1 כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י מֹואָ֔ב וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־שָׂרְפֹ֛ו עַצְמֹ֥ות מֶֽלֶךְ־אֱדֹ֖ום לַשִּֽׂיד׃ koh ʾamar yehwah ʿal־sheloshah pisheʿey mowʾav weʿal־ʾarebaʿah loʾ ʾashiyvenu ʿal־sarefow ʿatsemowt melekhe־ʾedowm lasiyd׃
2 וְשִׁלַּחְתִּי־אֵ֣שׁ בְּמֹואָ֔ב וְאָכְלָ֖ה אַרְמְנֹ֣ות הַקְּרִיֹּ֑ות וּמֵ֤ת בְּשָׁאֹון֙ מֹואָ֔ב בִּתְרוּעָ֖ה בְּקֹ֥ול שֹׁופָֽר׃ weshilaḥetiy־ʾesh bemowʾav weʾakhelah ʾaremenowt haqeriyowt umet beshaʾown mowʾav biteruʿah beqowl showfar׃
3 וְהִכְרַתִּ֥י שֹׁופֵ֖ט מִקִּרְבָּ֑הּ וְכָל־שָׂרֶ֛יהָ אֶהֱרֹ֥וג עִמֹּ֖ו אָמַ֥ר יְהוָֽה׃ פ wehikheratiy showfeṭ miqirebah wekhal־sareyha ʾeherowg ʿimow ʾamar yehwah׃ f
4 כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י יְהוּדָ֔ה וְעַל־אַרְבָּעָ֖ה לֹ֣א אֲשִׁיבֶ֑נּוּ עַֽל־מָאֳסָ֞ם אֶת־תֹּורַ֣ת יְהוָ֗ה וְחֻקָּיו֙ לֹ֣א שָׁמָ֔רוּ וַיַּתְעוּם֙ כִּזְבֵיהֶ֔ם אֲשֶׁר־הָלְכ֥וּ אֲבֹותָ֖ם אַחֲרֵיהֶֽם׃ koh ʾamar yehwah ʿal־sheloshah pisheʿey yehudah weʿal־ʾarebaʿah loʾ ʾashiyvenu ʿal־maʾosam ʾet־towrat yehwah weḥuqayw loʾ shamaru wayateʿum kizeveyhem ʾasher־halekhu ʾavowtam ʾaḥareyhem׃
5 וְשִׁלַּ֥חְתִּי אֵ֖שׁ בִּֽיהוּדָ֑ה וְאָכְלָ֖ה אַרְמְנֹ֥ות יְרוּשָׁלִָֽם׃ פ weshilaḥetiy ʾesh biyhudah weʾakhelah ʾaremenowt yerushalim׃ f
6 כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י יִשְׂרָאֵ֔ל וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־מִכְרָ֤ם בַּכֶּ֙סֶף֙ צַדִּ֔יק וְאֶבְיֹ֖ון בַּעֲב֥וּר נַעֲלָֽיִם׃ koh ʾamar yehwah ʿal־sheloshah pisheʿey yiseraʾel weʿal־ʾarebaʿah loʾ ʾashiyvenu ʿal־mikheram bakesef tsadiyq weʾeveyown baʿavur naʿalayim׃
7 הַשֹּׁאֲפִ֤ים עַל־עֲפַר־אֶ֙רֶץ֙ בְּרֹ֣אשׁ דַּלִּ֔ים וְדֶ֥רֶךְ עֲנָוִ֖ים יַטּ֑וּ וְאִ֣ישׁ וְאָבִ֗יו יֵֽלְכוּ֙ אֶל־הַֽנַּעֲרָ֔ה לְמַ֥עַן חַלֵּ֖ל אֶת־שֵׁ֥ם קָדְשִֽׁי׃ hashoʾafiym ʿal־ʿafar־ʾerets beroʾsh daliym wederekhe ʿanawiym yaṭu weʾiysh weʾaviyw yelekhu ʾel־hanaʿarah lemaʿan ḥalel ʾet־shem qadeshiy׃
8 וְעַל־בְּגָדִ֤ים חֲבֻלִים֙ יַטּ֔וּ אֵ֖צֶל כָּל־מִזְבֵּ֑חַ וְיֵ֤ין עֲנוּשִׁים֙ יִשְׁתּ֔וּ בֵּ֖ית אֱלֹהֵיהֶֽם׃ weʿal־begadiym ḥavuliym yaṭu ʾetsel kal־mizebeaḥ weyeyn ʿanushiym yishetu beyt ʾeloheyhem׃
9 וְאָ֨נֹכִ֜י הִשְׁמַ֤דְתִּי אֶת־הָֽאֱמֹרִי֙ מִפְּנֵיהֶ֔ם אֲשֶׁ֨ר כְּגֹ֤בַהּ אֲרָזִים֙ גָּבְהֹ֔ו וְחָסֹ֥ן ה֖וּא כָּֽאַלֹּונִ֑ים וָאַשְׁמִ֤יד פִּרְיֹו֙ מִמַּ֔עַל וְשָׁרָשָׁ֖יו מִתָּֽחַת׃ weʾanokhiy hishemadetiy ʾet־haʾemoriy mipeneyhem ʾasher kegovah ʾaraziym gavehow weḥason huʾ kaʾalowniym waʾashemiyd pireyow mimaʿal wesharashayw mitaḥat׃
10 וְאָנֹכִ֛י הֶעֱלֵ֥יתִי אֶתְכֶ֖ם מֵאֶ֣רֶץ מִצְרָ֑יִם וָאֹולֵ֨ךְ אֶתְכֶ֤ם בַּמִּדְבָּר֙ אַרְבָּעִ֣ים שָׁנָ֔ה לָרֶ֖שֶׁת אֶת־אֶ֥רֶץ הָאֱמֹרִֽי׃ weʾanokhiy heʿeleytiy ʾetekhem meʾerets mitserayim waʾowlekhe ʾetekhem bamidebar ʾarebaʿiym shanah lareshet ʾet־ʾerets haʾemoriy׃
11 וָאָקִ֤ים מִבְּנֵיכֶם֙ לִנְבִיאִ֔ים וּמִבַּחוּרֵיכֶ֖ם לִנְזִרִ֑ים הַאַ֥ף אֵֽין־זֹ֛את בְּנֵ֥י יִשְׂרָאֵ֖ל נְאֻם־יְהוָֽה׃ waʾaqiym mibeneykhem lineviyʾiym umibaḥureykhem lineziriym haʾaf ʾeyn־zoʾt beney yiseraʾel neʾum־yehwah׃
12 וַתַּשְׁק֥וּ אֶת־הַנְּזִרִ֖ים יָ֑יִן וְעַל־הַנְּבִיאִים֙ צִוִּיתֶ֣ם לֵאמֹ֔ר לֹ֖א תִּנָּבְאֽוּ׃ watashequ ʾet־haneziriym yayin weʿal־haneviyʾiym tsiuiytem leʾmor loʾ tinaveʾu׃
13 הִנֵּ֛ה אָנֹכִ֥י מֵעִ֖יק תַּחְתֵּיכֶ֑ם כַּאֲשֶׁ֤ר תָּעִיק֙ הָעֲגָלָ֔ה הַֽמְלֵאָ֥ה לָ֖הּ עָמִֽיר׃ hineh ʾanokhiy meʿiyq taḥeteykhem kaʾasher taʿiyq haʿagalah hameleʾah lah ʿamiyr׃
14 וְאָבַ֤ד מָנֹוס֙ מִקָּ֔ל וְחָזָ֖ק לֹא־יְאַמֵּ֣ץ כֹּחֹ֑ו וְגִבֹּ֖ור לֹא־יְמַלֵּ֥ט נַפְשֹֽׁו׃ weʾavad manows miqal weḥazaq loʾ־yeʾamets koḥow wegibowr loʾ־yemaleṭ nafeshow׃
15 וְתֹפֵ֤שׂ הַקֶּ֙שֶׁת֙ לֹ֣א יַעֲמֹ֔ד וְקַ֥ל בְּרַגְלָ֖יו לֹ֣א יְמַלֵּ֑ט וְרֹכֵ֣ב הַסּ֔וּס לֹ֥א יְמַלֵּ֖ט נַפְשֹֽׁו׃ wetofes haqeshet loʾ yaʿamod weqal beragelayw loʾ yemaleṭ werokhev hasus loʾ yemaleṭ nafeshow׃
16 וְאַמִּ֥יץ לִבֹּ֖ו בַּגִּבֹּורִ֑ים עָרֹ֛ום יָנ֥וּס בַּיֹּום־הַה֖וּא נְאֻם־יְהוָֽה׃ פ weʾamiyts libow bagibowriym ʿarowm yanus bayowm־hahuʾ neʾum־yehwah׃ f