Joël 2

¹ תִּקְע֨וּ שֹׁופָ֜ר בְּצִיֹּ֗ון וְהָרִ֙יעוּ֙ בְּהַ֣ר קָדְשִׁ֔י יִרְגְּז֕וּ כֹּ֖ל יֹשְׁבֵ֣י הָאָ֑רֶץ כִּֽי־בָ֥א יֹום־יְהוָ֖ה כִּ֥י קָרֹֽוב׃ tiqeʿu showfar betsiyown wehariyʿu behar qadeshiy yiregezu kol yoshevey haʾarets kiy־vaʾ yowm־yehwah kiy qarowv׃

² יֹ֧ום חֹ֣שֶׁךְ וַאֲפֵלָ֗ה יֹ֤ום עָנָן֙ וַעֲרָפֶ֔ל כְּשַׁ֖חַר פָּרֻ֣שׂ עַל־הֶֽהָרִ֑ים עַ֚ם רַ֣ב וְעָצ֔וּם כָּמֹ֗הוּ לֹ֤א נִֽהְיָה֙ מִן־הָ֣עֹולָ֔ם וְאַֽחֲרָיו֙ לֹ֣א יֹוסֵ֔ף עַד־שְׁנֵ֖י דֹּ֥ור וָדֹֽור׃ yowm ḥoshekhe waʾafelah yowm ʿanan waʿarafel keshaḥar parus ʿal־hehariym ʿam rav weʿatsum kamohu loʾ niheyah min־haʿowlam weʾaḥarayw loʾ yowsef ʿad־sheney dowr wadowr׃

³ לְפָנָיו֙ אָ֣כְלָה אֵ֔שׁ וְאַחֲרָ֖יו תְּלַהֵ֣ט לֶֽהָבָ֑ה כְּגַן־עֵ֨דֶן הָאָ֜רֶץ לְפָנָ֗יו וְאַֽחֲרָיו֙ מִדְבַּ֣ר שְׁמָמָ֔ה וְגַם־פְּלֵיטָ֖ה לֹא־הָ֥יְתָה לֹּֽו׃ lefanayw ʾakhelah ʾesh weʾaḥarayw telaheṭ lehavah kegan־ʿeden haʾarets lefanayw weʾaḥarayw midebar shemamah wegam־peleyṭah loʾ־hayetah low׃

⁴ כְּמַרְאֵ֥ה סוּסִ֖ים מַרְאֵ֑הוּ וּכְפָרָשִׁ֖ים כֵּ֥ן יְרוּצֽוּן׃ kemareʾeh susiym mareʾehu ukhefarashiym ken yerutsun׃

⁵ כְּקֹ֣ול מַרְכָּבֹ֗ות עַל־רָאשֵׁ֤י הֶֽהָרִים֙ יְרַקֵּד֔וּן כְּקֹול֙ לַ֣הַב אֵ֔שׁ אֹכְלָ֖ה קָ֑שׁ כְּעַ֣ם עָצ֔וּם עֱר֖וּךְ מִלְחָמָֽה׃ keqowl marekavowt ʿal־raʾshey hehariym yeraqedun keqowl lahav ʾesh ʾokhelah qash keʿam ʿatsum ʿerukhe mileḥamah׃

⁶ מִפָּנָ֖יו יָחִ֣ילוּ עַמִּ֑ים כָּל־פָּנִ֖ים קִבְּצ֥וּ פָארֽוּר׃ mipanayw yaḥiylu ʿamiym kal־paniym qibetsu faʾrur׃

⁷ כְּגִבֹּורִ֣ים יְרֻצ֔וּן כְּאַנְשֵׁ֥י מִלְחָמָ֖ה יַעֲל֣וּ חֹומָ֑ה וְאִ֤ישׁ בִּדְרָכָיו֙ יֵֽלֵכ֔וּן וְלֹ֥א יְעַבְּט֖וּן אֹרְחֹותָֽם׃ kegibowriym yerutsun keʾaneshey mileḥamah yaʿalu ḥowmah weʾiysh biderakhayw yelekhun weloʾ yeʿabeṭun ʾoreḥowtam׃

⁸ וְאִ֤ישׁ אָחִיו֙ לֹ֣א יִדְחָק֔וּן גֶּ֥בֶר בִּמְסִלָּתֹ֖ו יֵֽלֵכ֑וּן וּבְעַ֥ד הַשֶּׁ֛לַח יִפֹּ֖לוּ לֹ֥א יִבְצָֽעוּ׃ weʾiysh ʾaḥiyw loʾ yideḥaqun gever bimesilatow yelekhun uveʿad hashelaḥ yipolu loʾ yivetsaʿu׃

⁹ בָּעִ֣יר יָשֹׁ֗קּוּ בַּֽחֹומָה֙ יְרֻצ֔וּן בַּבָּתִּ֖ים יַעֲל֑וּ בְּעַ֧ד הַחַלֹּונִ֛ים יָבֹ֖אוּ כַּגַּנָּֽב׃ baʿiyr yashoqu baḥowmah yerutsun babatiym yaʿalu beʿad haḥalowniym yavoʾu kaganav׃

¹⁰ לְפָנָיו֙ רָ֣גְזָה אֶ֔רֶץ רָעֲשׁ֖וּ שָׁמָ֑יִם שֶׁ֤מֶשׁ וְיָרֵ֙חַ֙ קָדָ֔רוּ וְכֹוכָבִ֖ים אָסְפ֥וּ נָגְהָֽם׃ lefanayw ragezah ʾerets raʿashu shamayim shemesh weyareaḥ qadaru wekhowkhaviym ʾasefu nageham׃

¹¹ וַֽיהוָ֗ה נָתַ֤ן קֹולֹו֙ לִפְנֵ֣י חֵילֹ֔ו כִּ֣י רַ֤ב מְאֹד֙ מַחֲנֵ֔הוּ כִּ֥י עָצ֖וּם עֹשֵׂ֣ה דְבָרֹ֑ו כִּֽי־גָדֹ֧ול יֹום־יְהוָ֛ה וְנֹורָ֥א מְאֹ֖ד וּמִ֥י יְכִילֶֽנּוּ׃ wayhwah natan qowlow lifeney ḥeylow kiy rav meʾod maḥanehu kiy ʿatsum ʿoseh devarow kiy־gadowl yowm־yehwah wenowraʾ meʾod umiy yekhiylenu׃

¹² וְגַם־עַתָּה֙ נְאֻם־יְהוָ֔ה שֻׁ֥בוּ עָדַ֖י בְּכָל־לְבַבְכֶ֑ם וּבְצֹ֥ום וּבְבְכִ֖י וּבְמִסְפֵּֽד׃ wegam־ʿatah neʾum־yehwah shuvu ʿaday bekhal־levavekhem uvetsowm uvevekhiy uvemiseped׃

¹³ וְקִרְע֤וּ לְבַבְכֶם֙ וְאַל־בִּגְדֵיכֶ֔ם וְשׁ֖וּבוּ אֶל־יְהוָ֣ה אֱלֹֽהֵיכֶ֑ם כִּֽי־חַנּ֤וּן וְרַחוּם֙ ה֔וּא אֶ֤רֶךְ אַפַּ֙יִם֙ וְרַב־חֶ֔סֶד וְנִחָ֖ם עַל־הָרָעָֽה׃ weqireʿu levavekhem weʾal־bigedeykhem weshuvu ʾel־yehwah ʾeloheykhem kiy־ḥanun weraḥum huʾ ʾerekhe ʾapayim werav־ḥesed weniḥam ʿal־haraʿah׃

¹⁴ מִ֥י יֹודֵ֖עַ יָשׁ֣וּב וְנִחָ֑ם וְהִשְׁאִ֤יר אַֽחֲרָיו֙ בְּרָכָ֔ה מִנְחָ֣ה וָנֶ֔סֶךְ לַיהוָ֖ה אֱלֹהֵיכֶֽם׃ פ miy yowdeaʿ yashuv weniḥam wehisheʾiyr ʾaḥarayw berakhah mineḥah wanesekhe layhwah ʾeloheykhem׃ f

¹⁵ תִּקְע֥וּ שֹׁופָ֖ר בְּצִיֹּ֑ון קַדְּשׁוּ־צֹ֖ום קִרְא֥וּ עֲצָרָֽה׃ tiqeʿu showfar betsiyown qadeshu־tsowm qireʾu ʿatsarah׃

¹⁶ אִסְפוּ־עָ֞ם קַדְּשׁ֤וּ קָהָל֙ קִבְצ֣וּ זְקֵנִ֔ים אִסְפוּ֙ עֹֽולָלִ֔ים וְיֹנְקֵ֖י שָׁדָ֑יִם יֵצֵ֤א חָתָן֙ מֵֽחֶדְרֹ֔ו וְכַלָּ֖ה מֵחֻפָּתָֽהּ׃ ʾisefu־ʿam qadeshu qahal qivetsu zeqeniym ʾisefu ʿowlaliym weyoneqey shadayim yetseʾ ḥatan meḥederow wekhalah meḥupatah׃

¹⁷ בֵּ֤ין הָאוּלָם֙ וְלַמִּזְבֵּ֔חַ יִבְכּוּ֙ הַכֹּ֣הֲנִ֔ים מְשָׁרְתֵ֖י יְהוָ֑ה וְֽיֹאמְר֞וּ ח֧וּסָה יְהוָ֣ה עַל־עַמֶּ֗ךָ וְאַל־תִּתֵּ֨ן נַחֲלָתְךָ֤ לְחֶרְפָּה֙ לִמְשָׁל־בָּ֣ם גֹּויִ֔ם לָ֚מָּה יֹאמְר֣וּ בָֽעַמִּ֔ים אַיֵּ֖ה אֱלֹהֵיהֶֽם׃ beyn haʾulam welamizebeaḥ yiveku hakohaniym mesharetey yehwah weyoʾmeru ḥusah yehwah ʿal־ʿamekha weʾal־titen naḥalatekha leḥerepah limeshal־bam gowyim lamah yoʾmeru vaʿamiym ʾayeh ʾeloheyhem׃

¹⁸ וַיְקַנֵּ֥א יְהוָ֖ה לְאַרְצֹ֑ו וַיַּחְמֹ֖ל עַל־עַמֹּֽו׃ wayeqaneʾ yehwah leʾaretsow wayaḥemol ʿal־ʿamow׃

¹⁹ וַיַּ֨עַן יְהוָ֜ה וַיֹּ֣אמֶר לְעַמֹּ֗ו הִנְנִ֨י שֹׁלֵ֤חַ לָכֶם֙ אֶת־הַדָּגָן֙ וְהַתִּירֹ֣ושׁ וְהַיִּצְהָ֔ר וּשְׂבַעְתֶּ֖ם אֹתֹ֑ו וְלֹא־אֶתֵּ֨ן אֶתְכֶ֥ם עֹ֛וד חֶרְפָּ֖ה בַּגֹּויִֽם׃ wayaʿan yehwah wayoʾmer leʿamow hineniy sholeaḥ lakhem ʾet־hadagan wehatiyrowsh wehayitsehar usevaʿetem ʾotow weloʾ־ʾeten ʾetekhem ʿowd ḥerepah bagowyim׃

²⁰ וְֽאֶת־הַצְּפֹונִ֞י אַרְחִ֣יק מֵעֲלֵיכֶ֗ם וְהִדַּחְתִּיו֮ אֶל־אֶ֣רֶץ צִיָּ֣ה וּשְׁמָמָה֒ אֶת־פָּנָ֗יו אֶל־הַיָּם֙ הַקַּדְמֹנִ֔י וְסֹפֹ֖ו אֶל־הַיָּ֣ם הָאַֽחֲרֹ֑ון וְעָלָ֣ה בָאְשֹׁ֗ו וְתַ֙עַל֙ צַחֲנָתֹ֔ו כִּ֥י הִגְדִּ֖יל לַעֲשֹֽׂות׃ weʾet־hatsefowniy ʾareḥiyq meʿaleykhem wehidaḥetiyw ʾel־ʾerets tsiyah ushemamah ʾet־panayw ʾel־hayam haqademoniy wesofow ʾel־hayam haʾaḥarown weʿalah vaʾeshow wetaʿal tsaḥanatow kiy higediyl laʿasowt׃

²¹ אַל־תִּֽירְאִ֖י אֲדָמָ֑ה גִּ֣ילִי וּשְׂמָ֔חִי כִּֽי־הִגְדִּ֥יל יְהוָ֖ה לַעֲשֹֽׂות׃ ʾal־tiyreʾiy ʾadamah giyliy usemaḥiy kiy־higediyl yehwah laʿasowt׃

²² אַל־תִּֽירְאוּ֙ בַּהֲמֹ֣ות שָׂדַ֔י כִּ֥י דָשְׁא֖וּ נְאֹ֣ות מִדְבָּ֑ר כִּֽי־עֵץ֙ נָשָׂ֣א פִרְיֹ֔ו תְּאֵנָ֥ה וָגֶ֖פֶן נָתְנ֥וּ חֵילָֽם׃ ʾal־tiyreʾu bahamowt saday kiy dasheʾu neʾowt midebar kiy־ʿets nasaʾ fireyow teʾenah wagefen natenu ḥeylam׃

²³ וּבְנֵ֣י צִיֹּ֗ון גִּ֤ילוּ וְשִׂמְחוּ֙ בַּיהוָ֣ה אֱלֹֽהֵיכֶ֔ם כִּֽי־נָתַ֥ן לָכֶ֛ם אֶת־הַמֹּורֶ֖ה לִצְדָקָ֑ה וַיֹּ֣ורֶד לָכֶ֗ם גֶּ֛שֶׁם מֹורֶ֥ה וּמַלְקֹ֖ושׁ בָּרִאשֹֽׁון׃ uveney tsiyown giylu wesimeḥu bayhwah ʾeloheykhem kiy־natan lakhem ʾet־hamowreh litsedaqah wayowred lakhem geshem mowreh umaleqowsh bariʾshown׃

²⁴ וּמָלְא֥וּ הַגֳּרָנֹ֖ות בָּ֑ר וְהֵשִׁ֥יקוּ הַיְקָבִ֖ים תִּירֹ֥ושׁ וְיִצְהָֽר׃ umaleʾu hagoranowt bar weheshiyqu hayeqaviym tiyrowsh weyitsehar׃

²⁵ וְשִׁלַּמְתִּ֤י לָכֶם֙ אֶת־הַשָּׁנִ֔ים אֲשֶׁר֙ אָכַ֣ל הָֽאַרְבֶּ֔ה הַיֶּ֖לֶק וְהֶחָסִ֣יל וְהַגָּזָ֑ם חֵילִי֙ הַגָּדֹ֔ול אֲשֶׁ֥ר שִׁלַּ֖חְתִּי בָּכֶֽם׃ weshilametiy lakhem ʾet־hashaniym ʾasher ʾakhal haʾarebeh hayeleq weheḥasiyl wehagazam ḥeyliy hagadowl ʾasher shilaḥetiy bakhem׃

²⁶ וַאֲכַלְתֶּ֤ם אָכֹול֙ וְשָׂבֹ֔ועַ וְהִלַּלְתֶּ֗ם אֶת־שֵׁ֤ם יְהוָה֙ אֱלֹ֣הֵיכֶ֔ם אֲשֶׁר־עָשָׂ֥ה עִמָּכֶ֖ם לְהַפְלִ֑יא וְלֹא־יֵבֹ֥שׁוּ עַמִּ֖י לְעֹולָֽם׃ waʾakhaletem ʾakhowl wesavowʿa wehilaletem ʾet־shem yehwah ʾeloheykhem ʾasher־ʿasah ʿimakhem lehafeliyʾ weloʾ־yevoshu ʿamiy leʿowlam׃

²⁷ וִידַעְתֶּ֗ם כִּ֣י בְקֶ֤רֶב יִשְׂרָאֵל֙ אָ֔נִי וַאֲנִ֛י יְהוָ֥ה אֱלֹהֵיכֶ֖ם וְאֵ֣ין עֹ֑וד וְלֹא־יֵבֹ֥שׁוּ עַמִּ֖י לְעֹולָֽם׃ ס wiydaʿetem kiy veqerev yiseraʾel ʾaniy waʾaniy yehwah ʾeloheykhem weʾeyn ʿowd weloʾ־yevoshu ʿamiy leʿowlam׃ s