Michée 3

¹ וָאֹמַ֗ר שִׁמְעוּ־נָא֙ רָאשֵׁ֣י יַעֲקֹ֔ב וּקְצִינֵ֖י בֵּ֣ית יִשְׂרָאֵ֑ל הֲלֹ֣וא לָכֶ֔ם לָדַ֖עַת אֶת־הַמִּשְׁפָּֽט׃ waʾomar shimeʿu־naʾ raʾshey yaʿaqov uqetsiyney beyt yiseraʾel halowʾ lakhem ladaʿat ʾet־hamishepaṭ׃

² שֹׂ֥נְאֵי טֹ֖וב וְאֹ֣הֲבֵי [רָעָה כ] (רָ֑ע ק) גֹּזְלֵ֤י עֹורָם֙ מֵֽעֲלֵיהֶ֔ם וּשְׁאֵרָ֖ם מֵעַ֥ל עַצְמֹותָֽם׃ soneʾey ṭowv weʾohavey [raʿah kh] (raʿ q) gozeley ʿowram meʿaleyhem usheʾeram meʿal ʿatsemowtam׃

³ וַאֲשֶׁ֣ר אָכְלוּ֮ שְׁאֵ֣ר עַמִּי֒ וְעֹורָם֙ מֵעֲלֵיהֶ֣ם הִפְשִׁ֔יטוּ וְאֶת־עַצְמֹֽתֵיהֶ֖ם פִּצֵּ֑חוּ וּפָרְשׂוּ֙ כַּאֲשֶׁ֣ר בַּסִּ֔יר וּכְבָשָׂ֖ר בְּתֹ֥וךְ קַלָּֽחַת׃ waʾasher ʾakhelu sheʾer ʿamiy weʿowram meʿaleyhem hifeshiyṭu weʾet־ʿatsemoteyhem pitseḥu ufaresu kaʾasher basiyr ukhevasar betowkhe qalaḥat׃

⁴ אָ֚ז יִזְעֲק֣וּ אֶל־יְהוָ֔ה וְלֹ֥א יַעֲנֶ֖ה אֹותָ֑ם וְיַסְתֵּ֨ר פָּנָ֤יו מֵהֶם֙ בָּעֵ֣ת הַהִ֔יא כַּאֲשֶׁ֥ר הֵרֵ֖עוּ מַעַלְלֵיהֶֽם׃ פ ʾaz yizeʿaqu ʾel־yehwah weloʾ yaʿaneh ʾowtam weyaseter panayw mehem baʿet hahiyʾ kaʾasher hereʿu maʿaleleyhem׃ f

⁵ כֹּ֚ה אָמַ֣ר יְהוָ֔ה עַל־הַנְּבִיאִ֖ים הַמַּתְעִ֣ים אֶת־עַמִּ֑י הַנֹּשְׁכִ֤ים בְּשִׁנֵּיהֶם֙ וְקָרְא֣וּ שָׁלֹ֔ום וַאֲשֶׁר֙ לֹא־יִתֵּ֣ן עַל־פִּיהֶ֔ם וְקִדְּשׁ֥וּ עָלָ֖יו מִלְחָמָֽה׃ koh ʾamar yehwah ʿal־haneviyʾiym hamateʿiym ʾet־ʿamiy hanoshekhiym beshineyhem weqareʾu shalowm waʾasher loʾ־yiten ʿal־piyhem weqideshu ʿalayw mileḥamah׃

⁶ לָכֵ֞ן לַ֤יְלָה לָכֶם֙ מֵֽחָזֹ֔ון וְחָשְׁכָ֥ה לָכֶ֖ם מִקְּסֹ֑ם וּבָ֤אָה הַשֶּׁ֙מֶשׁ֙ עַל־הַנְּבִיאִ֔ים וְקָדַ֥ר עֲלֵיהֶ֖ם הַיֹּֽום׃ lakhen layelah lakhem meḥazown weḥashekhah lakhem miqesom uvaʾah hashemesh ʿal־haneviyʾiym weqadar ʿaleyhem hayowm׃

⁷ וּבֹ֣שׁוּ הַחֹזִ֗ים וְחָֽפְרוּ֙ הַקֹּ֣סְמִ֔ים וְעָט֥וּ עַל־שָׂפָ֖ם כֻּלָּ֑ם כִּ֛י אֵ֥ין מַעֲנֵ֖ה אֱלֹהִֽים׃ uvoshu haḥoziym weḥaferu haqosemiym weʿaṭu ʿal־safam kulam kiy ʾeyn maʿaneh ʾelohiym׃

⁸ וְאוּלָ֗ם אָנֹכִ֞י מָלֵ֤אתִי כֹ֙חַ֙ אֶת־ר֣וּחַ יְהוָ֔ה וּמִשְׁפָּ֖ט וּגְבוּרָ֑ה לְהַגִּ֤יד לְיַֽעֲקֹב֙ פִּשְׁעֹ֔ו וּלְיִשְׂרָאֵ֖ל חַטָּאתֹֽו׃ ס weʾulam ʾanokhiy maleʾtiy khoaḥ ʾet־ruaḥ yehwah umishepaṭ ugevurah lehagiyd leyaʿaqov pisheʿow uleyiseraʾel ḥaṭaʾtow׃ s

⁹ שִׁמְעוּ־נָ֣א זֹ֗את רָאשֵׁי֙ בֵּ֣ית יַעֲקֹ֔ב וּקְצִינֵ֖י בֵּ֣ית יִשְׂרָאֵ֑ל הַֽמֲתַעֲבִ֣ים מִשְׁפָּ֔ט וְאֵ֥ת כָּל־הַיְשָׁרָ֖ה יְעַקֵּֽשׁוּ׃ shimeʿu־naʾ zoʾt raʾshey beyt yaʿaqov uqetsiyney beyt yiseraʾel hamataʿaviym mishepaṭ weʾet kal־hayesharah yeʿaqeshu׃

¹⁰ בֹּנֶ֥ה צִיֹּ֖ון בְּדָמִ֑ים וִירוּשָׁלִַ֖ם בְּעַוְלָֽה׃ boneh tsiyown bedamiym wiyrushalim beʿawelah׃

¹¹ רָאשֶׁ֣יהָ ׀ בְּשֹׁ֣חַד יִשְׁפֹּ֗טוּ וְכֹהֲנֶ֙יהָ֙ בִּמְחִ֣יר יֹור֔וּ וּנְבִיאֶ֖יהָ בְּכֶ֣סֶף יִקְסֹ֑מוּ וְעַל־יְהוָה֙ יִשָּׁעֵ֣נוּ לֵאמֹ֔ר הֲלֹ֤וא יְהוָה֙ בְּקִרְבֵּ֔נוּ לֹֽא־תָבֹ֥וא עָלֵ֖ינוּ רָעָֽה׃ raʾsheyha ׀ beshoḥad yishepoṭu wekhohaneyha bimeḥiyr yowru uneviyʾeyha bekhesef yiqesomu weʿal־yehwah yishaʿenu leʾmor halowʾ yehwah beqirebenu loʾ־tavowʾ ʿaleynu raʿah׃

¹² לָכֵן֙ בִּגְלַלְכֶ֔ם צִיֹּ֖ון שָׂדֶ֣ה תֵֽחָרֵ֑שׁ וִירוּשָׁלִַ֙ם֙ עִיִּ֣ין תִּֽהְיֶ֔ה וְהַ֥ר הַבַּ֖יִת לְבָמֹ֥ות יָֽעַר׃ פ lakhen bigelalekhem tsiyown sadeh teḥaresh wiyrushalim ʿiyiyn tiheyeh wehar habayit levamowt yaʿar׃ f