Osée 8

¹ אֶל־חִכְּךָ֣ שֹׁפָ֔ר כַּנֶּ֖שֶׁר עַל־בֵּ֣ית יְהוָ֑ה יַ֚עַן עָבְר֣וּ בְרִיתִ֔י וְעַל־תֹּורָתִ֖י פָּשָֽׁעוּ׃ ʾel־ḥikekha shofar kanesher ʿal־beyt yehwah yaʿan ʿaveru veriytiy weʿal־towratiy pashaʿu׃

² לִ֖י יִזְעָ֑קוּ אֱלֹהַ֥י יְֽדַעֲנ֖וּךָ יִשְׂרָאֵֽל׃ liy yizeʿaqu ʾelohay yedaʿanukha yiseraʾel׃

³ זָנַ֥ח יִשְׂרָאֵ֖ל טֹ֑וב אֹויֵ֖ב יִרְדְּֽפֹו ׃ zanaḥ yiseraʾel ṭowv ʾowyev yiredefow ׃

⁴ הֵ֤ם הִמְלִיכוּ֙ וְלֹ֣א מִמֶּ֔נִּי הֵשִׂ֖ירוּ וְלֹ֣א יָדָ֑עְתִּי כַּסְפָּ֣ם וּזְהָבָ֗ם עָשׂ֤וּ לָהֶם֙ עֲצַבִּ֔ים לְמַ֖עַן יִכָּרֵֽת׃ hem himeliykhu weloʾ mimeniy hesiyru weloʾ yadaʿetiy kasepam uzehavam ʿasu lahem ʿatsabiym lemaʿan yikaret׃

⁵ זָנַח֙ עֶגְלֵ֣ךְ שֹֽׁמְרֹ֔ון חָרָ֥ה אַפִּ֖י בָּ֑ם עַד־מָתַ֕י לֹ֥א יוּכְל֖וּ נִקָּיֹֽן׃ zanaḥ ʿegelekhe shomerown ḥarah ʾapiy bam ʿad־matay loʾ yukhelu niqayon׃

⁶ כִּ֤י מִיִּשְׂרָאֵל֙ וְה֔וּא חָרָ֣שׁ עָשָׂ֔הוּ וְלֹ֥א אֱלֹהִ֖ים ה֑וּא כִּֽי־שְׁבָבִ֣ים יִֽהְיֶ֔ה עֵ֖גֶל שֹׁמְרֹֽון׃ kiy miyiseraʾel wehuʾ ḥarash ʿasahu weloʾ ʾelohiym huʾ kiy־shevaviym yiheyeh ʿegel shomerown׃

⁷ כִּ֛י ר֥וּחַ יִזְרָ֖עוּ וְסוּפָ֣תָה יִקְצֹ֑רוּ קָמָ֣ה אֵֽין־לֹ֗ו צֶ֚מַח בְּלִ֣י יַֽעֲשֶׂה־קֶּ֔מַח אוּלַ֣י יַֽעֲשֶׂ֔ה זָרִ֖ים יִבְלָעֻֽהוּ׃ kiy ruaḥ yizeraʿu wesufatah yiqetsoru qamah ʾeyn־low tsemaḥ beliy yaʿaseh־qemaḥ ʾulay yaʿaseh zariym yivelaʿuhu׃

⁸ נִבְלַ֖ע יִשְׂרָאֵ֑ל עַתָּה֙ הָי֣וּ בַגֹּויִ֔ם כִּכְלִ֖י אֵֽין־חֵ֥פֶץ בֹּֽו׃ nivelaʿ yiseraʾel ʿatah hayu vagowyim kikheliy ʾeyn־ḥefets bow׃

⁹ כִּֽי־הֵ֙מָּה֙ עָל֣וּ אַשּׁ֔וּר פֶּ֖רֶא בֹּודֵ֣ד לֹ֑ו אֶפְרַ֖יִם הִתְנ֥וּ אֲהָבִֽים׃ kiy־hemah ʿalu ʾashur pereʾ bowded low ʾeferayim hitenu ʾahaviym׃

¹⁰ גַּ֛ם כִּֽי־יִתְנ֥וּ בַגֹּויִ֖ם עַתָּ֣ה אֲקַבְּצֵ֑ם וַיָּחֵ֣לּוּ מְּעָ֔ט מִמַּשָּׂ֖א מֶ֥לֶךְ שָׂרִֽים׃ gam kiy־yitenu vagowyim ʿatah ʾaqabetsem wayaḥelu meʿaṭ mimasaʾ melekhe sariym׃

¹¹ כִּֽי־הִרְבָּ֥ה אֶפְרַ֛יִם מִזְבְּחֹ֖ת לַחֲטֹ֑א הָיוּ־לֹ֥ו מִזְבְּחֹ֖ות לַחֲטֹֽא׃ kiy־hirebah ʾeferayim mizebeḥot laḥaṭoʾ hayu־low mizebeḥowt laḥaṭoʾ׃

¹² [אֶכתֹוב־ כ] (אֶ֨כְתָּב־לֹ֔ו ק) [רִבֹּו כ] (רֻבֵּ֖י ק) תֹּֽורָתִ֑י כְּמֹו־זָ֖ר נֶחְשָֽׁבוּ׃ [ʾekhtowv־ kh] (ʾekhetav־low q) [ribow kh] (rubey q) towratiy kemow־zar neḥeshavu׃

¹³ זִבְחֵ֣י הַבְהָבַ֗י יִזְבְּח֤וּ בָשָׂר֙ וַיֹּאכֵ֔לוּ יְהוָ֖ה לֹ֣א רָצָ֑ם עַתָּ֞ה יִזְכֹּ֤ר עֲוֹנָם֙ וְיִפְקֹ֣ד חַטֹּאותָ֔ם הֵ֖מָּה מִצְרַ֥יִם יָשֽׁוּבוּ׃ ziveḥey havehavay yizebeḥu vasar wayoʾkhelu yehwah loʾ ratsam ʿatah yizekor ʿaonam weyifeqod ḥaṭoʾwtam hemah mitserayim yashuvu׃

¹⁴ וַיִּשְׁכַּ֨ח יִשְׂרָאֵ֜ל אֶת־עֹשֵׂ֗הוּ וַיִּ֙בֶן֙ הֵֽיכָלֹ֔ות וִֽיהוּדָ֕ה הִרְבָּ֖ה עָרִ֣ים בְּצֻרֹ֑ות וְשִׁלַּחְתִּי־אֵ֣שׁ בְּעָרָ֔יו וְאָכְלָ֖ה אַרְמְנֹתֶֽיהָ׃ ס wayishekaḥ yiseraʾel ʾet־ʿosehu wayiven heykhalowt wiyhudah hirebah ʿariym betsurowt weshilaḥetiy־ʾesh beʿarayw weʾakhelah ʾaremenoteyha׃ s