1 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
2 צַ֞ו אֶת־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּֽי־אַתֶּ֥ם בָּאִ֖ים אֶל־הָאָ֣רֶץ כְּנָ֑עַן זֹ֣את הָאָ֗רֶץ אֲשֶׁ֨ר תִּפֹּ֤ל לָכֶם֙ בְּֽנַחֲלָ֔ה אֶ֥רֶץ כְּנַ֖עַן לִגְבֻלֹתֶֽיהָ׃ tsaw ʾet־beney yiseraʾel weʾamareta ʾalehem kiy־ʾatem baʾiym ʾel־haʾarets kenaʿan zoʾt haʾarets ʾasher tipol lakhem benaḥalah ʾerets kenaʿan ligevuloteyha׃
3 וְהָיָ֨ה לָכֶ֧ם פְּאַת־נֶ֛גֶב מִמִּדְבַּר־צִ֖ן עַל־יְדֵ֣י אֱדֹ֑ום וְהָיָ֤ה לָכֶם֙ גְּב֣וּל נֶ֔גֶב מִקְצֵ֥ה יָם־הַמֶּ֖לַח קֵֽדְמָה׃ wehayah lakhem peʾat־negev mimidebar־tsin ʿal־yedey ʾedowm wehayah lakhem gevul negev miqetseh yam־hamelaḥ qedemah׃
4 וְנָסַ֣ב לָכֶם֩ הַגְּב֨וּל מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה [וְהָיָה כ] (וְהָיוּ֙ ק) תֹּֽוצְאֹתָ֔יו מִנֶּ֖גֶב לְקָדֵ֣שׁ בַּרְנֵ֑עַ וְיָצָ֥א חֲצַר־אַדָּ֖ר וְעָבַ֥ר עַצְמֹֽנָה׃ wenasav lakhem hagevul minegev lemaʿaleh ʿaqerabiym weʿavar tsinah [wehayah kh] (wehayu q) towtseʾotayw minegev leqadesh bareneaʿ weyatsaʾ ḥatsar־ʾadar weʿavar ʿatsemonah׃
5 וְנָסַ֧ב הַגְּב֛וּל מֵעַצְמֹ֖ון נַ֣חְלָה מִצְרָ֑יִם וְהָי֥וּ תֹוצְאֹתָ֖יו הַיָּֽמָּה׃ wenasav hagevul meʿatsemown naḥelah mitserayim wehayu towtseʾotayw hayamah׃
6 וּגְב֣וּל יָ֔ם וְהָיָ֥ה לָכֶ֛ם הַיָּ֥ם הַגָּדֹ֖ול וּגְב֑וּל זֶֽה־יִהְיֶ֥ה לָכֶ֖ם גְּב֥וּל יָֽם׃ ugevul yam wehayah lakhem hayam hagadowl ugevul zeh־yiheyeh lakhem gevul yam׃
7 וְזֶֽה־יִהְיֶ֥ה לָכֶ֖ם גְּב֣וּל צָפֹ֑ון מִן־הַיָּם֙ הַגָּדֹ֔ל תְּתָא֥וּ לָכֶ֖ם הֹ֥ר הָהָֽר׃ wezeh־yiheyeh lakhem gevul tsafown min־hayam hagadol tetaʾu lakhem hor hahar׃
8 מֵהֹ֣ר הָהָ֔ר תְּתָא֖וּ לְבֹ֣א חֲמָ֑ת וְהָי֛וּ תֹּוצְאֹ֥ת הַגְּבֻ֖ל צְדָֽדָה׃ mehor hahar tetaʾu levoʾ ḥamat wehayu towtseʾot hagevul tsedadah׃
9 וְיָצָ֤א הַגְּבֻל֙ זִפְרֹ֔נָה וְהָי֥וּ תֹוצְאֹתָ֖יו חֲצַ֣ר עֵינָ֑ן זֶֽה־יִהְיֶ֥ה לָכֶ֖ם גְּב֥וּל צָפֹֽון׃ weyatsaʾ hagevul ziferonah wehayu towtseʾotayw ḥatsar ʿeynan zeh־yiheyeh lakhem gevul tsafown׃
10 וְהִתְאַוִּיתֶ֥ם לָכֶ֖ם לִגְב֣וּל קֵ֑דְמָה מֵחֲצַ֥ר עֵינָ֖ן שְׁפָֽמָה׃ wehiteʾauiytem lakhem ligevul qedemah meḥatsar ʿeynan shefamah׃
11 וְיָרַ֨ד הַגְּבֻ֧ל מִשְּׁפָ֛ם הָרִבְלָ֖ה מִקֶּ֣דֶם לָעָ֑יִן וְיָרַ֣ד הַגְּב֔וּל וּמָחָ֛ה עַל־כֶּ֥תֶף יָם־כִּנֶּ֖רֶת קֵֽדְמָה׃ weyarad hagevul mishefam harivelah miqedem laʿayin weyarad hagevul umaḥah ʿal־ketef yam־kineret qedemah׃
12 וְיָרַ֤ד הַגְּבוּל֙ הַיַּרְדֵּ֔נָה וְהָי֥וּ תֹוצְאֹתָ֖יו יָ֣ם הַמֶּ֑לַח זֹאת֩ תִּהְיֶ֨ה לָכֶ֥ם הָאָ֛רֶץ לִגְבֻלֹתֶ֖יהָ סָבִֽיב׃ weyarad hagevul hayaredenah wehayu towtseʾotayw yam hamelaḥ zoʾt tiheyeh lakhem haʾarets ligevuloteyha saviyv׃
13 וַיְצַ֣ו מֹשֶׁ֔ה אֶת־בְּנֵ֥י יִשְׂרָאֵ֖ל לֵאמֹ֑ר זֹ֣את הָאָ֗רֶץ אֲשֶׁ֨ר תִּתְנַחֲל֤וּ אֹתָהּ֙ בְּגֹורָ֔ל אֲשֶׁר֙ צִוָּ֣ה יְהוָ֔ה לָתֵ֛ת לְתִשְׁעַ֥ת הַמַּטֹּ֖ות וַחֲצִ֥י הַמַּטֶּֽה׃ wayetsaw mosheh ʾet־beney yiseraʾel leʾmor zoʾt haʾarets ʾasher titenaḥalu ʾotah begowral ʾasher tsiuah yehwah latet letisheʿat hamaṭowt waḥatsiy hamaṭeh׃
14 כִּ֣י לָקְח֞וּ מַטֵּ֨ה בְנֵ֤י הָראוּבֵנִי֙ לְבֵ֣ית אֲבֹתָ֔ם וּמַטֵּ֥ה בְנֵֽי־הַגָּדִ֖י לְבֵ֣ית אֲבֹתָ֑ם וַחֲצִי֙ מַטֵּ֣ה מְנַשֶּׁ֔ה לָקְח֖וּ נַחֲלָתָֽם׃ kiy laqeḥu maṭeh veney harʾuveniy leveyt ʾavotam umaṭeh veney־hagadiy leveyt ʾavotam waḥatsiy maṭeh menasheh laqeḥu naḥalatam׃
15 שְׁנֵ֥י הַמַּטֹּ֖ות וַחֲצִ֣י הַמַּטֶּ֑ה לָקְח֣וּ נַחֲלָתָ֗ם מֵעֵ֛בֶר לְיַרְדֵּ֥ן יְרֵחֹ֖ו קֵ֥דְמָה מִזְרָֽחָה׃ פ sheney hamaṭowt waḥatsiy hamaṭeh laqeḥu naḥalatam meʿever leyareden yereḥow qedemah mizeraḥah׃ f
16 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
17 אֵ֚לֶּה שְׁמֹ֣ות הָֽאֲנָשִׁ֔ים אֲשֶׁר־יִנְחֲל֥וּ לָכֶ֖ם אֶת־הָאָ֑רֶץ אֶלְעָזָר֙ הַכֹּהֵ֔ן וִיהֹושֻׁ֖עַ בִּן־נֽוּן׃ ʾeleh shemowt haʾanashiym ʾasher־yineḥalu lakhem ʾet־haʾarets ʾeleʿazar hakohen wiyhowshuaʿ bin־nun׃
18 וְנָשִׂ֥יא אֶחָ֛ד נָשִׂ֥יא אֶחָ֖ד מִמַּטֶּ֑ה תִּקְח֖וּ לִנְחֹ֥ל אֶת־הָאָֽרֶץ׃ wenasiyʾ ʾeḥad nasiyʾ ʾeḥad mimaṭeh tiqeḥu lineḥol ʾet־haʾarets׃
19 וְאֵ֖לֶּה שְׁמֹ֣ות הָאֲנָשִׁ֑ים לְמַטֵּ֣ה יְהוּדָ֔ה כָּלֵ֖ב בֶּן־יְפֻנֶּֽה׃ weʾeleh shemowt haʾanashiym lemaṭeh yehudah kalev ben־yefuneh׃
20 וּלְמַטֵּה֙ בְּנֵ֣י שִׁמְעֹ֔ון שְׁמוּאֵ֖ל בֶּן־עַמִּיהֽוּד׃ ulemaṭeh beney shimeʿown shemuʾel ben־ʿamiyhud׃
21 לְמַטֵּ֣ה בִנְיָמִ֔ן אֱלִידָ֖ד בֶּן־כִּסְלֹֽון׃ lemaṭeh vineyamin ʾeliydad ben־kiselown׃
22 וּלְמַטֵּ֥ה בְנֵי־דָ֖ן נָשִׂ֑יא בֻּקִּ֖י בֶּן־יָגְלִֽי׃ ulemaṭeh veney־dan nasiyʾ buqiy ben־yageliy׃
23 לִבְנֵ֣י יֹוסֵ֔ף לְמַטֵּ֥ה בְנֵֽי־מְנַשֶּׁ֖ה נָשִׂ֑יא חַנִּיאֵ֖ל בֶּן־אֵפֹֽד׃ liveney yowsef lemaṭeh veney־menasheh nasiyʾ ḥaniyʾel ben־ʾefod׃
24 וּלְמַטֵּ֥ה בְנֵֽי־אֶפְרַ֖יִם נָשִׂ֑יא קְמוּאֵ֖ל בֶּן־שִׁפְטָֽן׃ ulemaṭeh veney־ʾeferayim nasiyʾ qemuʾel ben־shifeṭan׃
25 וּלְמַטֵּ֥ה בְנֵֽי־זְבוּלֻ֖ן נָשִׂ֑יא אֱלִיצָפָ֖ן בֶּן־פַּרְנָֽךְ׃ ulemaṭeh veney־zevulun nasiyʾ ʾeliytsafan ben־parenakhe׃
26 וּלְמַטֵּ֥ה בְנֵֽי־יִשָׂשכָ֖ר נָשִׂ֑יא פַּלְטִיאֵ֖ל בֶּן־עַזָּֽן׃ ulemaṭeh veney־yisashkhar nasiyʾ paleṭiyʾel ben־ʿazan׃
27 וּלְמַטֵּ֥ה בְנֵי־אָשֵׁ֖ר נָשִׂ֑יא אֲחִיה֖וּד בֶּן־שְׁלֹמִֽי׃ ulemaṭeh veney־ʾasher nasiyʾ ʾaḥiyhud ben־shelomiy׃
28 וּלְמַטֵּ֥ה בְנֵֽי־נַפְתָּלִ֖י נָשִׂ֑יא פְּדַהְאֵ֖ל בֶּן־עַמִּיהֽוּד׃ ulemaṭeh veney־nafetaliy nasiyʾ pedaheʾel ben־ʿamiyhud׃
29 אֵ֕לֶּה אֲשֶׁ֖ר צִוָּ֣ה יְהוָ֑ה לְנַחֵ֥ל אֶת־בְּנֵֽי־יִשְׂרָאֵ֖ל בְּאֶ֥רֶץ כְּנָֽעַן׃ פ ʾeleh ʾasher tsiuah yehwah lenaḥel ʾet־beney־yiseraʾel beʾerets kenaʿan׃ f