1 Chroniques 12

¹ וְאֵ֗לֶּה הַבָּאִ֤ים אֶל־דָּוִיד֙ לְצִ֣יקְלַ֔ג עֹ֣וד עָצ֔וּר מִפְּנֵ֖י שָׁא֣וּל בֶּן־קִ֑ישׁ וְהֵ֙מָּה֙ בַּגִּבֹּורִ֔ים עֹזְרֵ֖י הַמִּלְחָמָֽה׃ weʾeleh habaʾiym ʾel־dawiyd letsiyqelag ʿowd ʿatsur mipeney shaʾul ben־qiysh wehemah bagibowriym ʿozerey hamileḥamah׃

² נֹ֣שְׁקֵי קֶ֗שֶׁת מַיְמִינִ֤ים וּמַשְׂמִאלִים֙ בָּֽאֲבָנִ֔ים וּבַחִצִּ֖ים בַּקָּ֑שֶׁת מֵאֲחֵ֥י שָׁא֖וּל מִבִּנְיָמִֽן׃ nosheqey qeshet mayemiyniym umasemiʾliym baʾavaniym uvaḥitsiym baqashet meʾaḥey shaʾul mibineyamin׃

³ הָרֹ֨אשׁ אֲחִיעֶ֜זֶר וְיֹואָ֗שׁ בְּנֵי֙ הַשְּׁמָעָ֣ה הַגִּבְעָתִ֔י [וִיזוּאֵל כ] (וִיזִיאֵ֥ל ק) וָפֶ֖לֶט בְּנֵ֣י עַזְמָ֑וֶת וּבְרָכָ֕ה וְיֵה֖וּא הָעֲנְּתֹתִֽי׃ haroʾsh ʾaḥiyʿezer weyowʾash beney hashemaʿah hagiveʿatiy [wiyzuʾel kh] (wiyziyʾel q) wafeleṭ beney ʿazemawet uverakhah weyehuʾ haʿanetotiy׃

⁴ וְיִֽשְׁמַֽעְיָ֧ה הַגִּבְעֹונִ֛י גִּבֹּ֥ור בַּשְּׁלֹשִׁ֖ים וְעַל־הַשְּׁלֹשִֽׁים׃ weyishemaʿeyah hagiveʿowniy gibowr basheloshiym weʿal־hasheloshiym׃

⁵ וְיִרְמְיָ֤ה וְיַחֲזִיאֵל֙ וְיֹ֣וחָנָ֔ן וְיֹוזָבָ֖ד הַגְּדֵרָתִֽי׃ weyiremeyah weyaḥaziyʾel weyowḥanan weyowzavad hagederatiy׃

⁶ אֶלְעוּזַ֤י וִירִימֹות֙ וּבְעַלְיָ֣ה וּשְׁמַרְיָ֔הוּ וּשְׁפַטְיָ֖הוּ [הַחֲרִיפִי כ] (הַחֲרוּפִֽי׃ ק) ʾeleʿuzay wiyriymowt uveʿaleyah ushemareyahu ushefaṭeyahu [haḥariyfiy kh] (haḥarufiy׃ q)

⁷ אֶלְקָנָ֡ה וְ֠יִשִּׁיָּהוּ וַעֲזַרְאֵ֧ל וְיֹועֶ֛זֶר וְיָשָׁבְעָ֖ם הַקָּרְחִֽים׃ ʾeleqanah weyishiyahu waʿazareʾel weyowʿezer weyashaveʿam haqareḥiym׃

⁸ וְיֹועֵאלָ֧ה וּזְבַדְיָ֛ה בְּנֵ֥י יְרֹחָ֖ם מִן־הַגְּדֹֽור׃ weyowʿeʾlah uzevadeyah beney yeroḥam min־hagedowr׃

⁹ וּמִן־הַגָּדִ֡י נִבְדְּל֣וּ אֶל־דָּוִיד֩ לַמְצַ֨ד מִדְבָּ֜רָה גִּבֹּרֵ֣י הַחַ֗יִל אַנְשֵׁ֤י צָבָא֙ לַמִּלְחָמָ֔ה עֹרְכֵ֥י צִנָּ֖ה וָרֹ֑מַח וּפְנֵ֤י אַרְיֵה֙ פְּנֵיהֶ֔ם וְכִצְבָאיִ֥ם עַל־הֶהָרִ֖ים לְמַהֵֽר׃ ס umin־hagadiy nivedelu ʾel־dawiyd lametsad midebarah giborey haḥayil ʾaneshey tsavaʾ lamileḥamah ʿorekhey tsinah waromaḥ ufeney ʾareyeh peneyhem wekhitsevaʾyim ʿal־hehariym lemaher׃ s

¹⁰ עֵ֖זֶר הָרֹ֑אשׁ עֹבַדְיָה֙ הַשֵּׁנִ֔י אֱלִיאָ֖ב הַשְּׁלִשִֽׁי׃ ʿezer haroʾsh ʿovadeyah hasheniy ʾeliyʾav hashelishiy׃

¹¹ מִשְׁמַנָּה֙ הָרְבִיעִ֔י יִרְמְיָ֖ה הַחֲמִשִֽׁי׃ mishemanah hareviyʿiy yiremeyah haḥamishiy׃

¹² עַתַּי֙ הַשִּׁשִּׁ֔י אֱלִיאֵ֖ל הַשְּׁבִעִֽי׃ ʿatay hashishiy ʾeliyʾel hasheviʿiy׃

¹³ יֹֽוחָנָן֙ הַשְּׁמִינִ֔י אֶלְזָבָ֖ד הַתְּשִׁיעִֽי׃ yowḥanan hashemiyniy ʾelezavad hateshiyʿiy׃

¹⁴ יִרְמְיָ֙הוּ֙ הָעֲשִׂירִ֔י ס מַכְבַּנַּ֖י עַשְׁתֵּ֥י עָשָֽׂר׃ yiremeyahu haʿasiyriy s makhebanay ʿashetey ʿasar׃

¹⁵ אֵ֥לֶּה מִבְּנֵי־גָ֖ד רָאשֵׁ֣י הַצָּבָ֑א אֶחָ֤ד לְמֵאָה֙ הַקָּטָ֔ן וְהַגָּדֹ֖ול לְאָֽלֶף׃ ʾeleh mibeney־gad raʾshey hatsavaʾ ʾeḥad lemeʾah haqaṭan wehagadowl leʾalef׃

¹⁶ אֵ֣לֶּה הֵ֗ם אֲשֶׁ֨ר עָבְר֤וּ אֶת־הַיַּרְדֵּן֙ בַּחֹ֣דֶשׁ הָרִאשֹׁ֔ון וְה֥וּא מְמַלֵּ֖א עַל־כָּל־ [גִּדיֹתָיו כ] (גְּדֹותָ֑יו ק) וַיַּבְרִ֙יחוּ֙ אֶת־כָּל־הָ֣עֲמָקִ֔ים לַמִּזְרָ֖ח וְלַֽמַּעֲרָֽב׃ ס ʾeleh hem ʾasher ʿaveru ʾet־hayareden baḥodesh hariʾshown wehuʾ memaleʾ ʿal־kal־ [gidyotayw kh] (gedowtayw q) wayaveriyḥu ʾet־kal־haʿamaqiym lamizeraḥ welamaʿarav׃ s

¹⁷ וַיָּבֹ֗אוּ מִן־בְּנֵ֤י בִנְיָמִן֙ וִֽיהוּדָ֔ה עַד־לַמְצָ֖ד לְדָוִֽיד׃ wayavoʾu min־beney vineyamin wiyhudah ʿad־lametsad ledawiyd׃

¹⁸ וַיֵּצֵ֣א דָוִיד֮ לִפְנֵיהֶם֒ וַיַּ֙עַן֙ וַיֹּ֣אמֶר לָהֶ֔ם אִם־לְשָׁלֹ֞ום בָּאתֶ֤ם אֵלַי֙ לְעָזְרֵ֔נִי יִֽהְיֶה־לִּ֧י עֲלֵיכֶ֛ם לֵבָ֖ב לְיָ֑חַד וְאִֽם־לְרַמֹּותַ֣נִי לְצָרַ֗י בְּלֹ֤א חָמָס֙ בְּכַפַּ֔י יֵ֛רֶא אֱלֹהֵ֥י אֲבֹותֵ֖ינוּ וְיֹוכַֽח׃ ס wayetseʾ dawiyd lifeneyhem wayaʿan wayoʾmer lahem ʾim־leshalowm baʾtem ʾelay leʿazereniy yiheyeh־liy ʿaleykhem levav leyaḥad weʾim־leramowtaniy letsaray beloʾ ḥamas bekhapay yereʾ ʾelohey ʾavowteynu weyowkhaḥ׃ s

¹⁹ וְר֣וּחַ לָבְשָׁ֗ה אֶת־עֲמָשַׂי֮ רֹ֣אשׁ [הַשְּׁלֹושִׁים כ] (הַשָּׁלִישִׁים֒ ק) לְךָ֤ דָוִיד֙ וְעִמְּךָ֣ בֶן־יִשַׁ֔י שָׁלֹ֨ום ׀ שָׁלֹ֜ום לְךָ֗ וְשָׁלֹום֙ לְעֹ֣זְרֶ֔ךָ כִּ֥י עֲזָרְךָ֖ אֱלֹהֶ֑יךָ וַיְקַבְּלֵ֣ם דָּוִ֔יד וַֽיִּתְּנֵ֖ם בְּרָאשֵׁ֥י הַגְּדֽוּד׃ פ weruaḥ laveshah ʾet־ʿamasay roʾsh [hashelowshiym kh] (hashaliyshiym q) lekha dawiyd weʿimekha ven־yishay shalowm ׀ shalowm lekha weshalowm leʿozerekha kiy ʿazarekha ʾeloheykha wayeqabelem dawiyd wayitenem beraʾshey hagedud׃ f

²⁰ וּמִֽמְּנַשֶּׁ֞ה נָפְל֣וּ עַל־דָּוִ֗יד בְּבֹאֹ֨ו עִם־פְּלִשְׁתִּ֧ים עַל־שָׁא֛וּל לַמִּלְחָמָ֖ה וְלֹ֣א עֲזָרֻ֑ם כִּ֣י בְעֵצָ֗ה שִׁלְּחֻ֜הוּ סַרְנֵ֤י פְלִשְׁתִּים֙ לֵאמֹ֔ר בְּרָאשֵׁ֕ינוּ יִפֹּ֖ול אֶל־אֲדֹנָ֥יו שָׁאֽוּל׃ umimenasheh nafelu ʿal־dawiyd bevoʾow ʿim־pelishetiym ʿal־shaʾul lamileḥamah weloʾ ʿazarum kiy veʿetsah shileḥuhu sareney felishetiym leʾmor beraʾsheynu yipowl ʾel־ʾadonayw shaʾul׃

²¹ בְּלֶכְתֹּ֣ו אֶל־צִֽיקְלַ֗ג נָפְל֣וּ עָלָ֣יו ׀ מִֽמְּנַשֶּׁ֡ה עַ֠דְנַח וְיֹוזָבָ֤ד וִידִֽיעֲאֵל֙ וּמִיכָאֵ֣ל וְיֹוזָבָ֔ד וֶאֱלִיה֖וּא וְצִלְּתָ֑י רָאשֵׁ֥י הָאֲלָפִ֖ים אֲשֶׁ֥ר לִמְנַשֶּֽׁה׃ belekhetow ʾel־tsiyqelag nafelu ʿalayw ׀ mimenasheh ʿadenaḥ weyowzavad wiydiyʿaʾel umiykhaʾel weyowzavad weʾeliyhuʾ wetsiletay raʾshey haʾalafiym ʾasher limenasheh׃

²² וְהֵ֗מָּה עָזְר֤וּ עִם־דָּוִיד֙ עַֽל־הַגְּד֔וּד כִּֽי־גִבֹּ֥ורֵי חַ֖יִל כֻּלָּ֑ם וַיִּהְי֥וּ שָׂרִ֖ים בַּצָּבָֽא׃ wehemah ʿazeru ʿim־dawiyd ʿal־hagedud kiy־gibowrey ḥayil kulam wayiheyu sariym batsavaʾ׃

²³ כִּ֚י לְעֶת־יֹ֣ום בְּיֹ֔ום יָבֹ֥אוּ עַל־דָּוִ֖יד לְעָזְרֹ֑ו עַד־לְמַחֲנֶ֥ה גָדֹ֖ול כְּמַחֲנֵ֥ה אֱלֹהִֽים׃ פ kiy leʿet־yowm beyowm yavoʾu ʿal־dawiyd leʿazerow ʿad־lemaḥaneh gadowl kemaḥaneh ʾelohiym׃ f

²⁴ וְ֠אֵלֶּה מִסְפְּרֵ֞י רָאשֵׁ֤י הֶֽחָלוּץ֙ לַצָּבָ֔א בָּ֥אוּ עַל־דָּוִ֖יד חֶבְרֹ֑ונָה לְהָסֵ֞ב מַלְכ֥וּת שָׁא֛וּל אֵלָ֖יו כְּפִ֥י יְהוָֽה׃ ס weʾeleh miseperey raʾshey heḥaluts latsavaʾ baʾu ʿal־dawiyd ḥeverownah lehasev malekhut shaʾul ʾelayw kefiy yehwah׃ s

²⁵ בְּנֵ֣י יְהוּדָ֔ה נֹשְׂאֵ֥י צִנָּ֖ה וָרֹ֑מַח שֵׁ֧שֶׁת אֲלָפִ֛ים וּשְׁמֹונֶ֥ה מֵאֹ֖ות חֲלוּצֵ֥י צָבָֽא׃ ס beney yehudah noseʾey tsinah waromaḥ sheshet ʾalafiym ushemowneh meʾowt ḥalutsey tsavaʾ׃ s

²⁶ מִן־בְּנֵ֣י שִׁמְעֹ֗ון גִּבֹּ֤ורֵי חַ֙יִל֙ לַצָּבָ֔א שִׁבְעַ֥ת אֲלָפִ֖ים וּמֵאָֽה׃ ס min־beney shimeʿown gibowrey ḥayil latsavaʾ shiveʿat ʾalafiym umeʾah׃ s

²⁷ מִן־בְּנֵי֙ הַלֵּוִ֔י אַרְבַּ֥עַת אֲלָפִ֖ים וְשֵׁ֥שׁ מֵאֹֽות׃ ס min־beney halewiy ʾarebaʿat ʾalafiym weshesh meʾowt׃ s

²⁸ וִיהֹויָדָ֖ע הַנָּגִ֣יד לְאַהֲרֹ֑ן וְעִמֹּ֕ו שְׁלֹ֥שֶׁת אֲלָפִ֖ים וּשְׁבַ֥ע מֵאֹֽות׃ ס wiyhowyadaʿ hanagiyd leʾaharon weʿimow sheloshet ʾalafiym ushevaʿ meʾowt׃ s

²⁹ וְצָדֹ֥וק נַ֖עַר גִּבֹּ֣ור חָ֑יִל וּבֵית־אָבִ֥יו שָׂרִ֖ים עֶשְׂרִ֥ים וּשְׁנָֽיִם׃ ס wetsadowq naʿar gibowr ḥayil uveyt־ʾaviyw sariym ʿeseriym ushenayim׃ s

³⁰ וּמִן־בְּנֵ֧י בִנְיָמִ֛ן אֲחֵ֥י שָׁא֖וּל שְׁלֹ֣שֶׁת אֲלָפִ֑ים וְעַד־הֵ֙נָּה֙ מַרְבִּיתָ֔ם שֹׁמְרִ֕ים מִשְׁמֶ֖רֶת בֵּ֥ית שָׁאֽוּל׃ ס umin־beney vineyamin ʾaḥey shaʾul sheloshet ʾalafiym weʿad־henah marebiytam shomeriym mishemeret beyt shaʾul׃ s

³¹ וּמִן־בְּנֵ֣י אֶפְרַ֔יִם עֶשְׂרִ֥ים אֶ֖לֶף וּשְׁמֹונֶ֣ה מֵאֹ֑ות גִּבֹּ֣ורֵי חַ֔יִל אַנְשֵׁ֥י שֵׁמֹ֖ות לְבֵ֥ית אֲבֹותָֽם׃ ס umin־beney ʾeferayim ʿeseriym ʾelef ushemowneh meʾowt gibowrey ḥayil ʾaneshey shemowt leveyt ʾavowtam׃ s

³² וּמֵחֲצִי֙ מַטֵּ֣ה מְנַשֶּׁ֔ה שְׁמֹונָ֥ה עָשָׂ֖ר אָ֑לֶף אֲשֶׁ֤ר נִקְּבוּ֙ בְּשֵׁמֹ֔ות לָבֹ֖וא לְהַמְלִ֥יךְ אֶת־דָּוִֽיד׃ ס umeḥatsiy maṭeh menasheh shemownah ʿasar ʾalef ʾasher niqevu beshemowt lavowʾ lehameliykhe ʾet־dawiyd׃ s

³³ וּמִבְּנֵ֣י יִשָּׂשכָ֗ר יֹודְעֵ֤י בִינָה֙ לַֽעִתִּ֔ים לָדַ֖עַת מַה־יַּעֲשֶׂ֣ה יִשְׂרָאֵ֑ל רָאשֵׁיהֶ֣ם מָאתַ֔יִם וְכָל־אֲחֵיהֶ֖ם עַל־פִּיהֶֽם׃ ס umibeney yisashkhar yowdeʿey viynah laʿitiym ladaʿat mah־yaʿaseh yiseraʾel raʾsheyhem maʾtayim wekhal־ʾaḥeyhem ʿal־piyhem׃ s

³⁴ מִזְּבֻל֞וּן יֹוצְאֵ֣י צָבָ֗א עֹרְכֵ֧י מִלְחָמָ֛ה בְּכָל־כְּלֵ֥י מִלְחָמָ֖ה חֲמִשִּׁ֣ים אָ֑לֶף וְלַעֲדֹ֖ר בְּלֹא־לֵ֥ב וָלֵֽב׃ ס mizevulun yowtseʾey tsavaʾ ʿorekhey mileḥamah bekhal־keley mileḥamah ḥamishiym ʾalef welaʿador beloʾ־lev walev׃ s

³⁵ וּמִנַּפְתָּלִ֖י שָׂרִ֣ים אָ֑לֶף וְעִמָּהֶם֙ בְּצִנָּ֣ה וַחֲנִ֔ית שְׁלֹשִׁ֥ים וְשִׁבְעָ֖ה אָֽלֶף׃ ס uminafetaliy sariym ʾalef weʿimahem betsinah waḥaniyt sheloshiym weshiveʿah ʾalef׃ s

³⁶ וּמִן־הַדָּנִי֙ עֹרְכֵ֣י מִלְחָמָ֔ה עֶשְׂרִֽים־וּשְׁמֹונָ֥ה אֶ֖לֶף וְשֵׁ֥שׁ מֵאֹֽות׃ ס umin־hadaniy ʿorekhey mileḥamah ʿeseriym־ushemownah ʾelef weshesh meʾowt׃ s

³⁷ וּמֵאָשֵׁ֗ר יֹוצְאֵ֥י צָבָ֛א לַעֲרֹ֥ךְ מִלְחָמָ֖ה אַרְבָּעִ֥ים אָֽלֶף׃ ס umeʾasher yowtseʾey tsavaʾ laʿarokhe mileḥamah ʾarebaʿiym ʾalef׃ s

³⁸ וּמֵעֵ֣בֶר לַ֠יַּרְדֵּן מִן־הָראוּבֵנִ֨י וְהַגָּדִ֜י וַחֲצִ֣י ׀ שֵׁ֣בֶט מְנַשֶּׁ֗ה בְּכֹל֙ כְּלֵי֙ צְבָ֣א מִלְחָמָ֔ה מֵאָ֥ה וְעֶשְׂרִ֖ים אָֽלֶף׃ umeʿever layareden min־harʾuveniy wehagadiy waḥatsiy ׀ sheveṭ menasheh bekhol keley tsevaʾ mileḥamah meʾah weʿeseriym ʾalef׃

³⁹ כָּל־אֵ֜לֶּה אַנְשֵׁ֣י מִלְחָמָה֮ עֹדְרֵ֣י מַעֲרָכָה֒ בְּלֵבָ֤ב שָׁלֵם֙ בָּ֣אוּ חֶבְרֹ֔ונָה לְהַמְלִ֥יךְ אֶת־דָּוִ֖יד עַל־כָּל־יִשְׂרָאֵ֑ל וְ֠גַם כָּל־שֵׁרִ֧ית יִשְׂרָאֵ֛ל לֵ֥ב אֶחָ֖ד לְהַמְלִ֥יךְ אֶת־דָּוִֽיד׃ kal־ʾeleh ʾaneshey mileḥamah ʿoderey maʿarakhah belevav shalem baʾu ḥeverownah lehameliykhe ʾet־dawiyd ʿal־kal־yiseraʾel wegam kal־sheriyt yiseraʾel lev ʾeḥad lehameliykhe ʾet־dawiyd׃

⁴⁰ וַיִּהְיוּ־שָׁ֤ם עִם־דָּוִיד֙ יָמִ֣ים שְׁלֹושָׁ֔ה אֹכְלִ֖ים וְשֹׁותִ֑ים כִּֽי־הֵכִ֥ינוּ לָהֶ֖ם אֲחֵיהֶֽם׃ wayiheyu־sham ʿim־dawiyd yamiym shelowshah ʾokheliym weshowtiym kiy־hekhiynu lahem ʾaḥeyhem׃

⁴¹ וְגַ֣ם הַקְּרֹֽובִים־אֲ֠לֵיהֶם עַד־יִשָׂשכָ֨ר וּזְבֻל֜וּן וְנַפְתָּלִ֗י מְבִיאִ֣ים לֶ֡חֶם בַּחֲמֹורִ֣ים וּבַגְּמַלִּ֣ים וּבַפְּרָדִ֣ים ׀ וּֽבַבָּקָ֡ר מַאֲכָ֡ל קֶ֠מַח דְּבֵלִ֨ים וְצִמּוּקִ֧ים וְיַֽיִן־וְשֶׁ֛מֶן וּבָקָ֥ר וְצֹ֖אן לָרֹ֑ב כִּ֥י שִׂמְחָ֖ה בְּיִשְׂרָאֵֽל׃ פ wegam haqerowviym־ʾaleyhem ʿad־yisashkhar uzevulun wenafetaliy meviyʾiym leḥem baḥamowriym uvagemaliym uvaperadiym ׀ uvabaqar maʾakhal qemaḥ develiym wetsimuqiym weyayin־weshemen uvaqar wetsoʾn larov kiy simeḥah beyiseraʾel׃ f