Job 27

¹ וַיֹּ֣סֶף אִ֭יֹּוב שְׂאֵ֥ת מְשָׁלֹ֗ו וַיֹּאמַֽר׃ wayosef ʾiyowv seʾet meshalow wayoʾmar׃

² חַי־אֵ֭ל הֵסִ֣יר מִשְׁפָּטִ֑י וְ֝שַׁדַּ֗י הֵמַ֥ר נַפְשִֽׁי׃ ḥay־ʾel hesiyr mishepaṭiy weshaday hemar nafeshiy׃

³ כִּֽי־כָל־עֹ֣וד נִשְׁמָתִ֣י בִ֑י וְר֖וּחַ אֱלֹ֣והַּ בְּאַפִּֽי׃ kiy־khal־ʿowd nishematiy viy weruaḥ ʾelowha beʾapiy׃

⁴ אִם־תְּדַבֵּ֣רְנָה שְׂפָתַ֣י עַוְלָ֑ה וּ֝לְשֹׁונִ֗י אִם־יֶהְגֶּ֥ה רְמִיָּֽה׃ ʾim־tedaberenah sefatay ʿawelah uleshowniy ʾim־yehegeh remiyah׃

⁵ חָלִ֣ילָה לִּי֮ אִם־אַצְדִּ֪יק אֶ֫תְכֶ֥ם עַד־אֶגְוָ֑ע לֹא־אָסִ֖יר תֻּמָּתִ֣י מִמֶּֽנִּי׃ ḥaliylah liy ʾim־ʾatsediyq ʾetekhem ʿad־ʾegewaʿ loʾ־ʾasiyr tumatiy mimeniy׃

⁶ בְּצִדְקָתִ֣י הֶ֭חֱזַקְתִּי וְלֹ֣א אַרְפֶּ֑הָ לֹֽא־יֶחֱרַ֥ף לְ֝בָבִ֗י מִיָּמָֽי׃ betsideqatiy heḥezaqetiy weloʾ ʾarepeah loʾ־yeḥeraf levaviy miyamay׃

⁷ יְהִ֣י כְ֭רָשָׁע אֹ֣יְבִ֑י וּמִתְקֹומְמִ֥י כְעַוָּֽל׃ yehiy kherashaʿ ʾoyeviy umiteqowmemiy kheʿaual׃

⁸ כִּ֤י מַה־תִּקְוַ֣ת חָ֭נֵף כִּ֣י יִבְצָ֑ע כִּ֤י יֵ֖שֶׁל אֱלֹ֣והַּ נַפְשֹֽׁו׃ kiy mah־tiqewat ḥanef kiy yivetsaʿ kiy yeshel ʾelowha nafeshow׃

⁹ הַֽ֭צַעֲקָתֹו יִשְׁמַ֥ע ׀ אֵ֑ל כִּֽי־תָבֹ֖וא עָלָ֣יו צָרָֽה׃ hatsaʿaqatow yishemaʿ ׀ ʾel kiy־tavowʾ ʿalayw tsarah׃

¹⁰ אִם־עַל־שַׁדַּ֥י יִתְעַנָּ֑ג יִקְרָ֖א אֱלֹ֣והַּ בְּכָל־עֵֽת׃ ʾim־ʿal־shaday yiteʿanag yiqeraʾ ʾelowha bekhal־ʿet׃

¹¹ אֹורֶ֣ה אֶתְכֶ֣ם בְּיַד־אֵ֑ל אֲשֶׁ֥ר עִםשַׁ֝־דַּ֗י לֹ֣א אֲכַחֵֽד׃ ʾowreh ʾetekhem beyad־ʾel ʾasher ʿimsha־day loʾ ʾakhaḥed׃

¹² הֵן־אַתֶּ֣ם כֻּלְּכֶ֣ם חֲזִיתֶ֑ם וְלָמָּה־זֶּ֝֗ה הֶ֣בֶל תֶּהְבָּֽלוּ׃ hen־ʾatem kulekhem ḥaziytem welamah־zeh hevel tehebalu׃

¹³ זֶ֤ה ׀ חֵֽלֶק־אָדָ֖ם רָשָׁ֥ע ׀ עִם־אֵ֑ל וְֽנַחֲלַ֥ת עָ֝רִיצִ֗ים מִשַּׁדַּ֥י יִקָּֽחוּ׃ zeh ׀ ḥeleq־ʾadam rashaʿ ׀ ʿim־ʾel wenaḥalat ʿariytsiym mishaday yiqaḥu׃

¹⁴ אִם־יִרְבּ֣וּ בָנָ֣יו לְמֹו־חָ֑רֶב וְ֝צֶאֱצָאָ֗יו לֹ֣א יִשְׂבְּעוּ־לָֽחֶם׃ ʾim־yirebu vanayw lemow־ḥarev wetseʾetsaʾayw loʾ yisebeʿu־laḥem׃

¹⁵ [שְׂרִידֹו כ] (רִידָיו ק) בַּמָּ֣וֶת יִקָּבֵ֑רוּ וְ֝אַלְמְנֹתָ֗יו לֹ֣א תִבְכֶּֽינָה׃ [seriydow kh] (riydayw q) bamawet yiqaveru weʾalemenotayw loʾ tivekeynah׃

¹⁶ אִם־יִצְבֹּ֣ר כֶּעָפָ֣ר כָּ֑סֶף וְ֝כַחֹ֗מֶר יָכִ֥ין מַלְבּֽוּשׁ׃ ʾim־yitsebor keʿafar kasef wekhaḥomer yakhiyn malebush׃

¹⁷ יָ֭כִין וְצַדִּ֣יק יִלְבָּ֑שׁ וְ֝כֶ֗סֶף נָקִ֥י יַחֲלֹֽק׃ yakhiyn wetsadiyq yilebash wekhesef naqiy yaḥaloq׃

¹⁸ בָּנָ֣ה כָעָ֣שׁ בֵּיתֹ֑ו וּ֝כְסֻכָּ֗ה עָשָׂ֥ה נֹצֵֽר׃ banah khaʿash beytow ukhesukah ʿasah notser׃

¹⁹ עָשִׁ֣יר יִ֭שְׁכַּב וְלֹ֣א יֵאָסֵ֑ף עֵינָ֖יו פָּקַ֣ח וְאֵינֶֽנּוּ׃ ʿashiyr yishekav weloʾ yeʾasef ʿeynayw paqaḥ weʾeynenu׃

²⁰ תַּשִּׂיגֵ֣הוּ כַ֭מַּיִם בַּלָּהֹ֑ות לַ֝֗יְלָה גְּנָבַ֥תּוּ סוּפָֽה׃ tasiygehu khamayim balahowt layelah genavatu sufah׃

²¹ יִשָּׂאֵ֣הוּ קָדִ֣ים וְיֵלַ֑ךְ וִֽ֝ישָׂעֲרֵ֗הוּ מִמְּקֹמֹֽו׃ yisaʾehu qadiym weyelakhe wiysaʿarehu mimeqomow׃

²² וְיַשְׁלֵ֣ךְ עָ֭לָיו וְלֹ֣א יַחְמֹ֑ל מִ֝יָּדֹ֗ו בָּרֹ֥וחַ יִבְרָֽח׃ weyashelekhe ʿalayw weloʾ yaḥemol miyadow barowḥa yiveraḥ׃

²³ יִשְׂפֹּ֣ק עָלֵ֣ימֹו כַפֵּ֑ימֹו וְיִשְׁרֹ֥ק עָ֝לָ֗יו מִמְּקֹמֹֽו׃ yisepoq ʿaleymow khapeymow weyisheroq ʿalayw mimeqomow׃