Ézéchiel 47

¹ וַיְשִׁבֵנִי֮ אֶל־פֶּ֣תַח הַבַּיִת֒ וְהִנֵּה־מַ֣יִם יֹצְאִ֗ים מִתַּ֨חַת מִפְתַּ֤ן הַבַּ֙יִת֙ קָדִ֔ימָה כִּֽי־פְנֵ֥י הַבַּ֖יִת קָדִ֑ים וְהַמַּ֣יִם יֹרְדִ֗ים מִתַּ֜חַת מִכֶּ֤תֶף הַבַּ֙יִת֙ הַיְמָנִ֔ית מִנֶּ֖גֶב לַמִּזְבֵּֽחַ׃ wayeshiveniy ʾel־petaḥ habayit wehineh־mayim yotseʾiym mitaḥat mifetan habayit qadiymah kiy־feney habayit qadiym wehamayim yorediym mitaḥat miketef habayit hayemaniyt minegev lamizebeaḥ׃

² וַיֹּוצִאֵנִי֮ דֶּֽרֶךְ־שַׁ֣עַר צָפֹונָה֒ וַיְסִבֵּ֙נִי֙ דֶּ֣רֶךְ ח֔וּץ אֶל־שַׁ֣עַר הַח֔וּץ דֶּ֖רֶךְ הַפֹּונֶ֣ה קָדִ֑ים וְהִנֵּה־מַ֣יִם מְפַכִּ֔ים מִן־הַכָּתֵ֖ף הַיְמָנִֽית׃ wayowtsiʾeniy derekhe־shaʿar tsafownah wayesibeniy derekhe ḥuts ʾel־shaʿar haḥuts derekhe hapowneh qadiym wehineh־mayim mefakiym min־hakatef hayemaniyt׃

³ בְּצֵאת־הָאִ֥ישׁ קָדִ֖ים וְקָ֣ו בְּיָדֹ֑ו וַיָּ֤מָד אֶ֙לֶף֙ בָּֽאַמָּ֔ה וַיַּעֲבִרֵ֥נִי בַמַּ֖יִם מֵ֥י אָפְסָֽיִם׃ betseʾt־haʾiysh qadiym weqaw beyadow wayamad ʾelef baʾamah wayaʿavireniy vamayim mey ʾafesayim׃

⁴ וַיָּ֣מָד אֶ֔לֶף וַיַּעֲבִרֵ֥נִי בַמַּ֖יִם מַ֣יִם בִּרְכָּ֑יִם וַיָּ֣מָד אֶ֔לֶף וַיַּעֲבִרֵ֖נִי מֵ֥י מָתְנָֽיִם׃ wayamad ʾelef wayaʿavireniy vamayim mayim birekayim wayamad ʾelef wayaʿavireniy mey matenayim׃

⁵ וַיָּ֣מָד אֶ֔לֶף נַ֕חַל אֲשֶׁ֥ר לֹֽא־אוּכַ֖ל לַעֲבֹ֑ר כִּֽי־גָא֤וּ הַמַּ֙יִם֙ מֵ֣י שָׂ֔חוּ נַ֖חַל אֲשֶׁ֥ר לֹֽא־יֵעָבֵֽר׃ wayamad ʾelef naḥal ʾasher loʾ־ʾukhal laʿavor kiy־gaʾu hamayim mey saḥu naḥal ʾasher loʾ־yeʿaver׃

⁶ וַיֹּ֥אמֶר אֵלַ֖י הֲרָאִ֣יתָ בֶן־אָדָ֑ם וַיֹּולִכֵ֥נִי וַיְשִׁבֵ֖נִי שְׂפַ֥ת הַנָּֽחַל׃ wayoʾmer ʾelay haraʾiyta ven־ʾadam wayowlikheniy wayeshiveniy sefat hanaḥal׃

⁷ בְּשׁוּבֵ֕נִי וְהִנֵּה֙ אֶל־שְׂפַ֣ת הַנַּ֔חַל עֵ֖ץ רַ֣ב מְאֹ֑ד מִזֶּ֖ה וּמִזֶּֽה׃ beshuveniy wehineh ʾel־sefat hanaḥal ʿets rav meʾod mizeh umizeh׃

⁸ וַיֹּ֣אמֶר אֵלַ֗י הַמַּ֤יִם הָאֵ֙לֶּה֙ יֹוצְאִ֗ים אֶל־הַגְּלִילָה֙ הַקַּדְמֹונָ֔ה וְיָרְד֖וּ עַל־הָֽעֲרָבָ֑ה וּבָ֣אוּ הַיָּ֔מָּה אֶל־הַיָּ֥מָּה הַמּֽוּצָאִ֖ים [וְנִרְפְּאוּ כ] (וְנִרְפּ֥וּ ק) הַמָּֽיִם׃ wayoʾmer ʾelay hamayim haʾeleh yowtseʾiym ʾel־hageliylah haqademownah weyaredu ʿal־haʿaravah uvaʾu hayamah ʾel־hayamah hamutsaʾiym [wenirepeʾu kh] (wenirepu q) hamayim׃

⁹ וְהָיָ֣ה כָל־נֶ֣פֶשׁ חַיָּ֣ה ׀ אֲ‍ֽשֶׁר־יִשְׁרֹ֡ץ אֶ֣ל כָּל־אֲשֶׁר֩ יָבֹ֨וא שָׁ֤ם נַחֲלַ֙יִם֙ יִֽחְיֶ֔ה וְהָיָ֥ה הַדָּגָ֖ה רַבָּ֣ה מְאֹ֑ד כִּי֩ בָ֨אוּ שָׁ֜מָּה הַמַּ֣יִם הָאֵ֗לֶּה וְיֵרָֽפְאוּ֙ וָחָ֔י כֹּ֛ל אֲשֶׁר־יָ֥בֹוא שָׁ֖מָּה הַנָּֽחַל׃ wehayah khal־nefesh ḥayah ׀ א‍sher־yisherots ʾel kal־ʾasher yavowʾ sham naḥalayim yiḥeyeh wehayah hadagah rabah meʾod kiy vaʾu shamah hamayim haʾeleh weyerafeʾu waḥay kol ʾasher־yavowʾ shamah hanaḥal׃

¹⁰ וְהָיָה֩ [יַעַמְדוּ כ] (עָמְד֨וּ ק) עָלָ֜יו דַּוָּגִ֗ים מֵעֵ֥ין גֶּ֙דִי֙ וְעַד־עֵ֣ין עֶגְלַ֔יִם מִשְׁטֹ֥וחַ לַֽחֲרָמִ֖ים יִהְי֑וּ לְמִינָה֙ תִּהְיֶ֣ה דְגָתָ֔ם כִּדְגַ֛ת הַיָּ֥ם הַגָּדֹ֖ול רַבָּ֥ה מְאֹֽד׃ wehayah [yaʿamedu kh] (ʿamedu q) ʿalayw dauagiym meʿeyn gediy weʿad־ʿeyn ʿegelayim misheṭowḥa laḥaramiym yiheyu lemiynah tiheyeh degatam kidegat hayam hagadowl rabah meʾod׃

¹¹ [בִּצֹּאתֹו כ] (בִּצֹּאתָ֧יו ק) וּגְבָאָ֛יו וְלֹ֥א יֵרָפְא֖וּ לְמֶ֥לַח נִתָּֽנוּ׃ [bitsoʾtow kh] (bitsoʾtayw q) ugevaʾayw weloʾ yerafeʾu lemelaḥ nitanu׃

¹² וְעַל־הַנַּ֣חַל יַעֲלֶ֣ה עַל־שְׂפָתֹ֣ו מִזֶּ֣ה ׀ וּמִזֶּ֣ה ׀ כָּל־עֵֽץ־מַ֠אֲכָל לֹא־יִבֹּ֨ול עָלֵ֜הוּ וְלֹֽא־יִתֹּ֣ם פִּרְיֹ֗ו לָֽחֳדָשָׁיו֙ יְבַכֵּ֔ר כִּ֣י מֵימָ֔יו מִן־הַמִּקְדָּ֖שׁ הֵ֣מָּה יֹֽוצְאִ֑ים [וְהָיוּ כ] (וְהָיָ֤ה ק) פִרְיֹו֙ לְמַֽאֲכָ֔ל וְעָלֵ֖הוּ לִתְרוּפָֽה׃ ס weʿal־hanaḥal yaʿaleh ʿal־sefatow mizeh ׀ umizeh ׀ kal־ʿets־maʾakhal loʾ־yibowl ʿalehu weloʾ־yitom pireyow laḥodashayw yevaker kiy meymayw min־hamiqedash hemah yowtseʾiym [wehayu kh] (wehayah q) fireyow lemaʾakhal weʿalehu literufah׃ s

¹³ כֹּ֤ה אָמַר֙ אֲדֹנָ֣י יְהוִ֔ה גֵּ֤ה גְבוּל֙ אֲשֶׁ֣ר תִּתְנַחֲל֣וּ אֶת־הָאָ֔רֶץ לִשְׁנֵ֥י עָשָׂ֖ר שִׁבְטֵ֣י יִשְׂרָאֵ֑ל יֹוסֵ֖ף חֲבָלִֽים׃ koh ʾamar ʾadonay yehwih geh gevul ʾasher titenaḥalu ʾet־haʾarets lisheney ʿasar shiveṭey yiseraʾel yowsef ḥavaliym׃

¹⁴ וּנְחַלְתֶּ֤ם אֹותָהּ֙ אִ֣ישׁ כְּאָחִ֔יו אֲשֶׁ֤ר נָשָׂ֙אתִי֙ אֶת־יָדִ֔י לְתִתָּ֖הּ לַאֲבֹֽתֵיכֶ֑ם וְנָ֨פְלָ֜ה הָאָ֧רֶץ הַזֹּ֛את לָכֶ֖ם בְּנַחֲלָֽה׃ uneḥaletem ʾowtah ʾiysh keʾaḥiyw ʾasher nasaʾtiy ʾet־yadiy letitah laʾavoteykhem wenafelah haʾarets hazoʾt lakhem benaḥalah׃

¹⁵ וְזֶ֖ה גְּב֣וּל הָאָ֑רֶץ לִפְאַ֨ת צָפֹ֜ונָה מִן־הַיָּ֧ם הַגָּדֹ֛ול הַדֶּ֥רֶךְ חֶתְלֹ֖ן לְבֹ֥וא צְדָֽדָה׃ wezeh gevul haʾarets lifeʾat tsafownah min־hayam hagadowl haderekhe ḥetelon levowʾ tsedadah׃

¹⁶ חֲמָ֤ת ׀ בֵּרֹ֙ותָה֙ סִבְרַ֔יִם אֲשֶׁר֙ בֵּין־גְּב֣וּל דַּמֶּ֔שֶׂק וּבֵ֖ין גְּב֣וּל חֲמָ֑ת חָצֵר֙ הַתִּיכֹ֔ון אֲשֶׁ֖ר אֶל־גְּב֥וּל חַוְרָֽן׃ ḥamat ׀ berowtah siverayim ʾasher beyn־gevul dameseq uveyn gevul ḥamat ḥatser hatiykhown ʾasher ʾel־gevul ḥaweran׃

¹⁷ וְהָיָ֨ה גְב֜וּל מִן־הַיָּ֗ם חֲצַ֤ר עֵינֹון֙ גְּב֣וּל דַּמֶּ֔שֶׂק וְצָפֹ֥ון ׀ צָפֹ֖ונָה וּגְב֣וּל חֲמָ֑ת וְאֵ֖ת פְּאַ֥ת צָפֹֽון׃ wehayah gevul min־hayam ḥatsar ʿeynown gevul dameseq wetsafown ׀ tsafownah ugevul ḥamat weʾet peʾat tsafown׃

¹⁸ וּפְאַ֣ת קָדִ֡ים מִבֵּ֣ין חַוְרָ֣ן וּמִבֵּין־דַּמֶּשֶׂק֩ וּמִבֵּ֨ין הַגִּלְעָ֜ד וּמִבֵּ֨ין אֶ֤רֶץ יִשְׂרָאֵל֙ הַיַּרְדֵּ֔ן מִגְּב֛וּל עַל־הַיָּ֥ם הַקַּדְמֹונִ֖י תָּמֹ֑דּוּ וְאֵ֖ת פְּאַ֥ת קָדִֽימָה׃ ufeʾat qadiym mibeyn ḥaweran umibeyn־dameseq umibeyn hagileʿad umibeyn ʾerets yiseraʾel hayareden migevul ʿal־hayam haqademowniy tamodu weʾet peʾat qadiymah׃

¹⁹ וּפְאַת֙ נֶ֣גֶב תֵּימָ֔נָה מִתָּמָ֗ר עַד־מֵי֙ מְרִיבֹ֣ות קָדֵ֔שׁ נַחֲלָ֖ה אֶל־הַיָּ֣ם הַגָּדֹ֑ול וְאֵ֥ת פְּאַת־תֵּימָ֖נָה נֶֽגְבָּה׃ ufeʾat negev teymanah mitamar ʿad־mey meriyvowt qadesh naḥalah ʾel־hayam hagadowl weʾet peʾat־teymanah negebah׃

²⁰ וּפְאַת־יָם֙ הַיָּ֣ם הַגָּדֹ֔ול מִגְּב֕וּל עַד־נֹ֖כַח לְבֹ֣וא חֲמָ֑ת זֹ֖את פְּאַת־יָֽם׃ ufeʾat־yam hayam hagadowl migevul ʿad־nokhaḥ levowʾ ḥamat zoʾt peʾat־yam׃

²¹ וְחִלַּקְתֶּ֞ם אֶת־הָאָ֧רֶץ הַזֹּ֛את לָכֶ֖ם לְשִׁבְטֵ֥י יִשְׂרָאֵֽל׃ weḥilaqetem ʾet־haʾarets hazoʾt lakhem leshiveṭey yiseraʾel׃

²² וְהָיָ֗ה תַּפִּ֣לוּ אֹותָהּ֮ בְּנַחֲלָה֒ לָכֶ֗ם וּלְהַגֵּרִים֙ הַגָּרִ֣ים בְּתֹוכְכֶ֔ם אֲשֶׁר־הֹולִ֥דוּ בָנִ֖ים בְּתֹֽוכְכֶ֑ם וְהָי֣וּ לָכֶ֗ם כְּאֶזְרָח֙ בִּבְנֵ֣י יִשְׂרָאֵ֔ל אִתְּכֶם֙ יִפְּל֣וּ בְנַחֲלָ֔ה בְּתֹ֖וךְ שִׁבְטֵ֥י יִשְׂרָאֵֽל׃ wehayah tapilu ʾowtah benaḥalah lakhem ulehageriym hagariym betowkhekhem ʾasher־howlidu vaniym betowkhekhem wehayu lakhem keʾezeraḥ biveney yiseraʾel ʾitekhem yipelu venaḥalah betowkhe shiveṭey yiseraʾel׃

²³ וְהָיָ֣ה בַשֵּׁ֔בֶט אֲשֶׁר־גָּ֥ר הַגֵּ֖ר אִתֹּ֑ו ם תִּתְּנ֣וּ נַחֲלָתֹ֔ו נְאֻ֖ם אֲדֹנָ֥י יְהוִֽה׃ ס wehayah vasheveṭ ʾasher־gar hager ʾitow m titenu naḥalatow neʾum ʾadonay yehwih׃ s