1 וַיְהִ֣י כַאֲשֶׁ֣ר נִשְׁמַ֣ע לְסַנְבַלַּ֣ט וְ֠טֹובִיָּה וּלְגֶ֨שֶׁם הָֽעַרְבִ֜י וּלְיֶ֣תֶר אֹֽיְבֵ֗ינוּ כִּ֤י בָנִ֙יתִי֙ אֶת־הַ֣חֹומָ֔ה וְלֹא־נֹ֥ותַר בָּ֖הּ פָּ֑רֶץ גַּ֚ם עַד־הָעֵ֣ת הַהִ֔יא דְּלָתֹ֖ות לֹא־הֶעֱמַ֥דְתִּי בַשְּׁעָרִֽים׃ wayehiy khaʾasher nishemaʿ lesanevalaṭ weṭowviyah ulegeshem haʿareviy uleyeter ʾoyeveynu kiy vaniytiy ʾet־haḥowmah weloʾ־nowtar bah parets gam ʿad־haʿet hahiyʾ delatowt loʾ־heʿemadetiy vasheʿariym׃
2 וַיִּשְׁלַ֨ח סַנְבַלַּ֤ט וְגֶ֙שֶׁם֙ אֵלַ֣י לֵאמֹ֔ר לְכָ֞ה וְנִֽוָּעֲדָ֥ה יַחְדָּ֛ו בַּכְּפִירִ֖ים בְּבִקְעַ֣ת אֹונֹ֑ו וְהֵ֙מָּה֙ חֹֽשְׁבִ֔ים לַעֲשֹׂ֥ות לִ֖י רָעָֽה׃ wayishelaḥ sanevalaṭ wegeshem ʾelay leʾmor lekhah weniuaʿadah yaḥedaw bakefiyriym beviqeʿat ʾownow wehemah ḥosheviym laʿasowt liy raʿah׃
3 וָאֶשְׁלְחָ֨ה עֲלֵיהֶ֤ם מַלְאָכִים֙ לֵאמֹ֔ר מְלָאכָ֤ה גְדֹולָה֙ אֲנִ֣י עֹשֶׂ֔ה וְלֹ֥א אוּכַ֖ל לָרֶ֑דֶת לָ֣מָּה תִשְׁבַּ֤ת הַמְּלָאכָה֙ כַּאֲשֶׁ֣ר אַרְפֶּ֔הָ וְיָרַדְתִּ֖י אֲלֵיכֶֽם׃ waʾesheleḥah ʿaleyhem maleʾakhiym leʾmor melaʾkhah gedowlah ʾaniy ʿoseh weloʾ ʾukhal laredet lamah tishebat hamelaʾkhah kaʾasher ʾarepeah weyaradetiy ʾaleykhem׃
4 וַיִּשְׁלְח֥וּ אֵלַ֛י כַּדָּבָ֥ר הַזֶּ֖ה אַרְבַּ֣ע פְּעָמִ֑ים וָאָשִׁ֥יב אֹותָ֖ם כַּדָּבָ֥ר הַזֶּֽה׃ ס wayisheleḥu ʾelay kadavar hazeh ʾarebaʿ peʿamiym waʾashiyv ʾowtam kadavar hazeh׃ s
5 וַיִּשְׁלַח֩ אֵלַ֨י סַנְבַלַּ֜ט כַּדָּבָ֥ר הַזֶּ֛ה פַּ֥עַם חֲמִישִׁ֖ית אֶֽת־נַעֲרֹ֑ו וְאִגֶּ֥רֶת פְּתוּחָ֖ה בְּיָדֹֽו׃ wayishelaḥ ʾelay sanevalaṭ kadavar hazeh paʿam ḥamiyshiyt ʾet־naʿarow weʾigeret petuḥah beyadow׃
6 כָּת֣וּב בָּ֗הּ בַּגֹּויִ֤ם נִשְׁמָע֙ וְגַשְׁמ֣וּ אֹמֵ֔ר אַתָּ֤ה וְהַיְּהוּדִים֙ חֹשְׁבִ֣ים לִמְרֹ֔וד עַל־כֵּ֛ן אַתָּ֥ה בֹונֶ֖ה הַחֹומָ֑ה וְאַתָּ֗ה הֹוֶ֤ה לָהֶם֙ לְמֶ֔לֶךְ כַּדְּבָרִ֖ים הָאֵֽלֶּה׃ katuv bah bagowyim nishemaʿ wegashemu ʾomer ʾatah wehayehudiym ḥosheviym limerowd ʿal־ken ʾatah vowneh haḥowmah weʾatah howeh lahem lemelekhe kadevariym haʾeleh׃
7 וְגַם־נְבִיאִ֡ים הֶעֱמַ֣דְתָּ לִקְרֹא֩ עָלֶ֨יךָ בִֽירוּשָׁלִַ֜ם לֵאמֹ֗ר מֶ֚לֶךְ בִּֽיהוּדָ֔ה וְעַתָּה֙ יִשָּׁמַ֣ע לַמֶּ֔לֶךְ כַּדְּבָרִ֣ים הָאֵ֑לֶּה וְעַתָּ֣ה לְכָ֔ה וְנִֽוָּעֲצָ֖ה יַחְדָּֽו׃ ס wegam־neviyʾiym heʿemadeta liqeroʾ ʿaleykha viyrushalim leʾmor melekhe biyhudah weʿatah yishamaʿ lamelekhe kadevariym haʾeleh weʿatah lekhah weniuaʿatsah yaḥedaw׃ s
8 וָאֶשְׁלְחָ֤ה אֵלָיו֙ לֵאמֹ֔ר לֹ֤א נִֽהְיָה֙ כַּדְּבָרִ֣ים הָאֵ֔לֶּה אֲשֶׁ֖ר אַתָּ֣ה אֹומֵ֑ר כִּ֥י מִֽלִּבְּךָ֖ אַתָּ֥ה בֹודָֽאם waʾesheleḥah ʾelayw leʾmor loʾ niheyah kadevariym haʾeleh ʾasher ʾatah ʾowmer kiy milibekha ʾatah vowdaʾm
9 כִּ֣י כֻלָּ֗ם מְיָֽרְאִ֤ים אֹותָ֙נוּ֙ לֵאמֹ֔ר יִרְפּ֧וּ יְדֵיהֶ֛ם מִן־הַמְּלָאכָ֖ה וְלֹ֣א תֵעָשֶׂ֑ה וְעַתָּ֖ה חַזֵּ֥ק אֶת־יָדָֽי׃ kiy khulam meyareʾiym ʾowtanu leʾmor yirepu yedeyhem min־hamelaʾkhah weloʾ teʿaseh weʿatah ḥazeq ʾet־yaday׃
10 וַאֲנִי־בָ֗אתִי בֵּ֣ית שְֽׁמַֽעְיָ֧ה בֶן־דְּלָיָ֛ה בֶּן־מְהֵֽיטַבְאֵ֖ל וְה֣וּא עָצ֑וּר וַיֹּ֡אמֶר נִוָּעֵד֩ אֶל־בֵּ֨ית הָאֱלֹהִ֜ים אֶל־תֹּ֣וךְ הַֽהֵיכָ֗ל וְנִסְגְּרָה֙ דַּלְתֹ֣ות הַהֵיכָ֔ל כִּ֚י בָּאִ֣ים לְהָרְגֶ֔ךָ וְלַ֖יְלָה בָּאִ֥ים לְהָרְגֶֽךָ׃ waʾaniy־vaʾtiy beyt shemaʿeyah ven־delayah ben־meheyṭaveʾel wehuʾ ʿatsur wayoʾmer niuaʿed ʾel־beyt haʾelohiym ʾel־towkhe haheykhal wenisegerah daletowt haheykhal kiy baʾiym leharegekha welayelah baʾiym leharegekha׃
11 וָאֹמְרָ֗ה הַאִ֤ישׁ כָּמֹ֙ונִי֙ יִבְרָ֔ח וּמִ֥י כָמֹ֛ונִי אֲשֶׁר־יָבֹ֥וא אֶל־הַהֵיכָ֖ל וָחָ֑י לֹ֖א אָבֹֽוא׃ waʾomerah haʾiysh kamowniy yiveraḥ umiy khamowniy ʾasher־yavowʾ ʾel־haheykhal waḥay loʾ ʾavowʾ׃
12 וָאַכִּ֕ירָה וְהִנֵּ֥ה לֹֽא־אֱלֹהִ֖ים שְׁלָחֹ֑ו כִּ֤י הַנְּבוּאָה֙ דִּבֶּ֣ר עָלַ֔י וְטֹובִיָּ֥ה וְסַנְבַלַּ֖ט שְׂכָרֹֽו׃ waʾakiyrah wehineh loʾ־ʾelohiym shelaḥow kiy hanevuʾah diber ʿalay weṭowviyah wesanevalaṭ sekharow׃
13 לְמַ֤עַן שָׂכוּר֙ ה֔וּא לְמַֽעַן־אִירָ֥א וְאֶֽעֱשֶׂה־כֵּ֖ן וְחָטָ֑אתִי וְהָיָ֤ה לָהֶם֙ לְשֵׁ֣ם רָ֔ע לְמַ֖עַן יְחָֽרְפֽוּנִי׃ פ lemaʿan sakhur huʾ lemaʿan־ʾiyraʾ weʾeʿeseh־ken weḥaṭaʾtiy wehayah lahem leshem raʿ lemaʿan yeḥarefuniy׃ f
14 זָכְרָ֧ה אֱלֹהַ֛י לְטֹובִיָּ֥ה וּלְסַנְבַלַּ֖ט כְּמַעֲשָׂ֣יו אֵ֑לֶּה וְגַ֨ם לְנֹועַדְיָ֤ה הַנְּבִיאָה֙ וּלְיֶ֣תֶר הַנְּבִיאִ֔ים אֲשֶׁ֥ר הָי֖וּ מְיָֽרְאִ֥ים אֹותִֽי׃ zakherah ʾelohay leṭowviyah ulesanevalaṭ kemaʿasayw ʾeleh wegam lenowʿadeyah haneviyʾah uleyeter haneviyʾiym ʾasher hayu meyareʾiym ʾowtiy׃
15 וַתִּשְׁלַם֙ הַֽחֹומָ֔ה בְּעֶשְׂרִ֥ים וַחֲמִשָּׁ֖ה לֶאֱל֑וּל לַחֲמִשִּׁ֥ים וּשְׁנַ֖יִם יֹֽום׃ פ watishelam haḥowmah beʿeseriym waḥamishah leʾelul laḥamishiym ushenayim yowm׃ f
16 וַיְהִ֗י כַּאֲשֶׁ֤ר שָֽׁמְעוּ֙ כָּל־אֹ֣ויְבֵ֔ינוּ וַיִּֽרְא֗וּ כָּל־הַגֹּויִם֙ אֲשֶׁ֣ר סְבִֽיבֹתֵ֔ינוּ וַיִּפְּל֥וּ מְאֹ֖ד בְּעֵינֵיהֶ֑ם וַיֵּ֣דְע֔וּ כִּ֚י מֵאֵ֣ת אֱלֹהֵ֔ינוּ נֶעֶשְׂתָ֖ה הַמְּלָאכָ֥ה הַזֹּֽאת׃ wayehiy kaʾasher shameʿu kal־ʾowyeveynu wayireʾu kal־hagowyim ʾasher seviyvoteynu wayipelu meʾod beʿeyneyhem wayedeʿu kiy meʾet ʾeloheynu neʿesetah hamelaʾkhah hazoʾt׃
17 גַּ֣ם ׀ בַּיָּמִ֣ים הָהֵ֗ם מַרְבִּ֞ים חֹרֵ֤י יְהוּדָה֙ אִגְּרֹ֣תֵיהֶ֔ם הֹולְכֹ֖ות עַל־טֹובִיָּ֑ה וַאֲשֶׁ֥ר לְטֹובִיָּ֖ה בָּאֹ֥ות אֲלֵיהֶֽם׃ gam ׀ bayamiym hahem marebiym ḥorey yehudah ʾigeroteyhem howlekhowt ʿal־ṭowviyah waʾasher leṭowviyah baʾowt ʾaleyhem׃
18 כִּי־רַבִּ֣ים בִּֽיהוּדָ֗ה בַּעֲלֵ֤י שְׁבוּעָה֙ לֹ֔ו כִּי־חָתָ֥ן ה֖וּא לִשְׁכַנְיָ֣ה בֶן־אָרַ֑ח וִֽיהֹוחָנָ֣ן בְּנֹ֔ו לָקַ֕ח אֶת־בַּת־מְשֻׁלָּ֖ם בֶּ֥ן בֶּֽרֶכְיָֽה׃ kiy־rabiym biyhudah baʿaley shevuʿah low kiy־ḥatan huʾ lishekhaneyah ven־ʾaraḥ wiyhowḥanan benow laqaḥ ʾet־bat־meshulam ben berekheyah׃
19 גַּ֣ם טֹובֹתָ֗יו הָי֤וּ אֹמְרִים֙ לְפָנַ֔י וּדְבָרַ֕י הָי֥וּ מֹוצִיאִ֖ים לֹ֑ו אִגְּרֹ֛ות שָׁלַ֥ח טֹובִיָּ֖ה לְיָֽרְאֵֽנִי׃ gam ṭowvotayw hayu ʾomeriym lefanay udevaray hayu mowtsiyʾiym low ʾigerowt shalaḥ ṭowviyah leyareʾeniy׃