Ésaïe 41

¹ הַחֲרִ֤ישׁוּ אֵלַי֙ אִיִּ֔ים וּלְאֻמִּ֖ים יַחֲלִ֣יפוּ כֹ֑חַ יִגְּשׁוּ֙ אָ֣ז יְדַבֵּ֔רוּ יַחְדָּ֖ו לַמִּשְׁפָּ֥ט נִקְרָֽבָה׃ haḥariyshu ʾelay ʾiyiym uleʾumiym yaḥaliyfu khoaḥ yigeshu ʾaz yedaberu yaḥedaw lamishepaṭ niqeravah׃

² מִ֤י הֵעִיר֙ מִמִּזְרָ֔ח צֶ֖דֶק יִקְרָאֵ֣הוּ לְרַגְלֹ֑ו יִתֵּ֨ן לְפָנָ֤יו גֹּויִם֙ וּמְלָכִ֣ים יַ֔רְדְּ יִתֵּ֤ן כֶּֽעָפָר֙ חַרְבֹּ֔ו כְּקַ֥שׁ נִדָּ֖ף קַשְׁתֹּֽו׃ miy heʿiyr mimizeraḥ tsedeq yiqeraʾehu leragelow yiten lefanayw gowyim umelakhiym yarede yiten keʿafar ḥarebow keqash nidaf qashetow׃

³ יִרְדְּפֵ֖ם יַעֲבֹ֣ור שָׁלֹ֑ום אֹ֥רַח בְּרַגְלָ֖יו לֹ֥א יָבֹֽוא׃ yiredefem yaʿavowr shalowm ʾoraḥ beragelayw loʾ yavowʾ׃

⁴ מִֽי־פָעַ֣ל וְעָשָׂ֔ה קֹרֵ֥א הַדֹּרֹ֖ות מֵרֹ֑אשׁ אֲנִ֤י יְהוָה֙ רִאשֹׁ֔ון וְאֶת־אַחֲרֹנִ֖ים אֲנִי־הֽוּא׃ miy־faʿal weʿasah qoreʾ hadorowt meroʾsh ʾaniy yehwah riʾshown weʾet־ʾaḥaroniym ʾaniy־huʾ׃

⁵ רָא֤וּ אִיִּים֙ וְיִירָ֔אוּ קְצֹ֥ות הָאָ֖רֶץ יֶחֱרָ֑דוּ קָרְב֖וּ וַיֶּאֱתָיֽוּן׃ raʾu ʾiyiym weyiyraʾu qetsowt haʾarets yeḥeradu qarevu wayeʾetayun׃

⁶ אִ֥ישׁ אֶת־רֵעֵ֖הוּ יַעְזֹ֑רוּ וּלְאָחִ֖יו יֹאמַ֥ר חֲזָֽק׃ ʾiysh ʾet־reʿehu yaʿezoru uleʾaḥiyw yoʾmar ḥazaq׃

⁷ וַיְחַזֵּ֤ק חָרָשׁ֙ אֶת־צֹרֵ֔ף מַחֲלִ֥יק פַּטִּ֖ישׁ אֶת־הֹ֣ולֶם פָּ֑עַם אֹמֵ֤ר לַדֶּ֙בֶק֙ טֹ֣וב ה֔וּא וַיְחַזְּקֵ֥הוּ בְמַסְמְרִ֖ים לֹ֥א יִמֹּֽוט׃ ס wayeḥazeq ḥarash ʾet־tsoref maḥaliyq paṭiysh ʾet־howlem paʿam ʾomer ladeveq ṭowv huʾ wayeḥazeqehu vemasemeriym loʾ yimowṭ׃ s

⁸ וְאַתָּה֙ יִשְׂרָאֵ֣ל עַבְדִּ֔י יַעֲקֹ֖ב אֲשֶׁ֣ר בְּחַרְתִּ֑יךָ זֶ֖רַע אַבְרָהָ֥ם אֹהֲבִֽי׃ weʾatah yiseraʾel ʿavediy yaʿaqov ʾasher beḥaretiykha zeraʿ ʾaveraham ʾohaviy׃

⁹ אֲשֶׁ֤ר הֶחֱזַקְתִּ֙יךָ֙ מִקְצֹ֣ות הָאָ֔רֶץ וּמֵאֲצִילֶ֖יהָ קְרָאתִ֑יךָ וָאֹ֤מַר לְךָ֙ עַבְדִּי־אַ֔תָּה בְּחַרְתִּ֖יךָ וְלֹ֥א מְאַסְתִּֽיךָ׃ ʾasher heḥezaqetiykha miqetsowt haʾarets umeʾatsiyleyha qeraʾtiykha waʾomar lekha ʿavediy־ʾatah beḥaretiykha weloʾ meʾasetiykha׃

¹⁰ אַל־תִּירָא֙ כִּ֣י עִמְּךָ־אָ֔נִי אַל־תִּשְׁתָּ֖ע כִּֽי־אֲנִ֣י אֱלֹהֶ֑יךָ אִמַּצְתִּ֙יךָ֙ אַף־עֲזַרְתִּ֔יךָ אַף־תְּמַכְתִּ֖יךָ בִּימִ֥ין צִדְקִֽי׃ ʾal־tiyraʾ kiy ʿimekha־ʾaniy ʾal־tishetaʿ kiy־ʾaniy ʾeloheykha ʾimatsetiykha ʾaf־ʿazaretiykha ʾaf־temakhetiykha biymiyn tsideqiy׃

¹¹ הֵ֤ן יֵבֹ֙שׁוּ֙ וְיִכָּ֣לְמ֔וּ כֹּ֖ל הַנֶּחֱרִ֣ים בָּ֑ךְ יִֽהְי֥וּ כְאַ֛יִן וְיֹאבְד֖וּ אַנְשֵׁ֥י רִיבֶֽךָ׃ hen yevoshu weyikalemu kol haneḥeriym bakhe yiheyu kheʾayin weyoʾvedu ʾaneshey riyvekha׃

¹² תְּבַקְשֵׁם֙ וְלֹ֣א תִמְצָאֵ֔ם אַנְשֵׁ֖י מַצֻּתֶ֑ךָ יִהְי֥וּ כְאַ֛יִן וּכְאֶ֖פֶס אַנְשֵׁ֥י מִלְחַמְתֶּֽךָ׃ tevaqeshem weloʾ timetsaʾem ʾaneshey matsutekha yiheyu kheʾayin ukheʾefes ʾaneshey mileḥametekha׃

¹³ כִּ֗י אֲנִ֛י יְהוָ֥ה אֱלֹהֶ֖יךָ מַחֲזִ֣יק יְמִינֶ֑ךָ הָאֹמֵ֥ר לְךָ֛ אַל־תִּירָ֖א אֲנִ֥י עֲזַרְתִּֽיךָ׃ ס kiy ʾaniy yehwah ʾeloheykha maḥaziyq yemiynekha haʾomer lekha ʾal־tiyraʾ ʾaniy ʿazaretiykha׃ s

¹⁴ אַל־תִּֽירְאִי֙ תֹּולַ֣עַת יַֽעֲקֹ֔ב מְתֵ֖י יִשְׂרָאֵ֑ל אֲנִ֤י עֲזַרְתִּיךְ֙ נְאֻם־יְהוָ֔ה וְגֹאֲלֵ֖ךְ קְדֹ֥ושׁ יִשְׂרָאֵֽל׃ ʾal־tiyreʾiy towlaʿat yaʿaqov metey yiseraʾel ʾaniy ʿazaretiykhe neʾum־yehwah wegoʾalekhe qedowsh yiseraʾel׃

¹⁵ הִנֵּ֣ה שַׂמְתִּ֗יךְ לְמֹורַג֙ חָר֣וּץ חָדָ֔שׁ בַּ֖עַל פִּֽיפִיֹּ֑ות תָּד֤וּשׁ הָרִים֙ וְתָדֹ֔ק וּגְבָעֹ֖ות כַּמֹּ֥ץ תָּשִֽׂים׃ hineh sametiykhe lemowrag ḥaruts ḥadash baʿal piyfiyowt tadush hariym wetadoq ugevaʿowt kamots tasiym׃

¹⁶ תִּזְרֵם֙ וְר֣וּחַ תִּשָּׂאֵ֔ם וּסְעָרָ֖ה תָּפִ֣יץ אֹותָ֑ם וְאַתָּה֙ תָּגִ֣יל בַּֽיהוָ֔ה בִּקְדֹ֥ושׁ יִשְׂרָאֵ֖ל תִּתְהַלָּֽל׃ פ tizerem weruaḥ tisaʾem useʿarah tafiyts ʾowtam weʾatah tagiyl bayhwah biqedowsh yiseraʾel titehalal׃ f

¹⁷ הָעֲנִיִּ֨ים וְהָאֶבְיֹונִ֜ים מְבַקְשִׁ֥ים מַ֙יִם֙ וָאַ֔יִן לְשֹׁונָ֖ם בַּצָּמָ֣א נָשָׁ֑תָּה אֲנִ֤י יְהוָה֙ אֶעֱנֵ֔ם אֱלֹהֵ֥י יִשְׂרָאֵ֖ל לֹ֥א אֶעֶזְבֵֽם׃ haʿaniyiym wehaʾeveyowniym mevaqeshiym mayim waʾayin leshownam batsamaʾ nashatah ʾaniy yehwah ʾeʿenem ʾelohey yiseraʾel loʾ ʾeʿezevem׃

¹⁸ אֶפְתַּ֤ח עַל־שְׁפָיִים֙ נְהָרֹ֔ות וּבְתֹ֥וךְ בְּקָעֹ֖ות מַעְיָנֹ֑ות אָשִׂ֤ים מִדְבָּר֙ לַאֲגַם־מַ֔יִם וְאֶ֥רֶץ צִיָּ֖ה לְמֹוצָ֥אֵי מָֽיִם׃ ʾefetaḥ ʿal־shefayiym neharowt uvetowkhe beqaʿowt maʿeyanowt ʾasiym midebar laʾagam־mayim weʾerets tsiyah lemowtsaʾey mayim׃

¹⁹ אֶתֵּ֤ן בַּמִּדְבָּר֙ אֶ֣רֶז שִׁטָּ֔ה וַהֲדַ֖ס וְעֵ֣ץ שָׁ֑מֶן אָשִׂ֣ים בָּעֲרָבָ֗ה בְּרֹ֛ושׁ תִּדְהָ֥ר וּתְאַשּׁ֖וּר יַחְדָּֽו׃ ʾeten bamidebar ʾerez shiṭah wahadas weʿets shamen ʾasiym baʿaravah berowsh tidehar uteʾashur yaḥedaw׃

²⁰ לְמַ֧עַן יִרְא֣וּ וְיֵדְע֗וּ וְיָשִׂ֤ימוּ וְיַשְׂכִּ֙ילוּ֙ יַחְדָּ֔ו כִּ֥י יַד־יְהוָ֖ה עָ֣שְׂתָה זֹּ֑את וּקְדֹ֥ושׁ יִשְׂרָאֵ֖ל בְּרָאָֽהּ׃ פ lemaʿan yireʾu weyedeʿu weyasiymu weyasekiylu yaḥedaw kiy yad־yehwah ʿasetah zoʾt uqedowsh yiseraʾel beraʾah׃ f

²¹ קָרְב֥וּ רִֽיבְכֶ֖ם יֹאמַ֣ר יְהוָ֑ה הַגִּ֙ישׁוּ֙ עֲצֻמֹ֣ותֵיכֶ֔ם יֹאמַ֖ר מֶ֥לֶךְ יַעֲקֹֽב׃ qarevu riyvekhem yoʾmar yehwah hagiyshu ʿatsumowteykhem yoʾmar melekhe yaʿaqov׃

²² יַגִּ֙ישׁוּ֙ וְיַגִּ֣ידוּ לָ֔נוּ אֵ֖ת אֲשֶׁ֣ר תִּקְרֶ֑ינָה הָרִאשֹׁנֹ֣ות ׀ מָ֣ה הֵ֗נָּה הַגִּ֜ידוּ וְנָשִׂ֤ימָה לִבֵּ֙נוּ֙ וְנֵדְעָ֣ה אַחֲרִיתָ֔ן אֹ֥ו הַבָּאֹ֖ות הַשְׁמִיעֻֽנוּ׃ yagiyshu weyagiydu lanu ʾet ʾasher tiqereynah hariʾshonowt ׀ mah henah hagiydu wenasiymah libenu wenedeʿah ʾaḥariytan ʾow habaʾowt hashemiyʿunu׃

²³ הַגִּ֙ידוּ֙ הָאֹתִיֹּ֣ות לְאָחֹ֔ור וְנֵ֣דְעָ֔ה כִּ֥י אֱלֹהִ֖ים אַתֶּ֑ם אַף־תֵּיטִ֣יבוּ וְתָרֵ֔עוּ וְנִשְׁתָּ֖עָה [וְנֵרֶא כ] (וְנִרְאֶ֥ה ק) יַחְדָּֽו׃ hagiydu haʾotiyowt leʾaḥowr wenedeʿah kiy ʾelohiym ʾatem ʾaf־teyṭiyvu wetareʿu wenishetaʿah [wenereʾ kh] (wenireʾeh q) yaḥedaw׃

²⁴ הֵן־אַתֶּ֣ם מֵאַ֔יִן וּפָעָלְכֶ֖ם מֵאָ֑פַע תֹּועֵבָ֖ה יִבְחַ֥ר בָּכֶֽם׃ hen־ʾatem meʾayin ufaʿalekhem meʾafaʿ towʿevah yiveḥar bakhem׃

²⁵ הַעִירֹ֤ותִי מִצָּפֹון֙ וַיַּ֔את מִמִּזְרַח־שֶׁ֖מֶשׁ יִקְרָ֣א בִשְׁמִ֑י וְיָבֹ֤א סְגָנִים֙ כְּמֹו־חֹ֔מֶר וּכְמֹ֥ו יֹוצֵ֖ר יִרְמָס־טִֽיט׃ haʿiyrowtiy mitsafown wayaʾt mimizeraḥ־shemesh yiqeraʾ vishemiy weyavoʾ seganiym kemow־ḥomer ukhemow yowtser yiremas־ṭiyṭ׃

²⁶ מִֽי־הִגִּ֤יד מֵרֹאשׁ֙ וְנֵדָ֔עָה וּמִלְּפָנִ֖ים וְנֹאמַ֣ר צַדִּ֑יק אַ֣ף אֵין־מַגִּ֗יד אַ֚ף אֵ֣ין מַשְׁמִ֔יעַ אַ֥ף אֵין־שֹׁמֵ֖עַ אִמְרֵיכֶֽם׃ miy־higiyd meroʾsh wenedaʿah umilefaniym wenoʾmar tsadiyq ʾaf ʾeyn־magiyd ʾaf ʾeyn mashemiyʿa ʾaf ʾeyn־shomeaʿ ʾimereykhem׃

²⁷ רִאשֹׁ֥ון לְצִיֹּ֖ון הִנֵּ֣ה הִנָּ֑ם וְלִירוּשָׁלִַ֖ם מְבַשֵּׂ֥ר אֶתֵּֽן׃ riʾshown letsiyown hineh hinam weliyrushalim mevaser ʾeten׃

²⁸ וְאֵ֙רֶא֙ וְאֵ֣ין אִ֔ישׁ וּמֵאֵ֖לֶּה וְאֵ֣ין יֹועֵ֑ץ וְאֶשְׁאָלֵ֖ם וְיָשִׁ֥יבוּ דָבָֽר׃ weʾereʾ weʾeyn ʾiysh umeʾeleh weʾeyn yowʿets weʾesheʾalem weyashiyvu davar׃

²⁹ הֵ֣ן כֻּלָּ֔ם אָ֥וֶן אֶ֖פֶס מַעֲשֵׂיהֶ֑ם ר֥וּחַ וָתֹ֖הוּ נִסְכֵּיהֶֽם׃ פ hen kulam ʾawen ʾefes maʿaseyhem ruaḥ watohu nisekeyhem׃ f