1 לָמָ֣ה יְ֭הוָה תַּעֲמֹ֣ד בְּרָחֹ֑וק תַּ֝עְלִ֗ים לְעִתֹּ֥ות בַּצָּרָֽה׃ lamah yehwah taʿamod beraḥowq taʿeliym leʿitowt batsarah׃
2 בְּגַאֲוַ֣ת רָ֭שָׁע יִדְלַ֣ק עָנִ֑י יִתָּפְשׂ֓וּ ׀ בִּמְזִמֹּ֖ות ז֣וּ חָשָֽׁבוּ׃ begaʾawat rashaʿ yidelaq ʿaniy yitafesu ׀ bimezimowt zu ḥashavu׃
3 כִּֽי־הִלֵּ֣ל רָ֭שָׁע עַל־תַּאֲוַ֣ת נַפְשֹׁ֑ו וּבֹצֵ֥עַ בֵּ֝רֵ֗ךְ נִ֘אֵ֥ץ ׀ יְהוָֽה׃ kiy־hilel rashaʿ ʿal־taʾawat nafeshow uvotseaʿ berekhe niʾets ׀ yehwah׃
4 רָשָׁ֗ע כְּגֹ֣בַהּ אַ֭פֹּו בַּל־יִדְרֹ֑שׁ אֵ֥ין אֱ֝לֹהִ֗ים כָּל־מְזִמֹּותָֽיו׃ rashaʿ kegovah ʾapow bal־yiderosh ʾeyn ʾelohiym kal־mezimowtayw׃
5 יָ֘חִ֤ילוּ [דָרְכּו כ] (דְרָכָ֨יו ׀ ק) בְּכָל־עֵ֗ת מָרֹ֣ום מִ֭שְׁפָּטֶיךָ מִנֶּגְדֹּ֑ו כָּל־צֹ֝ורְרָ֗יו יָפִ֥יחַ בָּהֶֽם׃ yaḥiylu [darekw kh] (derakhayw ׀ q) bekhal־ʿet marowm mishepaṭeykha minegedow kal־tsowrerayw yafiyḥa bahem׃
6 אָמַ֣ר בְּ֭לִבֹּו בַּל־אֶמֹּ֑וט לְדֹ֥ר וָ֝דֹ֗ר אֲשֶׁ֣ר לֹֽא־בְרָֽע׃ ʾamar belibow bal־ʾemowṭ ledor wador ʾasher loʾ־veraʿ׃
7 אָלָ֤ה פִּ֣יהוּ מָ֭לֵא וּמִרְמֹ֣ות וָתֹ֑ךְ תַּ֥חַת לְ֝שֹׁונֹ֗ו עָמָ֥ל וָאָֽוֶן׃ ʾalah piyhu maleʾ umiremowt watokhe taḥat leshownow ʿamal waʾawen׃
8 יֵשֵׁ֤ב ׀ בְּמַאְרַ֬ב חֲצֵרִ֗ים בַּֽ֭מִּסְתָּרִים יַהֲרֹ֣ג נָקִ֑י עֵ֝ינָ֗יו לְֽחֵלְכָ֥ה יִצְפֹּֽנוּ׃ yeshev ׀ bemaʾerav ḥatseriym bamisetariym yaharog naqiy ʿeynayw leḥelekhah yitseponu׃
9 יֶאֱרֹ֬ב בַּמִּסְתָּ֨ר ׀ כְּאַרְיֵ֬ה בְסֻכֹּ֗ה יֶ֭אֱרֹב לַחֲטֹ֣וף עָנִ֑י יַחְטֹ֥ף עָ֝נִ֗י בְּמָשְׁכֹ֥ו בְרִשְׁתֹּֽו׃ yeʾerov bamisetar ׀ keʾareyeh vesukoh yeʾerov laḥaṭowf ʿaniy yaḥeṭof ʿaniy bemashekhow verishetow׃
10 [וַדָּכַה כ] (יִדְכֶּ֥ה ק) יָשֹׁ֑חַ וְנָפַ֥ל בַּ֝עֲצוּמָ֗יו [חֶלְכָּאִים כ] (חֵ֣יל ק) (כָּאִֽים׃ ק) [wadakhah kh] (yidekeh q) yashoaḥ wenafal baʿatsumayw [ḥelekaʾiym kh] (ḥeyl q) (kaʾiym׃ q)
11 אָמַ֣ר בְּ֭לִבֹּו שָׁ֣כַֽח אֵ֑ל הִסְתִּ֥יר פָּ֝נָ֗יו בַּל־רָאָ֥ה לָנֶֽצַח׃ ʾamar belibow shakhaḥ ʾel hisetiyr panayw bal־raʾah lanetsaḥ׃
12 קוּמָ֤ה יְהוָ֗ה אֵ֭ל נְשָׂ֣א יָדֶ֑ךָ אַל־תִּשְׁכַּ֥ח [עֲנִיִּים כ] (עֲנָוִֽים׃ ק) qumah yehwah ʾel nesaʾ yadekha ʾal־tishekaḥ [ʿaniyiym kh] (ʿanawiym׃ q)
13 עַל־מֶ֤ה ׀ נִאֵ֖ץ רָשָׁ֥ע ׀ אֱלֹהִ֑ים אָמַ֥ר בְּ֝לִבֹּ֗ו לֹ֣א תִּדְרֹֽשׁ׃ ʿal־meh ׀ niʾets rashaʿ ׀ ʾelohiym ʾamar belibow loʾ tiderosh׃
14 רָאִ֡תָה כִּֽי־אַתָּ֤ה ׀ עָ֘מָ֤ל וָכַ֨עַס ׀ תַּבִּיט֮ לָתֵ֪ת בְּיָ֫דֶ֥ךָ עָ֭לֶיךָ יַעֲזֹ֣ב חֵלֶ֑כָה יָ֝תֹ֗ום אַתָּ֤ה ׀ הָיִ֬יתָ עֹוזֵֽר׃ raʾitah kiy־ʾatah ׀ ʿamal wakhaʿas ׀ tabiyṭ latet beyadekha ʿaleykha yaʿazov ḥelekhah yatowm ʾatah ׀ hayiyta ʿowzer׃
15 בֹר זְרֹ֣ועַ רָשָׁ֑ע וָ֝רָ֗ע תִּֽדְרֹושׁ־רִשְׁעֹ֥ו בַל־תִּמְצָֽא׃ vor zerowʿa rashaʿ waraʿ tiderowsh־risheʿow val־timetsaʾ׃
16 יְהוָ֣ה מֶ֭לֶךְ עֹולָ֣ם וָעֶ֑ד אָבְד֥וּ גֹ֝ויִ֗ם מֵֽאַרְצֹֽו׃ yehwah melekhe ʿowlam waʿed ʾavedu gowyim meʾaretsow׃
17 תַּאֲוַ֬ת עֲנָוִ֣ים שָׁמַ֣עְתָּ יְהוָ֑ה תָּכִ֥ין לִ֝בָּ֗ם תַּקְשִׁ֥יב אָזְנֶֽךָ׃ taʾawat ʿanawiym shamaʿeta yehwah takhiyn libam taqeshiyv ʾazenekha׃
18 לִשְׁפֹּ֥ט יָתֹ֗ום וָ֫דָ֥ךְ בַּל־יֹוסִ֥יף עֹ֑וד לַעֲרֹ֥ץ אֱ֝נֹ֗ושׁ מִן־הָאָֽרֶץ׃ lishepoṭ yatowm wadakhe bal־yowsiyf ʿowd laʿarots ʾenowsh min־haʾarets׃