Ruth 3

¹ וַתֹּ֥אמֶר לָ֖הּ נָעֳמִ֣י חֲמֹותָ֑הּ בִּתִּ֞י הֲלֹ֧א אֲבַקֶּשׁ־לָ֛ךְ מָנֹ֖וחַ אֲשֶׁ֥ר יִֽיטַב־לָֽךְ׃ watoʾmer lah naʿomiy ḥamowtah bitiy haloʾ ʾavaqesh־lakhe manowḥa ʾasher yiyṭav־lakhe׃

² וְעַתָּ֗ה הֲלֹ֥א בֹ֙עַז֙ מֹֽדַעְתָּ֔נוּ אֲשֶׁ֥ר הָיִ֖ית אֶת־נַעֲרֹותָ֑יו הִנֵּה־ה֗וּא זֹרֶ֛ה אֶת־גֹּ֥רֶן הַשְּׂעֹרִ֖ים הַלָּֽיְלָה׃ weʿatah haloʾ voʿaz modaʿetanu ʾasher hayiyt ʾet־naʿarowtayw hineh־huʾ zoreh ʾet־goren haseʿoriym halayelah׃

³ וְרָחַ֣צְתְּ ׀ וָסַ֗כְתְּ וְשַׂ֧מְתְּ [שִׂמְלֹתֵךְ כ] (שִׂמְלֹתַ֛יִךְ ק) עָלַ֖יִךְ [וְיָרַדְתִּי כ] (וְיָרַ֣דְתְּ ק) הַגֹּ֑רֶן אַל־תִּוָּדְעִ֣י לָאִ֔ישׁ עַ֥ד כַּלֹּתֹ֖ו לֶאֱכֹ֥ל וְלִשְׁתֹּֽות׃ weraḥatsete ׀ wasakhete wesamete [simelotekhe kh] (simelotayikhe q) ʿalayikhe [weyaradetiy kh] (weyaradete q) hagoren ʾal־tiuadeʿiy laʾiysh ʿad kalotow leʾekhol welishetowt׃

⁴ וִיהִ֣י בְשָׁכְבֹ֗ו וְיָדַ֙עַתְּ֙ אֶת־הַמָּקֹום֙ אֲשֶׁ֣ר יִשְׁכַּב־שָׁ֔ם וּבָ֛את וְגִלִּ֥ית מַרְגְּלֹתָ֖יו [וְשָׁכָבְתִּי כ] (וְשָׁכָ֑בְתְּ ק) וְהוּא֙ יַגִּ֣יד לָ֔ךְ אֵ֖ת אֲשֶׁ֥ר תַּעֲשִֽׂין׃ wiyhiy veshakhevow weyadaʿate ʾet־hamaqowm ʾasher yishekav־sham uvaʾt wegiliyt maregelotayw [weshakhavetiy kh] (weshakhavete q) wehuʾ yagiyd lakhe ʾet ʾasher taʿasiyn׃

⁵ וַתֹּ֖אמֶר אֵלֶ֑יהָ כֹּ֛ל אֲשֶׁר־תֹּאמְרִ֥י (אֵלַ֖י ק) אֶֽעֱשֶֽׂה׃ watoʾmer ʾeleyha kol ʾasher־toʾmeriy (ʾelay q) ʾeʿeseh׃

⁶ וַתֵּ֖רֶד הַגֹּ֑רֶן וַתַּ֕עַשׂ כְּכֹ֥ל אֲשֶׁר־צִוַּ֖תָּה חֲמֹותָֽהּ׃ watered hagoren wataʿas kekhol ʾasher־tsiuatah ḥamowtah׃

⁷ וַיֹּ֨אכַל בֹּ֤עַז וַיֵּשְׁתְּ֙ וַיִּיטַ֣ב לִבֹּ֔ו וַיָּבֹ֕א לִשְׁכַּ֖ב בִּקְצֵ֣ה הָעֲרֵמָ֑ה וַתָּבֹ֣א בַלָּ֔ט וַתְּגַ֥ל מַרְגְּלֹתָ֖יו וַתִּשְׁכָּֽב׃ wayoʾkhal boʿaz wayeshete wayiyṭav libow wayavoʾ lishekav biqetseh haʿaremah watavoʾ valaṭ wategal maregelotayw watishekav׃

⁸ וַיְהִי֙ בַּחֲצִ֣י הַלַּ֔יְלָה וַיֶּחֱרַ֥ד הָאִ֖ישׁ וַיִּלָּפֵ֑ת וְהִנֵּ֣ה אִשָּׁ֔ה שֹׁכֶ֖בֶת מַרְגְּלֹתָֽיו׃ wayehiy baḥatsiy halayelah wayeḥerad haʾiysh wayilafet wehineh ʾishah shokhevet maregelotayw׃

⁹ וַיֹּ֖אמֶר מִי־אָ֑תּ וַתֹּ֗אמֶר אָנֹכִי֙ ר֣וּת אֲמָתֶ֔ךָ וּפָרַשְׂתָּ֤ כְנָפֶ֙ךָ֙ עַל־אֲמָ֣תְךָ֔ כִּ֥י גֹאֵ֖ל אָֽתָּה׃ wayoʾmer miy־ʾat watoʾmer ʾanokhiy rut ʾamatekha ufaraseta khenafekha ʿal־ʾamatekha kiy goʾel ʾatah׃

¹⁰ וַיֹּ֗אמֶר בְּרוּכָ֨ה אַ֤תְּ לַֽיהוָה֙ בִּתִּ֔י הֵיטַ֛בְתְּ חַסְדֵּ֥ךְ הָאַחֲרֹ֖ון מִן־הָרִאשֹׁ֑ון לְבִלְתִּי־לֶ֗כֶת אַחֲרֵי֙ הַבַּ֣חוּרִ֔ים אִם־דַּ֖ל וְאִם־עָשִֽׁיר׃ wayoʾmer berukhah ʾate layhwah bitiy heyṭavete ḥasedekhe haʾaḥarown min־hariʾshown leviletiy־lekhet ʾaḥarey habaḥuriym ʾim־dal weʾim־ʿashiyr׃

¹¹ וְעַתָּ֗ה בִּתִּי֙ אַל־תִּ֣ירְאִ֔י כֹּ֥ל אֲשֶׁר־תֹּאמְרִ֖י אֶֽעֱשֶׂה־לָּ֑ךְ כִּ֤י יֹודֵ֙עַ֙ כָּל־שַׁ֣עַר עַמִּ֔י כִּ֛י אֵ֥שֶׁת חַ֖יִל אָֽתְּ׃ weʿatah bitiy ʾal־tiyreʾiy kol ʾasher־toʾmeriy ʾeʿeseh־lakhe kiy yowdeaʿ kal־shaʿar ʿamiy kiy ʾeshet ḥayil ʾate׃

¹² וְעַתָּה֙ כִּ֣י אָמְנָ֔ם כִּ֥י [אִם כ] גֹאֵ֖ל אָנֹ֑כִי וְגַ֛ם יֵ֥שׁ גֹּאֵ֖ל קָרֹ֥וב מִמֶּֽנִּי׃ weʿatah kiy ʾamenam kiy [ʾim kh] goʾel ʾanokhiy wegam yesh goʾel qarowv mimeniy׃

¹³ לִ֣ינִי ׀ הַלַּ֗יְלָה וְהָיָ֤ה בַבֹּ֙קֶר֙ אִם־יִגְאָלֵ֥ךְ טֹוב֙ יִגְאָ֔ל וְאִם־לֹ֨א יַחְפֹּ֧ץ לְגָֽאֳלֵ֛ךְ וּגְאַלְתִּ֥יךְ אָנֹ֖כִי חַי־יְהוָ֑ה שִׁכְבִ֖י עַד־הַבֹּֽקֶר׃ liyniy ׀ halayelah wehayah vaboqer ʾim־yigeʾalekhe ṭowv yigeʾal weʾim־loʾ yaḥepots legaʾolekhe ugeʾaletiykhe ʾanokhiy ḥay־yehwah shikheviy ʿad־haboqer׃

¹⁴ וַתִּשְׁכַּ֤ב [מַרְגְּלָתַו כ] (מַרְגְּלֹותָיו֙ ק) עַד־הַבֹּ֔קֶר וַתָּ֕קָם [בִּטְרֹום כ] (בְּטֶ֛רֶם ק) יַכִּ֥יר אִ֖ישׁ אֶת־רֵעֵ֑הוּ וַיֹּ֙אמֶר֙ אַל־יִוָּדַ֔ע כִּי־בָ֥אָה הָאִשָּׁ֖ה הַגֹּֽרֶן׃ watishekav [maregelataw kh] (maregelowtayw q) ʿad־haboqer wataqam [biṭerowm kh] (beṭerem q) yakiyr ʾiysh ʾet־reʿehu wayoʾmer ʾal־yiuadaʿ kiy־vaʾah haʾishah hagoren׃

¹⁵ וַיֹּ֗אמֶר הָ֠בִי הַמִּטְפַּ֧חַת אֲשֶׁר־עָלַ֛יִךְ וְאֶֽחֳזִי־בָ֖הּ וַתֹּ֣אחֶז בָּ֑הּ וַיָּ֤מָד שֵׁשׁ־שְׂעֹרִים֙ וַיָּ֣שֶׁת עָלֶ֔יהָ וַיָּבֹ֖א הָעִֽיר׃ wayoʾmer haviy hamiṭepaḥat ʾasher־ʿalayikhe weʾeḥoziy־vah watoʾḥez bah wayamad shesh־seʿoriym wayashet ʿaleyha wayavoʾ haʿiyr׃

¹⁶ וַתָּבֹוא֙ אֶל־חֲמֹותָ֔הּ וַתֹּ֖אמֶר מִי־אַ֣תְּ בִּתִּ֑י וַתַּ֨גֶּד־לָ֔הּ אֵ֛ת כָּל־אֲשֶׁ֥ר עָֽשָׂה־לָ֖הּ הָאִֽישׁ׃ watavowʾ ʾel־ḥamowtah watoʾmer miy־ʾate bitiy wataged־lah ʾet kal־ʾasher ʿasah־lah haʾiysh׃

¹⁷ וַתֹּ֕אמֶר שֵׁשׁ־הַשְּׂעֹרִ֥ים הָאֵ֖לֶּה נָ֣תַן לִ֑י כִּ֚י אָמַ֣ר (אֵלַ֔י ק) אַל־תָּבֹ֥ואִי רֵיקָ֖ם אֶל־חֲמֹותֵֽךְ׃ watoʾmer shesh־haseʿoriym haʾeleh natan liy kiy ʾamar (ʾelay q) ʾal־tavowʾiy reyqam ʾel־ḥamowtekhe׃

¹⁸ וַתֹּ֙אמֶר֙ שְׁבִ֣י בִתִּ֔י עַ֚ד אֲשֶׁ֣ר תֵּֽדְעִ֔ין אֵ֖יךְ יִפֹּ֣ל דָּבָ֑ר כִּ֣י לֹ֤א יִשְׁקֹט֙ הָאִ֔ישׁ כִּֽי־אִם־כִּלָּ֥ה הַדָּבָ֖ר הַיֹּֽום׃ watoʾmer sheviy vitiy ʿad ʾasher tedeʿiyn ʾeykhe yipol davar kiy loʾ yisheqoṭ haʾiysh kiy־ʾim־kilah hadavar hayowm׃