׂךְ׃ ʾaʾamitsekhem bemow־fiy weniyd sefatay yaḥesokhe׃

⁶ אִֽם־אֲ֭דַבְּרָה לֹא־יֵחָשֵׂ֣ךְ כְּאֵבִ֑י וְ֝אַחְדְּלָ֗ה מַה־מִנִּ֥י יַהֲלֹֽךְ׃ ʾim־ʾadaberah loʾ־yeḥasekhe keʾeviy weʾaḥedelah mah־miniy yahalokhe׃

⁷ אַךְ־עַתָּ֥ה הֶלְאָ֑נִי הֲ֝שִׁמֹּ֗ותָ כָּל־עֲדָתִֽי׃ ʾakhe־ʿatah heleʾaniy hashimowta kal־ʿadatiy׃

⁸ וַֽ֭תִּקְמְטֵנִי לְעֵ֣ד הָיָ֑ה וַיָּ֥קָם בִּ֥י כַ֝חֲשִׁ֗י בְּפָנַ֥י יַעֲנֶֽה׃ watiqemeṭeniy leʿed hayah wayaqam biy khaḥashiy befanay yaʿaneh׃

⁹ אַפֹּ֤ו טָרַ֨ף ׀ וַֽיִּשְׂטְמֵ֗נִי חָרַ֣ק עָלַ֣י בְּשִׁנָּ֑יו צָרִ֓י ׀ יִלְטֹ֖ושׁ עֵינָ֣יו לִֽי׃ ʾapow ṭaraf ׀ wayiseṭemeniy ḥaraq ʿalay beshinayw tsariy ׀ yileṭowsh ʿeynayw liy׃

¹⁰ פָּעֲר֬וּ עָלַ֨י ׀ בְּפִיהֶ֗ם בְּ֭חֶרְפָּה הִכּ֣וּ לְחָיָ֑י יַ֝֗חַד עָלַ֥י יִתְמַלָּאֽוּן׃ paʿaru ʿalay ׀ befiyhem beḥerepah hiku leḥayay yaḥad ʿalay yitemalaʾun׃

¹¹ יַסְגִּירֵ֣נִי אֵ֭ל אֶ֣ל עֲוִ֑יל וְעַל־יְדֵ֖י רְשָׁעִ֣ים יִרְטֵֽנִי׃ yasegiyreniy ʾel ʾel ʿawiyl weʿal־yedey reshaʿiym yireṭeniy׃

¹² שָׁ֘לֵ֤ו הָיִ֨יתִי ׀ וַֽיְפַרְפְּרֵ֗נִי וְאָחַ֣ז בְּ֭עָרְפִּי וַֽיְפַצְפְּצֵ֑נִי וַיְקִימֵ֥נִי לֹ֝֗ו לְמַטָּרָֽה׃ shalew hayiytiy ׀ wayefarepereniy weʾaḥaz beʿarepiy wayefatsepetseniy wayeqiymeniy low lemaṭarah׃

¹³ יָ֘סֹ֤בּוּ עָלַ֨י ׀ רַבָּ֗יו יְפַלַּ֣ח כִּ֭לְיֹותַי וְלֹ֣א יַחְמֹ֑ול יִשְׁפֹּ֥ךְ לָ֝אָ֗רֶץ מְרֵרָֽתִי׃ yasobu ʿalay ׀ rabayw yefalaḥ kileyowtay weloʾ yaḥemowl yishepokhe laʾarets mereratiy׃

¹⁴ יִפְרְצֵ֣נִי פֶ֭רֶץ עַל־פְּנֵי־פָ֑רֶץ יָרֻ֖ץ עָלַ֣י כְּגִבֹּֽור׃ yiferetseniy ferets ʿal־peney־farets yaruts ʿalay kegibowr׃

¹⁵ שַׂ֣ק תָּ֭פַרְתִּי עֲלֵ֣י גִלְדִּ֑י וְעֹלַ֖לְתִּי בֶעָפָ֣ר קַרְנִֽי׃ saq tafaretiy ʿaley gilediy weʿolaletiy veʿafar qareniy׃

¹⁶ פָּנַ֣י [חֳמַרְמְרָה כ] (חֳ֭מַרְמְרוּ ק) מִנִּי־בֶ֑כִי וְעַ֖ל עַפְעַפַּ֣י צַלְמָֽוֶת׃ panay [ḥomaremerah kh] (ḥomaremeru q) miniy־vekhiy weʿal ʿafeʿapay tsalemawet׃

¹⁷ עַ֭ל לֹא־חָמָ֣ס בְּכַפָּ֑י וּֽתְפִלָּתִ֥י זַכָּֽה׃ ʿal loʾ־ḥamas bekhapay utefilatiy zakah׃

¹⁸ אֶ֭רֶץ אַל־תְּכַסִּ֣י דָמִ֑י וְֽאַל־יְהִ֥י מָ֝קֹ֗ום לְזַעֲקָתִֽי׃ ʾerets ʾal־tekhasiy damiy weʾal־yehiy maqowm lezaʿaqatiy׃

¹⁹ גַּם־עַ֭תָּה הִנֵּה־בַשָּׁמַ֣יִם עֵדִ֑י וְ֝שָׂהֲדִ֗י בַּמְּרֹומִֽים׃ gam־ʿatah hineh־vashamayim ʿediy wesahadiy bamerowmiym׃

²⁰ מְלִיצַ֥י רֵעָ֑י אֶל־אֱ֝לֹ֗והַ דָּלְפָ֥ה עֵינִֽי׃ meliytsay reʿay ʾel־ʾelowha dalefah ʿeyniy׃

²¹ וְיֹוכַ֣ח לְגֶ֣בֶר עִם־אֱלֹ֑והַּ וּֽבֶן־אָדָ֥ם לְרֵעֵֽהוּ׃ weyowkhaḥ legever ʿim־ʾelowha uven־ʾadam lereʿehu׃

²² כִּֽי־שְׁנֹ֣ות מִסְפָּ֣ר יֶאֱתָ֑יוּ וְאֹ֖רַח לֹא־אָשׁ֣וּב אֶהֱלֹֽךְ׃ kiy־shenowt misepar yeʾetayu weʾoraḥ loʾ־ʾashuv ʾehelokhe׃