Ésaïe 16

¹ שִׁלְחוּ־כַ֥ר מֹשֵֽׁל־אֶ֖רֶץ מִסֶּ֣לַע מִדְבָּ֑רָה אֶל־הַ֖ר בַּת־צִיֹּֽון׃ shileḥu־khar moshel־ʾerets miselaʿ midebarah ʾel־har bat־tsiyown׃

² וְהָיָ֥ה כְעֹוף־נֹודֵ֖ד קֵ֣ן מְשֻׁלָּ֑ח תִּֽהְיֶ֙ינָה֙ בְּנֹ֣ות מֹואָ֔ב מַעְבָּרֹ֖ת לְאַרְנֹֽון׃ wehayah kheʿowf־nowded qen meshulaḥ tiheyeynah benowt mowʾav maʿebarot leʾarenown׃

³ [הָבִיאוּ כ] (הָבִ֤יאִי ק) עֵצָה֙ עֲשׂ֣וּ פְלִילָ֔ה שִׁ֧יתִי כַלַּ֛יִל צִלֵּ֖ךְ בְּתֹ֣וךְ צָהֳרָ֑יִם סַתְּרִי֙ נִדָּחִ֔ים נֹדֵ֖ד אַל־תְּגַלִּֽי׃ [haviyʾu kh] (haviyʾiy q) ʿetsah ʿasu feliylah shiytiy khalayil tsilekhe betowkhe tsahorayim sateriy nidaḥiym noded ʾal־tegaliy׃

⁴ יָג֤וּרוּ בָךְ֙ נִדָּחַ֔י מֹואָ֛ב הֱוִי־סֵ֥תֶר לָ֖מֹו מִפְּנֵ֣י שֹׁודֵ֑ד כִּֽי־אָפֵ֤ס הַמֵּץ֙ כָּ֣לָה שֹׁ֔ד תַּ֥מּוּ רֹמֵ֖ס מִן־הָאָֽרֶץ׃ yaguru vakhe nidaḥay mowʾav hewiy־seter lamow mipeney showded kiy־ʾafes hamets kalah shod tamu romes min־haʾarets׃

⁵ וְהוּכַ֤ן בַּחֶ֙סֶד֙ כִּסֵּ֔א וְיָשַׁ֥ב עָלָ֛יו בֶּאֱמֶ֖ת בְּאֹ֣הֶל דָּוִ֑ד שֹׁפֵ֛ט וְדֹרֵ֥שׁ מִשְׁפָּ֖ט וּמְהִ֥ר צֶֽדֶק׃ wehukhan baḥesed kiseʾ weyashav ʿalayw beʾemet beʾohel dawid shofeṭ wedoresh mishepaṭ umehir tsedeq׃

⁶ שָׁמַ֥עְנוּ גְאֹון־מֹואָ֖ב גֵּ֣א מְאֹ֑ד גַּאֲוָתֹ֧ו וּגְאֹונֹ֛ו וְעֶבְרָתֹ֖ו לֹא־כֵ֥ן בַּדָּֽיו׃ ס shamaʿenu geʾown־mowʾav geʾ meʾod gaʾawatow ugeʾownow weʿeveratow loʾ־khen badayw׃ s

⁷ לָכֵ֗ן יְיֵלִ֥יל מֹואָ֛ב לְמֹואָ֖ב כֻּלֹּ֣ה יְיֵלִ֑יל לַאֲשִׁישֵׁ֧י קִיר־חֲרֶ֛שֶׂת תֶּהְגּ֖וּ אַךְ־נְכָאִֽים׃ lakhen yeyeliyl mowʾav lemowʾav kuloh yeyeliyl laʾashiyshey qiyr־ḥareset tehegu ʾakhe־nekhaʾiym׃

⁸ כִּ֣י שַׁדְמֹות֩ חֶשְׁבֹּ֨ון אֻמְלָ֜ל גֶּ֣פֶן שִׂבְמָ֗ה בַּעֲלֵ֤י גֹויִם֙ הָלְמ֣וּ שְׂרוּקֶּ֔יהָ עַד־יַעְזֵ֥ר נָגָ֖עוּ תָּ֣עוּ מִדְבָּ֑ר שְׁלֻ֣חֹותֶ֔יהָ נִטְּשׁ֖וּ עָ֥בְרוּ יָֽם׃ kiy shademowt ḥeshebown ʾumelal gefen sivemah baʿaley gowyim halemu seruqeyha ʿad־yaʿezer nagaʿu taʿu midebar sheluḥowteyha niṭeshu ʿaveru yam׃

⁹ עַל־כֵּ֡ן אֶבְכֶּ֞ה בִּבְכִ֤י יַעְזֵר֙ גֶּ֣פֶן שִׂבְמָ֔ה אֲרַיָּ֙וֶךְ֙ דִּמְעָתִ֔י חֶשְׁבֹּ֖ון וְאֶלְעָלֵ֑ה כִּ֧י עַל־קֵיצֵ֛ךְ וְעַל־קְצִירֵ֖ךְ הֵידָ֥ד נָפָֽל׃ ʿal־ken ʾevekeh bivekhiy yaʿezer gefen sivemah ʾarayawekhe dimeʿatiy ḥeshebown weʾeleʿaleh kiy ʿal־qeytsekhe weʿal־qetsiyrekhe heydad nafal׃

¹⁰ וְנֶאֱסַ֨ף שִׂמְחָ֤ה וָגִיל֙ מִן־הַכַּרְמֶ֔ל וּבַכְּרָמִ֥ים לֹֽא־יְרֻנָּ֖ן לֹ֣א יְרֹעָ֑ע יַ֗יִן בַּיְקָבִ֛ים לֹֽא־יִדְרֹ֥ךְ הַדֹּרֵ֖ךְ הֵידָ֥ד הִשְׁבַּֽתִּי׃ weneʾesaf simeḥah wagiyl min־hakaremel uvakeramiym loʾ־yerunan loʾ yeroʿaʿ yayin bayeqaviym loʾ־yiderokhe hadorekhe heydad hishebatiy׃

¹¹ עַל־כֵּן֙ מֵעַ֣י לְמֹואָ֔ב כַּכִּנֹּ֖ור יֶֽהֱמ֑וּ וְקִרְבִּ֖י לְקִ֥יר חָֽרֶשׂ׃ ʿal־ken meʿay lemowʾav kakinowr yehemu weqirebiy leqiyr ḥares׃

¹² וְהָיָ֧ה כִֽי־נִרְאָ֛ה כִּֽי־נִלְאָ֥ה מֹואָ֖ב עַל־הַבָּמָ֑ה וּבָ֧א אֶל־מִקְדָּשֹׁ֛ו לְהִתְפַּלֵּ֖ל וְלֹ֥א יוּכָֽל׃ wehayah khiy־nireʾah kiy־nileʾah mowʾav ʿal־habamah uvaʾ ʾel־miqedashow lehitepalel weloʾ yukhal׃

¹³ זֶ֣ה הַדָּבָ֗ר אֲשֶׁ֨ר דִּבֶּ֧ר יְהוָ֛ה אֶל־מֹואָ֖ב מֵאָֽז׃ zeh hadavar ʾasher diber yehwah ʾel־mowʾav meʾaz׃

¹⁴ וְעַתָּ֗ה דִּבֶּ֣ר יְהוָה֮ לֵאמֹר֒ בְּשָׁלֹ֤שׁ שָׁנִים֙ כִּשְׁנֵ֣י שָׂכִ֔יר וְנִקְלָה֙ כְּבֹ֣וד מֹואָ֔ב בְּכֹ֖ל הֶהָמֹ֣ון הָרָ֑ב וּשְׁאָ֥ר מְעַ֛ט מִזְעָ֖ר לֹ֥וא כַבִּֽיר׃ ס weʿatah diber yehwah leʾmor beshalosh shaniym kisheney sakhiyr weniqelah kevowd mowʾav bekhol hehamown harav usheʾar meʿaṭ mizeʿar lowʾ khabiyr׃ s