1 בָּעֵ֣ת הַהִ֡וא שָׁלַ֡ח מְרֹדַ֣ךְ בַּ֠לְאֲדָן בֶּֽן־בַּלְאֲדָ֧ן מֶֽלֶךְ־בָּבֶ֛ל סְפָרִ֥ים וּמִנְחָ֖ה אֶל־חִזְקִיָּ֑הוּ וַיִּשְׁמַ֕ע כִּ֥י חָלָ֖ה וַֽיֶּחֱזָֽק׃ baʿet hahiwʾ shalaḥ merodakhe baleʾadan ben־baleʾadan melekhe־bavel sefariym umineḥah ʾel־ḥizeqiyahu wayishemaʿ kiy ḥalah wayeḥezaq׃

2 וַיִּשְׂמַ֣ח עֲלֵיהֶם֮ חִזְקִיָּהוּ֒ וַיַּרְאֵ֣ם אֶת־בֵּ֣ית [נְכֹתָה כ] (נְכֹתֹ֡ו ק) אֶת־הַכֶּסֶף֩ וְאֶת־הַזָּהָ֨ב וְאֶת־הַבְּשָׂמִ֜ים וְאֵ֣ת ׀ הַשֶּׁ֣מֶן הַטֹּ֗וב וְאֵת֙ כָּל־בֵּ֣ית כֵּלָ֔יו וְאֵ֛ת כָּל־אֲשֶׁ֥ר נִמְצָ֖א בְּאֹֽצְרֹתָ֑יו לֹֽא־הָיָ֣ה דָבָ֗ר אֲ֠שֶׁר לֹֽא־הֶרְאָ֧ם חִזְקִיָּ֛הוּ בְּבֵיתֹ֖ו וּבְכָל־מֶמְשַׁלְתֹּֽו׃ wayisemaḥ ʿaleyhem ḥizeqiyahu wayareʾem ʾet־beyt [nekhotah kh] (nekhotow q) ʾet־hakesef weʾet־hazahav weʾet־habesamiym weʾet ׀ hashemen haṭowv weʾet kal־beyt kelayw weʾet kal־ʾasher nimetsaʾ beʾotserotayw loʾ־hayah davar ʾasher loʾ־hereʾam ḥizeqiyahu beveytow uvekhal־memeshaletow׃

3 וַיָּבֹא֙ יְשַׁעְיָ֣הוּ הַנָּבִ֔יא אֶל־הַמֶּ֖לֶךְ חִזְקִיָּ֑הוּ וַיֹּ֨אמֶר אֵלָ֜יו מָ֥ה אָמְר֣וּ ׀ הָאֲנָשִׁ֣ים הָאֵ֗לֶּה וּמֵאַ֙יִן֙ יָבֹ֣אוּ אֵלֶ֔יךָ וַיֹּ֙אמֶר֙ חִזְקִיָּ֔הוּ מֵאֶ֧רֶץ רְחֹוקָ֛ה בָּ֥אוּ אֵלַ֖י מִבָּבֶֽל׃ wayavoʾ yeshaʿeyahu hanaviyʾ ʾel־hamelekhe ḥizeqiyahu wayoʾmer ʾelayw mah ʾameru ׀ haʾanashiym haʾeleh umeʾayin yavoʾu ʾeleykha wayoʾmer ḥizeqiyahu meʾerets reḥowqah baʾu ʾelay mibavel׃

4 וַיֹּ֕אמֶר מָ֥ה רָא֖וּ בְּבֵיתֶ֑ךָ וַיֹּ֣אמֶר חִזְקִיָּ֗הוּ אֵ֣ת כָּל־אֲשֶׁ֤ר בְּבֵיתִי֙ רָא֔וּ לֹֽא־הָיָ֥ה דָבָ֛ר אֲשֶׁ֥ר לֹֽא־הִרְאִיתִ֖ים בְּאֹוצְרֹתָֽי׃ wayoʾmer mah raʾu beveytekha wayoʾmer ḥizeqiyahu ʾet kal־ʾasher beveytiy raʾu loʾ־hayah davar ʾasher loʾ־hireʾiytiym beʾowtserotay׃

5 וַיֹּ֥אמֶר יְשַׁעְיָ֖הוּ אֶל־חִזְקִיָּ֑הוּ שְׁמַ֖ע דְּבַר־יְהוָ֥ה צְבָאֹֽות׃ wayoʾmer yeshaʿeyahu ʾel־ḥizeqiyahu shemaʿ devar־yehwah tsevaʾowt׃

6 הִנֵּה֮ יָמִ֣ים בָּאִים֒ וְנִשָּׂ֣א ׀ כָּל־אֲשֶׁ֣ר בְּבֵיתֶ֗ךָ וַאֲשֶׁ֨ר אָצְר֧וּ אֲבֹתֶ֛יךָ עַד־הַיֹּ֥ום הַזֶּ֖ה בָּבֶ֑ל לֹֽא־יִוָּתֵ֥ר דָּבָ֖ר אָמַ֥ר יְהוָֽה׃ hineh yamiym baʾiym wenisaʾ ׀ kal־ʾasher beveytekha waʾasher ʾatseru ʾavoteykha ʿad־hayowm hazeh bavel loʾ־yiuater davar ʾamar yehwah׃

7 וּמִבָּנֶ֜יךָ אֲשֶׁ֨ר יֵצְא֧וּ מִמְּךָ֛ אֲשֶׁ֥ר תֹּולִ֖יד יִקָּ֑חוּ וְהָיוּ֙ סָרִיסִ֔ים בְּהֵיכַ֖ל מֶ֥לֶךְ בָּבֶֽל׃ umibaneykha ʾasher yetseʾu mimekha ʾasher towliyd yiqaḥu wehayu sariysiym beheykhal melekhe bavel׃

8 וַיֹּ֤אמֶר חִזְקִיָּ֙הוּ֙ אֶֽל־יְשַׁעְיָ֔הוּ טֹ֥וב דְּבַר־יְהוָ֖ה אֲשֶׁ֣ר דִּבַּ֑רְתָּ וַיֹּ֕אמֶר כִּ֥י יִהְיֶ֛ה שָׁלֹ֥ום וֶאֱמֶ֖ת בְּיָמָֽי׃ פ wayoʾmer ḥizeqiyahu ʾel־yeshaʿeyahu ṭowv devar־yehwah ʾasher dibareta wayoʾmer kiy yiheyeh shalowm weʾemet beyamay׃ f