Sophonie 3

¹ הֹ֥וי מֹרְאָ֖ה וְנִגְאָלָ֑ה הָעִ֖יר הַיֹּונָֽה׃ howy moreʾah wenigeʾalah haʿiyr hayownah׃

² לֹ֤א שָֽׁמְעָה֙ בְּקֹ֔ול לֹ֥א לָקְחָ֖ה מוּסָ֑ר בַּֽיהוָה֙ לֹ֣א בָטָ֔חָה אֶל־אֱלֹהֶ֖יהָ לֹ֥א קָרֵֽבָה׃ loʾ shameʿah beqowl loʾ laqeḥah musar bayhwah loʾ vaṭaḥah ʾel־ʾeloheyha loʾ qarevah׃

³ שָׂרֶ֣יהָ בְקִרְבָּ֔הּ אֲרָיֹ֖ות שֹֽׁאֲגִ֑ים שֹׁפְטֶ֙יהָ֙ זְאֵ֣בֵי עֶ֔רֶב לֹ֥א גָרְמ֖וּ לַבֹּֽקֶר׃ sareyha veqirebah ʾarayowt shoʾagiym shofeṭeyha zeʾevey ʿerev loʾ garemu laboqer׃

⁴ נְבִיאֶ֙יהָ֙ פֹּֽחֲזִ֔ים אַנְשֵׁ֖י בֹּֽגְדֹ֑ות כֹּהֲנֶ֙יהָ֙ חִלְּלוּ־קֹ֔דֶשׁ חָמְס֖וּ תֹּורָֽה׃ neviyʾeyha poḥaziym ʾaneshey bogedowt kohaneyha ḥilelu־qodesh ḥamesu towrah׃

⁵ יְהוָ֤ה צַדִּיק֙ בְּקִרְבָּ֔הּ לֹ֥א יַעֲשֶׂ֖ה עַוְלָ֑ה בַּבֹּ֨קֶר בַּבֹּ֜קֶר מִשְׁפָּטֹ֨ו יִתֵּ֤ן לָאֹור֙ לֹ֣א נֶעְדָּ֔ר וְלֹֽא־יֹודֵ֥עַ עַוָּ֖ל בֹּֽשֶׁת׃ yehwah tsadiyq beqirebah loʾ yaʿaseh ʿawelah baboqer baboqer mishepaṭow yiten laʾowr loʾ neʿedar weloʾ־yowdeaʿ ʿaual boshet׃

⁶ הִכְרַ֣תִּי גֹויִ֗ם נָשַׁ֙מּוּ֙ פִּנֹּותָ֔ם הֶחֱרַ֥בְתִּי חֽוּצֹותָ֖ם מִבְּלִ֣י עֹובֵ֑ר נִצְדּ֧וּ עָרֵיהֶ֛ם מִבְּלִי־אִ֖ישׁ מֵאֵ֥ין יֹושֵֽׁב׃ hikheratiy gowyim nashamu pinowtam heḥeravetiy ḥutsowtam mibeliy ʿowver nitsedu ʿareyhem mibeliy־ʾiysh meʾeyn yowshev׃

⁷ אָמַ֜רְתִּי אַךְ־תִּירְאִ֤י אֹותִי֙ תִּקְחִ֣י מוּסָ֔ר וְלֹֽא־יִכָּרֵ֣ת מְעֹונָ֔הּ כֹּ֥ל אֲשֶׁר־פָּקַ֖דְתִּי עָלֶ֑יהָ אָכֵן֙ הִשְׁכִּ֣ימוּ הִשְׁחִ֔יתוּ כֹּ֖ל עֲלִילֹותָֽם׃ ʾamaretiy ʾakhe־tiyreʾiy ʾowtiy tiqeḥiy musar weloʾ־yikaret meʿownah kol ʾasher־paqadetiy ʿaleyha ʾakhen hishekiymu hisheḥiytu kol ʿaliylowtam׃

⁸ לָכֵ֤ן חַכּוּ־לִי֙ נְאֻם־יְהוָ֔ה לְיֹ֖ום קוּמִ֣י לְעַ֑ד כִּ֣י מִשְׁפָּטִי֩ לֶאֱסֹ֨ף גֹּויִ֜ם לְקָבְצִ֣י מַמְלָכֹ֗ות לִשְׁפֹּ֨ךְ עֲלֵיהֶ֤ם זַעְמִי֙ כֹּ֚ל חֲרֹ֣ון אַפִּ֔י כִּ֚י בְּאֵ֣שׁ קִנְאָתִ֔י תֵּאָכֵ֖ל כָּל־הָאָֽרֶץ׃ lakhen ḥaku־liy neʾum־yehwah leyowm qumiy leʿad kiy mishepaṭiy leʾesof gowyim leqavetsiy mamelakhowt lishepokhe ʿaleyhem zaʿemiy kol ḥarown ʾapiy kiy beʾesh qineʾatiy teʾakhel kal־haʾarets׃

⁹ כִּֽי־אָ֛ז אֶהְפֹּ֥ךְ אֶל־עַמִּ֖ים שָׂפָ֣ה בְרוּרָ֑ה לִקְרֹ֤א כֻלָּם֙ בְּשֵׁ֣ם יְהוָ֔ה לְעָבְדֹ֖ו שְׁכֶ֥ם אֶחָֽד׃ kiy־ʾaz ʾehepokhe ʾel־ʿamiym safah verurah liqeroʾ khulam beshem yehwah leʿavedow shekhem ʾeḥad׃

¹⁰ מֵעֵ֖בֶר לְנַֽהֲרֵי־כ֑וּשׁ עֲתָרַי֙ בַּת־פּוּצַ֔י יֹובִל֖וּן מִנְחָתִֽי׃ meʿever lenaharey־khush ʿataray bat־putsay yowvilun mineḥatiy׃

¹¹ בַּיֹּ֣ום הַה֗וּא לֹ֤א תֵבֹ֙ושִׁי֙ מִכֹּ֣ל עֲלִילֹתַ֔יִךְ אֲשֶׁ֥ר פָּשַׁ֖עַתְּ בִּ֑י כִּי־אָ֣ז ׀ אָסִ֣יר מִקִּרְבֵּ֗ךְ עַלִּיזֵי֙ גַּאֲוָתֵ֔ךְ וְלֹֽא־תֹוסִ֧פִי לְגָבְהָ֛ה עֹ֖וד בְּהַ֥ר קָדְשִֽׁי׃ bayowm hahuʾ loʾ tevowshiy mikol ʿaliylotayikhe ʾasher pashaʿate biy kiy־ʾaz ׀ ʾasiyr miqirebekhe ʿaliyzey gaʾawatekhe weloʾ־towsifiy legavehah ʿowd behar qadeshiy׃

¹² וְהִשְׁאַרְתִּ֣י בְקִרְבֵּ֔ךְ עַ֥ם עָנִ֖י וָדָ֑ל וְחָס֖וּ בְּשֵׁ֥ם יְהוָֽה׃ wehisheʾaretiy veqirebekhe ʿam ʿaniy wadal weḥasu beshem yehwah׃

¹³ שְׁאֵרִ֨ית יִשְׂרָאֵ֜ל לֹֽא־יַעֲשׂ֤וּ עַוְלָה֙ וְלֹא־יְדַבְּר֣וּ כָזָ֔ב וְלֹֽא־יִמָּצֵ֥א בְּפִיהֶ֖ם לְשֹׁ֣ון תַּרְמִ֑ית כִּֽי־הֵ֛מָּה יִרְע֥וּ וְרָבְצ֖וּ וְאֵ֥ין מַחֲרִֽיד׃ ס sheʾeriyt yiseraʾel loʾ־yaʿasu ʿawelah weloʾ־yedaberu khazav weloʾ־yimatseʾ befiyhem leshown taremiyt kiy־hemah yireʿu weravetsu weʾeyn maḥariyd׃ s

¹⁴ רָנִּי֙ בַּת־צִיֹּ֔ון הָרִ֖יעוּ יִשְׂרָאֵ֑ל שִׂמְחִ֤י וְעָלְזִי֙ בְּכָל־לֵ֔ב בַּ֖ת יְרוּשָׁלִָֽם׃ raniy bat־tsiyown hariyʿu yiseraʾel simeḥiy weʿaleziy bekhal־lev bat yerushalim׃

¹⁵ הֵסִ֤יר יְהוָה֙ מִשְׁפָּטַ֔יִךְ פִּנָּ֖ה אֹֽיְבֵ֑ךְ מֶ֣לֶךְ יִשְׂרָאֵ֤ל ׀ יְהוָה֙ בְּקִרְבֵּ֔ךְ לֹא־תִֽירְאִ֥י רָ֖ע עֹֽוד׃ hesiyr yehwah mishepaṭayikhe pinah ʾoyevekhe melekhe yiseraʾel ׀ yehwah beqirebekhe loʾ־tiyreʾiy raʿ ʿowd׃

¹⁶ בַּיֹּ֣ום הַה֔וּא יֵאָמֵ֥ר לִירֽוּשָׁלִַ֖ם אַל־תִּירָ֑אִי צִיֹּ֖ון אַל־יִרְפּ֥וּ יָדָֽיִךְ׃ bayowm hahuʾ yeʾamer liyrushalim ʾal־tiyraʾiy tsiyown ʾal־yirepu yadayikhe׃

¹⁷ יְהוָ֧ה אֱלֹהַ֛יִךְ בְּקִרְבֵּ֖ך גִּבֹּ֣ור יֹושִׁ֑יעַ יָשִׂ֨ישׂ עָלַ֜יִךְ בְּשִׂמְחָ֗ה יַחֲרִישׁ֙ בְּאַ֣הֲבָתֹ֔ו יָגִ֥יל עָלַ֖יִךְ בְּרִנָּֽה׃ yehwah ʾelohayikhe beqirebekh gibowr yowshiyʿa yasiys ʿalayikhe besimeḥah yaḥariysh beʾahavatow yagiyl ʿalayikhe berinah׃

¹⁸ נוּגֵ֧י מִמֹּועֵ֛ד אָסַ֖פְתִּי מִמֵּ֣ךְ הָי֑וּ מַשְׂאֵ֥ת עָלֶ֖יהָ חֶרְפָּֽה׃ nugey mimowʿed ʾasafetiy mimekhe hayu maseʾet ʿaleyha ḥerepah׃

¹⁹ הִנְנִ֥י עֹשֶׂ֛ה אֶת־כָּל־מְעַנַּ֖יִךְ בָּעֵ֣ת הַהִ֑יא וְהֹושַׁעְתִּ֣י אֶת־הַצֹּלֵעָ֗ה וְהַנִּדָּחָה֙ אֲקַבֵּ֔ץ וְשַׂמְתִּים֙ לִתְהִלָּ֣ה וּלְשֵׁ֔ם בְּכָל־הָאָ֖רֶץ בָּשְׁתָּֽם׃ hineniy ʿoseh ʾet־kal־meʿanayikhe baʿet hahiyʾ wehowshaʿetiy ʾet־hatsoleʿah wehanidaḥah ʾaqabets wesametiym litehilah uleshem bekhal־haʾarets bashetam׃

²⁰ בָּעֵ֤ת הַהִיא֙ אָבִ֣יא אֶתְכֶ֔ם וּבָעֵ֖ת קַבְּצִ֣י אֶתְכֶ֑ם כִּֽי־אֶתֵּ֨ן אֶתְכֶ֜ם לְשֵׁ֣ם וְלִתְהִלָּ֗ה בְּכֹל֙ עַמֵּ֣י הָאָ֔רֶץ בְּשׁוּבִ֧י אֶת־שְׁבוּתֵיכֶ֛ם לְעֵינֵיכֶ֖ם אָמַ֥ר יְהוָֽה׃ baʿet hahiyʾ ʾaviyʾ ʾetekhem uvaʿet qabetsiy ʾetekhem kiy־ʾeten ʾetekhem leshem welitehilah bekhol ʿamey haʾarets beshuviy ʾet־shevuteykhem leʿeyneykhem ʾamar yehwah׃