Ésaïe 47

¹ רְדִ֣י ׀ וּשְׁבִ֣י עַל־עָפָ֗ר בְּתוּלַת֙ בַּת־בָּבֶ֔ל שְׁבִי־לָאָ֥רֶץ אֵין־כִּסֵּ֖א בַּת־כַּשְׂדִּ֑ים כִּ֣י לֹ֤א תֹוסִ֙יפִי֙ יִקְרְאוּ־לָ֔ךְ רַכָּ֖ה וַעֲנֻגָּֽה׃ rediy ׀ usheviy ʿal־ʿafar betulat bat־bavel sheviy־laʾarets ʾeyn־kiseʾ bat־kasediym kiy loʾ towsiyfiy yiqereʾu־lakhe rakah waʿanugah׃

² קְחִ֥י רֵחַ֖יִם וְטַ֣חֲנִי קָ֑מַח גַּלִּ֨י צַמָּתֵ֧ךְ חֶשְׂפִּי־שֹׁ֛בֶל גַּלִּי־שֹׁ֖וק עִבְרִ֥י נְהָרֹֽות׃ qeḥiy reḥayim weṭaḥaniy qamaḥ galiy tsamatekhe ḥesepiy־shovel galiy־showq ʿiveriy neharowt׃

³ תִּגָּל֙ עֶרְוָתֵ֔ךְ גַּ֥ם תֵּרָאֶ֖ה חֶרְפָּתֵ֑ךְ נָקָ֣ם אֶקָּ֔ח וְלֹ֥א אֶפְגַּ֖ע אָדָֽם׃ ס tigal ʿerewatekhe gam teraʾeh ḥerepatekhe naqam ʾeqaḥ weloʾ ʾefegaʿ ʾadam׃ s

⁴ גֹּאֲלֵ֕נוּ יְהוָ֥ה צְבָאֹ֖ות שְׁמֹ֑ו קְדֹ֖ושׁ יִשְׂרָאֵֽל׃ goʾalenu yehwah tsevaʾowt shemow qedowsh yiseraʾel׃

⁵ שְׁבִ֥י דוּמָ֛ם וּבֹ֥אִי בַחֹ֖שֶׁךְ בַּת־כַּשְׂדִּ֑ים כִּ֣י לֹ֤א תֹוסִ֙יפִי֙ יִקְרְאוּ־לָ֔ךְ גְּבֶ֖רֶת מַמְלָכֹֽות׃ sheviy dumam uvoʾiy vaḥoshekhe bat־kasediym kiy loʾ towsiyfiy yiqereʾu־lakhe geveret mamelakhowt׃

⁶ קָצַ֣פְתִּי עַל־עַמִּ֗י חִלַּ֙לְתִּי֙ נַחֲלָתִ֔י וָאֶתְּנֵ֖ם בְּיָדֵ֑ךְ לֹא־שַׂ֤מְתְּ לָהֶם֙ רַחֲמִ֔ים עַל־זָקֵ֕ן הִכְבַּ֥דְתְּ עֻלֵּ֖ךְ מְאֹֽד׃ qatsafetiy ʿal־ʿamiy ḥilaletiy naḥalatiy waʾetenem beyadekhe loʾ־samete lahem raḥamiym ʿal־zaqen hikhebadete ʿulekhe meʾod׃

⁷ וַתֹּ֣אמְרִ֔י לְעֹולָ֖ם אֶהְיֶ֣ה גְבָ֑רֶת עַ֣ד לֹא־שַׂ֥מְתְּ אֵ֙לֶּה֙ עַל־לִבֵּ֔ךְ לֹ֥א זָכַ֖רְתְּ אַחֲרִיתָֽהּ׃ ס watoʾmeriy leʿowlam ʾeheyeh gevaret ʿad loʾ־samete ʾeleh ʿal־libekhe loʾ zakharete ʾaḥariytah׃ s

⁸ וְעַתָּ֞ה שִׁמְעִי־זֹ֤את עֲדִינָה֙ הַיֹּושֶׁ֣בֶת לָבֶ֔טַח הָאֹֽמְרָה֙ בִּלְבָ֔בָהּ אֲנִ֖י וְאַפְסִ֣י עֹ֑וד לֹ֤א אֵשֵׁב֙ אַלְמָנָ֔ה וְלֹ֥א אֵדַ֖ע שְׁכֹֽול׃ weʿatah shimeʿiy־zoʾt ʿadiynah hayowshevet laveṭaḥ haʾomerah bilevavah ʾaniy weʾafesiy ʿowd loʾ ʾeshev ʾalemanah weloʾ ʾedaʿ shekhowl׃

⁹ וְתָבֹאנָה֩ לָּ֨ךְ שְׁתֵּי־אֵ֥לֶּה רֶ֛גַע בְּיֹ֥ום אֶחָ֖ד שְׁכֹ֣ול וְאַלְמֹ֑ן כְּתֻמָּם֙ בָּ֣אוּ עָלַ֔יִךְ בְּרֹ֣ב כְּשָׁפַ֔יִךְ בְּעָצְמַ֥ת חֲבָרַ֖יִךְ מְאֹֽד׃ wetavoʾnah lakhe shetey־ʾeleh regaʿ beyowm ʾeḥad shekhowl weʾalemon ketumam baʾu ʿalayikhe berov keshafayikhe beʿatsemat ḥavarayikhe meʾod׃

¹⁰ וַתִּבְטְחִ֣י בְרָעָתֵ֗ךְ אָמַרְתְּ֙ אֵ֣ין רֹאָ֔נִי חָכְמָתֵ֥ךְ וְדַעְתֵּ֖ךְ הִ֣יא שֹׁובְבָ֑תֶךְ וַתֹּאמְרִ֣י בְלִבֵּ֔ךְ אֲנִ֖י וְאַפְסִ֥י עֹֽוד׃ wativeṭeḥiy veraʿatekhe ʾamarete ʾeyn roʾaniy ḥakhematekhe wedaʿetekhe hiyʾ showvevatekhe watoʾmeriy velibekhe ʾaniy weʾafesiy ʿowd׃

¹¹ וּבָ֧א עָלַ֣יִךְ רָעָ֗ה לֹ֤א תֵדְעִי֙ שַׁחְרָ֔הּ וְתִפֹּ֤ל עָלַ֙יִךְ֙ הֹוָ֔ה לֹ֥א תוּכְלִ֖י כַּפְּרָ֑הּ וְתָבֹ֨א עָלַ֧יִךְ פִּתְאֹ֛ם שֹׁואָ֖ה לֹ֥א תֵדָֽעִי׃ uvaʾ ʿalayikhe raʿah loʾ tedeʿiy shaḥerah wetipol ʿalayikhe howah loʾ tukheliy kaperah wetavoʾ ʿalayikhe piteʾom showʾah loʾ tedaʿiy׃

¹² עִמְדִי־נָ֤א בַחֲבָרַ֙יִךְ֙ וּבְרֹ֣ב כְּשָׁפַ֔יִךְ בַּאֲשֶׁ֥ר יָגַ֖עַתְּ מִנְּעוּרָ֑יִךְ אוּלַ֛י תּוּכְלִ֥י הֹועִ֖יל אוּלַ֥י תַּעֲרֹֽוצִי׃ ʿimediy־naʾ vaḥavarayikhe uverov keshafayikhe baʾasher yagaʿate mineʿurayikhe ʾulay tukheliy howʿiyl ʾulay taʿarowtsiy׃

¹³ נִלְאֵ֖ית בְּרֹ֣ב עֲצָתָ֑יִךְ יַעַמְדוּ־נָ֨א וְיֹושִׁיעֻ֜ךְ [הָבְרוּ כ] (הֹבְרֵ֣י ק) שָׁמַ֗יִם הַֽחֹזִים֙ בַּכֹּ֣וכָבִ֔ים מֹֽודִיעִם֙ לֶחֳדָשִׁ֔ים מֵאֲשֶׁ֥ר יָבֹ֖אוּ עָלָֽיִךְ׃ nileʾeyt berov ʿatsatayikhe yaʿamedu־naʾ weyowshiyʿukhe [haveru kh] (hoverey q) shamayim haḥoziym bakowkhaviym mowdiyʿim leḥodashiym meʾasher yavoʾu ʿalayikhe׃

¹⁴ הִנֵּ֨ה הָי֤וּ כְקַשׁ֙ אֵ֣שׁ שְׂרָפָ֔תַם לֹֽא־יַצִּ֥ילוּ אֶת־נַפְשָׁ֖ם מִיַּ֣ד לֶֽהָבָ֑ה אֵין־גַּחֶ֣לֶת לַחְמָ֔ם א֖וּר לָשֶׁ֥בֶת נֶגְדֹּֽו׃ hineh hayu kheqash ʾesh serafatam loʾ־yatsiylu ʾet־nafesham miyad lehavah ʾeyn־gaḥelet laḥemam ʾur lashevet negedow׃

¹⁵ כֵּ֥ן הָיוּ־לָ֖ךְ אֲשֶׁ֣ר יָגָ֑עַתְּ סֹחֲרַ֣יִךְ מִנְּעוּרַ֗יִךְ אִ֤ישׁ לְעֶבְרֹו֙ תָּע֔וּ אֵ֖ין מֹושִׁיעֵֽךְ׃ ס ken hayu־lakhe ʾasher yagaʿate soḥarayikhe mineʿurayikhe ʾiysh leʿeverow taʿu ʾeyn mowshiyʿekhe׃ s