Exode 8

¹ וַיֹּ֣אמֶר יְהוָה֮ אֶל־מֹשֶׁה֒ אֱמֹ֣ר אֶֽל־אַהֲרֹ֗ן נְטֵ֤ה אֶת־יָדְךָ֙ בְּמַטֶּ֔ךָ עַל־הַ֨נְּהָרֹ֔ת עַל־הַיְאֹרִ֖ים וְעַל־הָאֲגַמִּ֑ים וְהַ֥עַל אֶת־הַֽצְפַרְדְּעִ֖ים עַל־אֶ֥רֶץ מִצְרָֽיִם׃ wayoʾmer yehwah ʾel־mosheh ʾemor ʾel־ʾaharon neṭeh ʾet־yadekha bemaṭekha ʿal־haneharot ʿal־hayeʾoriym weʿal־haʾagamiym wehaʿal ʾet־hatsefaredeʿiym ʿal־ʾerets mitserayim׃

² וַיֵּ֤ט אַהֲרֹן֙ אֶת־יָדֹ֔ו עַ֖ל מֵימֵ֣י מִצְרָ֑יִם וַתַּ֙עַל֙ הַצְּפַרְדֵּ֔עַ וַתְּכַ֖ס אֶת־אֶ֥רֶץ מִצְרָֽיִם׃ wayeṭ ʾaharon ʾet־yadow ʿal meymey mitserayim wataʿal hatsefaredeaʿ watekhas ʾet־ʾerets mitserayim׃

³ וַיַּֽעֲשׂוּ־כֵ֥ן הַֽחֲרְטֻמִּ֖ים בְּלָטֵיהֶ֑ם וַיַּעֲל֥וּ אֶת־הַֽצְפַרְדְּעִ֖ים עַל־אֶ֥רֶץ מִצְרָֽיִם׃ wayaʿasu־khen haḥareṭumiym belaṭeyhem wayaʿalu ʾet־hatsefaredeʿiym ʿal־ʾerets mitserayim׃

⁴ וַיִּקְרָ֨א פַרְעֹ֜ה לְמֹשֶׁ֣ה וּֽלְאַהֲרֹ֗ן וַיֹּ֙אמֶר֙ הַעְתִּ֣ירוּ אֶל־יְהוָ֔ה וְיָסֵר֙ הַֽצְפַרְדְּעִ֔ים מִמֶּ֖נִּי וּמֵֽעַמִּ֑י וַאֲשַׁלְּחָה֙ אֶת־הָעָ֔ם וְיִזְבְּח֖וּ לַיהוָֽה׃ wayiqeraʾ fareʿoh lemosheh uleʾaharon wayoʾmer haʿetiyru ʾel־yehwah weyaser hatsefaredeʿiym mimeniy umeʿamiy waʾashaleḥah ʾet־haʿam weyizebeḥu layhwah׃

⁵ וַיֹּ֣אמֶר מֹשֶׁ֣ה לְפַרְעֹה֮ הִתְפָּאֵ֣ר עָלַי֒ לְמָתַ֣י ׀ אַעְתִּ֣יר לְךָ֗ וְלַעֲבָדֶ֙יךָ֙ וּֽלְעַמְּךָ֔ לְהַכְרִית֙ הַֽצֲפַרְדְּעִ֔ים מִמְּךָ֖ וּמִבָּתֶּ֑יךָ רַ֥ק בַּיְאֹ֖ר תִּשָּׁאַֽרְנָה׃ wayoʾmer mosheh lefareʿoh hitepaʾer ʿalay lematay ׀ ʾaʿetiyr lekha welaʿavadeykha uleʿamekha lehakheriyt hatsafaredeʿiym mimekha umibateykha raq bayeʾor tishaʾarenah׃

⁶ וַיֹּ֖אמֶר לְמָחָ֑ר וַיֹּ֙אמֶר֙ כִּדְבָ֣רְךָ֔ לְמַ֣עַן תֵּדַ֔ע כִּי־אֵ֖ין כַּיהוָ֥ה אֱלֹהֵֽינוּ׃ wayoʾmer lemaḥar wayoʾmer kidevarekha lemaʿan tedaʿ kiy־ʾeyn kayhwah ʾeloheynu׃

⁷ וְסָר֣וּ הַֽצְפַרְדְּעִ֗ים מִמְּךָ֙ וּמִבָּ֣תֶּ֔יךָ וּמֵעֲבָדֶ֖יךָ וּמֵעַמֶּ֑ךָ רַ֥ק בַּיְאֹ֖ר תִּשָּׁאַֽרְנָה׃ wesaru hatsefaredeʿiym mimekha umibateykha umeʿavadeykha umeʿamekha raq bayeʾor tishaʾarenah׃

⁸ וַיֵּצֵ֥א מֹשֶׁ֛ה וְאַהֲרֹ֖ן מֵעִ֣ם פַּרְעֹ֑ה וַיִּצְעַ֤ק מֹשֶׁה֙ אֶל־יְהוָ֔ה עַל־דְּבַ֥ר הַֽצְפַרְדְּעִ֖ים אֲשֶׁר־שָׂ֥ם לְפַרְעֹֽה׃ wayetseʾ mosheh weʾaharon meʿim pareʿoh wayitseʿaq mosheh ʾel־yehwah ʿal־devar hatsefaredeʿiym ʾasher־sam lefareʿoh׃

⁹ וַיַּ֥עַשׂ יְהוָ֖ה כִּדְבַ֣ר מֹשֶׁ֑ה וַיָּמֻ֙תוּ֙ הַֽצְפַרְדְּעִ֔ים מִן־הַבָּתִּ֥ים מִן־הַחֲצֵרֹ֖ת וּמִן־הַשָּׂדֹֽת׃ wayaʿas yehwah kidevar mosheh wayamutu hatsefaredeʿiym min־habatiym min־haḥatserot umin־hasadot׃

¹⁰ וַיִּצְבְּר֥וּ אֹתָ֖ם חֳמָרִ֣ם חֳמָרִ֑ם וַתִּבְאַ֖שׁ הָאָֽרֶץ׃ wayitseberu ʾotam ḥomarim ḥomarim wativeʾash haʾarets׃

¹¹ וַיַּ֣רְא פַּרְעֹ֗ה כִּ֤י הָֽיְתָה֙ הָֽרְוָחָ֔ה וְהַכְבֵּד֙ אֶת־לִבֹּ֔ו וְלֹ֥א שָׁמַ֖ע אֲלֵהֶ֑ם כַּאֲשֶׁ֖ר דִּבֶּ֥ר יְהוָֽה׃ ס wayareʾ pareʿoh kiy hayetah harewaḥah wehakhebed ʾet־libow weloʾ shamaʿ ʾalehem kaʾasher diber yehwah׃ s

¹² וַיֹּ֣אמֶר יְהוָה֮ אֶל־מֹשֶׁה֒ אֱמֹר֙ אֶֽל־אַהֲרֹ֔ן נְטֵ֣ה אֶֽת־מַטְּךָ֔ וְהַ֖ךְ אֶת־עֲפַ֣ר הָאָ֑רֶץ וְהָיָ֥ה לְכִנִּ֖ם בְּכָל־אֶ֥רֶץ מִצְרָֽיִם׃ wayoʾmer yehwah ʾel־mosheh ʾemor ʾel־ʾaharon neṭeh ʾet־maṭekha wehakhe ʾet־ʿafar haʾarets wehayah lekhinim bekhal־ʾerets mitserayim׃

¹³ וַיַּֽעֲשׂוּ־כֵ֗ן וַיֵּט֩ אַהֲרֹ֨ן אֶת־יָדֹ֤ו בְמַטֵּ֙הוּ֙ וַיַּךְ֙ אֶת־עֲפַ֣ר הָאָ֔רֶץ וַתְּהִי֙ הַכִּנָּ֔ם בָּאָדָ֖ם וּבַבְּהֵמָ֑ה כָּל־עֲפַ֥ר הָאָ֛רֶץ הָיָ֥ה כִנִּ֖ים בְּכָל־אֶ֥רֶץ מִצְרָֽיִם׃ wayaʿasu־khen wayeṭ ʾaharon ʾet־yadow vemaṭehu wayakhe ʾet־ʿafar haʾarets watehiy hakinam baʾadam uvabehemah kal־ʿafar haʾarets hayah khiniym bekhal־ʾerets mitserayim׃

¹⁴ וַיַּעֲשׂוּ־כֵ֨ן הַחַרְטֻמִּ֧ים בְּלָטֵיהֶ֛ם לְהֹוצִ֥יא אֶת־הַכִּנִּ֖ים וְלֹ֣א יָכֹ֑לוּ וַתְּהִי֙ הַכִּנָּ֔ם בָּאָדָ֖ם וּבַבְּהֵמָֽה׃ wayaʿasu־khen haḥareṭumiym belaṭeyhem lehowtsiyʾ ʾet־hakiniym weloʾ yakholu watehiy hakinam baʾadam uvabehemah׃

¹⁵ וַיֹּאמְר֤וּ הַֽחַרְטֻמִּים֙ אֶל־פַּרְעֹ֔ה אֶצְבַּ֥ע אֱלֹהִ֖ים הִ֑וא וַיֶּחֱזַ֤ק לֵב־פַּרְעֹה֙ וְלֹֽא־שָׁמַ֣ע אֲלֵהֶ֔ם כַּאֲשֶׁ֖ר דִּבֶּ֥ר יְהוָֽה׃ ס wayoʾmeru haḥareṭumiym ʾel־pareʿoh ʾetsebaʿ ʾelohiym hiwʾ wayeḥezaq lev־pareʿoh weloʾ־shamaʿ ʾalehem kaʾasher diber yehwah׃ s

¹⁶ וַיֹּ֨אמֶר יְהוָ֜ה אֶל־מֹשֶׁ֗ה הַשְׁכֵּ֤ם בַּבֹּ֙קֶר֙ וְהִתְיַצֵּב֙ לִפְנֵ֣י פַרְעֹ֔ה הִנֵּ֖ה יֹוצֵ֣א הַמָּ֑יְמָה וְאָמַרְתָּ֣ אֵלָ֗יו כֹּ֚ה אָמַ֣ר יְהוָ֔ה שַׁלַּ֥ח עַמִּ֖י וְיַֽעַבְדֻֽנִי׃ wayoʾmer yehwah ʾel־mosheh hashekem baboqer wehiteyatsev lifeney fareʿoh hineh yowtseʾ hamayemah weʾamareta ʾelayw koh ʾamar yehwah shalaḥ ʿamiy weyaʿaveduniy׃

¹⁷ כִּ֣י אִם־אֵינְךָ֮ מְשַׁלֵּ֣חַ אֶת־עַמִּי֒ הִנְנִי֩ מַשְׁלִ֨יחַ בְּךָ֜ וּבַעֲבָדֶ֧יךָ וּֽבְעַמְּךָ֛ וּבְבָתֶּ֖יךָ אֶת־הֶעָרֹ֑ב וּמָ֨לְא֜וּ בָּתֵּ֤י מִצְרַ֙יִם֙ אֶת־הֶ֣עָרֹ֔ב וְגַ֥ם הָאֲדָמָ֖ה אֲשֶׁר־הֵ֥ם עָלֶֽיהָ׃ kiy ʾim־ʾeynekha meshaleaḥ ʾet־ʿamiy hineniy masheliyḥa bekha uvaʿavadeykha uveʿamekha uvevateykha ʾet־heʿarov umaleʾu batey mitserayim ʾet־heʿarov wegam haʾadamah ʾasher־hem ʿaleyha׃

¹⁸ וְהִפְלֵיתִי֩ בַיֹּ֨ום הַה֜וּא אֶת־אֶ֣רֶץ גֹּ֗שֶׁן אֲשֶׁ֤ר עַמִּי֙ עֹמֵ֣ד עָלֶ֔יהָ לְבִלְתִּ֥י הֱיֹֽות־שָׁ֖ם עָרֹ֑ב לְמַ֣עַן תֵּדַ֔ע כִּ֛י אֲנִ֥י יְהוָ֖ה בְּקֶ֥רֶב הָאָֽרֶץ׃ wehifeleytiy vayowm hahuʾ ʾet־ʾerets goshen ʾasher ʿamiy ʿomed ʿaleyha leviletiy heyowt־sham ʿarov lemaʿan tedaʿ kiy ʾaniy yehwah beqerev haʾarets׃

¹⁹ וְשַׂמְתִּ֣י פְדֻ֔ת בֵּ֥ין עַמִּ֖י וּבֵ֣ין עַמֶּ֑ךָ לְמָחָ֥ר יִהְיֶ֖ה הָאֹ֥ת הַזֶּֽה׃ wesametiy fedut beyn ʿamiy uveyn ʿamekha lemaḥar yiheyeh haʾot hazeh׃

²⁰ וַיַּ֤עַשׂ יְהוָה֙ כֵּ֔ן וַיָּבֹא֙ עָרֹ֣ב כָּבֵ֔ד בֵּ֥יתָה פַרְעֹ֖ה וּבֵ֣ית עֲבָדָ֑יו וּבְכָל־אֶ֧רֶץ מִצְרַ֛יִם תִּשָּׁחֵ֥ת הָאָ֖רֶץ מִפְּנֵ֥י הֶעָרֹֽב׃ wayaʿas yehwah ken wayavoʾ ʿarov kaved beytah fareʿoh uveyt ʿavadayw uvekhal־ʾerets mitserayim tishaḥet haʾarets mipeney heʿarov׃

²¹ וַיִּקְרָ֣א פַרְעֹ֔ה אֶל־מֹשֶׁ֖ה וּֽלְאַהֲרֹ֑ן וַיֹּ֗אמֶר לְכ֛וּ זִבְח֥וּ לֵֽאלֹהֵיכֶ֖ם בָּאָֽרֶץ׃ wayiqeraʾ fareʿoh ʾel־mosheh uleʾaharon wayoʾmer lekhu ziveḥu leʾloheykhem baʾarets׃

²² וַיֹּ֣אמֶר מֹשֶׁ֗ה לֹ֤א נָכֹון֙ לַעֲשֹׂ֣ות כֵּ֔ן כִּ֚י תֹּועֲבַ֣ת מִצְרַ֔יִם נִזְבַּ֖ח לַיהוָ֣ה אֱלֹהֵ֑ינוּ הֵ֣ן נִזְבַּ֞ח אֶת־תֹּועֲבַ֥ת מִצְרַ֛יִם לְעֵינֵיהֶ֖ם וְלֹ֥א יִסְקְלֻֽנוּ׃ wayoʾmer mosheh loʾ nakhown laʿasowt ken kiy towʿavat mitserayim nizebaḥ layhwah ʾeloheynu hen nizebaḥ ʾet־towʿavat mitserayim leʿeyneyhem weloʾ yiseqelunu׃

²³ דֶּ֚רֶךְ שְׁלֹ֣שֶׁת יָמִ֔ים נֵלֵ֖ךְ בַּמִּדְבָּ֑ר וְזָבַ֙חְנוּ֙ לַֽיהוָ֣ה אֱלֹהֵ֔ינוּ כַּאֲשֶׁ֖ר יֹאמַ֥ר אֵלֵֽינוּ׃ derekhe sheloshet yamiym nelekhe bamidebar wezavaḥenu layhwah ʾeloheynu kaʾasher yoʾmar ʾeleynu׃

²⁴ וַיֹּ֣אמֶר פַּרְעֹ֗ה אָנֹכִ֞י אֲשַׁלַּ֤ח אֶתְכֶם֙ וּזְבַחְתֶּ֞ם לַיהוָ֤ה אֱלֹֽהֵיכֶם֙ בַּמִּדְבָּ֔ר רַ֛ק הַרְחֵ֥ק לֹא־תַרְחִ֖יקוּ לָלֶ֑כֶת הַעְתִּ֖ירוּ בַּעֲדִֽי׃ wayoʾmer pareʿoh ʾanokhiy ʾashalaḥ ʾetekhem uzevaḥetem layhwah ʾeloheykhem bamidebar raq hareḥeq loʾ־tareḥiyqu lalekhet haʿetiyru baʿadiy׃

²⁵ וַיֹּ֣אמֶר מֹשֶׁ֗ה הִנֵּ֨ה אָנֹכִ֜י יֹוצֵ֤א מֵֽעִמָּךְ֙ וְהַעְתַּרְתִּ֣י אֶל־יְהוָ֔ה וְסָ֣ר הֶעָרֹ֗ב מִפַּרְעֹ֛ה מֵעֲבָדָ֥יו וּמֵעַמֹּ֖ו מָחָ֑ר רַ֗ק אַל־יֹסֵ֤ף פַּרְעֹה֙ הָתֵ֔ל לְבִלְתִּי֙ שַׁלַּ֣ח אֶת־הָעָ֔ם לִזְבֹּ֖חַ לַֽיהוָֽה׃ wayoʾmer mosheh hineh ʾanokhiy yowtseʾ meʿimakhe wehaʿetaretiy ʾel־yehwah wesar heʿarov mipareʿoh meʿavadayw umeʿamow maḥar raq ʾal־yosef pareʿoh hatel leviletiy shalaḥ ʾet־haʿam lizeboaḥ layhwah׃

²⁶ וַיֵּצֵ֥א מֹשֶׁ֖ה מֵעִ֣ם פַּרְעֹ֑ה וַיֶּעְתַּ֖ר אֶל־יְהוָֽה׃ wayetseʾ mosheh meʿim pareʿoh wayeʿetar ʾel־yehwah׃

²⁷ וַיַּ֤עַשׂ יְהוָה֙ כִּדְבַ֣ר מֹשֶׁ֔ה וַיָּ֙סַר֙ הֶעָרֹ֔ב מִפַּרְעֹ֖ה מֵעֲבָדָ֣יו וּמֵעַמֹּ֑ו לֹ֥א נִשְׁאַ֖ר אֶחָֽד׃ wayaʿas yehwah kidevar mosheh wayasar heʿarov mipareʿoh meʿavadayw umeʿamow loʾ nisheʾar ʾeḥad׃

²⁸ וַיַּכְבֵּ֤ד פַּרְעֹה֙ אֶת־לִבֹּ֔ו גַּ֖ם בַּפַּ֣עַם הַזֹּ֑את וְלֹ֥א שִׁלַּ֖ח אֶת־הָעָֽם׃ פ wayakhebed pareʿoh ʾet־libow gam bapaʿam hazoʾt weloʾ shilaḥ ʾet־haʿam׃ f