1 וּבִ֨נְיָמִ֔ן הֹולִ֖יד אֶת־בֶּ֣לַע בְּכֹרֹ֑ו אַשְׁבֵּל֙ הַשֵּׁנִ֔י וְאַחְרַ֖ח הַשְּׁלִישִֽׁי׃ uvineyamin howliyd ʾet־belaʿ bekhorow ʾashebel hasheniy weʾaḥeraḥ hasheliyshiy׃
2 נֹוחָה֙ הָֽרְבִיעִ֔י וְרָפָ֖א הַחֲמִישִֽׁי׃ ס nowḥah hareviyʿiy werafaʾ haḥamiyshiy׃ s
3 וַיִּהְי֥וּ בָנִ֖ים לְבָ֑לַע אַדָּ֥ר וְגֵרָ֖א וַאֲבִיהֽוּד׃ wayiheyu vaniym levalaʿ ʾadar wegeraʾ waʾaviyhud׃
4 וַאֲבִישׁ֥וּעַ וְנַעֲמָ֖ן וַאֲחֹֽוחַ׃ waʾaviyshuaʿ wenaʿaman waʾaḥowḥa׃
5 וְגֵרָ֥א וּשְׁפוּפָ֖ן וְחוּרָֽם׃ wegeraʾ ushefufan weḥuram׃
6 וְאֵ֖לֶּה בְּנֵ֣י אֵח֑וּד אֵ֣לֶּה הֵ֞ם רָאשֵׁ֤י אָבֹות֙ לְיֹ֣ושְׁבֵי גֶ֔בַע וַיַּגְל֖וּם אֶל־מָנָֽחַת׃ weʾeleh beney ʾeḥud ʾeleh hem raʾshey ʾavowt leyowshevey gevaʿ wayagelum ʾel־manaḥat׃
7 וְנַעֲמָ֧ן וַאֲחִיָּ֛ה וְגֵרָ֖א ה֣וּא הֶגְלָ֑ם וְהֹולִ֥יד אֶת־עֻזָּ֖א וְאֶת־אֲחִיחֻֽד׃ wenaʿaman waʾaḥiyah wegeraʾ huʾ hegelam wehowliyd ʾet־ʿuzaʾ weʾet־ʾaḥiyḥud׃
8 וְשַׁחֲרַ֗יִם הֹולִיד֙ בִּשְׂדֵ֣ה מֹואָ֔ב מִן־שִׁלְחֹ֖ו אֹתָ֑ם חוּשִׁ֥ים וְאֶֽת־בַּעֲרָ֖א נָשָֽׁיו׃ weshaḥarayim howliyd bisedeh mowʾav min־shileḥow ʾotam ḥushiym weʾet־baʿaraʾ nashayw׃
9 וַיֹּ֖ולֶד מִן־חֹ֣דֶשׁ אִשְׁתֹּ֑ו אֶת־יֹובָב֙ וְאֶת־צִבְיָ֔א וְאֶת־מֵישָׁ֖א וְאֶת־מַלְכָּֽם׃ wayowled min־ḥodesh ʾishetow ʾet־yowvav weʾet־tsiveyaʾ weʾet־meyshaʾ weʾet־malekam׃
10 וְאֶת־יְע֥וּץ וְאֶת־שָֽׂכְיָ֖ה וְאֶת־מִרְמָ֑ה אֵ֥לֶּה בָנָ֖יו רָאשֵׁ֥י אָבֹֽות׃ weʾet־yeʿuts weʾet־sakheyah weʾet־miremah ʾeleh vanayw raʾshey ʾavowt׃
11 וּמֵחֻשִׁ֛ים הֹולִ֥יד אֶת־אֲבִיט֖וּב וְאֶת־אֶלְפָּֽעַל׃ umeḥushiym howliyd ʾet־ʾaviyṭuv weʾet־ʾelepaʿal׃
12 וּבְנֵ֣י אֶלְפַּ֔עַל עֵ֥בֶר וּמִשְׁעָ֖ם וָשָׁ֑מֶד ה֚וּא בָּנָ֣ה אֶת־אֹונֹ֔ו וְאֶת־לֹ֖ד וּבְנֹתֶֽיהָ׃ uveney ʾelepaʿal ʿever umisheʿam washamed huʾ banah ʾet־ʾownow weʾet־lod uvenoteyha׃
13 וּבְרִעָ֣ה וָשֶׁ֔מַע הֵ֚מָּה רָאשֵׁ֣י הָאָבֹ֔ות לְיֹושְׁבֵ֖י אַיָּלֹ֑ון הֵ֥מָּה הִבְרִ֖יחוּ אֶת־יֹ֥ושְׁבֵי גַֽת׃ uveriʿah washemaʿ hemah raʾshey haʾavowt leyowshevey ʾayalown hemah hiveriyḥu ʾet־yowshevey gat׃
14 וְאַחְיֹ֥ו שָׁשָׁ֖ק וִירֵמֹֽות׃ weʾaḥeyow shashaq wiyremowt׃
15 וּזְבַדְיָ֥ה וַעֲרָ֖ד וָעָֽדֶר׃ uzevadeyah waʿarad waʿader׃
16 וּמִיכָאֵ֧ל וְיִשְׁפָּ֛ה וְיֹוחָ֖א בְּנֵ֥י בְרִיעָֽה׃ umiykhaʾel weyishepah weyowḥaʾ beney veriyʿah׃
17 וּזְבַדְיָ֥ה וּמְשֻׁלָּ֖ם וְחִזְקִ֥י וָחָֽבֶר׃ uzevadeyah umeshulam weḥizeqiy waḥaver׃
18 וְיִשְׁמְרַ֧י וְיִזְלִיאָ֛ה וְיֹובָ֖ב בְּנֵ֥י אֶלְפָּֽעַל׃ weyishemeray weyizeliyʾah weyowvav beney ʾelepaʿal׃
19 וְיָקִ֥ים וְזִכְרִ֖י וְזַבְדִּֽי׃ weyaqiym wezikheriy wezavediy׃
20 וֶאֱלִיעֵנַ֥י וְצִלְּתַ֖י וֶאֱלִיאֵֽל׃ weʾeliyʿenay wetsiletay weʾeliyʾel׃
21 וַעֲדָיָ֧ה וּבְרָאיָ֛ה וְשִׁמְרָ֖ת בְּנֵ֥י שִׁמְעִֽי׃ waʿadayah uveraʾyah weshimerat beney shimeʿiy׃
22 וְיִשְׁפָּ֥ן וָעֵ֖בֶר וֶאֱלִיאֵֽל׃ weyishepan waʿever weʾeliyʾel׃
23 וְעַבְדֹּ֥ון וְזִכְרִ֖י וְחָנָֽן׃ weʿavedown wezikheriy weḥanan׃
24 וַחֲנַנְיָ֥ה וְעֵילָ֖ם וְעַנְתֹתִיָּֽה׃ waḥananeyah weʿeylam weʿanetotiyah׃
25 וְיִפְדְיָ֥ה [וּפְנִיאֵל כ] (וּפְנוּאֵ֖ל ק) בְּנֵ֥י שָׁשָֽׁק׃ weyifedeyah [ufeniyʾel kh] (ufenuʾel q) beney shashaq׃
26 וְשַׁמְשְׁרַ֥י וּשְׁחַרְיָ֖ה וַעֲתַלְיָֽה׃ weshamesheray usheḥareyah waʿataleyah׃
27 וְיַעֲרֶשְׁיָ֧ה וְאֵלִיָּ֛ה וְזִכְרִ֖י בְּנֵ֥י יְרֹחָֽם׃ weyaʿaresheyah weʾeliyah wezikheriy beney yeroḥam׃
28 אֵ֣לֶּה רָאשֵׁ֥י אָבֹ֛ות לְתֹלְדֹותָ֖ם רָאשִׁ֑ים אֵ֖לֶּה יָשְׁב֥וּ בִירוּשָׁלִָֽם׃ ס ʾeleh raʾshey ʾavowt letoledowtam raʾshiym ʾeleh yashevu viyrushalim׃ s
29 וּבְגִבְעֹ֥ון יָשְׁב֖וּ אֲבִ֣י גִבְעֹ֑ון וְשֵׁ֥ם אִשְׁתֹּ֖ו מַעֲכָֽה׃ uvegiveʿown yashevu ʾaviy giveʿown weshem ʾishetow maʿakhah׃
30 וּבְנֹ֥ו הַבְּכֹ֖ור עַבְדֹּ֑ון וְצ֥וּר וְקִ֖ישׁ וּבַ֥עַל וְנָדָֽב׃ uvenow habekhowr ʿavedown wetsur weqiysh uvaʿal wenadav׃
31 וּגְדֹ֥ור וְאַחְיֹ֖ו וָזָֽכֶר׃ ugedowr weʾaḥeyow wazakher׃
32 וּמִקְלֹ֖ות הֹולִ֣יד אֶת־שִׁמְאָ֑ה וְאַף־הֵ֗מָּה נֶ֧גֶד אֲחֵיהֶ֛ם יָשְׁב֥וּ בִירוּשָׁלִַ֖ם עִם־אֲחֵיהֶֽם׃ ס umiqelowt howliyd ʾet־shimeʾah weʾaf־hemah neged ʾaḥeyhem yashevu viyrushalim ʿim־ʾaḥeyhem׃ s
33 וְנֵר֙ הֹולִ֣יד אֶת־קִ֔ישׁ וְקִ֖ישׁ הֹולִ֣יד אֶת־שָׁא֑וּל וְשָׁא֗וּל הֹולִ֤יד אֶת־יְהֹֽונָתָן֙ וְאֶת־מַלְכִּי־שׁ֔וּעַ וְאֶת־אֲבִֽינָדָ֖ב וְאֶת־אֶשְׁבָּֽעַל׃ wener howliyd ʾet־qiysh weqiysh howliyd ʾet־shaʾul weshaʾul howliyd ʾet־yehownatan weʾet־malekiy־shuaʿ weʾet־ʾaviynadav weʾet־ʾeshebaʿal׃
34 וּבֶן־יְהֹונָתָ֖ן מְרִ֣יב בָּ֑עַל וּמְרִ֥יב בַּ֖עַל הֹולִ֥יד אֶת־מִיכָֽה׃ ס uven־yehownatan meriyv baʿal umeriyv baʿal howliyd ʾet־miykhah׃ s
35 וּבְנֵ֖י מִיכָ֑ה פִּיתֹ֥ון וָמֶ֖לֶךְ וְתַאְרֵ֥עַ וְאָחָֽז׃ uveney miykhah piytown wamelekhe wetaʾereaʿ weʾaḥaz׃
36 וְאָחָז֙ הֹולִ֣יד אֶת־יְהֹועַדָּ֔ה וִיהֹֽועַדָּ֗ה הֹולִ֛יד אֶת־עָלֶ֥מֶת וְאֶת־עַזְמָ֖וֶת וְאֶת־זִמְרִ֑י וְזִמְרִ֖י הֹולִ֥יד אֶת־מֹוצָֽא׃ weʾaḥaz howliyd ʾet־yehowʿadah wiyhowʿadah howliyd ʾet־ʿalemet weʾet־ʿazemawet weʾet־zimeriy wezimeriy howliyd ʾet־mowtsaʾ׃
37 וּמֹוצָ֖א הֹולִ֣יד אֶת־בִּנְעָ֑א רָפָ֥ה בְנֹ֛ו אֶלְעָשָׂ֥ה בְנֹ֖ו אָצֵ֥ל בְּנֹֽו׃ umowtsaʾ howliyd ʾet־bineʿaʾ rafah venow ʾeleʿasah venow ʾatsel benow׃
38 וּלְאָצֵל֮ שִׁשָּׁ֣ה בָנִים֒ וְאֵ֣לֶּה שְׁמֹותָ֗ם עַזְרִיקָ֥ם ׀ בֹּ֙כְרוּ֙ וְיִשְׁמָעֵ֣אל וּשְׁעַרְיָ֔ה וְעֹבַדְיָ֖ה וְחָנָ֑ן כָּל־אֵ֖לֶּה בְּנֵ֥י אָצַֽל׃ uleʾatsel shishah vaniym weʾeleh shemowtam ʿazeriyqam ׀ bokheru weyishemaʿeʾl usheʿareyah weʿovadeyah weḥanan kal־ʾeleh beney ʾatsal׃
39 וּבְנֵ֖י עֵ֣שֶׁק אָחִ֑יו אוּלָ֣ם בְּכֹרֹ֔ו יְעוּשׁ֙ הַשֵּׁנִ֔י וֶֽאֱלִיפֶ֖לֶט הַשְּׁלִשִֽׁי׃ uveney ʿesheq ʾaḥiyw ʾulam bekhorow yeʿush hasheniy weʾeliyfeleṭ hashelishiy׃
40 וַֽיִּהְי֣וּ בְנֵי־א֠וּלָם אֲנָשִׁ֨ים גִּבֹּרֵי־חַ֜יִל דֹּ֣רְכֵי קֶ֗שֶׁת וּמַרְבִּ֤ים בָּנִים֙ וּבְנֵ֣י בָנִ֔ים מֵאָ֖ה וַחֲמִשִּׁ֑ים כָּל־אֵ֖לֶּה מִבְּנֵ֥י בִנְיָמִֽן׃ פ wayiheyu veney־ʾulam ʾanashiym giborey־ḥayil dorekhey qeshet umarebiym baniym uveney vaniym meʾah waḥamishiym kal־ʾeleh mibeney vineyamin׃ f