Psaumes 19

¹ לַמְנַצֵּ֗חַ מִזְמֹ֥ור לְדָוִֽד׃ lamenatseaḥ mizemowr ledawid׃

² הַשָּׁמַ֗יִם מְֽסַפְּרִ֥ים כְּבֹֽוד־אֵ֑ל וּֽמַעֲשֵׂ֥ה יָ֝דָ֗יו מַגִּ֥יד הָרָקִֽיעַ׃ hashamayim mesaperiym kevowd־ʾel umaʿaseh yadayw magiyd haraqiyʿa׃

³ יֹ֣ום לְ֭יֹום יַבִּ֣יעַֽ אֹ֑מֶר וְלַ֥יְלָה לְּ֝לַ֗יְלָה יְחַוֶּה־דָּֽעַת׃ yowm leyowm yabiyʿa ʾomer welayelah lelayelah yeḥaueh־daʿat׃

⁴ אֵֽין־אֹ֭מֶר וְאֵ֣ין דְּבָרִ֑ים בְּ֝לִ֗י נִשְׁמָ֥ע קֹולָֽם׃ ʾeyn־ʾomer weʾeyn devariym beliy nishemaʿ qowlam׃

⁵ בְּכָל־הָאָ֨רֶץ ׀ יָ֘צָ֤א קַוָּ֗ם וּבִקְצֵ֣ה תֵ֭בֵל מִלֵּיהֶ֑ם לַ֝שֶּׁ֗מֶשׁ שָֽׂם־אֹ֥הֶל בָּהֶֽם׃ bekhal־haʾarets ׀ yatsaʾ qauam uviqetseh tevel mileyhem lashemesh sam־ʾohel bahem׃

⁶ וְה֗וּא כְּ֭חָתָן יֹצֵ֣א מֵחֻפָּתֹ֑ו יָשִׂ֥ישׂ כְּ֝גִבֹּ֗ור לָר֥וּץ אֹֽרַח׃ wehuʾ keḥatan yotseʾ meḥupatow yasiys kegibowr laruts ʾoraḥ׃

⁷ מִקְצֵ֤ה הַשָּׁמַ֨יִם ׀ מֹֽוצָאֹ֗ו וּתְקוּפָתֹ֥ו עַל־קְצֹותָ֑ם וְאֵ֥ין נִ֝סְתָּ֗ר מֵֽחַמָּתֹו ׃ miqetseh hashamayim ׀ mowtsaʾow utequfatow ʿal־qetsowtam weʾeyn nisetar meḥamatow ׃

⁸ תֹּ֘ורַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃ towrat yehwah temiymah meshiyvat nafesh ʿedut yehwah neʾemanah maḥekiymat petiy׃

⁹ פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃ piqudey yehwah yeshariym mesameḥey־lev mitsewat yehwah barah meʾiyrat ʿeynayim׃

¹⁰ יִרְאַ֤ת יְהוָ֨ה ׀ טְהֹורָה֮ עֹומֶ֪דֶת לָ֫עַ֥ד מִֽשְׁפְּטֵי־יְהוָ֥ה אֱמֶ֑ת צָֽדְק֥וּ יַחְדָּֽו׃ yireʾat yehwah ׀ ṭehowrah ʿowmedet laʿad mishepeṭey־yehwah ʾemet tsadequ yaḥedaw׃

¹¹ הַֽנֶּחֱמָדִ֗ים מִ֭זָּהָב וּמִפַּ֣ז רָ֑ב וּמְתוּקִ֥ים מִ֝דְּבַ֗שׁ וְנֹ֣פֶת צוּפִֽים׃ haneḥemadiym mizahav umipaz rav umetuqiym midevash wenofet tsufiym׃

¹² גַּֽם־עַ֭בְדְּךָ נִזְהָ֣ר בָּהֶ֑ם בְּ֝שָׁמְרָ֗ם עֵ֣קֶב רָֽב׃ gam־ʿavedekha nizehar bahem beshameram ʿeqev rav׃

¹³ שְׁגִיאֹ֥ות מִֽי־יָבִ֑ין מִֽנִּסְתָּרֹ֥ות נַקֵּֽנִי׃ shegiyʾowt miy־yaviyn minisetarowt naqeniy׃

¹⁴ גַּ֤ם מִזֵּדִ֨ים ׀ חֲשֹׂ֬ךְ עַבְדֶּ֗ךָ אַֽל־יִמְשְׁלוּ־בִ֣י אָ֣ז אֵיתָ֑ם וְ֝נִקֵּ֗יתִי מִפֶּ֥שַֽׁע רָֽב׃ gam mizediym ׀ ḥasokhe ʿavedekha ʾal־yimeshelu־viy ʾaz ʾeytam weniqeytiy mipeshaʿ rav׃

¹⁵ יִֽהְי֥וּ לְרָצֹ֨ון ׀ אִמְרֵי־פִ֡י וְהֶגְיֹ֣ון לִבִּ֣י לְפָנֶ֑יךָ יְ֝הוָ֗ה צוּרִ֥י וְגֹאֲלִֽי׃ yiheyu leratsown ׀ ʾimerey־fiy wehegeyown libiy lefaneykha yehwah tsuriy wegoʾaliy׃