1 Samuel 24

¹ וַיְהִ֗י כַּֽאֲשֶׁר֙ שָׁ֣ב שָׁא֔וּל מֵאַחֲרֵ֖י פְּלִשְׁתִּ֑ים וַיַּגִּ֤דוּ לֹו֙ לֵאמֹ֔ר הִנֵּ֣ה דָוִ֔ד בְּמִדְבַּ֖ר עֵ֥ין גֶּֽדִי׃ ס wayehiy kaʾasher shav shaʾul meʾaḥarey pelishetiym wayagidu low leʾmor hineh dawid bemidebar ʿeyn gediy׃ s

² וַיִּקַּ֣ח שָׁא֗וּל שְׁלֹ֧שֶׁת אֲלָפִ֛ים אִ֥ישׁ בָּח֖וּר מִכָּל־יִשְׂרָאֵ֑ל וַיֵּ֗לֶךְ לְבַקֵּ֤שׁ אֶת־דָּוִד֙ וַֽאֲנָשָׁ֔יו עַל־פְּנֵ֖י צוּרֵ֥י הַיְּעֵלִֽים׃ wayiqaḥ shaʾul sheloshet ʾalafiym ʾiysh baḥur mikal־yiseraʾel wayelekhe levaqesh ʾet־dawid waʾanashayw ʿal־peney tsurey hayeʿeliym׃

³ וַ֠יָּבֹא אֶל־גִּדְרֹ֨ות הַצֹּ֤אן עַל־הַדֶּ֙רֶךְ֙ וְשָׁ֣ם מְעָרָ֔ה וַיָּבֹ֥א שָׁא֖וּל לְהָסֵ֣ךְ אֶת־רַגְלָ֑יו וְדָוִד֙ וַאֲנָשָׁ֔יו בְּיַרְכְּתֵ֥י הַמְּעָרָ֖ה יֹשְׁבִֽים׃ wayavoʾ ʾel־giderowt hatsoʾn ʿal־haderekhe wesham meʿarah wayavoʾ shaʾul lehasekhe ʾet־ragelayw wedawid waʾanashayw beyareketey hameʿarah yosheviym׃

⁴ וַיֹּאמְרוּ֩ אַנְשֵׁ֨י דָוִ֜ד אֵלָ֗יו הִנֵּ֨ה הַיֹּ֜ום אֲ‍ֽשֶׁר־אָמַ֧ר יְהוָ֣ה אֵלֶ֗יךָ הִנֵּ֨ה אָנֹכִ֜י נֹתֵ֤ן אֶת־ [אֹיְבֵיךָ כ] (אֹֽיִבְךָ֙ ק) בְּיָדֶ֔ךָ וְעָשִׂ֣יתָ לֹּ֔ו כַּאֲשֶׁ֖ר יִטַ֣ב בְּעֵינֶ֑יךָ וַיָּ֣קָם דָּוִ֗ד וַיִּכְרֹ֛ת אֶת־כְּנַֽף־הַמְּעִ֥יל אֲשֶׁר־לְשָׁא֖וּל בַּלָּֽט׃ wayoʾmeru ʾaneshey dawid ʾelayw hineh hayowm א‍sher־ʾamar yehwah ʾeleykha hineh ʾanokhiy noten ʾet־ [ʾoyeveykha kh] (ʾoyivekha q) beyadekha weʿasiyta low kaʾasher yiṭav beʿeyneykha wayaqam dawid wayikherot ʾet־kenaf־hameʿiyl ʾasher־leshaʾul balaṭ׃

⁵ וַֽיְהִי֙ אַֽחֲרֵי־כֵ֔ן וַיַּ֥ךְ לֵב־דָּוִ֖ד אֹתֹ֑ו עַ֚ל אֲשֶׁ֣ר כָּרַ֔ת אֶת־כָּנָ֖ף אֲשֶׁ֥ר לְשָׁאֽוּל׃ ס wayehiy ʾaḥarey־khen wayakhe lev־dawid ʾotow ʿal ʾasher karat ʾet־kanaf ʾasher leshaʾul׃ s

⁶ וַיֹּ֨אמֶר לַאֲנָשָׁ֜יו חָלִ֧ילָה לִּ֣י מֵֽיהוָ֗ה אִם־אֶעֱשֶׂה֩ אֶת־הַדָּבָ֨ר הַזֶּ֤ה לַֽאדֹנִי֙ לִמְשִׁ֣יחַ יְהוָ֔ה לִשְׁלֹ֥חַ יָדִ֖י בֹּ֑ו כִּֽי־מְשִׁ֥יחַ יְהוָ֖ה הֽוּא׃ wayoʾmer laʾanashayw ḥaliylah liy meyhwah ʾim־ʾeʿeseh ʾet־hadavar hazeh laʾdoniy limeshiyḥa yehwah lisheloaḥ yadiy bow kiy־meshiyḥa yehwah huʾ׃

⁷ וַיְשַׁסַּ֨ע דָּוִ֤ד אֶת־אֲנָשָׁיו֙ בַּדְּבָרִ֔ים וְלֹ֥א נְתָנָ֖ם לָק֣וּם אֶל־שָׁא֑וּל וְשָׁא֛וּל קָ֥ם מֵהַמְּעָרָ֖ה וַיֵּ֥לֶךְ בַּדָּֽרֶךְ׃ ס wayeshasaʿ dawid ʾet־ʾanashayw badevariym weloʾ netanam laqum ʾel־shaʾul weshaʾul qam mehameʿarah wayelekhe badarekhe׃ s

⁸ וַיָּ֨קָם דָּוִ֜ד אַחֲרֵי־כֵ֗ן וַיֵּצֵא֙ [מִן־הַמְּעָרָה כ] (מֵֽהַמְּעָרָ֔ה ק) וַיִּקְרָ֧א אַֽחֲרֵי־שָׁא֛וּל לֵאמֹ֖ר אֲדֹנִ֣י הַמֶּ֑לֶךְ וַיַּבֵּ֤ט שָׁאוּל֙ אַֽחֲרָ֔יו וַיִּקֹּ֨ד דָּוִ֥ד אַפַּ֛יִם אַ֖רְצָה וַיִּשְׁתָּֽחוּ׃ ס wayaqam dawid ʾaḥarey־khen wayetseʾ [min־hameʿarah kh] (mehameʿarah q) wayiqeraʾ ʾaḥarey־shaʾul leʾmor ʾadoniy hamelekhe wayabeṭ shaʾul ʾaḥarayw wayiqod dawid ʾapayim ʾaretsah wayishetaḥu׃ s

⁹ וַיֹּ֤אמֶר דָּוִד֙ לְשָׁא֔וּל לָ֧מָּה תִשְׁמַ֛ע אֶת־דִּבְרֵ֥י אָדָ֖ם לֵאמֹ֑ר הִנֵּ֣ה דָוִ֔ד מְבַקֵּ֖שׁ רָעָתֶֽךָ׃ wayoʾmer dawid leshaʾul lamah tishemaʿ ʾet־diverey ʾadam leʾmor hineh dawid mevaqesh raʿatekha׃

¹⁰ הִנֵּה֩ הַיֹּ֨ום הַזֶּ֜ה רָא֣וּ עֵינֶ֗יךָ אֵ֣ת אֲשֶׁר־נְתָנְךָ֩ יְהוָ֨ה ׀ הַיֹּ֤ום ׀ בְּיָדִי֙ בַּמְּעָרָ֔ה וְאָמַ֥ר לַהֲרָגֲךָ֖ וַתָּ֣חָס עָלֶ֑יךָ וָאֹמַ֗ר לֹא־אֶשְׁלַ֤ח יָדִי֙ בַּֽאדֹנִ֔י כִּי־מְשִׁ֥יחַ יְהוָ֖ה הֽוּא׃ hineh hayowm hazeh raʾu ʿeyneykha ʾet ʾasher־netanekha yehwah ׀ hayowm ׀ beyadiy bameʿarah weʾamar laharagakha wataḥas ʿaleykha waʾomar loʾ־ʾeshelaḥ yadiy baʾdoniy kiy־meshiyḥa yehwah huʾ׃

¹¹ וְאָבִ֣י רְאֵ֔ה גַּ֗ם רְאֵ֛ה אֶת־כְּנַ֥ף מְעִילְךָ֖ בְּיָדִ֑י כִּ֡י בְּכָרְתִי֩ אֶת־כְּנַ֨ף מְעִֽילְךָ֜ וְלֹ֣א הֲרַגְתִּ֗יךָ דַּ֤ע וּרְאֵה֙ כִּי֩ אֵ֨ין בְּיָדִ֜י רָעָ֤ה וָפֶ֙שַׁע֙ וְלֹא־חָטָ֣אתִי לָ֔ךְ וְאַתָּ֛ה צֹדֶ֥ה אֶת־נַפְשִׁ֖י לְקַחְתָּֽהּ׃ weʾaviy reʾeh gam reʾeh ʾet־kenaf meʿiylekha beyadiy kiy bekharetiy ʾet־kenaf meʿiylekha weloʾ haragetiykha daʿ ureʾeh kiy ʾeyn beyadiy raʿah wafeshaʿ weloʾ־ḥaṭaʾtiy lakhe weʾatah tsodeh ʾet־nafeshiy leqaḥetah׃

¹² יִשְׁפֹּ֤ט יְהוָה֙ בֵּינִ֣י וּבֵינֶ֔ךָ וּנְקָמַ֥נִי יְהוָ֖ה מִמֶּ֑ךָּ וְיָדִ֖י לֹ֥א תִֽהְיֶה־בָּֽךְ׃ yishepoṭ yehwah beyniy uveynekha uneqamaniy yehwah mimeka weyadiy loʾ tiheyeh־bakhe׃

¹³ כַּאֲשֶׁ֣ר יֹאמַ֗ר מְשַׁל֙ הַקַּדְמֹנִ֔י מֵרְשָׁעִ֖ים יֵ֣צֵא רֶ֑שַׁע וְיָדִ֖י לֹ֥א תִֽהְיֶה־בָּֽךְ׃ kaʾasher yoʾmar meshal haqademoniy mereshaʿiym yetseʾ reshaʿ weyadiy loʾ tiheyeh־bakhe׃

¹⁴ אַחֲרֵ֨י מִ֤י יָצָא֙ מֶ֣לֶךְ יִשְׂרָאֵ֔ל אַחֲרֵ֥י מִ֖י אַתָּ֣ה רֹדֵ֑ף אַֽחֲרֵי֙ כֶּ֣לֶב מֵ֔ת אַחֲרֵ֖י פַּרְעֹ֥שׁ אֶחָֽד׃ ʾaḥarey miy yatsaʾ melekhe yiseraʾel ʾaḥarey miy ʾatah rodef ʾaḥarey kelev met ʾaḥarey pareʿosh ʾeḥad׃

¹⁵ וְהָיָ֤ה יְהוָה֙ לְדַיָּ֔ן וְשָׁפַ֖ט בֵּינִ֣י וּבֵינֶ֑ךָ וְיֵ֙רֶא֙ וְיָרֵ֣ב אֶת־רִיבִ֔י וְיִשְׁפְּטֵ֖נִי מִיָּדֶֽךָ׃ פ wehayah yehwah ledayan weshafaṭ beyniy uveynekha weyereʾ weyarev ʾet־riyviy weyishepeṭeniy miyadekha׃ f

¹⁶ וַיְהִ֣י ׀ כְּכַלֹּ֣ות דָּוִ֗ד לְדַבֵּ֞ר אֶת־הַדְּבָרִ֤ים הָאֵ֙לֶּה֙ אֶל־שָׁא֔וּל וַיֹּ֣אמֶר שָׁא֔וּל הֲקֹלְךָ֥ זֶ֖ה בְּנִ֣י דָוִ֑ד וַיִּשָּׂ֥א שָׁא֛וּל קֹלֹ֖ו וַיֵּֽבְךְּ׃ wayehiy ׀ kekhalowt dawid ledaber ʾet־hadevariym haʾeleh ʾel־shaʾul wayoʾmer shaʾul haqolekha zeh beniy dawid wayisaʾ shaʾul qolow wayeveke׃

¹⁷ וַיֹּ֙אמֶר֙ אֶל־דָּוִ֔ד צַדִּ֥יק אַתָּ֖ה מִמֶּ֑נִּי כִּ֤י אַתָּה֙ גְּמַלְתַּ֣נִי הַטֹּובָ֔ה וַאֲנִ֖י גְּמַלְתִּ֥יךָ הָרָעָֽה׃ wayoʾmer ʾel־dawid tsadiyq ʾatah mimeniy kiy ʾatah gemaletaniy haṭowvah waʾaniy gemaletiykha haraʿah׃

¹⁸ [וְאַתְּ כ] (וְאַתָּה֙ ק) הִגַּ֣דְתָּ הַיֹּ֔ום אֵ֛ת אֲשֶׁר־עָשִׂ֥יתָה אִתִּ֖י טֹובָ֑ה אֵת֩ אֲשֶׁ֨ר סִגְּרַ֧נִי יְהוָ֛ה בְּיָדְךָ֖ וְלֹ֥א הֲרַגְתָּֽנִי׃ [weʾate kh] (weʾatah q) higadeta hayowm ʾet ʾasher־ʿasiytah ʾitiy ṭowvah ʾet ʾasher sigeraniy yehwah beyadekha weloʾ haragetaniy׃

¹⁹ וְכִֽי־יִמְצָ֥א אִישׁ֙ אֶת־אֹ֣יְבֹ֔ו וְשִׁלְּחֹ֖ו בְּדֶ֣רֶךְ טֹובָ֑ה וַֽיהוָה֙ יְשַׁלֶּמְךָ֣ טֹובָ֔ה תַּ֚חַת הַיֹּ֣ום הַזֶּ֔ה אֲשֶׁ֥ר עָשִׂ֖יתָה לִֽי׃ wekhiy־yimetsaʾ ʾiysh ʾet־ʾoyevow weshileḥow bederekhe ṭowvah wayhwah yeshalemekha ṭowvah taḥat hayowm hazeh ʾasher ʿasiytah liy׃

²⁰ וְעַתָּה֙ הִנֵּ֣ה יָדַ֔עְתִּי כִּ֥י מָלֹ֖ךְ תִּמְלֹ֑וךְ וְקָ֙מָה֙ בְּיָ֣דְךָ֔ מַמְלֶ֖כֶת יִשְׂרָאֵֽל׃ weʿatah hineh yadaʿetiy kiy malokhe timelowkhe weqamah beyadekha mamelekhet yiseraʾel׃

²¹ וְעַתָּ֗ה הִשָּׁ֤בְעָה לִּי֙ בַּֽיהוָ֔ה אִם־תַּכְרִ֥ית אֶת־זַרְעִ֖י אַֽחֲרָ֑י וְאִם־תַּשְׁמִ֥יד אֶת־שְׁמִ֖י מִבֵּ֥ית אָבִֽי׃ weʿatah hishaveʿah liy bayhwah ʾim־takheriyt ʾet־zareʿiy ʾaḥaray weʾim־tashemiyd ʾet־shemiy mibeyt ʾaviy׃

²² וַיִּשָּׁבַ֥ע דָּוִ֖ד לְשָׁא֑וּל וַיֵּ֤לֶךְ שָׁאוּל֙ אֶל־בֵּיתֹ֔ו וְדָוִד֙ וַֽאֲנָשָׁ֔יו עָל֖וּ עַל־הַמְּצוּדָֽה׃ פ wayishavaʿ dawid leshaʾul wayelekhe shaʾul ʾel־beytow wedawid waʾanashayw ʿalu ʿal־hametsudah׃ f