2 Rois 5

¹ וְ֠נַעֲמָן שַׂר־צְבָ֨א מֶֽלֶךְ־אֲרָ֜ם הָיָ֣ה אִישׁ֩ גָּדֹ֨ול לִפְנֵ֤י אֲדֹנָיו֙ וּנְשֻׂ֣א פָנִ֔ים כִּֽי־בֹ֛ו נָֽתַן־יְהוָ֥ה תְּשׁוּעָ֖ה לַאֲרָ֑ם וְהָאִ֗ישׁ הָיָ֛ה גִּבֹּ֥ור חַ֖יִל מְצֹרָֽע׃ wenaʿaman sar־tsevaʾ melekhe־ʾaram hayah ʾiysh gadowl lifeney ʾadonayw unesuʾ faniym kiy־vow natan־yehwah teshuʿah laʾaram wehaʾiysh hayah gibowr ḥayil metsoraʿ׃

² וַאֲרָם֙ יָצְא֣וּ גְדוּדִ֔ים וַיִּשְׁבּ֛וּ מֵאֶ֥רֶץ יִשְׂרָאֵ֖ל נַעֲרָ֣ה קְטַנָּ֑ה וַתְּהִ֕י לִפְנֵ֖י אֵ֥שֶׁת נַעֲמָֽן׃ waʾaram yatseʾu gedudiym wayishebu meʾerets yiseraʾel naʿarah qeṭanah watehiy lifeney ʾeshet naʿaman׃

³ וַתֹּ֙אמֶר֙ אֶל־גְּבִרְתָּ֔הּ אַחֲלֵ֣י אֲדֹנִ֔י לִפְנֵ֥י הַנָּבִ֖יא אֲשֶׁ֣ר בְּשֹׁמְרֹ֑ון אָ֛ז יֶאֱסֹ֥ף אֹתֹ֖ו מִצָּרַעְתֹּֽו׃ watoʾmer ʾel־geviretah ʾaḥaley ʾadoniy lifeney hanaviyʾ ʾasher beshomerown ʾaz yeʾesof ʾotow mitsaraʿetow׃

⁴ וַיָּבֹ֕א וַיַּגֵּ֥ד לַאדֹנָ֖יו לֵאמֹ֑ר כָּזֹ֤את וְכָזֹאת֙ דִּבְּרָ֣ה הַֽנַּעֲרָ֔ה אֲשֶׁ֖ר מֵאֶ֥רֶץ יִשְׂרָאֵֽל׃ wayavoʾ wayaged laʾdonayw leʾmor kazoʾt wekhazoʾt diberah hanaʿarah ʾasher meʾerets yiseraʾel׃

⁵ וַיֹּ֤אמֶר מֶֽלֶךְ־אֲרָם֙ לֶךְ־בֹּ֔א וְאֶשְׁלְחָ֥ה סֵ֖פֶר אֶל־מֶ֣לֶךְ יִשְׂרָאֵ֑ל וַיֵּלֶךְ֩ וַיִּקַּ֨ח בְּיָדֹ֜ו עֶ֣שֶׂר כִּכְּרֵי־כֶ֗סֶף וְשֵׁ֤שֶׁת אֲלָפִים֙ זָהָ֔ב וְעֶ֖שֶׂר חֲלִיפֹ֥ות בְּגָדִֽים׃ wayoʾmer melekhe־ʾaram lekhe־boʾ weʾesheleḥah sefer ʾel־melekhe yiseraʾel wayelekhe wayiqaḥ beyadow ʿeser kikerey־khesef wesheshet ʾalafiym zahav weʿeser ḥaliyfowt begadiym׃

⁶ וַיָּבֵ֣א הַסֵּ֔פֶר אֶל־מֶ֥לֶךְ יִשְׂרָאֵ֖ל לֵאמֹ֑ר וְעַתָּ֗ה כְּבֹ֨וא הַסֵּ֤פֶר הַזֶּה֙ אֵלֶ֔יךָ הִנֵּ֨ה שָׁלַ֤חְתִּי אֵלֶ֙יךָ֙ אֶת־נַעֲמָ֣ן עַבְדִּ֔י וַאֲסַפְתֹּ֖ו מִצָּרַעְתֹּֽו׃ wayaveʾ hasefer ʾel־melekhe yiseraʾel leʾmor weʿatah kevowʾ hasefer hazeh ʾeleykha hineh shalaḥetiy ʾeleykha ʾet־naʿaman ʿavediy waʾasafetow mitsaraʿetow׃

⁷ וַיְהִ֡י כִּקְרֹא֩ מֶֽלֶךְ־יִשְׂרָאֵ֨ל אֶת־הַסֵּ֜פֶר וַיִּקְרַ֣ע בְּגָדָ֗יו וַיֹּ֙אמֶר֙ הַאֱלֹהִ֥ים אָ֙נִי֙ לְהָמִ֣ית וּֽלְהַחֲיֹ֔ות כִּֽי־זֶה֙ שֹׁלֵ֣חַ אֵלַ֔י לֶאֱסֹ֥ף אִ֖ישׁ מִצָּֽרַעְתֹּ֑ו כִּ֤י אַךְ־דְּעֽוּ־נָא֙ וּרְא֔וּ כִּֽי־מִתְאַנֶּ֥ה ה֖וּא לִֽי׃ wayehiy kiqeroʾ melekhe־yiseraʾel ʾet־hasefer wayiqeraʿ begadayw wayoʾmer haʾelohiym ʾaniy lehamiyt ulehaḥayowt kiy־zeh sholeaḥ ʾelay leʾesof ʾiysh mitsaraʿetow kiy ʾakhe־deʿu־naʾ ureʾu kiy־miteʾaneh huʾ liy׃

⁸ וַיְהִ֞י כִּשְׁמֹ֣עַ ׀ אֱלִישָׁ֣ע אִישׁ־הָאֱלֹהִ֗ים כִּֽי־קָרַ֤ע מֶֽלֶךְ־יִשְׂרָאֵל֙ אֶת־בְּגָדָ֔יו וַיִּשְׁלַח֙ אֶל־הַמֶּ֣לֶךְ לֵאמֹ֔ר לָ֥מָּה קָרַ֖עְתָּ בְּגָדֶ֑יךָ יָבֹֽא־נָ֣א אֵלַ֔י וְיֵדַ֕ע כִּ֛י יֵ֥שׁ נָבִ֖יא בְּיִשְׂרָאֵֽל׃ wayehiy kishemoaʿ ׀ ʾeliyshaʿ ʾiysh־haʾelohiym kiy־qaraʿ melekhe־yiseraʾel ʾet־begadayw wayishelaḥ ʾel־hamelekhe leʾmor lamah qaraʿeta begadeykha yavoʾ־naʾ ʾelay weyedaʿ kiy yesh naviyʾ beyiseraʾel׃

⁹ וַיָּבֹ֥א נַעֲמָ֖ן [בְּסוּסֹו כ] (בְּסוּסָ֣יו ק) וּבְרִכְבֹּ֑ו וַיַּעֲמֹ֥ד פֶּֽתַח־הַבַּ֖יִת לֶאֱלִישָֽׁע׃ wayavoʾ naʿaman [besusow kh] (besusayw q) uverikhebow wayaʿamod petaḥ־habayit leʾeliyshaʿ׃

¹⁰ וַיִּשְׁלַ֥ח אֵלָ֛יו אֱלִישָׁ֖ע מַלְאָ֣ךְ לֵאמֹ֑ר הָלֹ֗וךְ וְרָחַצְתָּ֤ שֶֽׁבַע־פְּעָמִים֙ בַּיַּרְדֵּ֔ן וְיָשֹׁ֧ב בְּשָׂרְךָ֛ לְךָ֖ וּטְהָֽר׃ wayishelaḥ ʾelayw ʾeliyshaʿ maleʾakhe leʾmor halowkhe weraḥatseta shevaʿ־peʿamiym bayareden weyashov besarekha lekha uṭehar׃

¹¹ וַיִּקְצֹ֥ף נַעֲמָ֖ן וַיֵּלַ֑ךְ וַיֹּאמֶר֩ הִנֵּ֨ה אָמַ֜רְתִּי אֵלַ֣י ׀ יֵצֵ֣א יָצֹ֗וא וְעָמַד֙ וְקָרָא֙ בְּשֵׁם־יְהוָ֣ה אֱלֹהָ֔יו וְהֵנִ֥יף יָדֹ֛ו אֶל־הַמָּקֹ֖ום וְאָסַ֥ף הַמְּצֹרָֽע׃ wayiqetsof naʿaman wayelakhe wayoʾmer hineh ʾamaretiy ʾelay ׀ yetseʾ yatsowʾ weʿamad weqaraʾ beshem־yehwah ʾelohayw weheniyf yadow ʾel־hamaqowm weʾasaf hametsoraʿ׃

¹² הֲלֹ֡א טֹוב֩ [אֲבָנָה כ] (אֲמָנָ֨ה ק) וּפַרְפַּ֜ר נַהֲרֹ֣ות דַּמֶּ֗שֶׂק מִכֹּל֙ מֵימֵ֣י יִשְׂרָאֵ֔ל הֲלֹֽא־אֶרְחַ֥ץ בָּהֶ֖ם וְטָהָ֑רְתִּי וַיִּ֖פֶן וַיֵּ֥לֶךְ בְּחֵמָֽה׃ haloʾ ṭowv [ʾavanah kh] (ʾamanah q) ufarepar naharowt dameseq mikol meymey yiseraʾel haloʾ־ʾereḥats bahem weṭaharetiy wayifen wayelekhe beḥemah׃

¹³ וַיִּגְּשׁ֣וּ עֲבָדָיו֮ וַיְדַבְּר֣וּ אֵלָיו֒ וַיֹּאמְר֗וּ אָבִי֙ דָּבָ֣ר גָּדֹ֗ול הַנָּבִ֛יא דִּבֶּ֥ר אֵלֶ֖יךָ הֲלֹ֣וא תַעֲשֶׂ֑ה וְאַ֛ף כִּֽי־אָמַ֥ר אֵלֶ֖יךָ רְחַ֥ץ וּטְהָֽר׃ wayigeshu ʿavadayw wayedaberu ʾelayw wayoʾmeru ʾaviy davar gadowl hanaviyʾ diber ʾeleykha halowʾ taʿaseh weʾaf kiy־ʾamar ʾeleykha reḥats uṭehar׃

¹⁴ וַיֵּ֗רֶד וַיִּטְבֹּ֤ל בַּיַּרְדֵּן֙ שֶׁ֣בַע פְּעָמִ֔ים כִּדְבַ֖ר אִ֣ישׁ הָאֱלֹהִ֑ים וַיָּ֣שָׁב בְּשָׂרֹ֗ו כִּבְשַׂ֛ר נַ֥עַר קָטֹ֖ן וַיִּטְהָֽר׃ wayered wayiṭebol bayareden shevaʿ peʿamiym kidevar ʾiysh haʾelohiym wayashav besarow kivesar naʿar qaṭon wayiṭehar׃

¹⁵ וַיָּשָׁב֩ אֶל־אִ֨ישׁ הָאֱלֹהִ֜ים ה֣וּא וְכָֽל־מַחֲנֵ֗הוּ וַיָּבֹא֮ וַיַּעֲמֹ֣ד לְפָנָיו֒ וַיֹּ֗אמֶר הִנֵּה־נָ֤א יָדַ֙עְתִּי֙ כִּ֣י אֵ֤ין אֱלֹהִים֙ בְּכָל־הָאָ֔רֶץ כִּ֖י אִם־בְּיִשְׂרָאֵ֑ל וְעַתָּ֛ה קַח־נָ֥א בְרָכָ֖ה מֵאֵ֥ת עַבְדֶּֽךָ׃ wayashav ʾel־ʾiysh haʾelohiym huʾ wekhal־maḥanehu wayavoʾ wayaʿamod lefanayw wayoʾmer hineh־naʾ yadaʿetiy kiy ʾeyn ʾelohiym bekhal־haʾarets kiy ʾim־beyiseraʾel weʿatah qaḥ־naʾ verakhah meʾet ʿavedekha׃

¹⁶ וַיֹּ֕אמֶר חַי־יְהוָ֛ה אֲשֶׁר־עָמַ֥דְתִּי לְפָנָ֖יו אִם־אֶקָּ֑ח וַיִּפְצַר־בֹּ֥ו לָקַ֖חַת וַיְמָאֵֽן׃ wayoʾmer ḥay־yehwah ʾasher־ʿamadetiy lefanayw ʾim־ʾeqaḥ wayifetsar־bow laqaḥat wayemaʾen׃

¹⁷ וַיֹּאמֶר֮ נַעֲמָן֒ וָלֹ֕א יֻתַּן־נָ֣א לְעַבְדְּךָ֔ מַשָּׂ֥א צֶֽמֶד־פְּרָדִ֖ים אֲדָמָ֑ה כִּ֡י לֹֽוא־יַעֲשֶׂה֩ עֹ֨וד עַבְדְּךָ֜ עֹלָ֤ה וָזֶ֙בַח֙ לֵאלֹהִ֣ים אֲחֵרִ֔ים כִּ֖י אִם־לַיהוָֽה׃ wayoʾmer naʿaman waloʾ yutan־naʾ leʿavedekha masaʾ tsemed־peradiym ʾadamah kiy lowʾ־yaʿaseh ʿowd ʿavedekha ʿolah wazevaḥ leʾlohiym ʾaḥeriym kiy ʾim־layhwah׃

¹⁸ לַדָּבָ֣ר הַזֶּ֔ה יִסְלַ֥ח יְהוָ֖ה לְעַבְדֶּ֑ךָ בְּבֹ֣וא אֲדֹנִ֣י בֵית־רִמֹּון֩ לְהִשְׁתַּחֲוֹ֨ת שָׁ֜מָּה וְה֣וּא ׀ נִשְׁעָ֣ן עַל־יָדִ֗י וְהִֽשְׁתַּחֲוֵ֙יתִי֙ בֵּ֣ית רִמֹּ֔ן בְּהִשְׁתַּחֲוָיָ֙תִי֙ בֵּ֣ית רִמֹּ֔ן יִסְלַח־ [נָא כ] יְהוָ֥ה לְעַבְדְּךָ֖ בַּדָּבָ֥ר הַזֶּֽה׃ ladavar hazeh yiselaḥ yehwah leʿavedekha bevowʾ ʾadoniy veyt־rimown lehishetaḥaot shamah wehuʾ ׀ nisheʿan ʿal־yadiy wehishetaḥaweytiy beyt rimon behishetaḥawayatiy beyt rimon yiselaḥ־ [naʾ kh] yehwah leʿavedekha badavar hazeh׃

¹⁹ וַיֹּ֥אמֶר לֹ֖ו לֵ֣ךְ לְשָׁלֹ֑ום וַיֵּ֥לֶךְ מֵאִתֹּ֖ו כִּבְרַת־אָֽרֶץ׃ ס wayoʾmer low lekhe leshalowm wayelekhe meʾitow kiverat־ʾarets׃ s

²⁰ וַיֹּ֣אמֶר גֵּיחֲזִ֗י נַעַר֮ אֱלִישָׁ֣ע אִישׁ־הָאֱלֹהִים֒ הִנֵּ֣ה ׀ חָשַׂ֣ךְ אֲדֹנִ֗י אֶֽת־נַעֲמָ֤ן הָֽאֲרַמִּי֙ הַזֶּ֔ה מִקַּ֥חַת מִיָּדֹ֖ו אֵ֣ת אֲשֶׁר־הֵבִ֑יא חַי־יְהוָה֙ כִּֽי־אִם־רַ֣צְתִּי אַחֲרָ֔יו וְלָקַחְתִּ֥י מֵאִתֹּ֖ו מְאֽוּמָה׃ wayoʾmer geyḥaziy naʿar ʾeliyshaʿ ʾiysh־haʾelohiym hineh ׀ ḥasakhe ʾadoniy ʾet־naʿaman haʾaramiy hazeh miqaḥat miyadow ʾet ʾasher־heviyʾ ḥay־yehwah kiy־ʾim־ratsetiy ʾaḥarayw welaqaḥetiy meʾitow meʾumah׃

²¹ וַיִּרְדֹּ֥ף גֵּיחֲזִ֖י אַחֲרֵ֣י נַֽעֲמָ֑ן וַיִּרְאֶ֤ה נַֽעֲמָן֙ רָ֣ץ אַחֲרָ֔יו וַיִּפֹּ֞ל מֵעַ֧ל הַמֶּרְכָּבָ֛ה לִקְרָאתֹ֖ו וַיֹּ֥אמֶר הֲשָׁלֹֽום׃ wayiredof geyḥaziy ʾaḥarey naʿaman wayireʾeh naʿaman rats ʾaḥarayw wayipol meʿal hamerekavah liqeraʾtow wayoʾmer hashalowm׃

²² וַיֹּ֣אמֶר ׀ שָׁלֹ֗ום אֲדֹנִי֮ שְׁלָחַ֣נִי לֵאמֹר֒ הִנֵּ֣ה עַתָּ֡ה זֶ֠ה בָּ֣אוּ אֵלַ֧י שְׁנֵֽי־נְעָרִ֛ים מֵהַ֥ר אֶפְרַ֖יִם מִבְּנֵ֣י הַנְּבִיאִ֑ים תְּנָה־נָּ֤א לָהֶם֙ כִּכַּר־כֶּ֔סֶף וּשְׁתֵּ֖י חֲלִפֹ֥ות בְּגָדִֽים׃ wayoʾmer ׀ shalowm ʾadoniy shelaḥaniy leʾmor hineh ʿatah zeh baʾu ʾelay sheney־neʿariym mehar ʾeferayim mibeney haneviyʾiym tenah־naʾ lahem kikar־kesef ushetey ḥalifowt begadiym׃

²³ וַיֹּ֣אמֶר נַעֲמָ֔ן הֹואֵ֖ל קַ֣ח כִּכָּרָ֑יִם וַיִּפְרָץ־בֹּ֗ו וַיָּצַר֩ כִּכְּרַ֨יִם כֶּ֜סֶף בִּשְׁנֵ֣י חֲרִטִ֗ים וּשְׁתֵּי֙ חֲלִפֹ֣ות בְּגָדִ֔ים וַיִּתֵּן֙ אֶל־שְׁנֵ֣י נְעָרָ֔יו וַיִּשְׂא֖וּ לְפָנָֽיו׃ wayoʾmer naʿaman howʾel qaḥ kikarayim wayiferats־bow wayatsar kikerayim kesef bisheney ḥariṭiym ushetey ḥalifowt begadiym wayiten ʾel־sheney neʿarayw wayiseʾu lefanayw׃

²⁴ וַיָּבֹא֙ אֶל־הָעֹ֔פֶל וַיִּקַּ֥ח מִיָּדָ֖ם וַיִּפְקֹ֣ד בַּבָּ֑יִת וַיְשַׁלַּ֥ח אֶת־הָאֲנָשִׁ֖ים וַיֵּלֵֽכוּ׃ wayavoʾ ʾel־haʿofel wayiqaḥ miyadam wayifeqod babayit wayeshalaḥ ʾet־haʾanashiym wayelekhu׃

²⁵ וְהוּא־בָא֙ וַיַּעֲמֹ֣ד אֶל־אֲדֹנָ֔יו וַיֹּ֤אמֶר אֵלָיו֙ אֱלִישָׁ֔ע [מֵאָן כ] (מֵאַ֖יִן ק) גֵּחֲזִ֑י וַיֹּ֕אמֶר לֹֽא־הָלַ֥ךְ עַבְדְּךָ֖ אָ֥נֶה וָאָֽנָה׃ wehuʾ־vaʾ wayaʿamod ʾel־ʾadonayw wayoʾmer ʾelayw ʾeliyshaʿ [meʾan kh] (meʾayin q) geḥaziy wayoʾmer loʾ־halakhe ʿavedekha ʾaneh waʾanah׃

²⁶ וַיֹּ֤אמֶר אֵלָיו֙ לֹא־לִבִּ֣י הָלַ֔ךְ כַּאֲשֶׁ֧ר הָֽפַךְ־אִ֛ישׁ מֵעַ֥ל מֶרְכַּבְתֹּ֖ו לִקְרָאתֶ֑ךָ הַעֵ֞ת לָקַ֤חַת אֶת־הַכֶּ֙סֶף֙ וְלָקַ֣חַת בְּגָדִ֔ים וְזֵיתִ֤ים וּכְרָמִים֙ וְצֹ֣אן וּבָקָ֔ר וַעֲבָדִ֖ים וּשְׁפָחֹֽות׃ wayoʾmer ʾelayw loʾ־libiy halakhe kaʾasher hafakhe־ʾiysh meʿal merekavetow liqeraʾtekha haʿet laqaḥat ʾet־hakesef welaqaḥat begadiym wezeytiym ukheramiym wetsoʾn uvaqar waʿavadiym ushefaḥowt׃

²⁷ וְצָרַ֤עַת נַֽעֲמָן֙ תִּֽדְבַּק־בְּךָ֔ וּֽבְזַרְעֲךָ לְעֹולָ֑ם וַיֵּצֵ֥א מִלְּפָנָ֖יו מְצֹרָ֥ע כַּשָּֽׁלֶג׃ ס wetsaraʿat naʿaman tidebaq־bekha uvezareʿakha leʿowlam wayetseʾ milefanayw metsoraʿ kashaleg׃ s