1 וַיָּ֣חֶל שְׁלֹמֹ֗ה לִבְנֹ֤ות אֶת־בֵּית־יְהוָה֙ בִּיר֣וּשָׁלִַ֔ם בְּהַר֙ הַמֹּ֣ורִיָּ֔ה אֲשֶׁ֥ר נִרְאָ֖ה לְדָוִ֣יד אָבִ֑יהוּ אֲשֶׁ֤ר הֵכִין֙ בִּמְקֹ֣ום דָּוִ֔יד בְּגֹ֖רֶן אָרְנָ֥ן הַיְבוּסִֽי׃ wayaḥel shelomoh livenowt ʾet־beyt־yehwah biyrushalim behar hamowriyah ʾasher nireʾah ledawiyd ʾaviyhu ʾasher hekhiyn bimeqowm dawiyd begoren ʾarenan hayevusiy׃
2 וַ֠יָּחֶל לִבְנֹ֞ות בַּחֹ֤דֶשׁ הַשֵּׁנִי֙ בַּשֵּׁנִ֔י בִּשְׁנַ֥ת אַרְבַּ֖ע לְמַלְכוּתֹֽו׃ wayaḥel livenowt baḥodesh hasheniy basheniy bishenat ʾarebaʿ lemalekhutow׃
3 וְאֵ֙לֶּה֙ הוּסַ֣ד שְׁלֹמֹ֔ה לִבְנֹ֖ות אֶת־בֵּ֣ית הָאֱלֹהִ֑ים הָאֹ֡רֶךְ אַמֹּ֞ות בַּמִּדָּ֤ה הָרִֽאשֹׁונָה֙ אַמֹּ֣ות שִׁשִּׁ֔ים וְרֹ֖חַב אַמֹּ֥ות עֶשְׂרִֽים׃ weʾeleh husad shelomoh livenowt ʾet־beyt haʾelohiym haʾorekhe ʾamowt bamidah hariʾshownah ʾamowt shishiym weroḥav ʾamowt ʿeseriym׃
4 וְהָאוּלָ֡ם אֲשֶׁר֩ עַל־פְּנֵ֨י הָאֹ֜רֶךְ עַל־פְּנֵ֤י רֹֽחַב־הַבַּ֙יִת֙ אַמֹּ֣ות עֶשְׂרִ֔ים וְהַגֹּ֖בַהּ מֵאָ֣ה וְעֶשְׂרִ֑ים וַיְצַפֵּ֥הוּ מִפְּנִ֖ימָה זָהָ֥ב טָהֹֽור׃ wehaʾulam ʾasher ʿal־peney haʾorekhe ʿal־peney roḥav־habayit ʾamowt ʿeseriym wehagovah meʾah weʿeseriym wayetsapehu mipeniymah zahav ṭahowr׃
5 וְאֵ֣ת ׀ הַבַּ֣יִת הַגָּדֹ֗ול חִפָּה֙ עֵ֣ץ בְּרֹושִׁ֔ים וַיְחַפֵּ֖הוּ זָהָ֣ב טֹ֑וב וַיַּ֧עַל עָלָ֛יו תִּמֹרִ֖ים וְשַׁרְשְׁרֹֽות׃ weʾet ׀ habayit hagadowl ḥipah ʿets berowshiym wayeḥapehu zahav ṭowv wayaʿal ʿalayw timoriym wesharesherowt׃
6 וַיְצַ֧ף אֶת־הַבַּ֛יִת אֶ֥בֶן יְקָרָ֖ה לְתִפְאָ֑רֶת וְהַזָּהָ֖ב זְהַ֥ב פַּרְוָֽיִם׃ wayetsaf ʾet־habayit ʾeven yeqarah letifeʾaret wehazahav zehav parewayim׃
7 וַיְחַ֨ף אֶת־הַבַּ֜יִת הַקֹּרֹ֧ות הַסִּפִּ֛ים וְקִֽירֹותָ֥יו וְדַלְתֹותָ֖יו זָהָ֑ב וּפִתַּ֥ח כְּרוּבִ֖ים עַל־הַקִּירֹֽות׃ ס wayeḥaf ʾet־habayit haqorowt hasipiym weqiyrowtayw wedaletowtayw zahav ufitaḥ keruviym ʿal־haqiyrowt׃ s
8 וַיַּ֙עַשׂ֙ אֶת־בֵּֽית־קֹ֣דֶשׁ הַקֳּדָשִׁ֔ים אָרְכֹּ֞ו עַל־פְּנֵ֤י רֹֽחַב־הַבַּ֙יִת֙ אַמֹּ֣ות עֶשְׂרִ֔ים וְרָחְבֹּ֖ו אַמֹּ֣ות עֶשְׂרִ֑ים וַיְחַפֵּ֙הוּ֙ זָהָ֣ב טֹ֔וב לְכִכָּרִ֖ים שֵׁ֥שׁ מֵאֹֽות׃ wayaʿas ʾet־beyt־qodesh haqodashiym ʾarekow ʿal־peney roḥav־habayit ʾamowt ʿeseriym weraḥebow ʾamowt ʿeseriym wayeḥapehu zahav ṭowv lekhikariym shesh meʾowt׃
9 וּמִשְׁקָ֛ל לְמִסְמְרֹ֥ות לִשְׁקָלִ֖ים חֲמִשִּׁ֣ים זָהָ֑ב וְהָעֲלִיֹּ֖ות חִפָּ֥ה זָהָֽב׃ umisheqal lemisemerowt lisheqaliym ḥamishiym zahav wehaʿaliyowt ḥipah zahav׃
10 וַיַּ֜עַשׂ בְּבֵֽית־קֹ֤דֶשׁ הַקֳּדָשִׁים֙ כְּרוּבִ֣ים שְׁנַ֔יִם מַעֲשֵׂ֖ה צַעֲצֻעִ֑ים וַיְצַפּ֥וּ אֹתָ֖ם זָהָֽב׃ wayaʿas beveyt־qodesh haqodashiym keruviym shenayim maʿaseh tsaʿatsuʿiym wayetsapu ʾotam zahav׃
11 וְכַנְפֵי֙ הַכְּרוּבִ֔ים אָרְכָּ֖ם אַמֹּ֣ות עֶשְׂרִ֑ים כְּנַ֨ף הָאֶחָ֜ד לְאַמֹּ֣ות חָמֵ֗שׁ מַגַּ֙עַת֙ לְקִ֣יר הַבַּ֔יִת וְהַכָּנָ֤ף הָאַחֶ֙רֶת֙ אַמֹּ֣ות חָמֵ֔שׁ מַגִּ֕יעַ לִכְנַ֖ף הַכְּר֥וּב הָאַחֵֽר׃ wekhanefey hakeruviym ʾarekam ʾamowt ʿeseriym kenaf haʾeḥad leʾamowt ḥamesh magaʿat leqiyr habayit wehakanaf haʾaḥeret ʾamowt ḥamesh magiyʿa likhenaf hakeruv haʾaḥer׃
12 וּכְנַ֨ף הַכְּר֤וּב הָאֶחָד֙ אַמֹּ֣ות חָמֵ֔שׁ מַגִּ֖יעַ לְקִ֣יר הַבָּ֑יִת וְהַכָּנָ֤ף הָאַחֶ֙רֶת֙ אַמֹּ֣ות חָמֵ֔שׁ דְּבֵקָ֕ה לִכְנַ֖ף הַכְּר֥וּב הָאַחֵֽר׃ ukhenaf hakeruv haʾeḥad ʾamowt ḥamesh magiyʿa leqiyr habayit wehakanaf haʾaḥeret ʾamowt ḥamesh deveqah likhenaf hakeruv haʾaḥer׃
13 כַּנְפֵי֙ הַכְּרוּבִ֣ים הָאֵ֔לֶּה פֹּֽרְשִׂ֖ים אַמֹּ֣ות עֶשְׂרִ֑ים וְהֵ֛ם עֹמְדִ֥ים עַל־רַגְלֵיהֶ֖ם וּפְנֵיהֶ֥ם לַבָּֽיִת׃ ס kanefey hakeruviym haʾeleh poresiym ʾamowt ʿeseriym wehem ʿomediym ʿal־rageleyhem ufeneyhem labayit׃ s
14 וַיַּ֙עַשׂ֙ אֶת־הַפָּרֹ֔כֶת תְּכֵ֥לֶת וְאַרְגָּמָ֖ן וְכַרְמִ֣יל וּב֑וּץ וַיַּ֥עַל עָלָ֖יו כְּרוּבִֽים׃ ס wayaʿas ʾet־haparokhet tekhelet weʾaregaman wekharemiyl uvuts wayaʿal ʿalayw keruviym׃ s
15 וַיַּ֜עַשׂ לִפְנֵ֤י הַבַּ֙יִת֙ עַמּוּדִ֣ים שְׁנַ֔יִם אַמֹּ֕ות שְׁלֹשִׁ֥ים וְחָמֵ֖שׁ אֹ֑רֶךְ וְהַצֶּ֥פֶת אֲשֶׁר־עַל־רֹאשֹׁ֖ו אַמֹּ֥ות חָמֵֽשׁ׃ ס wayaʿas lifeney habayit ʿamudiym shenayim ʾamowt sheloshiym weḥamesh ʾorekhe wehatsefet ʾasher־ʿal־roʾshow ʾamowt ḥamesh׃ s
16 וַיַּ֤עַשׂ שַׁרְשְׁרֹות֙ בַּדְּבִ֔יר וַיִּתֵּ֖ן עַל־רֹ֣אשׁ הָעַמֻּדִ֑ים וַיַּ֤עַשׂ רִמֹּונִים֙ מֵאָ֔ה וַיִּתֵּ֖ן בַּֽשַּׁרְשְׁרֹֽות׃ wayaʿas sharesherowt badeviyr wayiten ʿal־roʾsh haʿamudiym wayaʿas rimowniym meʾah wayiten basharesherowt׃
17 וַיָּ֤קֶם אֶת־הָֽעַמּוּדִים֙ עַל־פְּנֵ֣י הַהֵיכָ֔ל אֶחָ֥ד מִיָּמִ֖ין וְאֶחָ֣ד מֵֽהַשְּׂמֹ֑אול וַיִּקְרָ֤א שֵׁם־ [הַיְמִינִי כ] (הַיְמָנִי֙ ק) יָכִ֔ין וְשֵׁ֥ם הַשְּׂמָאלִ֖י בֹּֽעַז׃ ס wayaqem ʾet־haʿamudiym ʿal־peney haheykhal ʾeḥad miyamiyn weʾeḥad mehasemoʾwl wayiqeraʾ shem־ [hayemiyniy kh] (hayemaniy q) yakhiyn weshem hasemaʾliy boʿaz׃ s