1 Samuel 18

¹ וַיְהִ֗י כְּכַלֹּתֹו֙ לְדַבֵּ֣ר אֶל־שָׁא֔וּל וְנֶ֙פֶשׁ֙ יְהֹ֣ונָתָ֔ן נִקְשְׁרָ֖ה בְּנֶ֣פֶשׁ דָּוִ֑ד [וַיֶּאֱהָבֹו כ] (וַיֶּאֱהָבֵ֥הוּ ק) יְהֹונָתָ֖ן כְּנַפְשֹֽׁו׃ wayehiy kekhalotow ledaber ʾel־shaʾul wenefesh yehownatan niqesherah benefesh dawid [wayeʾehavow kh] (wayeʾehavehu q) yehownatan kenafeshow׃

² וַיִּקָּחֵ֥הוּ שָׁא֖וּל בַּיֹּ֣ום הַה֑וּא וְלֹ֣א נְתָנֹ֔ו לָשׁ֖וּב בֵּ֥ית אָבִֽיו׃ wayiqaḥehu shaʾul bayowm hahuʾ weloʾ netanow lashuv beyt ʾaviyw׃

³ וַיִּכְרֹ֧ת יְהֹונָתָ֛ן וְדָוִ֖ד בְּרִ֑ית בְּאַהֲבָתֹ֥ו אֹתֹ֖ו כְּנַפְשֹֽׁו׃ wayikherot yehownatan wedawid beriyt beʾahavatow ʾotow kenafeshow׃

⁴ וַיִּתְפַּשֵּׁ֣ט יְהֹונָתָ֗ן אֶֽת־הַמְּעִיל֙ אֲשֶׁ֣ר עָלָ֔יו וַֽיִּתְּנֵ֖הוּ לְדָוִ֑ד וּמַדָּ֕יו וְעַד־חַרְבֹּ֥ו וְעַד־קַשְׁתֹּ֖ו וְעַד־חֲגֹרֹֽו׃ wayitepasheṭ yehownatan ʾet־hameʿiyl ʾasher ʿalayw wayitenehu ledawid umadayw weʿad־ḥarebow weʿad־qashetow weʿad־ḥagorow׃

⁵ וַיֵּצֵ֨א דָוִ֜ד בְּכֹל֩ אֲשֶׁ֨ר יִשְׁלָחֶ֤נּוּ שָׁאוּל֙ יַשְׂכִּ֔יל וַיְשִׂמֵ֣הוּ שָׁא֔וּל עַ֖ל אַנְשֵׁ֣י הַמִּלְחָמָ֑ה וַיִּיטַב֙ בְּעֵינֵ֣י כָל־הָעָ֔ם וְגַ֕ם בְּעֵינֵ֖י עַבְדֵ֥י שָׁאֽוּל׃ פ wayetseʾ dawid bekhol ʾasher yishelaḥenu shaʾul yasekiyl wayesimehu shaʾul ʿal ʾaneshey hamileḥamah wayiyṭav beʿeyney khal־haʿam wegam beʿeyney ʿavedey shaʾul׃ f

⁶ וַיְהִ֣י בְּבֹואָ֗ם בְּשׁ֤וּב דָּוִד֙ מֵהַכֹּ֣ות אֶת־הַפְּלִשְׁתִּ֔י וַתֵּצֶ֨אנָה הַנָּשִׁ֜ים מִכָּל־עָרֵ֤י יִשְׂרָאֵל֙ [לָשֹׁור כ] (לָשִׁ֣יר ק) וְהַמְּחֹלֹ֔ות לִקְרַ֖את שָׁא֣וּל הַמֶּ֑לֶךְ בְּתֻפִּ֥ים בְּשִׂמְחָ֖ה וּבְשָׁלִשִֽׁים׃ wayehiy bevowʾam beshuv dawid mehakowt ʾet־hapelishetiy watetseʾnah hanashiym mikal־ʿarey yiseraʾel [lashowr kh] (lashiyr q) wehameḥolowt liqeraʾt shaʾul hamelekhe betupiym besimeḥah uveshalishiym׃

⁷ וַֽתַּעֲנֶ֛ינָה הַנָּשִׁ֥ים הַֽמְשַׂחֲקֹ֖ות וַתֹּאמַ֑רְןָ הִכָּ֤ה שָׁאוּל֙ [בַּאֱלְפֹו כ] (בַּאֲלָפָ֔יו ק) וְדָוִ֖ד בְּרִבְבֹתָֽיו׃ wataʿaneynah hanashiym hamesaḥaqowt watoʾmarena hikah shaʾul [baʾelefow kh] (baʾalafayw q) wedawid berivevotayw׃

⁸ וַיִּ֨חַר לְשָׁא֜וּל מְאֹ֗ד וַיֵּ֤רַע בְּעֵינָיו֙ הַדָּבָ֣ר הַזֶּ֔ה וַיֹּ֗אמֶר נָתְנ֤וּ לְדָוִד֙ רְבָבֹ֔ות וְלִ֥י נָתְנ֖וּ הָאֲלָפִ֑ים וְעֹ֥וד לֹ֖ו אַ֥ךְ הַמְּלוּכָֽה׃ wayiḥar leshaʾul meʾod wayeraʿ beʿeynayw hadavar hazeh wayoʾmer natenu ledawid revavowt weliy natenu haʾalafiym weʿowd low ʾakhe hamelukhah׃

⁹ וַיְהִ֥י שָׁא֖וּל [עָוֹן כ] (עֹויֵ֣ן ק) אֶת־דָּוִ֑ד מֵהַיֹּ֥ום הַה֖וּא וָהָֽלְאָה׃ ס wayehiy shaʾul [ʿaon kh] (ʿowyen q) ʾet־dawid mehayowm hahuʾ wahaleʾah׃ s

¹⁰ וַיְהִ֣י מִֽמָּחֳרָ֗ת וַתִּצְלַ֣ח רוּחַ֩ אֱלֹהִ֨ים ׀ רָעָ֤ה ׀ אֶל־שָׁאוּל֙ וַיִּתְנַבֵּ֣א בְתֹוךְ־הַבַּ֔יִת וְדָוִ֛ד מְנַגֵּ֥ן בְּיָדֹ֖ו כְּיֹ֣ום ׀ בְּיֹ֑ום וְהַחֲנִ֖ית בְּיַד־שָׁאֽוּל׃ wayehiy mimaḥorat watitselaḥ ruaḥ ʾelohiym ׀ raʿah ׀ ʾel־shaʾul wayitenabeʾ vetowkhe־habayit wedawid menagen beyadow keyowm ׀ beyowm wehaḥaniyt beyad־shaʾul׃

¹¹ וַיָּ֤טֶל שָׁאוּל֙ אֶֽת־הַחֲנִ֔ית וַיֹּ֕אמֶר אַכֶּ֥ה בְדָוִ֖ד וּבַקִּ֑יר וַיִּסֹּ֥ב דָּוִ֛ד מִפָּנָ֖יו פַּעֲמָֽיִם׃ wayaṭel shaʾul ʾet־haḥaniyt wayoʾmer ʾakeh vedawid uvaqiyr wayisov dawid mipanayw paʿamayim׃

¹² וַיִּרָ֥א שָׁא֖וּל מִלִּפְנֵ֣י דָוִ֑ד כִּֽי־הָיָ֤ה יְהוָה֙ עִמֹּ֔ו וּמֵעִ֥ם שָׁא֖וּל סָֽר׃ wayiraʾ shaʾul milifeney dawid kiy־hayah yehwah ʿimow umeʿim shaʾul sar׃

¹³ וַיְסִרֵ֤הוּ שָׁאוּל֙ מֵֽעִמֹּ֔ו וַיְשִׂמֵ֥הוּ לֹ֖ו שַׂר־אָ֑לֶף וַיֵּצֵ֥א וַיָּבֹ֖א לִפְנֵ֥י הָעָֽם׃ פ wayesirehu shaʾul meʿimow wayesimehu low sar־ʾalef wayetseʾ wayavoʾ lifeney haʿam׃ f

¹⁴ וַיְהִ֥י דָוִ֛ד לְכָל־דָּרְכָ֖ו מַשְׂכִּ֑יל וַֽיהוָ֖ה עִמֹּֽו׃ wayehiy dawid lekhal־darekhaw masekiyl wayhwah ʿimow׃

¹⁵ וַיַּ֣רְא שָׁא֔וּל אֲשֶׁר־ה֖וּא מַשְׂכִּ֣יל מְאֹ֑ד וַיָּ֖גָר מִפָּנָֽיו׃ wayareʾ shaʾul ʾasher־huʾ masekiyl meʾod wayagar mipanayw׃

¹⁶ וְכָל־יִשְׂרָאֵל֙ וִיהוּדָ֔ה אֹהֵ֖ב אֶת־דָּוִ֑ד כִּֽי־ה֛וּא יֹוצֵ֥א וָבָ֖א לִפְנֵיהֶֽם׃ פ wekhal־yiseraʾel wiyhudah ʾohev ʾet־dawid kiy־huʾ yowtseʾ wavaʾ lifeneyhem׃ f

¹⁷ וַיֹּ֨אמֶר שָׁא֜וּל אֶל־דָּוִ֗ד הִנֵּה֩ בִתִּ֨י הַגְּדֹולָ֤ה מֵרַב֙ אֹתָהּ֙ אֶתֶּן־לְךָ֣ לְאִשָּׁ֔ה אַ֚ךְ הֱיֵה־לִּ֣י לְבֶן־חַ֔יִל וְהִלָּחֵ֖ם מִלְחֲמֹ֣ות יְהוָ֑ה וְשָׁא֣וּל אָמַ֗ר אַל־תְּהִ֤י יָדִי֙ בֹּ֔ו וּתְהִי־בֹ֖ו יַד־פְּלִשְׁתִּֽים׃ ס wayoʾmer shaʾul ʾel־dawid hineh vitiy hagedowlah merav ʾotah ʾeten־lekha leʾishah ʾakhe heyeh־liy leven־ḥayil wehilaḥem mileḥamowt yehwah weshaʾul ʾamar ʾal־tehiy yadiy bow utehiy־vow yad־pelishetiym׃ s

¹⁸ וַיֹּ֨אמֶר דָּוִ֜ד אֶל־שָׁא֗וּל מִ֤י אָֽנֹכִי֙ וּמִ֣י חַיַּ֔י מִשְׁפַּ֥חַת אָבִ֖י בְּיִשְׂרָאֵ֑ל כִּֽי־אֶהְיֶ֥ה חָתָ֖ן לַמֶּֽלֶךְ׃ wayoʾmer dawid ʾel־shaʾul miy ʾanokhiy umiy ḥayay mishepaḥat ʾaviy beyiseraʾel kiy־ʾeheyeh ḥatan lamelekhe׃

¹⁹ וַיְהִ֗י בְּעֵ֥ת תֵּ֛ת אֶת־מֵרַ֥ב בַּת־שָׁא֖וּל לְדָוִ֑ד וְהִ֧יא נִתְּנָ֛ה לְעַדְרִיאֵ֥ל הַמְּחֹלָתִ֖י לְאִשָּֽׁה׃ wayehiy beʿet tet ʾet־merav bat־shaʾul ledawid wehiyʾ nitenah leʿaderiyʾel hameḥolatiy leʾishah׃

²⁰ וַתֶּאֱהַ֛ב מִיכַ֥ל בַּת־שָׁא֖וּל אֶת־דָּוִ֑ד וַיַּגִּ֣דוּ לְשָׁא֔וּל וַיִּשַׁ֥ר הַדָּבָ֖ר בְּעֵינָֽיו׃ wateʾehav miykhal bat־shaʾul ʾet־dawid wayagidu leshaʾul wayishar hadavar beʿeynayw׃

²¹ וַיֹּ֨אמֶר שָׁא֜וּל אֶתְּנֶ֤נָּה לֹּו֙ וּתְהִי־לֹ֣ו לְמֹוקֵ֔שׁ וּתְהִי־בֹ֖ו יַד־פְּלִשְׁתִּ֑ים וַיֹּ֤אמֶר שָׁאוּל֙ אֶל־דָּוִ֔ד בִּשְׁתַּ֛יִם תִּתְחַתֵּ֥ן בִּ֖י הַיֹּֽום׃ wayoʾmer shaʾul ʾetenenah low utehiy־low lemowqesh utehiy־vow yad־pelishetiym wayoʾmer shaʾul ʾel־dawid bishetayim titeḥaten biy hayowm׃

²² וַיְצַ֨ו שָׁא֜וּל אֶת־עֲבָדָ֗ו דַּבְּר֨וּ אֶל־דָּוִ֤ד בַּלָּט֙ לֵאמֹ֔ר הִנֵּ֨ה חָפֵ֤ץ בְּךָ֙ הַמֶּ֔לֶךְ וְכָל־עֲבָדָ֖יו אֲהֵב֑וּךָ וְעַתָּ֖ה הִתְחַתֵּ֥ן בַּמֶּֽלֶךְ׃ wayetsaw shaʾul ʾet־ʿavadaw daberu ʾel־dawid balaṭ leʾmor hineh ḥafets bekha hamelekhe wekhal־ʿavadayw ʾahevukha weʿatah hiteḥaten bamelekhe׃

²³ וַֽיְדַבְּר֞וּ עַבְדֵ֤י שָׁאוּל֙ בְּאָזְנֵ֣י דָוִ֔ד אֶת־הַדְּבָרִ֖ים הָאֵ֑לֶּה וַיֹּ֣אמֶר דָּוִ֗ד הַֽנְקַלָּ֤ה בְעֵֽינֵיכֶם֙ הִתְחַתֵּ֣ן בַּמֶּ֔לֶךְ וְאָנֹכִ֖י אִֽישׁ־רָ֥שׁ וְנִקְלֶֽה׃ wayedaberu ʿavedey shaʾul beʾazeney dawid ʾet־hadevariym haʾeleh wayoʾmer dawid haneqalah veʿeyneykhem hiteḥaten bamelekhe weʾanokhiy ʾiysh־rash weniqeleh׃

²⁴ וַיַּגִּ֜דוּ עַבְדֵ֥י שָׁא֛וּל לֹ֖ו לֵאמֹ֑ר כַּדְּבָרִ֥ים הָאֵ֖לֶּה דִּבֶּ֥ר דָּוִֽד׃ פ wayagidu ʿavedey shaʾul low leʾmor kadevariym haʾeleh diber dawid׃ f

²⁵ וַיֹּ֨אמֶר שָׁא֜וּל כֹּֽה־תֹאמְר֣וּ לְדָוִ֗ד אֵֽין־חֵ֤פֶץ לַמֶּ֙לֶךְ֙ בְּמֹ֔הַר כִּ֗י בְּמֵאָה֙ עָרְלֹ֣ות פְּלִשְׁתִּ֔ים לְהִנָּקֵ֖ם בְּאֹיְבֵ֣י הַמֶּ֑לֶךְ וְשָׁא֣וּל חָשַׁ֔ב לְהַפִּ֥יל אֶת־דָּוִ֖ד בְּיַד־פְּלִשְׁתִּֽים׃ wayoʾmer shaʾul koh־toʾmeru ledawid ʾeyn־ḥefets lamelekhe bemohar kiy bemeʾah ʿarelowt pelishetiym lehinaqem beʾoyevey hamelekhe weshaʾul ḥashav lehapiyl ʾet־dawid beyad־pelishetiym׃

²⁶ וַיַּגִּ֨דוּ עֲבָדָ֤יו לְדָוִד֙ אֶת־הַדְּבָרִ֣ים הָאֵ֔לֶּה וַיִּשַׁ֤ר הַדָּבָר֙ בְּעֵינֵ֣י דָוִ֔ד לְהִתְחַתֵּ֖ן בַּמֶּ֑לֶךְ וְלֹ֥א מָלְא֖וּ הַיָּמִֽים׃ wayagidu ʿavadayw ledawid ʾet־hadevariym haʾeleh wayishar hadavar beʿeyney dawid lehiteḥaten bamelekhe weloʾ maleʾu hayamiym׃

²⁷ וַיָּ֨קָם דָּוִ֜ד וַיֵּ֣לֶךְ ׀ ה֣וּא וַאֲנָשָׁ֗יו וַיַּ֣ךְ בַּפְּלִשְׁתִּים֮ מָאתַ֣יִם אִישׁ֒ וַיָּבֵ֤א דָוִד֙ אֶת־עָרְלֹ֣תֵיהֶ֔ם וַיְמַלְא֣וּם לַמֶּ֔לֶךְ לְהִתְחַתֵּ֖ן בַּמֶּ֑לֶךְ וַיִּתֶּן־לֹ֥ו שָׁא֛וּל אֶת־מִיכַ֥ל בִּתֹּ֖ו לְאִשָּֽׁה׃ ס wayaqam dawid wayelekhe ׀ huʾ waʾanashayw wayakhe bapelishetiym maʾtayim ʾiysh wayaveʾ dawid ʾet־ʿareloteyhem wayemaleʾum lamelekhe lehiteḥaten bamelekhe wayiten־low shaʾul ʾet־miykhal bitow leʾishah׃ s

²⁸ וַיַּ֤רְא שָׁאוּל֙ וַיֵּ֔דַע כִּ֥י יְהוָ֖ה עִם־דָּוִ֑ד וּמִיכַ֥ל בַּת־שָׁא֖וּל אֲהֵבַֽתְהוּ׃ wayareʾ shaʾul wayedaʿ kiy yehwah ʿim־dawid umiykhal bat־shaʾul ʾahevatehu׃

²⁹ וַיֹּ֣אסֶף שָׁא֗וּל לֵרֹ֛א מִפְּנֵ֥י דָוִ֖ד עֹ֑וד וַיְהִ֥י שָׁא֛וּל אֹיֵ֥ב אֶת־דָּוִ֖ד כָּל־הַיָּמִֽים׃ ס wayoʾsef shaʾul leroʾ mipeney dawid ʿowd wayehiy shaʾul ʾoyev ʾet־dawid kal־hayamiym׃ s

³⁰ וַיֵּצְא֖וּ שָׂרֵ֣י פְלִשְׁתִּ֑ים וַיְהִ֣י ׀ מִדֵּ֣י צֵאתָ֗ם שָׂכַ֤ל דָּוִד֙ מִכֹּל֙ עַבְדֵ֣י שָׁא֔וּל וַיִּיקַ֥ר שְׁמֹ֖ו מְאֹֽד׃ ס wayetseʾu sarey felishetiym wayehiy ׀ midey tseʾtam sakhal dawid mikol ʿavedey shaʾul wayiyqar shemow meʾod׃ s