1 Rois 15

¹ וּבִשְׁנַת֙ שְׁמֹנֶ֣ה עֶשְׂרֵ֔ה לַמֶּ֖לֶךְ יָרָבְעָ֣ם בֶּן־נְבָ֑ט מָלַ֥ךְ אֲבִיָּ֖ם עַל־יְהוּדָֽה׃ uvishenat shemoneh ʿesereh lamelekhe yaraveʿam ben־nevaṭ malakhe ʾaviyam ʿal־yehudah׃

² שָׁלֹ֣שׁ שָׁנִ֔ים מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו מַעֲכָ֖ה בַּת־אֲבִישָׁלֹֽום׃ shalosh shaniym malakhe biyrushalim weshem ʾimow maʿakhah bat־ʾaviyshalowm׃

³ וַיֵּ֕לֶךְ בְּכָל־חַטֹּ֥אות אָבִ֖יו אֲשֶׁר־עָשָׂ֣ה לְפָנָ֑יו וְלֹא־הָיָ֨ה לְבָבֹ֤ו שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥ד אָבִֽיו׃ wayelekhe bekhal־ḥaṭoʾwt ʾaviyw ʾasher־ʿasah lefanayw weloʾ־hayah levavow shalem ʿim־yehwah ʾelohayw kilevav dawid ʾaviyw׃

⁴ כִּ֚י לְמַ֣עַן דָּוִ֔ד נָתַן֩ יְהוָ֨ה אֱלֹהָ֥יו לֹ֛ו נִ֖יר בִּירוּשָׁלִָ֑ם לְהָקִ֤ים אֶת־בְּנֹו֙ אַחֲרָ֔יו וּֽלְהַעֲמִ֖יד אֶת־יְרוּשָׁלִָֽם׃ kiy lemaʿan dawid natan yehwah ʾelohayw low niyr biyrushalim lehaqiym ʾet־benow ʾaḥarayw ulehaʿamiyd ʾet־yerushalim׃

⁵ אֲשֶׁ֨ר עָשָׂ֥ה דָוִ֛ד אֶת־הַיָּשָׁ֖ר בְּעֵינֵ֣י יְהוָ֑ה וְלֹֽא־סָ֞ר מִכֹּ֣ל אֲשֶׁר־צִוָּ֗הוּ כֹּ֚ל יְמֵ֣י חַיָּ֔יו רַ֕ק בִּדְבַ֖ר אוּרִיָּ֥ה הַחִתִּֽי׃ ʾasher ʿasah dawid ʾet־hayashar beʿeyney yehwah weloʾ־sar mikol ʾasher־tsiuahu kol yemey ḥayayw raq bidevar ʾuriyah haḥitiy׃

⁶ וּמִלְחָמָ֨ה הָיְתָ֧ה בֵין־רְחַבְעָ֛ם וּבֵ֥ין יָרָבְעָ֖ם כָּל־יְמֵ֥י חַיָּֽיו׃ umileḥamah hayetah veyn־reḥaveʿam uveyn yaraveʿam kal־yemey ḥayayw׃

⁷ וְיֶ֨תֶר דִּבְרֵ֤י אֲבִיָּם֙ וְכָל־אֲשֶׁ֣ר עָשָׂ֔ה הֲלֹֽוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה וּמִלְחָמָ֥ה הָיְתָ֛ה בֵּ֥ין אֲבִיָּ֖ם וּבֵ֥ין יָרָבְעָֽם׃ weyeter diverey ʾaviyam wekhal־ʾasher ʿasah halowʾ־hem ketuviym ʿal־sefer diverey hayamiym lemalekhey yehudah umileḥamah hayetah beyn ʾaviyam uveyn yaraveʿam׃

⁸ וַיִּשְׁכַּ֤ב אֲבִיָּם֙ עִם־אֲבֹתָ֔יו וַיִּקְבְּר֥וּ אֹתֹ֖ו בְּעִ֣יר דָּוִ֑ד וַיִּמְלֹ֛ךְ אָסָ֥א בְנֹ֖ו תַּחְתָּֽיו׃ פ wayishekav ʾaviyam ʿim־ʾavotayw wayiqeberu ʾotow beʿiyr dawid wayimelokhe ʾasaʾ venow taḥetayw׃ f

⁹ וּבִשְׁנַ֣ת עֶשְׂרִ֔ים לְיָרָבְעָ֖ם מֶ֣לֶךְ יִשְׂרָאֵ֑ל מָלַ֥ךְ אָסָ֖א מֶ֥לֶךְ יְהוּדָֽה׃ uvishenat ʿeseriym leyaraveʿam melekhe yiseraʾel malakhe ʾasaʾ melekhe yehudah׃

¹⁰ וְאַרְבָּעִ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו מַעֲכָ֖ה בַּת־אֲבִישָׁלֹֽום׃ weʾarebaʿiym weʾaḥat shanah malakhe biyrushalim weshem ʾimow maʿakhah bat־ʾaviyshalowm׃

¹¹ וַיַּ֧עַשׂ אָסָ֛א הַיָּשָׁ֖ר בְּעֵינֵ֣י יְהוָ֑ה כְּדָוִ֖ד אָבִֽיו׃ wayaʿas ʾasaʾ hayashar beʿeyney yehwah kedawid ʾaviyw׃

¹² וַיַּעֲבֵ֥ר הַקְּדֵשִׁ֖ים מִן־הָאָ֑רֶץ וַיָּ֙סַר֙ אֶת־כָּל־הַגִּלֻּלִ֔ים אֲשֶׁ֥ר עָשׂ֖וּ אֲבֹתָֽיו׃ wayaʿaver haqedeshiym min־haʾarets wayasar ʾet־kal־hagiluliym ʾasher ʿasu ʾavotayw׃

¹³ וְגַ֣ם ׀ אֶת־מַעֲכָ֣ה אִמֹּ֗ו וַיְסִרֶ֙הָ֙ מִגְּבִירָ֔ה אֲשֶׁר־עָשְׂתָ֥ה מִפְלֶ֖צֶת לָאֲשֵׁרָ֑ה וַיִּכְרֹ֤ת אָסָא֙ אֶת־מִפְלַצְתָּ֔הּ וַיִּשְׂרֹ֖ף בְּנַ֥חַל קִדְרֹֽון׃ wegam ׀ ʾet־maʿakhah ʾimow wayesireah migeviyrah ʾasher־ʿasetah mifeletset laʾasherah wayikherot ʾasaʾ ʾet־mifelatsetah wayiserof benaḥal qiderown׃

¹⁴ וְהַבָּמֹ֖ות לֹא־סָ֑רוּ רַ֣ק לְבַב־אָסָ֗א הָיָ֥ה שָׁלֵ֛ם עִם־יְהוָ֖ה כָּל־יָמָֽיו׃ wehabamowt loʾ־saru raq levav־ʾasaʾ hayah shalem ʿim־yehwah kal־yamayw׃

¹⁵ וַיָּבֵא֙ אֶת־קָדְשֵׁ֣י אָבִ֔יו [וְקָדְשֹׁו כ] (וְקָדְשֵׁ֖י ק) בֵּ֣ית יְהוָ֑ה כֶּ֥סֶף וְזָהָ֖ב וְכֵלִֽים׃ wayaveʾ ʾet־qadeshey ʾaviyw [weqadeshow kh] (weqadeshey q) beyt yehwah kesef wezahav wekheliym׃

¹⁶ וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃ umileḥamah hayetah beyn ʾasaʾ uveyn baʿeshaʾ melekhe־yiseraʾel kal־yemeyhem׃

¹⁷ וַיַּ֨עַל בַּעְשָׁ֤א מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶן אֶת־הָרָמָ֑ה לְבִלְתִּ֗י תֵּ֚ת יֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃ wayaʿal baʿeshaʾ melekhe־yiseraʾel ʿal־yehudah wayiven ʾet־haramah leviletiy tet yotseʾ wavaʾ leʾasaʾ melekhe yehudah׃

¹⁸ וַיִּקַּ֣ח אָ֠סָא אֶת־כָּל־הַכֶּ֨סֶף וְהַזָּהָ֜ב הַֽנֹּותָרִ֣ים ׀ בְּאֹוצְרֹ֣ות בֵּית־יְהוָ֗ה וְאֶת־אֹֽוצְרֹות֙ בֵּ֣ית [מֶלֶךְ כ] (הַמֶּ֔לֶךְ ק) וַֽיִּתְּנֵ֖ם בְּיַד־עֲבָדָ֑יו וַיִּשְׁלָחֵ֞ם הַמֶּ֣לֶךְ אָסָ֗א אֶל־בֶּן־הֲ֠דַד בֶּן־טַבְרִמֹּ֤ן בֶּן־חֶזְיֹון֙ מֶ֣לֶךְ אֲרָ֔ם הַיֹּשֵׁ֥ב בְּדַמֶּ֖שֶׂק לֵאמֹֽר׃ wayiqaḥ ʾasaʾ ʾet־kal־hakesef wehazahav hanowtariym ׀ beʾowtserowt beyt־yehwah weʾet־ʾowtserowt beyt [melekhe kh] (hamelekhe q) wayitenem beyad־ʿavadayw wayishelaḥem hamelekhe ʾasaʾ ʾel־ben־hadad ben־ṭaverimon ben־ḥezeyown melekhe ʾaram hayoshev bedameseq leʾmor׃

¹⁹ בְּרִית֙ בֵּינִ֣י וּבֵינֶ֔ךָ בֵּ֥ין אָבִ֖י וּבֵ֣ין אָבִ֑יךָ הִנֵּה֩ שָׁלַ֨חְתִּֽי לְךָ֥ שֹׁ֙חַד֙ כֶּ֣סֶף וְזָהָ֔ב לֵ֣ךְ הָפֵ֗רָה אֶת־בְּרִֽיתְךָ֙ אֶת־בַּעְשָׁ֣א מֶֽלֶךְ־יִשְׂרָאֵ֔ל וְיַעֲלֶ֖ה מֵעָלָֽי׃ beriyt beyniy uveynekha beyn ʾaviy uveyn ʾaviykha hineh shalaḥetiy lekha shoḥad kesef wezahav lekhe haferah ʾet־beriytekha ʾet־baʿeshaʾ melekhe־yiseraʾel weyaʿaleh meʿalay׃

²⁰ וַיִּשְׁמַ֨ע בֶּן־הֲדַ֜ד אֶל־הַמֶּ֣לֶךְ אָסָ֗א וַ֠יִּשְׁלַח אֶת־שָׂרֵ֨י הַחֲיָלִ֤ים אֲשֶׁר־לֹו֙ עַל־עָרֵ֣י יִשְׂרָאֵ֔ל וַיַּךְ֙ אֶת־עִיֹּ֣ון וְאֶת־דָּ֔ן וְאֵ֖ת אָבֵ֣ל בֵּֽית־מַעֲכָ֑ה וְאֵת֙ כָּל־כִּנְרֹ֔ות עַ֖ל כָּל־אֶ֥רֶץ נַפְתָּלִֽי׃ wayishemaʿ ben־hadad ʾel־hamelekhe ʾasaʾ wayishelaḥ ʾet־sarey haḥayaliym ʾasher־low ʿal־ʿarey yiseraʾel wayakhe ʾet־ʿiyown weʾet־dan weʾet ʾavel beyt־maʿakhah weʾet kal־kinerowt ʿal kal־ʾerets nafetaliy׃

²¹ וַֽיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנֹ֖ות אֶת־הָֽרָמָ֑ה וַיֵּ֖שֶׁב בְּתִרְצָֽה׃ wayehiy kishemoaʿ baʿeshaʾ wayeḥedal mibenowt ʾet־haramah wayeshev betiretsah׃

²² וְהַמֶּ֨לֶךְ אָסָ֜א הִשְׁמִ֤יעַ אֶת־כָּל־יְהוּדָה֙ אֵ֣ין נָקִ֔י וַיִּשְׂא֞וּ אֶת־אַבְנֵ֤י הָֽרָמָה֙ וְאֶת־עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֤בֶן בָּם֙ הַמֶּ֣לֶךְ אָסָ֔א אֶת־גֶּ֥בַע בִּנְיָמִ֖ן וְאֶת־הַמִּצְפָּֽה׃ wehamelekhe ʾasaʾ hishemiyʿa ʾet־kal־yehudah ʾeyn naqiy wayiseʾu ʾet־ʾaveney haramah weʾet־ʿetseyha ʾasher banah baʿeshaʾ wayiven bam hamelekhe ʾasaʾ ʾet־gevaʿ bineyamin weʾet־hamitsepah׃

²³ וְיֶ֣תֶר כָּל־דִּבְרֵֽי־אָ֠סָא וְכָל־גְּב֨וּרָתֹ֜ו וְכָל־אֲשֶׁ֣ר עָשָׂ֗ה וְהֶֽעָרִים֙ אֲשֶׁ֣ר בָּנָ֔ה הֲלֹֽא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה רַ֚ק לְעֵ֣ת זִקְנָתֹ֔ו חָלָ֖ה אֶת־רַגְלָֽיו׃ weyeter kal־diverey־ʾasaʾ wekhal־gevuratow wekhal־ʾasher ʿasah weheʿariym ʾasher banah haloʾ־hemah khetuviym ʿal־sefer diverey hayamiym lemalekhey yehudah raq leʿet ziqenatow ḥalah ʾet־ragelayw׃

²⁴ וַיִּשְׁכַּ֤ב אָסָא֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהֹושָׁפָ֥ט בְּנֹ֖ו תַּחְתָּֽיו׃ פ wayishekav ʾasaʾ ʿim־ʾavotayw wayiqaver ʿim־ʾavotayw beʿiyr dawid ʾaviyw wayimelokhe yehowshafaṭ benow taḥetayw׃ f

²⁵ וְנָדָ֣ב בֶּן־יָרָבְעָ֗ם מָלַךְ֙ עַל־יִשְׂרָאֵ֔ל בִּשְׁנַ֣ת שְׁתַּ֔יִם לְאָסָ֖א מֶ֣לֶךְ יְהוּדָ֑ה וַיִּמְלֹ֥ךְ עַל־יִשְׂרָאֵ֖ל שְׁנָתָֽיִם׃ wenadav ben־yaraveʿam malakhe ʿal־yiseraʾel bishenat shetayim leʾasaʾ melekhe yehudah wayimelokhe ʿal־yiseraʾel shenatayim׃

²⁶ וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֙לֶךְ֙ בְּדֶ֣רֶךְ אָבִ֔יו וּ֨בְחַטָּאתֹ֔ו אֲשֶׁ֥ר הֶחֱטִ֖יא אֶת־יִשְׂרָאֵֽל׃ wayaʿas haraʿ beʿeyney yehwah wayelekhe bederekhe ʾaviyw uveḥaṭaʾtow ʾasher heḥeṭiyʾ ʾet־yiseraʾel׃

²⁷ וַיִּקְשֹׁ֨ר עָלָ֜יו בַּעְשָׁ֤א בֶן־אֲחִיָּה֙ לְבֵ֣ית יִשָּׂשכָ֔ר וַיַּכֵּ֣הוּ בַעְשָׁ֔א בְּגִבְּתֹ֖ון אֲשֶׁ֣ר לַפְּלִשְׁתִּ֑ים וְנָדָב֙ וְכָל־יִשְׂרָאֵ֔ל צָרִ֖ים עַֽל־גִּבְּתֹֽון׃ wayiqeshor ʿalayw baʿeshaʾ ven־ʾaḥiyah leveyt yisashkhar wayakehu vaʿeshaʾ begibetown ʾasher lapelishetiym wenadav wekhal־yiseraʾel tsariym ʿal־gibetown׃

²⁸ וַיְמִתֵ֣הוּ בַעְשָׁ֔א בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃ wayemitehu vaʿeshaʾ bishenat shalosh leʾasaʾ melekhe yehudah wayimelokhe taḥetayw׃

²⁹ וַיְהִ֣י כְמָלְכֹ֗ו הִכָּה֙ אֶת־כָּל־בֵּ֣ית יָרָבְעָ֔ם לֹֽא־הִשְׁאִ֧יר כָּל־נְשָׁמָ֛ה לְיָרָבְעָ֖ם עַד־הִשְׁמִדֹ֑ו כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַד־עַבְדֹּ֖ו אֲחִיָּ֥ה הַשִּׁילֹנִֽי׃ wayehiy khemalekhow hikah ʾet־kal־beyt yaraveʿam loʾ־hisheʾiyr kal־neshamah leyaraveʿam ʿad־hishemidow kidevar yehwah ʾasher diber beyad־ʿavedow ʾaḥiyah hashiyloniy׃

³⁰ עַל־חַטֹּ֤אות יָרָבְעָם֙ אֲשֶׁ֣ר חָטָ֔א וַאֲשֶׁ֥ר הֶחֱטִ֖יא אֶת־יִשְׂרָאֵ֑ל בְּכַעְסֹ֕ו אֲשֶׁ֣ר הִכְעִ֔יס אֶת־יְהוָ֖ה אֱלֹהֵ֥י יִשְׂרָאֵֽל׃ ʿal־ḥaṭoʾwt yaraveʿam ʾasher ḥaṭaʾ waʾasher heḥeṭiyʾ ʾet־yiseraʾel bekhaʿesow ʾasher hikheʿiys ʾet־yehwah ʾelohey yiseraʾel׃

³¹ וְיֶ֛תֶר דִּבְרֵ֥י נָדָ֖ב וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey nadav wekhal־ʾasher ʿasah haloʾ־hem ketuviym ʿal־sefer diverey hayamiym lemalekhey yiseraʾel׃

³² וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃ פ umileḥamah hayetah beyn ʾasaʾ uveyn baʿeshaʾ melekhe־yiseraʾel kal־yemeyhem׃ f

³³ בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה מָ֠לַךְ בַּעְשָׁ֨א בֶן־אֲחִיָּ֤ה עַל־כָּל־יִשְׂרָאֵל֙ בְּתִרְצָ֔ה עֶשְׂרִ֥ים וְאַרְבַּ֖ע שָׁנָֽה׃ bishenat shalosh leʾasaʾ melekhe yehudah malakhe baʿeshaʾ ven־ʾaḥiyah ʿal־kal־yiseraʾel betiretsah ʿeseriym weʾarebaʿ shanah׃

³⁴ וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֙לֶךְ֙ בְּדֶ֣רֶךְ יָרָבְעָ֔ם וּ֨בְחַטָּאתֹ֔ו אֲשֶׁ֥ר הֶחֱטִ֖יא אֶת־יִשְׂרָאֵֽל׃ ס wayaʿas haraʿ beʿeyney yehwah wayelekhe bederekhe yaraveʿam uveḥaṭaʾtow ʾasher heḥeṭiyʾ ʾet־yiseraʾel׃ s