Ésaïe 28

¹ הֹ֗וי עֲטֶ֤רֶת גֵּאוּת֙ שִׁכֹּרֵ֣י אֶפְרַ֔יִם וְצִ֥יץ נֹבֵ֖ל צְבִ֣י תִפְאַרְתֹּ֑ו אֲשֶׁ֛ר עַל־רֹ֥אשׁ גֵּֽיא־שְׁמָנִ֖ים הֲל֥וּמֵי יָֽיִן׃ howy ʿaṭeret geʾut shikorey ʾeferayim wetsiyts novel tseviy tifeʾaretow ʾasher ʿal־roʾsh geyʾ־shemaniym halumey yayin׃

² הִנֵּ֨ה חָזָ֤ק וְאַמִּץ֙ לַֽאדֹנָ֔י כְּזֶ֥רֶם בָּרָ֖ד שַׂ֣עַר קָ֑טֶב כְּ֠זֶרֶם מַ֣יִם כַּבִּירִ֥ים שֹׁטְפִ֛ים הִנִּ֥יחַ לָאָ֖רֶץ בְּיָֽד׃ hineh ḥazaq weʾamits laʾdonay kezerem barad saʿar qaṭev kezerem mayim kabiyriym shoṭefiym hiniyḥa laʾarets beyad׃

³ בְּרַגְלַ֖יִם תֵּֽרָמַ֑סְנָה עֲטֶ֥רֶת גֵּא֖וּת שִׁכֹּורֵ֥י אֶפְרָֽיִם׃ beragelayim teramasenah ʿaṭeret geʾut shikowrey ʾeferayim׃

⁴ וְֽהָ֨יְתָ֜ה צִיצַ֤ת נֹבֵל֙ צְבִ֣י תִפְאַרְתֹּ֔ו אֲשֶׁ֥ר עַל־רֹ֖אשׁ גֵּ֣יא שְׁמָנִ֑ים כְּבִכּוּרָהּ֙ בְּטֶ֣רֶם קַ֔יִץ אֲשֶׁ֨ר יִרְאֶ֤ה הָֽרֹאֶה֙ אֹותָ֔הּ בְּעֹודָ֥הּ בְּכַפֹּ֖ו יִבְלָעֶֽנָּה׃ ס wehayetah tsiytsat novel tseviy tifeʾaretow ʾasher ʿal־roʾsh geyʾ shemaniym kevikurah beṭerem qayits ʾasher yireʾeh haroʾeh ʾowtah beʿowdah bekhapow yivelaʿenah׃ s

⁵ בַּיֹּ֣ום הַה֗וּא יִֽהְיֶה֙ יְהוָ֣ה צְבָאֹ֔ות לַעֲטֶ֣רֶת צְבִ֔י וְלִצְפִירַ֖ת תִּפְאָרָ֑ה לִשְׁאָ֖ר עַמֹּֽו׃ bayowm hahuʾ yiheyeh yehwah tsevaʾowt laʿaṭeret tseviy welitsefiyrat tifeʾarah lisheʾar ʿamow׃

⁶ וּלְר֖וּחַ מִשְׁפָּ֑ט לַיֹּושֵׁב֙ עַל־הַמִּשְׁפָּ֔ט וְלִ֨גְבוּרָ֔ה מְשִׁיבֵ֥י מִלְחָמָ֖ה שָֽׁעְרָה׃ ס uleruaḥ mishepaṭ layowshev ʿal־hamishepaṭ weligevurah meshiyvey mileḥamah shaʿerah׃ s

⁷ וְגַם־אֵ֙לֶּה֙ בַּיַּ֣יִן שָׁג֔וּ וּבַשֵּׁכָ֖ר תָּע֑וּ כֹּהֵ֣ן וְנָבִיא֩ שָׁג֨וּ בַשֵּׁכָ֜ר נִבְלְע֣וּ מִן־הַיַּ֗יִן תָּעוּ֙ מִן־הַשֵּׁכָ֔ר שָׁגוּ֙ בָּֽרֹאֶ֔ה פָּק֖וּ פְּלִילִיָּֽה׃ wegam־ʾeleh bayayin shagu uvashekhar taʿu kohen wenaviyʾ shagu vashekhar niveleʿu min־hayayin taʿu min־hashekhar shagu baroʾeh paqu peliyliyah׃

⁸ כִּ֚י כָּל־שֻׁלְחָנֹ֔ות מָלְא֖וּ קִ֣יא צֹאָ֑ה בְּלִ֖י מָקֹֽום׃ ס kiy kal־shuleḥanowt maleʾu qiyʾ tsoʾah beliy maqowm׃ s

⁹ אֶת־מִי֙ יֹורֶ֣ה דֵעָ֔ה וְאֶת־מִ֖י יָבִ֣ין שְׁמוּעָ֑ה גְּמוּלֵי֙ מֵֽחָלָ֔ב עַתִּיקֵ֖י מִשָּׁדָֽיִם׃ ʾet־miy yowreh deʿah weʾet־miy yaviyn shemuʿah gemuley meḥalav ʿatiyqey mishadayim׃

¹⁰ כִּ֣י צַ֤ו לָצָו֙ צַ֣ו לָצָ֔ו קַ֥ו לָקָ֖ו קַ֣ו לָקָ֑ו זְעֵ֥יר שָׁ֖ם זְעֵ֥יר שָֽׁם׃ kiy tsaw latsaw tsaw latsaw qaw laqaw qaw laqaw zeʿeyr sham zeʿeyr sham׃

¹¹ כִּ֚י בְּלַעֲגֵ֣י שָׂפָ֔ה וּבְלָשֹׁ֖ון אַחֶ֑רֶת יְדַבֵּ֖ר אֶל־הָעָ֥ם הַזֶּֽה׃ kiy belaʿagey safah uvelashown ʾaḥeret yedaber ʾel־haʿam hazeh׃

¹² אֲשֶׁ֣ר ׀ אָמַ֣ר אֲלֵיהֶ֗ם זֹ֤את הַמְּנוּחָה֙ הָנִ֣יחוּ לֶֽעָיֵ֔ף וְזֹ֖את הַמַּרְגֵּעָ֑ה וְלֹ֥א אָב֖וּא שְׁמֹֽועַ׃ ʾasher ׀ ʾamar ʾaleyhem zoʾt hamenuḥah haniyḥu leʿayef wezoʾt hamaregeʿah weloʾ ʾavuʾ shemowʿa׃

¹³ וְהָיָ֨ה לָהֶ֜ם דְּבַר־יְהוָ֗ה צַ֣ו לָצָ֞ו צַ֤ו לָצָו֙ קַ֤ו לָקָו֙ קַ֣ו לָקָ֔ו זְעֵ֥יר שָׁ֖ם זְעֵ֣יר שָׁ֑ם לְמַ֨עַן יֵלְכ֜וּ וְכָשְׁל֤וּ אָחֹור֙ וְנִשְׁבָּ֔רוּ וְנֹוקְשׁ֖וּ וְנִלְכָּֽדוּ׃ פ wehayah lahem devar־yehwah tsaw latsaw tsaw latsaw qaw laqaw qaw laqaw zeʿeyr sham zeʿeyr sham lemaʿan yelekhu wekhashelu ʾaḥowr wenishebaru wenowqeshu wenilekadu׃ f

¹⁴ לָכֵ֛ן שִׁמְע֥וּ דְבַר־יְהוָ֖ה אַנְשֵׁ֣י לָצֹ֑ון מֹֽשְׁלֵי֙ הָעָ֣ם הַזֶּ֔ה אֲשֶׁ֖ר בִּירוּשָׁלִָֽם׃ lakhen shimeʿu devar־yehwah ʾaneshey latsown mosheley haʿam hazeh ʾasher biyrushalim׃

¹⁵ כִּ֣י אֲמַרְתֶּ֗ם כָּרַ֤תְנֽוּ בְרִית֙ אֶת־מָ֔וֶת וְעִם־שְׁאֹ֖ול עָשִׂ֣ינוּ חֹזֶ֑ה [שִׁיט כ] (שֹׁ֣וט ק) שֹׁוטֵ֤ף כִּֽי־ [עָבַר כ] (יַֽעֲבֹר֙ ק) לֹ֣א יְבֹואֵ֔נוּ כִּ֣י שַׂ֧מְנוּ כָזָ֛ב מַחְסֵ֖נוּ וּבַשֶּׁ֥קֶר נִסְתָּֽרְנוּ׃ ס kiy ʾamaretem karatenu veriyt ʾet־mawet weʿim־sheʾowl ʿasiynu ḥozeh [shiyṭ kh] (showṭ q) showṭef kiy־ [ʿavar kh] (yaʿavor q) loʾ yevowʾenu kiy samenu khazav maḥesenu uvasheqer nisetarenu׃ s

¹⁶ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֛י יִסַּ֥ד בְּצִיֹּ֖ון אָ֑בֶן אֶ֣בֶן בֹּ֜חַן פִּנַּ֤ת יִקְרַת֙ מוּסָ֣ד מוּסָּ֔ד הַֽמַּאֲמִ֖ין לֹ֥א יָחִֽישׁ׃ lakhen koh ʾamar ʾadonay yehwih hineniy yisad betsiyown ʾaven ʾeven boḥan pinat yiqerat musad musad hamaʾamiyn loʾ yaḥiysh׃

¹⁷ וְשַׂמְתִּ֤י מִשְׁפָּט֙ לְקָ֔ו וּצְדָקָ֖ה לְמִשְׁקָ֑לֶת וְיָעָ֤ה בָרָד֙ מַחְסֵ֣ה כָזָ֔ב וְסֵ֥תֶר מַ֖יִם יִשְׁטֹֽפוּ׃ wesametiy mishepaṭ leqaw utsedaqah lemisheqalet weyaʿah varad maḥeseh khazav weseter mayim yisheṭofu׃

¹⁸ וְכֻפַּ֤ר בְּרִֽיתְכֶם֙ אֶת־מָ֔וֶת וְחָזוּתְכֶ֥ם אֶת־שְׁאֹ֖ול לֹ֣א תָק֑וּם שֹׁ֤וט שֹׁוטֵף֙ כִּ֣י יַֽעֲבֹ֔ר וִהְיִ֥יתֶם לֹ֖ו לְמִרְמָֽס׃ wekhupar beriytekhem ʾet־mawet weḥazutekhem ʾet־sheʾowl loʾ taqum showṭ showṭef kiy yaʿavor wiheyiytem low lemiremas׃

¹⁹ מִדֵּ֤י עָבְרֹו֙ יִקַּ֣ח אֶתְכֶ֔ם כִּֽי־בַבֹּ֧קֶר בַּבֹּ֛קֶר יַעֲבֹ֖ר בַּיֹּ֣ום וּבַלָּ֑יְלָה וְהָיָ֥ה רַק־זְוָעָ֖ה הָבִ֥ין שְׁמוּעָֽה׃ midey ʿaverow yiqaḥ ʾetekhem kiy־vaboqer baboqer yaʿavor bayowm uvalayelah wehayah raq־zewaʿah haviyn shemuʿah׃

²⁰ כִּֽי־קָצַ֥ר הַמַּצָּ֖ע מֵֽהִשְׂתָּרֵ֑עַ וְהַמַּסֵּכָ֥ה צָ֖רָה כְּהִתְכַּנֵּֽס׃ kiy־qatsar hamatsaʿ mehisetareaʿ wehamasekhah tsarah kehitekanes׃

²¹ כִּ֤י כְהַר־פְּרָצִים֙ יָק֣וּם יְהוָ֔ה כְּעֵ֖מֶק בְּגִבְעֹ֣ון יִרְגָּ֑ז לַעֲשֹׂ֤ות מַעֲשֵׂ֙הוּ֙ זָ֣ר מַעֲשֵׂ֔הוּ וְלַֽעֲבֹד֙ עֲבֹ֣דָתֹ֔ו נָכְרִיָּ֖ה עֲבֹדָתֹֽו׃ kiy khehar־peratsiym yaqum yehwah keʿemeq begiveʿown yiregaz laʿasowt maʿasehu zar maʿasehu welaʿavod ʿavodatow nakheriyah ʿavodatow׃

²² וְעַתָּה֙ אַל־תִּתְלֹוצָ֔צוּ פֶּֽן־יֶחְזְק֖וּ מֹֽוסְרֵיכֶ֑ם כִּֽי־כָלָ֨ה וְנֶחֱרָצָ֜ה שָׁמַ֗עְתִּי מֵאֵ֨ת אֲדֹנָ֧י יְהוִ֛ה צְבָאֹ֖ות עַל־כָּל־הָאָֽרֶץ׃ weʿatah ʾal־titelowtsatsu pen־yeḥezequ mowsereykhem kiy־khalah weneḥeratsah shamaʿetiy meʾet ʾadonay yehwih tsevaʾowt ʿal־kal־haʾarets׃

²³ הַאֲזִ֥ינוּ וְשִׁמְע֖וּ קֹולִ֑י הַקְשִׁ֥יבוּ וְשִׁמְע֖וּ אִמְרָתִֽי׃ haʾaziynu weshimeʿu qowliy haqeshiyvu weshimeʿu ʾimeratiy׃

²⁴ הֲכֹ֣ל הַיֹּ֔ום יַחֲרֹ֥שׁ הַחֹרֵ֖שׁ לִזְרֹ֑עַ יְפַתַּ֥ח וִֽישַׂדֵּ֖ד אַדְמָתֹֽו׃ hakhol hayowm yaḥarosh haḥoresh lizeroaʿ yefataḥ wiysaded ʾadematow׃

²⁵ הֲלֹוא֙ אִם־שִׁוָּ֣ה פָנֶ֔יהָ וְהֵפִ֥יץ קֶ֖צַח וְכַמֹּ֣ן יִזְרֹ֑ק וְשָׂ֨ם חִטָּ֤ה שֹׂורָה֙ וּשְׂעֹרָ֣ה נִסְמָ֔ן וְכֻסֶּ֖מֶת גְּבֻלָתֹֽו׃ halowʾ ʾim־shiuah faneyha wehefiyts qetsaḥ wekhamon yizeroq wesam ḥiṭah sowrah useʿorah niseman wekhusemet gevulatow׃

²⁶ וְיִסְּרֹ֥ו לַמִּשְׁפָּ֖ט אֱלֹהָ֥יו יֹורֶֽנּוּ׃ weyiserow lamishepaṭ ʾelohayw yowrenu׃

²⁷ כִּ֣י לֹ֤א בֶֽחָרוּץ֙ י֣וּדַשׁ קֶ֔צַח וְאֹופַ֣ן עֲגָלָ֔ה עַל־כַּמֹּ֖ן יוּסָּ֑ב כִּ֧י בַמַּטֶּ֛ה יֵחָ֥בֶט קֶ֖צַח וְכַמֹּ֥ן בַּשָּֽׁבֶט׃ kiy loʾ veḥaruts yudash qetsaḥ weʾowfan ʿagalah ʿal־kamon yusav kiy vamaṭeh yeḥaveṭ qetsaḥ wekhamon bashaveṭ׃

²⁸ לֶ֣חֶם יוּדָ֔ק כִּ֛י לֹ֥א לָנֶ֖צַח אָדֹ֣ושׁ יְדוּשֶׁ֑נּוּ וְ֠הָמַם גִּלְגַּ֧ל עֶגְלָתֹ֛ו וּפָרָשָׁ֖יו לֹֽא־יְדֻקֶּֽנּוּ׃ leḥem yudaq kiy loʾ lanetsaḥ ʾadowsh yedushenu wehamam gilegal ʿegelatow ufarashayw loʾ־yeduqenu׃

²⁹ גַּם־זֹ֕את מֵעִ֛ם יְהוָ֥ה צְבָאֹ֖ות יָצָ֑אָה הִפְלִ֣יא עֵצָ֔ה הִגְדִּ֖יל תּוּשִׁיָּֽה׃ ס gam־zoʾt meʿim yehwah tsevaʾowt yatsaʾah hifeliyʾ ʿetsah higediyl tushiyah׃ s