1 בֶּן־שֶׁ֥בַע שָׁנִ֖ים יְהֹואָ֥שׁ בְּמָלְכֹֽו׃ פ ben־shevaʿ shaniym yehowʾash bemalekhow׃ f
2 בִּשְׁנַת־שֶׁ֤בַע לְיֵהוּא֙ מָלַ֣ךְ יְהֹואָ֔שׁ וְאַרְבָּעִ֣ים שָׁנָ֔ה מָלַ֖ךְ בִּירֽוּשָׁלִָ֑ם וְשֵׁ֣ם אִמֹּ֔ו צִבְיָ֖ה מִבְּאֵ֥ר שָֽׁבַע׃ bishenat־shevaʿ leyehuʾ malakhe yehowʾash weʾarebaʿiym shanah malakhe biyrushalim weshem ʾimow tsiveyah mibeʾer shavaʿ׃
3 וַיַּ֨עַשׂ יְהֹואָ֧שׁ הַיָּשָׁ֛ר בְּעֵינֵ֥י יְהוָ֖ה כָּל־יָמָ֑יו אֲשֶׁ֣ר הֹורָ֔הוּ יְהֹויָדָ֖ע הַכֹּהֵֽן׃ wayaʿas yehowʾash hayashar beʿeyney yehwah kal־yamayw ʾasher howrahu yehowyadaʿ hakohen׃
4 רַ֥ק הַבָּמֹ֖ות לֹא־סָ֑רוּ עֹ֥וד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֹֽות׃ raq habamowt loʾ־saru ʿowd haʿam mezabeḥiym umeqaṭeriym babamowt׃
5 וַיֹּ֨אמֶר יְהֹואָ֜שׁ אֶל־הַכֹּהֲנִ֗ים כֹּל֩ כֶּ֨סֶף הַקֳּדָשִׁ֜ים אֲשֶׁר־יוּבָ֤א בֵית־יְהוָה֙ כֶּ֣סֶף עֹובֵ֔ר אִ֕ישׁ כֶּ֥סֶף נַפְשֹׁ֖ות עֶרְכֹּ֑ו כָּל־כֶּ֗סֶף אֲשֶׁ֤ר יַֽעֲלֶה֙ עַ֣ל לֶב־אִ֔ישׁ לְהָבִ֖יא בֵּ֥ית יְהוָֽה׃ wayoʾmer yehowʾash ʾel־hakohaniym kol kesef haqodashiym ʾasher־yuvaʾ veyt־yehwah kesef ʿowver ʾiysh kesef nafeshowt ʿerekow kal־kesef ʾasher yaʿaleh ʿal lev־ʾiysh lehaviyʾ beyt yehwah׃
6 יִקְח֤וּ לָהֶם֙ הַכֹּ֣הֲנִ֔ים אִ֖ישׁ מֵאֵ֣ת מַכָּרֹ֑ו וְהֵ֗ם יְחַזְּקוּ֙ אֶת־בֶּ֣דֶק הַבַּ֔יִת לְכֹ֛ל אֲשֶׁר־יִמָּצֵ֥א שָׁ֖ם בָּֽדֶק׃ פ yiqeḥu lahem hakohaniym ʾiysh meʾet makarow wehem yeḥazequ ʾet־bedeq habayit lekhol ʾasher־yimatseʾ sham badeq׃ f
7 וַיְהִ֗י בִּשְׁנַ֨ת עֶשְׂרִ֧ים וְשָׁלֹ֛שׁ שָׁנָ֖ה לַמֶּ֣לֶךְ יְהֹואָ֑שׁ לֹֽא־חִזְּק֥וּ הַכֹּהֲנִ֖ים אֶת־בֶּ֥דֶק הַבָּֽיִת׃ wayehiy bishenat ʿeseriym weshalosh shanah lamelekhe yehowʾash loʾ־ḥizequ hakohaniym ʾet־bedeq habayit׃
8 וַיִּקְרָא֩ הַמֶּ֨לֶךְ יְהֹואָ֜שׁ לִיהֹויָדָ֤ע הַכֹּהֵן֙ וְלַכֹּ֣הֲנִ֔ים וַיֹּ֣אמֶר אֲלֵהֶ֔ם מַדּ֛וּעַ אֵינְכֶ֥ם מְחַזְּקִ֖ים אֶת־בֶּ֣דֶק הַבָּ֑יִת וְעַתָּ֗ה אַל־תִּקְחוּ־כֶ֙סֶף֙ מֵאֵ֣ת מַכָּֽרֵיכֶ֔ם כִּֽי־לְבֶ֥דֶק הַבַּ֖יִת תִּתְּנֻֽהוּ׃ wayiqeraʾ hamelekhe yehowʾash liyhowyadaʿ hakohen welakohaniym wayoʾmer ʾalehem maduaʿ ʾeynekhem meḥazeqiym ʾet־bedeq habayit weʿatah ʾal־tiqeḥu־khesef meʾet makareykhem kiy־levedeq habayit titenuhu׃
9 וַיֵּאֹ֖תוּ הַכֹּֽהֲנִ֑ים לְבִלְתִּ֤י קְחַת־כֶּ֙סֶף֙ מֵאֵ֣ת הָעָ֔ם וּלְבִלְתִּ֥י חַזֵּ֖ק אֶת־בֶּ֥דֶק הַבָּֽיִת׃ wayeʾotu hakohaniym leviletiy qeḥat־kesef meʾet haʿam uleviletiy ḥazeq ʾet־bedeq habayit׃
10 וַיִּקַּ֞ח יְהֹויָדָ֤ע הַכֹּהֵן֙ אֲרֹ֣ון אֶחָ֔ד וַיִּקֹּ֥ב חֹ֖ר בְּדַלְתֹּ֑ו וַיִּתֵּ֣ן אֹתֹו֩ אֵ֨צֶל הַמִּזְבֵּ֜חַ [בַּיָּמִין כ] (מִיָּמִ֗ין ק) בְּבֹֽוא־אִישׁ֙ בֵּ֣ית יְהוָ֔ה וְנָֽתְנוּ־שָׁ֤מָּה הַכֹּֽהֲנִים֙ שֹׁמְרֵ֣י הַסַּ֔ף אֶת־כָּל־הַכֶּ֖סֶף הַמּוּבָ֥א בֵית־יְהוָֽה׃ wayiqaḥ yehowyadaʿ hakohen ʾarown ʾeḥad wayiqov ḥor bedaletow wayiten ʾotow ʾetsel hamizebeaḥ [bayamiyn kh] (miyamiyn q) bevowʾ־ʾiysh beyt yehwah wenatenu־shamah hakohaniym shomerey hasaf ʾet־kal־hakesef hamuvaʾ veyt־yehwah׃
11 וַֽיְהִי֙ כִּרְאֹותָ֔ם כִּֽי־רַ֥ב הַכֶּ֖סֶף בָּֽאָרֹ֑ון וַיַּ֨עַל סֹפֵ֤ר הַמֶּ֙לֶךְ֙ וְהַכֹּהֵ֣ן הַגָּדֹ֔ול וַיָּצֻ֙רוּ֙ וַיִּמְנ֔וּ אֶת־הַכֶּ֖סֶף הַנִּמְצָ֥א בֵית־יְהוָֽה׃ wayehiy kireʾowtam kiy־rav hakesef baʾarown wayaʿal sofer hamelekhe wehakohen hagadowl wayatsuru wayimenu ʾet־hakesef hanimetsaʾ veyt־yehwah׃
12 וְנָתְנוּ֙ אֶת־הַכֶּ֣סֶף הַֽמְתֻכָּ֔ן עַל־ [יַד כ] (יְדֵי֙ ק) עֹשֵׂ֣י הַמְּלָאכָ֔ה [הַפְּקֻדִים כ] (הַמֻּפְקָדִ֖ים ק) בֵּ֣ית יְהוָ֑ה וַיֹּוצִיאֻ֜הוּ לְחָרָשֵׁ֤י הָעֵץ֙ וְלַבֹּנִ֔ים הָעֹשִׂ֖ים בֵּ֥ית יְהוָֽה׃ wenatenu ʾet־hakesef hametukan ʿal־ [yad kh] (yedey q) ʿosey hamelaʾkhah [hapequdiym kh] (hamufeqadiym q) beyt yehwah wayowtsiyʾuhu leḥarashey haʿets welaboniym haʿosiym beyt yehwah׃
13 וְלַגֹּֽדְרִים֙ וּלְחֹצְבֵ֣י הָאֶ֔בֶן וְלִקְנֹ֤ות עֵצִים֙ וְאַבְנֵ֣י מַחְצֵ֔ב לְחַזֵּ֖ק אֶת־בֶּ֣דֶק בֵּית־יְהוָ֑ה וּלְכֹ֛ל אֲשֶׁר־יֵצֵ֥א עַל־הַבַּ֖יִת לְחָזְקָֽה׃ welagoderiym uleḥotsevey haʾeven weliqenowt ʿetsiym weʾaveney maḥetsev leḥazeq ʾet־bedeq beyt־yehwah ulekhol ʾasher־yetseʾ ʿal־habayit leḥazeqah׃
14 אַךְ֩ לֹ֨א יֵעָשֶׂ֜ה בֵּ֣ית יְהוָ֗ה סִפֹּ֥ות כֶּ֙סֶף֙ מְזַמְּרֹ֤ות מִזְרָקֹות֙ חֲצֹ֣צְרֹ֔ות כָּל־כְּלִ֥י זָהָ֖ב וּכְלִי־כָ֑סֶף מִן־הַכֶּ֖סֶף הַמּוּבָ֥א בֵית־יְהוָֽה׃ ʾakhe loʾ yeʿaseh beyt yehwah sipowt kesef mezamerowt mizeraqowt ḥatsotserowt kal־keliy zahav ukheliy־khasef min־hakesef hamuvaʾ veyt־yehwah׃
15 כִּֽי־לְעֹשֵׂ֥י הַמְּלָאכָ֖ה יִתְּנֻ֑הוּ וְחִזְּקוּ־בֹ֖ו אֶת־בֵּ֥ית יְהוָֽה׃ kiy־leʿosey hamelaʾkhah yitenuhu weḥizequ־vow ʾet־beyt yehwah׃
16 וְלֹ֧א יְחַשְּׁב֣וּ אֶת־הָאֲנָשִׁ֗ים אֲשֶׁ֨ר יִתְּנ֤וּ אֶת־הַכֶּ֙סֶף֙ עַל־יָדָ֔ם לָתֵ֖ת לְעֹשֵׂ֣י הַמְּלָאכָ֑ה כִּ֥י בֶאֱמֻנָ֖ה הֵ֥ם עֹשִֽׂים׃ weloʾ yeḥashevu ʾet־haʾanashiym ʾasher yitenu ʾet־hakesef ʿal־yadam latet leʿosey hamelaʾkhah kiy veʾemunah hem ʿosiym׃
17 כֶּ֤סֶף אָשָׁם֙ וְכֶ֣סֶף חַטָּאֹ֔ות לֹ֥א יוּבָ֖א בֵּ֣ית יְהוָ֑ה לַכֹּהֲנִ֖ים יִהְיֽוּ׃ פ kesef ʾasham wekhesef ḥaṭaʾowt loʾ yuvaʾ beyt yehwah lakohaniym yiheyu׃ f
18 אָ֣ז יַעֲלֶ֗ה חֲזָאֵל֙ מֶ֣לֶךְ אֲרָ֔ם וַיִּלָּ֥חֶם עַל־גַּ֖ת וַֽיִּלְכְּדָ֑הּ וַיָּ֤שֶׂם חֲזָאֵל֙ פָּנָ֔יו לַעֲלֹ֖ות עַל־יְרוּשָׁלִָֽם׃ ʾaz yaʿaleh ḥazaʾel melekhe ʾaram wayilaḥem ʿal־gat wayilekedah wayasem ḥazaʾel panayw laʿalowt ʿal־yerushalim׃
19 וַיִּקַּ֞ח יְהֹואָ֣שׁ מֶֽלֶךְ־יְהוּדָ֗ה אֵ֣ת כָּל־הַקֳּדָשִׁ֡ים אֲשֶׁר־הִקְדִּ֣ישׁוּ יְהֹושָׁפָ֣ט וִיהֹורָם֩ וַאֲחַזְיָ֨הוּ אֲבֹתָ֜יו מַלְכֵ֤י יְהוּדָה֙ וְאֶת־קֳדָשָׁ֔יו וְאֵ֣ת כָּל־הַזָּהָ֗ב הַנִּמְצָ֛א בְּאֹצְרֹ֥ות בֵּית־יְהוָ֖ה וּבֵ֣ית הַמֶּ֑לֶךְ וַיִּשְׁלַ֗ח לַֽחֲזָאֵל֙ מֶ֣לֶךְ אֲרָ֔ם וַיַּ֖עַל מֵעַ֥ל יְרוּשָׁלִָֽם׃ wayiqaḥ yehowʾash melekhe־yehudah ʾet kal־haqodashiym ʾasher־hiqediyshu yehowshafaṭ wiyhowram waʾaḥazeyahu ʾavotayw malekhey yehudah weʾet־qodashayw weʾet kal־hazahav hanimetsaʾ beʾotserowt beyt־yehwah uveyt hamelekhe wayishelaḥ laḥazaʾel melekhe ʾaram wayaʿal meʿal yerushalim׃
20 וְיֶ֛תֶר דִּבְרֵ֥י יֹואָ֖שׁ וְכָל־אֲשֶׁ֣ר עָשָׂ֑ה הֲלֹוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey yowʾash wekhal־ʾasher ʿasah halowʾ־hem ketuviym ʿal־sefer diverey hayamiym lemalekhey yehudah׃
21 וַיָּקֻ֥מוּ עֲבָדָ֖יו וַיִּקְשְׁרֽוּ־קָ֑שֶׁר וַיַּכּוּ֙ אֶת־יֹואָ֔שׁ בֵּ֥ית מִלֹּ֖א הַיֹּורֵ֥ד סִלָּֽא׃ wayaqumu ʿavadayw wayiqesheru־qasher wayaku ʾet־yowʾash beyt miloʾ hayowred silaʾ׃
22 וְיֹוזָבָ֣ד בֶּןשִׁ֠־מְעָת וִיהֹוזָבָ֨ד בֶּן־שֹׁמֵ֤ר ׀ עֲבָדָיו֙ הִכֻּ֣הוּ וַיָּמֹ֔ת וַיִּקְבְּר֥וּ אֹתֹ֛ו עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ אֲמַצְיָ֥ה בְנֹ֖ו תַּחְתָּֽיו׃ פ weyowzavad benshi־meʿat wiyhowzavad ben־shomer ׀ ʿavadayw hikuhu wayamot wayiqeberu ʾotow ʿim־ʾavotayw beʿiyr dawid wayimelokhe ʾamatseyah venow taḥetayw׃ f