Esther 9

¹ וּבִשְׁנֵים֩ עָשָׂ֨ר חֹ֜דֶשׁ הוּא־חֹ֣דֶשׁ אֲדָ֗ר בִּשְׁלֹושָׁ֨ה עָשָׂ֥ר יֹום֙ בֹּ֔ו אֲשֶׁ֨ר הִגִּ֧יעַ דְּבַר־הַמֶּ֛לֶךְ וְדָתֹ֖ו לְהֵעָשֹׂ֑ות בַּיֹּ֗ום אֲשֶׁ֨ר שִׂבְּר֜וּ אֹיְבֵ֤י הַיְּהוּדִים֙ לִשְׁלֹ֣וט בָּהֶ֔ם וְנַהֲפֹ֣וךְ ה֔וּא אֲשֶׁ֨ר יִשְׁלְט֧וּ הַיְּהוּדִ֛ים הֵ֖מָּה בְּשֹׂנְאֵיהֶֽם׃ uvisheneym ʿasar ḥodesh huʾ־ḥodesh ʾadar bishelowshah ʿasar yowm bow ʾasher higiyʿa devar־hamelekhe wedatow leheʿasowt bayowm ʾasher siberu ʾoyevey hayehudiym lishelowṭ bahem wenahafowkhe huʾ ʾasher yisheleṭu hayehudiym hemah besoneʾeyhem׃

² נִקְהֲל֨וּ הַיְּהוּדִ֜ים בְּעָרֵיהֶ֗ם בְּכָל־מְדִינֹות֙ הַמֶּ֣לֶךְ אֳחַשְׁוֵרֹ֔ושׁ לִשְׁלֹ֣חַ יָ֔ד בִּמְבַקְשֵׁ֖י רָֽעָתָ֑ם וְאִישׁ֙ לֹא־עָמַ֣ד לִפְנֵיהֶ֔ם כִּֽי־נָפַ֥ל פַּחְדָּ֖ם עַל־כָּל־הָעַמִּֽים׃ niqehalu hayehudiym beʿareyhem bekhal־mediynowt hamelekhe ʾoḥashewerowsh lisheloaḥ yad bimevaqeshey raʿatam weʾiysh loʾ־ʿamad lifeneyhem kiy־nafal paḥedam ʿal־kal־haʿamiym׃

³ וְכָל־שָׂרֵ֨י הַמְּדִינֹ֜ות וְהָאֲחַשְׁדַּרְפְּנִ֣ים וְהַפַּחֹ֗ות וְעֹשֵׂ֤י הַמְּלָאכָה֙ אֲשֶׁ֣ר לַמֶּ֔לֶךְ מְנַשְּׂאִ֖ים אֶת־הַיְּהוּדִ֑ים כִּֽי־נָפַ֥ל פַּֽחַד־מָרְדֳּכַ֖י עֲלֵיהֶֽם׃ wekhal־sarey hamediynowt wehaʾaḥashedarepeniym wehapaḥowt weʿosey hamelaʾkhah ʾasher lamelekhe menaseʾiym ʾet־hayehudiym kiy־nafal paḥad־maredokhay ʿaleyhem׃

⁴ כִּֽי־גָ֤דֹול מָרְדֳּכַי֙ בְּבֵ֣ית הַמֶּ֔לֶךְ וְשָׁמְעֹ֖ו הֹולֵ֣ךְ בְּכָל־הַמְּדִינֹ֑ות כִּֽי־הָאִ֥ישׁ מָרְדֳּכַ֖י הֹולֵ֥ךְ וְגָדֹֽול׃ פ kiy־gadowl maredokhay beveyt hamelekhe weshameʿow howlekhe bekhal־hamediynowt kiy־haʾiysh maredokhay howlekhe wegadowl׃ f

⁵ וַיַּכּ֤וּ הַיְּהוּדִים֙ בְּכָל־אֹ֣יְבֵיהֶ֔ם מַכַּת־חֶ֥רֶב וְהֶ֖רֶג וְאַבְדָ֑ן וַיַּֽעֲשׂ֥וּ בְשֹׂנְאֵיהֶ֖ם כִּרְצֹונָֽם׃ wayaku hayehudiym bekhal־ʾoyeveyhem makat־ḥerev wehereg weʾavedan wayaʿasu vesoneʾeyhem kiretsownam׃

⁶ וּבְשׁוּשַׁ֣ן הַבִּירָ֗ה הָרְג֤וּ הַיְּהוּדִים֙ וְאַבֵּ֔ד חֲמֵ֥שׁ מֵאֹ֖ות אִֽישׁ׃ uveshushan habiyrah haregu hayehudiym weʾabed ḥamesh meʾowt ʾiysh׃

⁷ וְאֵ֧ת ׀ פַּרְשַׁנְדָּ֛תָא וְאֵ֥ת ׀ דַּֽלְפֹ֖ון וְאֵ֥ת ׀ אַסְפָּֽתָא׃ weʾet ׀ pareshanedataʾ weʾet ׀ dalefown weʾet ׀ ʾasepataʾ׃

⁸ וְאֵ֧ת ׀ פֹּורָ֛תָא וְאֵ֥ת ׀ אֲדַלְיָ֖א וְאֵ֥ת ׀ אֲרִידָֽתָא׃ weʾet ׀ powrataʾ weʾet ׀ ʾadaleyaʾ weʾet ׀ ʾariydataʾ׃

⁹ וְאֵ֤ת ׀ פַּרְמַ֙שְׁתָּא֙ וְאֵ֣ת ׀ אֲרִיסַ֔י וְאֵ֥ת ׀ אֲרִדַ֖י וְאֵ֥ת ׀ וַיְזָֽתָא׃ weʾet ׀ paremashetaʾ weʾet ׀ ʾariysay weʾet ׀ ʾariday weʾet ׀ wayezataʾ׃

¹⁰ עֲ֠שֶׂרֶת בְּנֵ֨י הָמָ֧ן בֶּֽן־הַמְּדָ֛תָא צֹרֵ֥ר הַיְּהוּדִ֖ים הָרָ֑גוּ וּבַ֨בִּזָּ֔ה לֹ֥א שָׁלְח֖וּ אֶת־יָדָֽם׃ ʿaseret beney haman ben־hamedataʾ tsorer hayehudiym haragu uvabizah loʾ shaleḥu ʾet־yadam׃

¹¹ בַּיֹּ֣ום הַה֗וּא בָּ֣א מִסְפַּ֧ר הַֽהֲרוּגִ֛ים בְּשׁוּשַׁ֥ן הַבִּירָ֖ה לִפְנֵ֥י הַמֶּֽלֶךְ׃ ס bayowm hahuʾ baʾ misepar haharugiym beshushan habiyrah lifeney hamelekhe׃ s

¹² וַיֹּ֨אמֶר הַמֶּ֜לֶךְ לְאֶסְתֵּ֣ר הַמַּלְכָּ֗ה בְּשׁוּשַׁ֣ן הַבִּירָ֡ה הָרְגוּ֩ הַיְּהוּדִ֨ים וְאַבֵּ֜ד חֲמֵ֧שׁ מֵאֹ֣ות אִ֗ישׁ וְאֵת֙ עֲשֶׂ֣רֶת בְּנֵֽי־הָמָ֔ן בִּשְׁאָ֛ר מְדִינֹ֥ות הַמֶּ֖לֶךְ מֶ֣ה עָשׂ֑וּ וּמַה־שְּׁאֵֽלָתֵךְ֙ וְיִנָּ֣תֵֽן לָ֔ךְ וּמַה־בַּקָּשָׁתֵ֥ךְ עֹ֖וד וְתֵעָֽשׂ׃ wayoʾmer hamelekhe leʾeseter hamalekah beshushan habiyrah haregu hayehudiym weʾabed ḥamesh meʾowt ʾiysh weʾet ʿaseret beney־haman bisheʾar mediynowt hamelekhe meh ʿasu umah־sheʾelatekhe weyinaten lakhe umah־baqashatekhe ʿowd weteʿas׃

¹³ וַתֹּ֤אמֶר אֶסְתֵּר֙ אִם־עַל־הַמֶּ֣לֶךְ טֹ֔וב יִנָּתֵ֣ן גַּם־מָחָ֗ר לַיְּהוּדִים֙ אֲשֶׁ֣ר בְּשׁוּשָׁ֔ן לַעֲשֹׂ֖ות כְּדָ֣ת הַיֹּ֑ום וְאֵ֛ת עֲשֶׂ֥רֶת בְּנֵֽי־הָמָ֖ן יִתְל֥וּ עַל־הָעֵֽץ׃ watoʾmer ʾeseter ʾim־ʿal־hamelekhe ṭowv yinaten gam־maḥar layehudiym ʾasher beshushan laʿasowt kedat hayowm weʾet ʿaseret beney־haman yitelu ʿal־haʿets׃

¹⁴ וַיֹּ֤אמֶר הַמֶּ֙לֶךְ֙ לְהֵֽעָשֹׂ֣ות כֵּ֔ן וַתִּנָּתֵ֥ן דָּ֖ת בְּשׁוּשָׁ֑ן וְאֵ֛ת עֲשֶׂ֥רֶת בְּנֵֽי־הָמָ֖ן תָּלֽוּ׃ wayoʾmer hamelekhe leheʿasowt ken watinaten dat beshushan weʾet ʿaseret beney־haman talu׃

¹⁵ וַיִּֽקָּהֲל֞וּ [הַיְּהוּדִיִּים כ] (הַיְּהוּדִ֣ים ק) אֲשֶׁר־בְּשׁוּשָׁ֗ן גַּ֠ם בְּיֹ֣ום אַרְבָּעָ֤ה עָשָׂר֙ לְחֹ֣דֶשׁ אֲדָ֔ר וַיַּֽהַרְג֣וּ בְשׁוּשָׁ֔ן שְׁלֹ֥שׁ מֵאֹ֖ות אִ֑ישׁ וּבַ֨בִּזָּ֔ה לֹ֥א שָׁלְח֖וּ אֶת־יָדָֽם׃ wayiqahalu [hayehudiyiym kh] (hayehudiym q) ʾasher־beshushan gam beyowm ʾarebaʿah ʿasar leḥodesh ʾadar wayaharegu veshushan shelosh meʾowt ʾiysh uvabizah loʾ shaleḥu ʾet־yadam׃

¹⁶ וּשְׁאָ֣ר הַיְּהוּדִ֡ים אֲשֶׁר֩ בִּמְדִינֹ֨ות הַמֶּ֜לֶךְ נִקְהֲל֣וּ ׀ וְעָמֹ֣ד עַל־נַפְשָׁ֗ם וְנֹ֙וחַ֙ מֵאֹ֣יְבֵיהֶ֔ם וְהָרֹג֙ בְּשֹׂ֣נְאֵיהֶ֔ם חֲמִשָּׁ֥ה וְשִׁבְעִ֖ים אָ֑לֶף וּבַ֨בִּזָּ֔ה לֹ֥א שָֽׁלְח֖וּ אֶת־יָדָֽם׃ usheʾar hayehudiym ʾasher bimediynowt hamelekhe niqehalu ׀ weʿamod ʿal־nafesham wenowḥa meʾoyeveyhem weharog besoneʾeyhem ḥamishah weshiveʿiym ʾalef uvabizah loʾ shaleḥu ʾet־yadam׃

¹⁷ בְּיֹום־שְׁלֹשָׁ֥ה עָשָׂ֖ר לְחֹ֣דֶשׁ אֲדָ֑ר וְנֹ֗וחַ בְּאַרְבָּעָ֤ה עָשָׂר֙ בֹּ֔ו וְעָשֹׂ֣ה אֹתֹ֔ו יֹ֖ום מִשְׁתֶּ֥ה וְשִׂמְחָֽה׃ beyowm־sheloshah ʿasar leḥodesh ʾadar wenowḥa beʾarebaʿah ʿasar bow weʿasoh ʾotow yowm misheteh wesimeḥah׃

¹⁸ [וְהַיְּהוּדִיִּים כ] (וְהַיְּהוּדִ֣ים ק) אֲשֶׁר־בְּשׁוּשָׁ֗ן נִקְהֲלוּ֙ בִּשְׁלֹשָׁ֤ה עָשָׂר֙ בֹּ֔ו וּבְאַרְבָּעָ֥ה עָשָׂ֖ר בֹּ֑ו וְנֹ֗וחַ בַּחֲמִשָּׁ֤ה עָשָׂר֙ בֹּ֔ו וְעָשֹׂ֣ה אֹתֹ֔ו יֹ֖ום מִשְׁתֶּ֥ה וְשִׂמְחָֽה׃ [wehayehudiyiym kh] (wehayehudiym q) ʾasher־beshushan niqehalu bisheloshah ʿasar bow uveʾarebaʿah ʿasar bow wenowḥa baḥamishah ʿasar bow weʿasoh ʾotow yowm misheteh wesimeḥah׃

¹⁹ עַל־כֵּ֞ן הַיְּהוּדִ֣ים [הַפְּרֹוזִים כ] (הַפְּרָזִ֗ים ק) הַיֹּשְׁבִים֮ בְּעָרֵ֣י הַפְּרָזֹות֒ עֹשִׂ֗ים אֵ֠ת יֹ֣ום אַרְבָּעָ֤ה עָשָׂר֙ לְחֹ֣דֶשׁ אֲדָ֔ר שִׂמְחָ֥ה וּמִשְׁתֶּ֖ה וְיֹ֣ום טֹ֑וב וּמִשְׁלֹ֥וחַ מָנֹ֖ות אִ֥ישׁ לְרֵעֵֽהוּ׃ פ ʿal־ken hayehudiym [haperowziym kh] (haperaziym q) hayosheviym beʿarey haperazowt ʿosiym ʾet yowm ʾarebaʿah ʿasar leḥodesh ʾadar simeḥah umisheteh weyowm ṭowv umishelowḥa manowt ʾiysh lereʿehu׃ f

²⁰ וַיִּכְתֹּ֣ב מָרְדֳּכַ֔י אֶת־הַדְּבָרִ֖ים הָאֵ֑לֶּה וַיִּשְׁלַ֨ח סְפָרִ֜ים אֶל־כָּל־הַיְּהוּדִ֗ים אֲשֶׁר֙ בְּכָל־מְדִינֹות֙ הַמֶּ֣לֶךְ אֲחַשְׁוֵרֹ֔ושׁ הַקְּרֹובִ֖ים וְהָרְחֹוקִֽים׃ wayikhetov maredokhay ʾet־hadevariym haʾeleh wayishelaḥ sefariym ʾel־kal־hayehudiym ʾasher bekhal־mediynowt hamelekhe ʾaḥashewerowsh haqerowviym wehareḥowqiym׃

²¹ לְקַיֵּם֮ עֲלֵיהֶם֒ לִהְיֹ֣ות עֹשִׂ֗ים אֵ֠ת יֹ֣ום אַרְבָּעָ֤ה עָשָׂר֙ לְחֹ֣דֶשׁ אֲדָ֔ר וְאֵ֛ת יֹום־חֲמִשָּׁ֥ה עָשָׂ֖ר בֹּ֑ו בְּכָל־שָׁנָ֖ה וְשָׁנָֽה׃ leqayem ʿaleyhem liheyowt ʿosiym ʾet yowm ʾarebaʿah ʿasar leḥodesh ʾadar weʾet yowm־ḥamishah ʿasar bow bekhal־shanah weshanah׃

²² כַּיָּמִ֗ים אֲשֶׁר־נָ֨חוּ בָהֶ֤ם הַיְּהוּדִים֙ מֵאֹ֣ויְבֵיהֶ֔ם וְהַחֹ֗דֶשׁ אֲשֶׁר֩ נֶהְפַּ֨ךְ לָהֶ֤ם מִיָּגֹון֙ לְשִׂמְחָ֔ה וּמֵאֵ֖בֶל לְיֹ֣ום טֹ֑וב לַעֲשֹׂ֣ות אֹותָ֗ם יְמֵי֙ מִשְׁתֶּ֣ה וְשִׂמְחָ֔ה וּמִשְׁלֹ֤וחַ מָנֹות֙ אִ֣ישׁ לְרֵעֵ֔הוּ וּמַתָּנֹ֖ות לָֽאֶבְיֹונִֽים׃ kayamiym ʾasher־naḥu vahem hayehudiym meʾowyeveyhem wehaḥodesh ʾasher nehepakhe lahem miyagown lesimeḥah umeʾevel leyowm ṭowv laʿasowt ʾowtam yemey misheteh wesimeḥah umishelowḥa manowt ʾiysh lereʿehu umatanowt laʾeveyowniym׃

²³ וְקִבֵּל֙ הַיְּהוּדִ֔ים אֵ֥ת אֲשֶׁר־הֵחֵ֖לּוּ לַעֲשֹׂ֑ות וְאֵ֛ת אֲשֶׁר־כָּתַ֥ב מָרְדֳּכַ֖י אֲלֵיהֶֽם׃ weqibel hayehudiym ʾet ʾasher־heḥelu laʿasowt weʾet ʾasher־katav maredokhay ʾaleyhem׃

²⁴ כִּי֩ הָמָ֨ן בֶּֽן־הַמְּדָ֜תָא הָֽאֲגָגִ֗י צֹרֵר֙ כָּל־הַיְּהוּדִ֔ים חָשַׁ֥ב עַל־הַיְּהוּדִ֖ים לְאַבְּדָ֑ם וְהִפִּ֥יל פּוּר֙ ה֣וּא הַגֹּורָ֔ל לְהֻמָּ֖ם וּֽלְאַבְּדָֽם׃ kiy haman ben־hamedataʾ haʾagagiy tsorer kal־hayehudiym ḥashav ʿal־hayehudiym leʾabedam wehipiyl pur huʾ hagowral lehumam uleʾabedam׃

²⁵ וּבְבֹאָהּ֮ לִפְנֵ֣י הַמֶּלֶךְ֒ אָמַ֣ר עִם־הַסֵּ֔פֶר יָשׁ֞וּב מַחֲשַׁבְתֹּ֧ו הָרָעָ֛ה אֲשֶׁר־חָשַׁ֥ב עַל־הַיְּהוּדִ֖ים עַל־רֹאשֹׁ֑ו וְתָל֥וּ אֹתֹ֛ו וְאֶת־בָּנָ֖יו עַל־הָעֵֽץ׃ uvevoʾah lifeney hamelekhe ʾamar ʿim־hasefer yashuv maḥashavetow haraʿah ʾasher־ḥashav ʿal־hayehudiym ʿal־roʾshow wetalu ʾotow weʾet־banayw ʿal־haʿets׃

²⁶ עַל־כֵּ֡ן קָֽרְאוּ֩ לַיָּמִ֨ים הָאֵ֤לֶּה פוּרִים֙ עַל־שֵׁ֣ם הַפּ֔וּר עַל־כֵּ֕ן עַל־כָּל־דִּבְרֵ֖י הָאִגֶּ֣רֶת הַזֹּ֑את וּמָֽה־רָא֣וּ עַל־כָּ֔כָה וּמָ֥ה הִגִּ֖יעַ אֲלֵיהֶֽם׃ ʿal־ken qareʾu layamiym haʾeleh furiym ʿal־shem hapur ʿal־ken ʿal־kal־diverey haʾigeret hazoʾt umah־raʾu ʿal־kakhah umah higiyʿa ʾaleyhem׃

²⁷ קִיְּמ֣וּ [וְקִבֵּל כ] (וְקִבְּל֣וּ ק) הַיְּהוּדִים֩ ׀ עֲלֵיהֶ֨ם ׀ וְעַל־זַרְעָ֜ם וְעַ֨ל כָּל־הַנִּלְוִ֤ים עֲלֵיהֶם֙ וְלֹ֣א יַעֲבֹ֔ור לִהְיֹ֣ות עֹשִׂ֗ים אֵ֣ת שְׁנֵ֤י הַיָּמִים֙ הָאֵ֔לֶּה כִּכְתָבָ֖ם וְכִזְמַנָּ֑ם בְּכָל־שָׁנָ֖ה וְשָׁנָֽה׃ qiyemu [weqibel kh] (weqibelu q) hayehudiym ׀ ʿaleyhem ׀ weʿal־zareʿam weʿal kal־hanilewiym ʿaleyhem weloʾ yaʿavowr liheyowt ʿosiym ʾet sheney hayamiym haʾeleh kikhetavam wekhizemanam bekhal־shanah weshanah׃

²⁸ וְהַיָּמִ֣ים הָ֠אֵלֶּה נִזְכָּרִ֨ים וְנַעֲשִׂ֜ים בְּכָל־דֹּ֣ור וָדֹ֗ור מִשְׁפָּחָה֙ וּמִשְׁפָּחָ֔ה מְדִינָ֥ה וּמְדִינָ֖ה וְעִ֣יר וָעִ֑יר וִימֵ֞י הַפּוּרִ֣ים הָאֵ֗לֶּה לֹ֤א יַֽעַבְרוּ֙ מִתֹּ֣וךְ הַיְּהוּדִ֔ים וְזִכְרָ֖ם לֹא־יָס֥וּף מִזַּרְעָֽם׃ ס wehayamiym haʾeleh nizekariym wenaʿasiym bekhal־dowr wadowr mishepaḥah umishepaḥah mediynah umediynah weʿiyr waʿiyr wiymey hapuriym haʾeleh loʾ yaʿaveru mitowkhe hayehudiym wezikheram loʾ־yasuf mizareʿam׃ s

²⁹ וַ֠תִּכְתֹּב אֶסְתֵּ֨ר הַמַּלְכָּ֧ה בַת־אֲבִיחַ֛יִל וּמָרְדֳּכַ֥י הַיְּהוּדִ֖י אֶת־כָּל־תֹּ֑קֶף לְקַיֵּ֗ם אֵ֣ת אִגֶּ֧רֶת הַפּוּרִ֛ים הַזֹּ֖את הַשֵּׁנִֽית׃ watikhetov ʾeseter hamalekah vat־ʾaviyḥayil umaredokhay hayehudiy ʾet־kal־toqef leqayem ʾet ʾigeret hapuriym hazoʾt hasheniyt׃

³⁰ וַיִּשְׁלַ֨ח סְפָרִ֜ים אֶל־כָּל־הַיְּהוּדִ֗ים אֶל־שֶׁ֨בַע וְעֶשְׂרִ֤ים וּמֵאָה֙ מְדִינָ֔ה מַלְכ֖וּת אֲחַשְׁוֵרֹ֑ושׁ דִּבְרֵ֥י שָׁלֹ֖ום וֶאֱמֶֽת׃ wayishelaḥ sefariym ʾel־kal־hayehudiym ʾel־shevaʿ weʿeseriym umeʾah mediynah malekhut ʾaḥashewerowsh diverey shalowm weʾemet׃

³¹ לְקַיֵּ֡ם אֵת־יְמֵי֩ הַפֻּרִ֨ים הָאֵ֜לֶּה בִּזְמַנֵּיהֶ֗ם כַּאֲשֶׁר֩ קִיַּ֨ם עֲלֵיהֶ֜ם מָרְדֳּכַ֤י הַיְּהוּדִי֙ וְאֶסְתֵּ֣ר הַמַּלְכָּ֔ה וְכַאֲשֶׁ֛ר קִיְּמ֥וּ עַל־נַפְשָׁ֖ם וְעַל־זַרְעָ֑ם דִּבְרֵ֥י הַצֹּמֹ֖ות וְזַעֲקָתָֽם׃ leqayem ʾet־yemey hapuriym haʾeleh bizemaneyhem kaʾasher qiyam ʿaleyhem maredokhay hayehudiy weʾeseter hamalekah wekhaʾasher qiyemu ʿal־nafesham weʿal־zareʿam diverey hatsomowt wezaʿaqatam׃

³² וּמַאֲמַ֣ר אֶסְתֵּ֔ר קִיַּ֕ם דִּבְרֵ֥י הַפֻּרִ֖ים הָאֵ֑לֶּה וְנִכְתָּ֖ב בַּסֵּֽפֶר׃ פ umaʾamar ʾeseter qiyam diverey hapuriym haʾeleh wenikhetav basefer׃ f