1 בֶּן־שְׁמֹנֶ֤ה שָׁנָה֙ יֹאשִׁיָּ֣הוּ בְמָלְכֹ֔ו וּשְׁלֹשִׁ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו יְדִידָ֥ה בַת־עֲדָ֖יָה מִבָּצְקַֽת׃ ben־shemoneh shanah yoʾshiyahu vemalekhow usheloshiym weʾaḥat shanah malakhe biyrushalim weshem ʾimow yediydah vat־ʿadayah mibatseqat׃
2 וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה וַיֵּ֗לֶךְ בְּכָל־דֶּ֙רֶךְ֙ דָּוִ֣ד אָבִ֔יו וְלֹא־סָ֖ר יָמִ֥ין וּשְׂמֹֽאול׃ פ wayaʿas hayashar beʿeyney yehwah wayelekhe bekhal־derekhe dawid ʾaviyw weloʾ־sar yamiyn usemoʾwl׃ f
3 וַיְהִ֗י בִּשְׁמֹנֶ֤ה עֶשְׂרֵה֙ שָׁנָ֔ה לַמֶּ֖לֶךְ יֹאשִׁיָּ֑הוּ שָׁלַ֣ח הַ֠מֶּלֶךְ אֶת־שָׁפָ֨ן בֶּן־אֲצַלְיָ֤הוּ בֶן־מְשֻׁלָּם֙ הַסֹּפֵ֔ר בֵּ֥ית יְהוָ֖ה לֵאמֹֽר׃ wayehiy bishemoneh ʿesereh shanah lamelekhe yoʾshiyahu shalaḥ hamelekhe ʾet־shafan ben־ʾatsaleyahu ven־meshulam hasofer beyt yehwah leʾmor׃
4 עֲלֵ֗ה אֶל־חִלְקִיָּ֙הוּ֙ הַכֹּהֵ֣ן הַגָּדֹ֔ול וְיַתֵּ֣ם אֶת־הַכֶּ֔סֶף הַמּוּבָ֖א בֵּ֣ית יְהוָ֑ה אֲשֶׁ֥ר אָסְפ֛וּ שֹׁמְרֵ֥י הַסַּ֖ף מֵאֵ֥ת הָעָֽם׃ ʿaleh ʾel־ḥileqiyahu hakohen hagadowl weyatem ʾet־hakesef hamuvaʾ beyt yehwah ʾasher ʾasefu shomerey hasaf meʾet haʿam׃
5 [וְיִתְּנֹה כ] (וְיִתְּנֻ֗הוּ ק) עַל־יַד֙ עֹשֵׂ֣י הַמְּלָאכָ֔ה הַמֻּפְקָדִ֖ים [בְּבֵית כ] (בֵּ֣ית ק) יְהוָ֑ה וְיִתְּנ֣וּ אֹתֹ֗ו לְעֹשֵׂ֤י הַמְּלָאכָה֙ אֲשֶׁר֙ בְּבֵ֣ית יְהוָ֔ה לְחַזֵּ֖ק בֶּ֥דֶק הַבָּֽיִת׃ [weyitenoh kh] (weyitenuhu q) ʿal־yad ʿosey hamelaʾkhah hamufeqadiym [beveyt kh] (beyt q) yehwah weyitenu ʾotow leʿosey hamelaʾkhah ʾasher beveyt yehwah leḥazeq bedeq habayit׃
6 לֶחָ֣רָשִׁ֔ים וְלַבֹּנִ֖ים וְלַגֹּֽדְרִ֑ים וְלִקְנֹ֤ות עֵצִים֙ וְאַבְנֵ֣י מַחְצֵ֔ב לְחַזֵּ֖ק אֶת־הַבָּֽיִת׃ leḥarashiym welaboniym welagoderiym weliqenowt ʿetsiym weʾaveney maḥetsev leḥazeq ʾet־habayit׃
7 אַ֚ךְ לֹא־יֵחָשֵׁ֣ב אִתָּ֔ם הַכֶּ֖סֶף הַנִּתָּ֣ן עַל־יָדָ֑ם כִּ֥י בֶאֱמוּנָ֖ה הֵ֥ם עֹשִֽׂים׃ ʾakhe loʾ־yeḥashev ʾitam hakesef hanitan ʿal־yadam kiy veʾemunah hem ʿosiym׃
8 וַ֠יֹּאמֶר חִלְקִיָּ֜הוּ הַכֹּהֵ֤ן הַגָּדֹול֙ עַל־שָׁפָ֣ן הַסֹּפֵ֔ר סֵ֧פֶר הַתֹּורָ֛ה מָצָ֖אתִי בְּבֵ֣ית יְהוָ֑ה וַיִּתֵּ֨ן חִלְקִיָּ֧ה אֶת־הַסֵּ֛פֶר אֶל־שָׁפָ֖ן וַיִּקְרָאֵֽהוּ׃ wayoʾmer ḥileqiyahu hakohen hagadowl ʿal־shafan hasofer sefer hatowrah matsaʾtiy beveyt yehwah wayiten ḥileqiyah ʾet־hasefer ʾel־shafan wayiqeraʾehu׃
9 וַיָּבֹ֞א שָׁפָ֤ן הַסֹּפֵר֙ אֶל־הַמֶּ֔לֶךְ וַיָּ֥שֶׁב אֶת־הַמֶּ֖לֶךְ דָּבָ֑ר וַיֹּ֗אמֶר הִתִּ֤יכוּ עֲבָדֶ֙יךָ֙ אֶת־הַכֶּ֙סֶף֙ הַנִּמְצָ֣א בַבַּ֔יִת וַֽיִּתְּנֻ֗הוּ עַל־יַד֙ עֹשֵׂ֣י הַמְּלָאכָ֔ה הַמֻּפְקָדִ֖ים בֵּ֥ית יְהוָֽה׃ wayavoʾ shafan hasofer ʾel־hamelekhe wayashev ʾet־hamelekhe davar wayoʾmer hitiykhu ʿavadeykha ʾet־hakesef hanimetsaʾ vabayit wayitenuhu ʿal־yad ʿosey hamelaʾkhah hamufeqadiym beyt yehwah׃
10 וַיַּגֵּ֞ד שָׁפָ֤ן הַסֹּפֵר֙ לַמֶּ֣לֶךְ לֵאמֹ֔ר סֵ֚פֶר נָ֣תַן לִ֔י חִלְקִיָּ֖ה הַכֹּהֵ֑ן וַיִּקְרָאֵ֥הוּ שָׁפָ֖ן לִפְנֵ֥י הַמֶּֽלֶךְ׃ wayaged shafan hasofer lamelekhe leʾmor sefer natan liy ḥileqiyah hakohen wayiqeraʾehu shafan lifeney hamelekhe׃
11 וַֽיְהִי֙ כִּשְׁמֹ֣עַ הַמֶּ֔לֶךְ אֶת־דִּבְרֵ֖י סֵ֣פֶר הַתֹּורָ֑ה וַיִּקְרַ֖ע אֶת־בְּגָדָֽיו׃ wayehiy kishemoaʿ hamelekhe ʾet־diverey sefer hatowrah wayiqeraʿ ʾet־begadayw׃
12 וַיְצַ֣ו הַמֶּ֡לֶךְ אֶת־חִלְקִיָּ֣ה הַכֹּהֵ֡ן וְאֶת־אֲחִיקָ֣ם בֶּןשָׁ֠־פָן וְאֶת־עַכְבֹּ֨ור בֶּן־מִיכָיָ֜ה וְאֵ֣ת ׀ שָׁפָ֣ן הַסֹּפֵ֗ר וְאֵ֛ת עֲשָׂיָ֥ה עֶֽבֶד־הַמֶּ֖לֶךְ לֵאמֹֽר׃ wayetsaw hamelekhe ʾet־ḥileqiyah hakohen weʾet־ʾaḥiyqam bensha־fan weʾet־ʿakhebowr ben־miykhayah weʾet ׀ shafan hasofer weʾet ʿasayah ʿeved־hamelekhe leʾmor׃
13 לְכוּ֩ דִרְשׁ֨וּ אֶת־יְהוָ֜ה בַּעֲדִ֣י וּבְעַד־הָעָ֗ם וּבְעַד֙ כָּל־יְהוּדָ֔ה עַל־דִּבְרֵ֛י הַסֵּ֥פֶר הַנִּמְצָ֖א הַזֶּ֑ה כִּֽי־גְדֹולָ֞ה חֲמַ֣ת יְהוָ֗ה אֲשֶׁר־הִיא֙ נִצְּתָ֣ה בָ֔נוּ עַל֩ אֲשֶׁ֨ר לֹֽא־שָׁמְע֜וּ אֲבֹתֵ֗ינוּ עַל־דִּבְרֵי֙ הַסֵּ֣פֶר הַזֶּ֔ה לַעֲשֹׂ֖ות כְּכָל־הַכָּת֥וּב עָלֵֽינוּ׃ lekhu direshu ʾet־yehwah baʿadiy uveʿad־haʿam uveʿad kal־yehudah ʿal־diverey hasefer hanimetsaʾ hazeh kiy־gedowlah ḥamat yehwah ʾasher־hiyʾ nitsetah vanu ʿal ʾasher loʾ־shameʿu ʾavoteynu ʿal־diverey hasefer hazeh laʿasowt kekhal־hakatuv ʿaleynu׃
14 וַיֵּ֣לֶךְ חִלְקִיָּ֣הוּ הַ֠כֹּהֵן וַאֲחִיקָ֨ם וְעַכְבֹּ֜ור וְשָׁפָ֣ן וַעֲשָׂיָ֗ה אֶל־חֻלְדָּ֨ה הַנְּבִיאָ֜ה אֵ֣שֶׁת ׀ שַׁלֻּ֣ם בֶּן־תִּקְוָ֗ה בֶּן־חַרְחַס֙ שֹׁמֵ֣ר הַבְּגָדִ֔ים וְהִ֛יא יֹשֶׁ֥בֶת בִּירוּשָׁלִַ֖ם בַּמִּשְׁנֶ֑ה וַֽיְדַבְּר֖וּ אֵלֶֽיהָ׃ wayelekhe ḥileqiyahu hakohen waʾaḥiyqam weʿakhebowr weshafan waʿasayah ʾel־ḥuledah haneviyʾah ʾeshet ׀ shalum ben־tiqewah ben־ḥareḥas shomer habegadiym wehiyʾ yoshevet biyrushalim bamisheneh wayedaberu ʾeleyha׃
15 וַתֹּ֣אמֶר אֲלֵיהֶ֔ם כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אִמְר֣וּ לָאִ֔ישׁ אֲשֶׁר־שָׁלַ֥ח אֶתְכֶ֖ם אֵלָֽי׃ watoʾmer ʾaleyhem koh־ʾamar yehwah ʾelohey yiseraʾel ʾimeru laʾiysh ʾasher־shalaḥ ʾetekhem ʾelay׃
16 כֹּ֚ה אָמַ֣ר יְהוָ֔ה הִנְנִ֨י מֵבִ֥יא רָעָ֛ה אֶל־הַמָּקֹ֥ום הַזֶּ֖ה וְעַל־יֹֽשְׁבָ֑יו אֵ֚ת כָּל־דִּבְרֵ֣י הַסֵּ֔פֶר אֲשֶׁ֥ר קָרָ֖א מֶ֥לֶךְ יְהוּדָֽה׃ koh ʾamar yehwah hineniy meviyʾ raʿah ʾel־hamaqowm hazeh weʿal־yoshevayw ʾet kal־diverey hasefer ʾasher qaraʾ melekhe yehudah׃
17 תַּ֣חַת ׀ אֲשֶׁ֣ר עֲזָב֗וּנִי וַֽיְקַטְּרוּ֙ לֵאלֹהִ֣ים אֲחֵרִ֔ים לְמַ֙עַן֙ הַכְעִיסֵ֔נִי בְּכֹ֖ל מַעֲשֵׂ֣ה יְדֵיהֶ֑ם וְנִצְּתָ֧ה חֲמָתִ֛י בַּמָּקֹ֥ום הַזֶּ֖ה וְלֹ֥א תִכְבֶּֽה׃ taḥat ׀ ʾasher ʿazavuniy wayeqaṭeru leʾlohiym ʾaḥeriym lemaʿan hakheʿiyseniy bekhol maʿaseh yedeyhem wenitsetah ḥamatiy bamaqowm hazeh weloʾ tikhebeh׃
18 וְאֶל־מֶ֣לֶךְ יְהוּדָ֗ה הַשֹּׁלֵ֤חַ אֶתְכֶם֙ לִדְרֹ֣שׁ אֶת־יְהוָ֔ה כֹּ֥ה תֹאמְר֖וּ אֵלָ֑יו כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הַדְּבָרִ֖ים אֲשֶׁ֥ר שָׁמָֽעְתָּ׃ weʾel־melekhe yehudah hasholeaḥ ʾetekhem liderosh ʾet־yehwah koh toʾmeru ʾelayw koh־ʾamar yehwah ʾelohey yiseraʾel hadevariym ʾasher shamaʿeta׃
19 יַ֠עַן רַךְ־לְבָ֨בְךָ֜ וַתִּכָּנַ֣ע ׀ מִפְּנֵ֣י יְהוָ֗ה בְּֽשָׁמְעֲךָ֡ אֲשֶׁ֣ר דִּבַּרְתִּי֩ עַל־הַמָּקֹ֨ום הַזֶּ֜ה וְעַל־יֹשְׁבָ֗יו לִהְיֹ֤ות לְשַׁמָּה֙ וְלִקְלָלָ֔ה וַתִּקְרַע֙ אֶת־בְּגָדֶ֔יךָ וַתִּבְכֶּ֖ה לְפָנָ֑י וְגַ֧ם אָנֹכִ֛י שָׁמַ֖עְתִּי נְאֻם־יְהוָֽה׃ yaʿan rakhe־levavekha watikanaʿ ׀ mipeney yehwah beshameʿakha ʾasher dibaretiy ʿal־hamaqowm hazeh weʿal־yoshevayw liheyowt leshamah weliqelalah watiqeraʿ ʾet־begadeykha wativekeh lefanay wegam ʾanokhiy shamaʿetiy neʾum־yehwah׃
20 לָכֵן֩ הִנְנִ֨י אֹֽסִפְךָ֜ עַל־אֲבֹתֶ֗יךָ וְנֶאֱסַפְתָּ֣ אֶל־קִבְרֹתֶיךָ֮ בְּשָׁלֹום֒ וְלֹא־תִרְאֶ֣ינָה עֵינֶ֔יךָ בְּכֹל֙ הָֽרָעָ֔ה אֲשֶׁר־אֲנִ֥י מֵבִ֖יא עַל־הַמָּקֹ֣ום הַזֶּ֑ה וַיָּשִׁ֥יבוּ אֶת־הַמֶּ֖לֶךְ דָּבָֽר׃ lakhen hineniy ʾosifekha ʿal־ʾavoteykha weneʾesafeta ʾel־qiveroteykha beshalowm weloʾ־tireʾeynah ʿeyneykha bekhol haraʿah ʾasher־ʾaniy meviyʾ ʿal־hamaqowm hazeh wayashiyvu ʾet־hamelekhe davar׃