1 לְמַ֤עַן צִיֹּון֙ לֹ֣א אֶחֱשֶׁ֔ה וּלְמַ֥עַן יְרוּשָׁלִַ֖ם לֹ֣א אֶשְׁקֹ֑וט עַד־יֵצֵ֤א כַנֹּ֙גַהּ֙ צִדְקָ֔הּ וִישׁוּעָתָ֖הּ כְּלַפִּ֥יד יִבְעָֽר׃ lemaʿan tsiyown loʾ ʾeḥesheh ulemaʿan yerushalim loʾ ʾesheqowṭ ʿad־yetseʾ khanogah tsideqah wiyshuʿatah kelapiyd yiveʿar׃
2 וְרָא֤וּ גֹויִם֙ צִדְקֵ֔ךְ וְכָל־מְלָכִ֖ים כְּבֹודֵ֑ךְ וְקֹ֤רָא לָךְ֙ שֵׁ֣ם חָדָ֔שׁ אֲשֶׁ֛ר פִּ֥י יְהוָ֖ה יִקֳּבֶֽנּוּ׃ weraʾu gowyim tsideqekhe wekhal־melakhiym kevowdekhe weqoraʾ lakhe shem ḥadash ʾasher piy yehwah yiqovenu׃
3 וְהָיִ֛יתְ עֲטֶ֥רֶת תִּפְאֶ֖רֶת בְּיַד־יְהוָ֑ה [וּצְנֹוף כ] (וּצְנִ֥יף ק) מְלוּכָ֖ה בְּכַף־אֱלֹהָֽיִךְ׃ wehayiyte ʿaṭeret tifeʾeret beyad־yehwah [utsenowf kh] (utseniyf q) melukhah bekhaf־ʾelohayikhe׃
4 לֹֽא־יֵאָמֵר֩ לָ֨ךְ עֹ֜וד עֲזוּבָ֗ה וּלְאַרְצֵךְ֙ לֹא־יֵאָמֵ֥ר עֹוד֙ שְׁמָמָ֔ה כִּ֣י לָ֗ךְ יִקָּרֵא֙ חֶפְצִי־בָ֔הּ וּלְאַרְצֵ֖ךְ בְּעוּלָ֑ה כִּֽי־חָפֵ֤ץ יְהוָה֙ בָּ֔ךְ וְאַרְצֵ֖ךְ תִּבָּעֵֽל׃ loʾ־yeʾamer lakhe ʿowd ʿazuvah uleʾaretsekhe loʾ־yeʾamer ʿowd shemamah kiy lakhe yiqareʾ ḥefetsiy־vah uleʾaretsekhe beʿulah kiy־ḥafets yehwah bakhe weʾaretsekhe tibaʿel׃
5 כִּֽי־יִבְעַ֤ל בָּחוּר֙ בְּתוּלָ֔ה יִבְעָל֖וּךְ בָּנָ֑יִךְ וּמְשֹׂ֤ושׂ חָתָן֙ עַל־כַּלָּ֔ה יָשִׂ֥ישׂ עָלַ֖יִךְ אֱלֹהָֽיִךְ׃ kiy־yiveʿal baḥur betulah yiveʿalukhe banayikhe umesows ḥatan ʿal־kalah yasiys ʿalayikhe ʾelohayikhe׃
6 עַל־חֹומֹתַ֣יִךְ יְרוּשָׁלִַ֗ם הִפְקַ֙דְתִּי֙ שֹֽׁמְרִ֔ים כָּל־הַיֹּ֧ום וְכָל־הַלַּ֛יְלָה תָּמִ֖יד לֹ֣א יֶחֱשׁ֑וּ הַמַּזְכִּרִים֙ אֶת־יְהוָ֔ה אַל־דֳּמִ֖י לָכֶֽם׃ ʿal־ḥowmotayikhe yerushalim hifeqadetiy shomeriym kal־hayowm wekhal־halayelah tamiyd loʾ yeḥeshu hamazekiriym ʾet־yehwah ʾal־domiy lakhem׃
7 וְאַֽל־תִּתְּנ֥וּ דֳמִ֖י לֹ֑ו עַד־יְכֹונֵ֞ן וְעַד־יָשִׂ֧ים אֶת־יְרֽוּשָׁלִַ֛ם תְּהִלָּ֖ה בָּאָֽרֶץ׃ weʾal־titenu domiy low ʿad־yekhownen weʿad־yasiym ʾet־yerushalim tehilah baʾarets׃
8 נִשְׁבַּ֧ע יְהוָ֛ה בִּֽימִינֹ֖ו וּבִזְרֹ֣ועַ עֻזֹּ֑ו אִם־אֶתֵּן֩ אֶת־דְּגָנֵ֨ךְ עֹ֤וד מַֽאֲכָל֙ לְאֹ֣יְבַ֔יִךְ וְאִם־יִשְׁתּ֤וּ בְנֵֽי־נֵכָר֙ תִּֽירֹושֵׁ֔ךְ אֲשֶׁ֥ר יָגַ֖עַתְּ בֹּֽו׃ nishebaʿ yehwah biymiynow uvizerowʿa ʿuzow ʾim־ʾeten ʾet־deganekhe ʿowd maʾakhal leʾoyevayikhe weʾim־yishetu veney־nekhar tiyrowshekhe ʾasher yagaʿate bow׃
9 כִּ֤י מְאַסְפָיו֙ יֹאכְלֻ֔הוּ וְהִֽלְל֖וּ אֶת־יְהוָ֑ה וּֽמְקַבְּצָ֥יו יִשְׁתֻּ֖הוּ בְּחַצְרֹ֥ות קָדְשִֽׁי׃ ס kiy meʾasefayw yoʾkheluhu wehilelu ʾet־yehwah umeqabetsayw yishetuhu beḥatserowt qadeshiy׃ s
10 עִבְר֤וּ עִבְרוּ֙ בַּשְּׁעָרִ֔ים פַּנּ֖וּ דֶּ֣רֶךְ הָעָ֑ם סֹ֣לּוּ סֹ֤לּוּ הַֽמְסִלָּה֙ סַקְּל֣וּ מֵאֶ֔בֶן הָרִ֥ימוּ נֵ֖ס עַל־הָעַמִּֽים׃ ʿiveru ʿiveru basheʿariym panu derekhe haʿam solu solu hamesilah saqelu meʾeven hariymu nes ʿal־haʿamiym׃
11 הִנֵּ֣ה יְהוָ֗ה הִשְׁמִ֙יעַ֙ אֶל־קְצֵ֣ה הָאָ֔רֶץ אִמְרוּ֙ לְבַת־צִיֹּ֔ון הִנֵּ֥ה יִשְׁעֵ֖ךְ בָּ֑א הִנֵּ֤ה שְׂכָרֹו֙ אִתֹּ֔ו וּפְעֻלָּתֹ֖ו לְפָנָֽיו׃ hineh yehwah hishemiyʿa ʾel־qetseh haʾarets ʾimeru levat־tsiyown hineh yisheʿekhe baʾ hineh sekharow ʾitow ufeʿulatow lefanayw׃
12 וְקָרְא֥וּ לָהֶ֛ם עַם־הַקֹּ֖דֶשׁ גְּאוּלֵ֣י יְהוָ֑ה וְלָךְ֙ יִקָּרֵ֣א דְרוּשָׁ֔ה עִ֖יר לֹ֥א נֶעֱזָֽבָה׃ ס weqareʾu lahem ʿam־haqodesh geʾuley yehwah welakhe yiqareʾ derushah ʿiyr loʾ neʿezavah׃ s