2 Chroniques 5

¹ וַתִּשְׁלַם֙ כָּל־הַמְּלָאכָ֔ה אֲשֶׁר־עָשָׂ֥ה שְׁלֹמֹ֖ה לְבֵ֣ית יְהוָ֑ה ס וַיָּבֵ֨א שְׁלֹמֹ֜ה אֶת־קָדְשֵׁ֣י ׀ דָּוִ֣יד אָבִ֗יו וְאֶת־הַכֶּ֤סֶף וְאֶת־הַזָּהָב֙ וְאֶת־כָּל־הַכֵּלִ֔ים נָתַ֕ן בְּאֹצְרֹ֖ות בֵּ֥ית הָאֱלֹהִֽים׃ פ watishelam kal־hamelaʾkhah ʾasher־ʿasah shelomoh leveyt yehwah s wayaveʾ shelomoh ʾet־qadeshey ׀ dawiyd ʾaviyw weʾet־hakesef weʾet־hazahav weʾet־kal־hakeliym natan beʾotserowt beyt haʾelohiym׃ f

² אָז֩ יַקְהֵ֨יל שְׁלֹמֹ֜ה אֶת־זִקְנֵ֣י יִשְׂרָאֵ֗ל וְאֶת־כָּל־רָאשֵׁ֨י הַמַּטֹּ֜ות נְשִׂיאֵ֧י הָאָבֹ֛ות לִבְנֵ֥י יִשְׂרָאֵ֖ל אֶל־יְרוּשָׁלִָ֑ם לְֽהַעֲלֹ֞ות אֶת־אֲרֹ֧ון בְּרִית־יְהוָ֛ה מֵעִ֥יר דָּוִ֖יד הִ֥יא צִיֹּֽון׃ ʾaz yaqeheyl shelomoh ʾet־ziqeney yiseraʾel weʾet־kal־raʾshey hamaṭowt nesiyʾey haʾavowt liveney yiseraʾel ʾel־yerushalim lehaʿalowt ʾet־ʾarown beriyt־yehwah meʿiyr dawiyd hiyʾ tsiyown׃

³ וַיִּקָּהֲל֧וּ אֶל־הַמֶּ֛לֶךְ כָּל־אִ֥ישׁ יִשְׂרָאֵ֖ל בֶּחָ֑ג ה֖וּא הַחֹ֥דֶשׁ הַשְּׁבִעִֽי׃ wayiqahalu ʾel־hamelekhe kal־ʾiysh yiseraʾel beḥag huʾ haḥodesh hasheviʿiy׃

⁴ וַיָּבֹ֕אוּ כֹּ֖ל זִקְנֵ֣י יִשְׂרָאֵ֑ל וַיִּשְׂא֥וּ הַלְוִיִּ֖ם אֶת־הָאָרֹֽון׃ wayavoʾu kol ziqeney yiseraʾel wayiseʾu halewiyim ʾet־haʾarown׃

⁵ וַיַּעֲל֤וּ אֶת־הָאָרֹון֙ וְאֶת־אֹ֣הֶל מֹועֵ֔ד וְאֶת־כָּל־כְּלֵ֥י הַקֹּ֖דֶשׁ אֲשֶׁ֣ר בָּאֹ֑הֶל הֶעֱל֣וּ אֹתָ֔ם הַכֹּהֲנִ֖ים הַלְוִיִּֽם׃ wayaʿalu ʾet־haʾarown weʾet־ʾohel mowʿed weʾet־kal־keley haqodesh ʾasher baʾohel heʿelu ʾotam hakohaniym halewiyim׃

⁶ וְהַמֶּ֣לֶךְ שְׁלֹמֹ֗ה וְכָל־עֲדַ֧ת יִשְׂרָאֵ֛ל הַנֹּועָדִ֥ים עָלָ֖יו לִפְנֵ֣י הָאָרֹ֑ון מְזַבְּחִים֙ צֹ֣אן וּבָקָ֔ר אֲשֶׁ֧ר לֹֽא־יִסָּפְר֛וּ וְלֹ֥א יִמָּנ֖וּ מֵרֹֽב׃ wehamelekhe shelomoh wekhal־ʿadat yiseraʾel hanowʿadiym ʿalayw lifeney haʾarown mezabeḥiym tsoʾn uvaqar ʾasher loʾ־yisaferu weloʾ yimanu merov׃

⁷ וַיָּבִ֣יאוּ הַ֠כֹּהֲנִים אֶת־אֲרֹ֨ון בְּרִית־יְהוָ֧ה אֶל־מְקֹומֹ֛ו אֶל־דְּבִ֥יר הַבַּ֖יִת אֶל־קֹ֣דֶשׁ הַקְּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃ wayaviyʾu hakohaniym ʾet־ʾarown beriyt־yehwah ʾel־meqowmow ʾel־deviyr habayit ʾel־qodesh haqedashiym ʾel־taḥat kanefey hakeruviym׃

⁸ וַיִּהְי֤וּ הַכְּרוּבִים֙ פֹּרְשִׂ֣ים כְּנָפַ֔יִם עַל־מְקֹ֖ום הָאָרֹ֑ון וַיְכַסּ֧וּ הַכְּרוּבִ֛ים עַל־הָאָרֹ֥ון וְעַל־בַּדָּ֖יו מִלְמָֽעְלָה׃ wayiheyu hakeruviym poresiym kenafayim ʿal־meqowm haʾarown wayekhasu hakeruviym ʿal־haʾarown weʿal־badayw milemaʿelah׃

⁹ וַֽיַּאֲרִיכוּ֮ הַבַּדִּים֒ וַיֵּרָאוּ֩ רָאשֵׁ֨י הַבַּדִּ֤ים מִן־הָאָרֹון֙ עַל־פְּנֵ֣י הַדְּבִ֔יר וְלֹ֥א יֵרָא֖וּ הַח֑וּצָה וַֽיְהִי־שָׁ֔ם עַ֖ד הַיֹּ֥ום הַזֶּֽה׃ wayaʾariykhu habadiym wayeraʾu raʾshey habadiym min־haʾarown ʿal־peney hadeviyr weloʾ yeraʾu haḥutsah wayehiy־sham ʿad hayowm hazeh׃

¹⁰ אֵ֚ין בָּֽאָרֹ֔ון רַ֚ק שְׁנֵ֣י הַלֻּחֹ֔ות אֲשֶׁר־נָתַ֥ן מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת יְהוָה֙ עִם־בְּנֵ֣י יִשְׂרָאֵ֔ל בְּצֵאתָ֖ם מִמִּצְרָֽיִם׃ פ ʾeyn baʾarown raq sheney haluḥowt ʾasher־natan mosheh beḥorev ʾasher karat yehwah ʿim־beney yiseraʾel betseʾtam mimitserayim׃ f

¹¹ וַיְהִ֕י בְּצֵ֥את הַכֹּהֲנִ֖ים מִן־הַקֹּ֑דֶשׁ כִּ֠י כָּל־הַכֹּהֲנִ֤ים הַֽנִּמְצְאִים֙ הִתְקַדָּ֔שׁוּ אֵ֖ין לִשְׁמֹ֥ור לְמַחְלְקֹֽות׃ wayehiy betseʾt hakohaniym min־haqodesh kiy kal־hakohaniym hanimetseʾiym hiteqadashu ʾeyn lishemowr lemaḥeleqowt׃

¹² וְהַלְוִיִּ֣ם הַמְשֹׁרֲרִ֣ים לְכֻלָּ֡ם לְאָסָ֡ף לְהֵימָ֣ן לִֽ֠ידֻתוּן וְלִבְנֵיהֶ֨ם וְלַאֲחֵיהֶ֜ם מְלֻבָּשִׁ֣ים בּ֗וּץ בִּמְצִלְתַּ֙יִם֙ וּבִנְבָלִ֣ים וְכִנֹּרֹ֔ות עֹמְדִ֖ים מִזְרָ֣ח לַמִּזְבֵּ֑חַ וְעִמָּהֶ֤ם כֹּֽהֲנִים֙ לְמֵאָ֣ה וְעֶשְׂרִ֔ים [מַחְצְרִרִים כ] (מַחְצְרִ֖ים ק) בַּחֲצֹֽצְרֹֽות׃ wehalewiyim hameshorariym lekhulam leʾasaf leheyman liydutun weliveneyhem welaʾaḥeyhem melubashiym buts bimetsiletayim uvinevaliym wekhinorowt ʿomediym mizeraḥ lamizebeaḥ weʿimahem kohaniym lemeʾah weʿeseriym [maḥetseririym kh] (maḥetseriym q) baḥatsotserowt׃

¹³ וַיְהִ֣י כְ֠אֶחָד [לַמַּחֲצֹצְרִים כ] (לַמְחַצְּרִ֨ים ק) וְלַמְשֹֽׁרֲרִ֜ים לְהַשְׁמִ֣יעַ קֹול־אֶחָ֗ד לְהַלֵּ֣ל וּלְהֹדֹות֮ לַיהוָה֒ וּכְהָרִ֣ים קֹ֠ול בַּחֲצֹצְרֹ֨ות וּבִמְצִלְתַּ֜יִם וּבִכְלֵ֣י הַשִּׁ֗יר וּבְהַלֵּ֤ל לַיהוָה֙ כִּ֣י טֹ֔וב כִּ֥י לְעֹולָ֖ם חַסְדֹּ֑ו וְהַבַּ֛יִת מָלֵ֥א עָנָ֖ן בֵּ֥ית יְהוָֽה׃ wayehiy kheʾeḥad [lamaḥatsotseriym kh] (lameḥatseriym q) welameshorariym lehashemiyʿa qowl־ʾeḥad lehalel ulehodowt layhwah ukhehariym qowl baḥatsotserowt uvimetsiletayim uvikheley hashiyr uvehalel layhwah kiy ṭowv kiy leʿowlam ḥasedow wehabayit maleʾ ʿanan beyt yehwah׃

¹⁴ וְלֹא־יָֽכְל֧וּ הַכֹּהֲנִ֛ים לַעֲמֹ֥וד לְשָׁרֵ֖ת מִפְּנֵ֣י הֶעָנָ֑ן כִּֽי־מָלֵ֥א כְבֹוד־יְהוָ֖ה אֶת־בֵּ֥ית הָאֱלֹהִֽים׃ פ weloʾ־yakhelu hakohaniym laʿamowd lesharet mipeney heʿanan kiy־maleʾ khevowd־yehwah ʾet־beyt haʾelohiym׃ f