1 וַיִּשְׁכַּ֤ב יְהֹֽושָׁפָט֙ עִם־אֲבֹתָ֔יו וַיִּקָּבֵ֥ר עִם־אֲבֹתָ֖יו בְּעִ֣יר דָּוִ֑יד וַיִּמְלֹ֛ךְ יְהֹורָ֥ם בְּנֹ֖ו תַּחְתָּֽיו׃ wayishekav yehowshafaṭ ʿim־ʾavotayw wayiqaver ʿim־ʾavotayw beʿiyr dawiyd wayimelokhe yehowram benow taḥetayw׃
2 וְלֹֽו־אַחִ֞ים בְּנֵ֣י יְהֹושָׁפָ֗ט עֲזַרְיָ֤ה וִֽיחִיאֵל֙ וּזְכַרְיָ֣הוּ וַעֲזַרְיָ֔הוּ וּמִיכָאֵ֖ל וּשְׁפַטְיָ֑הוּ כָּל־אֵ֕לֶּה בְּנֵ֥י יְהֹושָׁפָ֖ט מֶ֥לֶךְ־יִשְׂרָאֵֽל׃ welow־ʾaḥiym beney yehowshafaṭ ʿazareyah wiyḥiyʾel uzekhareyahu waʿazareyahu umiykhaʾel ushefaṭeyahu kal־ʾeleh beney yehowshafaṭ melekhe־yiseraʾel׃
3 וַיִּתֵּ֣ן לָהֶ֣ם ׀ אֲ֠בִיהֶם מַתָּנֹ֨ות רַבֹּ֜ות לְכֶ֤סֶף וּלְזָהָב֙ וּלְמִגְדָּנֹ֔ות עִם־עָרֵ֥י מְצֻרֹ֖ות בִּֽיהוּדָ֑ה וְאֶת־הַמַּמְלָכָ֛ה נָתַ֥ן לִֽיהֹורָ֖ם כִּי־ה֥וּא הַבְּכֹֽור׃ פ wayiten lahem ׀ ʾaviyhem matanowt rabowt lekhesef ulezahav ulemigedanowt ʿim־ʿarey metsurowt biyhudah weʾet־hamamelakhah natan liyhowram kiy־huʾ habekhowr׃ f
4 וַיָּ֨קָם יְהֹורָ֜ם עַל־מַמְלֶ֤כַת אָבִיו֙ וַיִּתְחַזַּ֔ק וַיַּהֲרֹ֥ג אֶת־כָּל־אֶחָ֖יו בֶּחָ֑רֶב וְגַ֖ם מִשָּׂרֵ֥י יִשְׂרָאֵֽל׃ wayaqam yehowram ʿal־mamelekhat ʾaviyw wayiteḥazaq wayaharog ʾet־kal־ʾeḥayw beḥarev wegam misarey yiseraʾel׃
5 בֶּן־שְׁלֹשִׁ֥ים וּשְׁתַּ֛יִם שָׁנָ֖ה יְהֹורָ֣ם בְּמָלְכֹ֑ו וּשְׁמֹונֶ֣ה שָׁנִ֔ים מָלַ֖ךְ בִּירוּשָׁלִָֽם׃ ben־sheloshiym ushetayim shanah yehowram bemalekhow ushemowneh shaniym malakhe biyrushalim׃
6 וַיֵּ֜לֶךְ בְּדֶ֣רֶךְ ׀ מַלְכֵ֣י יִשְׂרָאֵ֗ל כַּאֲשֶׁ֤ר עָשׂוּ֙ בֵּ֣ית אַחְאָ֔ב כִּ֚י בַּת־אַחְאָ֔ב הָ֥יְתָה לֹּ֖ו אִשָּׁ֑ה וַיַּ֥עַשׂ הָרַ֖ע בְּעֵינֵ֥י יְהוָֽה׃ wayelekhe bederekhe ׀ malekhey yiseraʾel kaʾasher ʿasu beyt ʾaḥeʾav kiy bat־ʾaḥeʾav hayetah low ʾishah wayaʿas haraʿ beʿeyney yehwah׃
7 וְלֹא־אָבָ֣ה יְהוָ֗ה לְהַשְׁחִית֙ אֶת־בֵּ֣ית דָּוִ֔יד לְמַ֣עַן הַבְּרִ֔ית אֲשֶׁ֥ר כָּרַ֖ת לְדָוִ֑יד וְכַאֲשֶׁ֣ר אָמַ֗ר לָתֵ֨ת לֹ֥ו נִ֛יר וּלְבָנָ֖יו כָּל־הַיָּמִֽים׃ weloʾ־ʾavah yehwah lehasheḥiyt ʾet־beyt dawiyd lemaʿan haberiyt ʾasher karat ledawiyd wekhaʾasher ʾamar latet low niyr ulevanayw kal־hayamiym׃
8 בְּיָמָיו֙ פָּשַׁ֣ע אֱדֹ֔ום מִתַּ֖חַת יַד־יְהוּדָ֑ה וַיַּמְלִ֥יכוּ עֲלֵיהֶ֖ם מֶֽלֶךְ׃ beyamayw pashaʿ ʾedowm mitaḥat yad־yehudah wayameliykhu ʿaleyhem melekhe׃
9 וַיַּֽעֲבֹ֤ר יְהֹורָם֙ עִם־שָׂרָ֔יו וְכָל־הָרֶ֖כֶב עִמֹּ֑ו וַיְהִי֙ קָ֣ם לַ֔יְלָה וַיַּ֗ךְ אֶת־אֱדֹום֙ הַסֹּובֵ֣ב אֵלָ֔יו וְאֵ֖ת שָׂרֵ֥י הָרָֽכֶב׃ wayaʿavor yehowram ʿim־sarayw wekhal־harekhev ʿimow wayehiy qam layelah wayakhe ʾet־ʾedowm hasowvev ʾelayw weʾet sarey harakhev׃
10 וַיִּפְשַׁ֨ע אֱדֹ֜ום מִתַּ֣חַת יַד־יְהוּדָ֗ה עַ֚ד הַיֹּ֣ום הַזֶּ֔ה אָ֣ז תִּפְשַׁ֥ע לִבְנָ֛ה בָּעֵ֥ת הַהִ֖יא מִתַּ֣חַת יָדֹ֑ו כִּ֣י עָזַ֔ב אֶת־יְהוָ֖ה אֱלֹהֵ֥י אֲבֹתָֽיו׃ wayifeshaʿ ʾedowm mitaḥat yad־yehudah ʿad hayowm hazeh ʾaz tifeshaʿ livenah baʿet hahiyʾ mitaḥat yadow kiy ʿazav ʾet־yehwah ʾelohey ʾavotayw׃
11 גַּם־ה֥וּא עָשָֽׂה־בָמֹ֖ות בְּהָרֵ֣י יְהוּדָ֑ה וַיֶּ֙זֶן֙ אֶת־יֹשְׁבֵ֣י יְרוּשָׁלִַ֔ם וַיַּדַּ֖ח אֶת־יְהוּדָֽה׃ פ gam־huʾ ʿasah־vamowt beharey yehudah wayezen ʾet־yoshevey yerushalim wayadaḥ ʾet־yehudah׃ f
12 וַיָּבֹ֤א אֵלָיו֙ מִכְתָּ֔ב מֵֽאֵלִיָּ֥הוּ הַנָּבִ֖יא לֵאמֹ֑ר כֹּ֣ה ׀ אָמַ֣ר יְהוָ֗ה אֱלֹהֵי֙ דָּוִ֣יד אָבִ֔יךָ תַּ֗חַת אֲשֶׁ֤ר לֹֽא־הָלַ֙כְתָּ֙ בְּדַרְכֵי֙ יְהֹושָׁפָ֣ט אָבִ֔יךָ וּבְדַרְכֵ֖י אָסָ֥א מֶֽלֶךְ־יְהוּדָֽה׃ wayavoʾ ʾelayw mikhetav meʾeliyahu hanaviyʾ leʾmor koh ׀ ʾamar yehwah ʾelohey dawiyd ʾaviykha taḥat ʾasher loʾ־halakheta bedarekhey yehowshafaṭ ʾaviykha uvedarekhey ʾasaʾ melekhe־yehudah׃
13 וַתֵּ֗לֶךְ בְּדֶ֙רֶךְ֙ מַלְכֵ֣י יִשְׂרָאֵ֔ל וַתַּזְנֶ֤ה אֶת־יְהוּדָה֙ וְאֶת־יֹשְׁבֵ֣י יְרוּשָׁלִַ֔ם כְּהַזְנֹ֖ות בֵּ֣ית אַחְאָ֑ב וְגַ֨ם אֶת־אַחֶ֧יךָ בֵית־אָבִ֛יךָ הַטֹּובִ֥ים מִמְּךָ֖ הָרָֽגְתָּ׃ watelekhe bederekhe malekhey yiseraʾel watazeneh ʾet־yehudah weʾet־yoshevey yerushalim kehazenowt beyt ʾaḥeʾav wegam ʾet־ʾaḥeykha veyt־ʾaviykha haṭowviym mimekha harageta׃
14 הִנֵּ֣ה יְהוָ֗ה נֹגֵ֛ף מַגֵּפָ֥ה גְדֹולָ֖ה בְּעַמֶּ֑ךָ וּבְבָנֶ֥יךָ וּבְנָשֶׁ֖יךָ וּבְכָל־רְכוּשֶֽׁךָ׃ hineh yehwah nogef magefah gedowlah beʿamekha uvevaneykha uvenasheykha uvekhal־rekhushekha׃
15 וְאַתָּ֛ה בָּחֳלָיִ֥ים רַבִּ֖ים בְּמַחֲלֵ֣ה מֵעֶ֑יךָ עַד־יֵצְא֤וּ מֵעֶ֙יךָ֙ מִן־הַחֹ֔לִי יָמִ֖ים עַל־יָמִֽים׃ weʾatah baḥolayiym rabiym bemaḥaleh meʿeykha ʿad־yetseʾu meʿeykha min־haḥoliy yamiym ʿal־yamiym׃
16 וַיָּ֨עַר יְהוָ֜ה עַל־יְהֹורָ֗ם אֵ֣ת ר֤וּחַ הַפְּלִשְׁתִּים֙ וְהָ֣עַרְבִ֔ים אֲשֶׁ֖ר עַל־יַ֥ד כּוּשִֽׁים׃ wayaʿar yehwah ʿal־yehowram ʾet ruaḥ hapelishetiym wehaʿareviym ʾasher ʿal־yad kushiym׃
17 וַיַּעֲל֤וּ בִֽיהוּדָה֙ וַיִּבְקָע֔וּהָ וַיִּשְׁבּ֗וּ אֵ֤ת כָּל־הָרְכוּשׁ֙ הַנִּמְצָ֣א לְבֵית־הַמֶּ֔לֶךְ וְגַם־בָּנָ֖יו וְנָשָׁ֑יו וְלֹ֤א נִשְׁאַר־לֹו֙ בֵּ֔ן כִּ֥י אִם־יְהֹואָחָ֖ז קְטֹ֥ן בָּנָֽיו׃ wayaʿalu viyhudah wayiveqaʿuah wayishebu ʾet kal־harekhush hanimetsaʾ leveyt־hamelekhe wegam־banayw wenashayw weloʾ nisheʾar־low ben kiy ʾim־yehowʾaḥaz qeṭon banayw׃
18 וְאַחֲרֵ֖י כָּל־זֹ֑את נְגָפֹ֨ו יְהוָ֧ה ׀ בְּמֵעָ֛יו לָחֳלִ֖י לְאֵ֥ין מַרְפֵּֽא׃ weʾaḥarey kal־zoʾt negafow yehwah ׀ bemeʿayw laḥoliy leʾeyn marepeʾ׃
19 וַיְהִ֣י לְיָמִ֣ים ׀ מִיָּמִ֡ים וּכְעֵת֩ צֵ֨את הַקֵּ֜ץ לְיָמִ֣ים שְׁנַ֗יִם יָצְא֤וּ מֵעָיו֙ עִם־חָלְיֹ֔ו וַיָּ֖מָת בְּתַחֲלֻאִ֣ים רָעִ֑ים וְלֹא־עָ֨שׂוּ לֹ֥ו עַמֹּ֛ו שְׂרֵפָ֖ה כִּשְׂרֵפַ֥ת אֲבֹתָֽיו׃ wayehiy leyamiym ׀ miyamiym ukheʿet tseʾt haqets leyamiym shenayim yatseʾu meʿayw ʿim־ḥaleyow wayamat betaḥaluʾiym raʿiym weloʾ־ʿasu low ʿamow serefah kiserefat ʾavotayw׃
20 בֶּן־שְׁלֹשִׁ֤ים וּשְׁתַּ֙יִם֙ הָיָ֣ה בְמָלְכֹ֔ו וּשְׁמֹונֶ֣ה שָׁנִ֔ים מָלַ֖ךְ בִּירוּשָׁלִָ֑ם וַיֵּ֙לֶךְ֙ בְּלֹ֣א חֶמְדָּ֔ה וַֽיִּקְבְּרֻ֙הוּ֙ בְּעִ֣יר דָּוִ֔יד וְלֹ֖א בְּקִבְרֹ֥ות הַמְּלָכִֽים׃ ben־sheloshiym ushetayim hayah vemalekhow ushemowneh shaniym malakhe biyrushalim wayelekhe beloʾ ḥemedah wayiqeberuhu beʿiyr dawiyd weloʾ beqiverowt hamelakhiym׃