1 הֵ֤ן עַבְדִּי֙ אֶתְמָךְ־בֹּ֔ו בְּחִירִ֖י רָצְתָ֣ה נַפְשִׁ֑י נָתַ֤תִּי רוּחִי֙ עָלָ֔יו מִשְׁפָּ֖ט לַגֹּויִ֥ם יֹוצִֽיא׃ hen ʿavediy ʾetemakhe־bow beḥiyriy ratsetah nafeshiy natatiy ruḥiy ʿalayw mishepaṭ lagowyim yowtsiyʾ׃
2 לֹ֥א יִצְעַ֖ק וְלֹ֣א יִשָּׂ֑א וְלֹֽא־יַשְׁמִ֥יעַ בַּח֖וּץ קֹולֹֽו׃ loʾ yitseʿaq weloʾ yisaʾ weloʾ־yashemiyʿa baḥuts qowlow׃
3 קָנֶ֤ה רָצוּץ֙ לֹ֣א יִשְׁבֹּ֔ור וּפִשְׁתָּ֥ה כֵהָ֖ה לֹ֣א יְכַבֶּ֑נָּה לֶאֱמֶ֖ת יֹוצִ֥יא מִשְׁפָּֽט׃ qaneh ratsuts loʾ yishebowr ufishetah khehah loʾ yekhabenah leʾemet yowtsiyʾ mishepaṭ׃
4 לֹ֤א יִכְהֶה֙ וְלֹ֣א יָר֔וּץ עַד־יָשִׂ֥ים בָּאָ֖רֶץ מִשְׁפָּ֑ט וּלְתֹורָתֹ֖ו אִיִּ֥ים יְיַחֵֽילוּ׃ פ loʾ yikheheh weloʾ yaruts ʿad־yasiym baʾarets mishepaṭ uletowratow ʾiyiym yeyaḥeylu׃ f
5 כֹּֽה־אָמַ֞ר הָאֵ֣ל ׀ יְהוָ֗ה בֹּורֵ֤א הַשָּׁמַ֙יִם֙ וְנֹ֣וטֵיהֶ֔ם רֹקַ֥ע הָאָ֖רֶץ וְצֶאֱצָאֶ֑יהָ נֹתֵ֤ן נְשָׁמָה֙ לָעָ֣ם עָלֶ֔יהָ וְר֖וּחַ לַהֹלְכִ֥ים בָּֽהּ׃ koh־ʾamar haʾel ׀ yehwah bowreʾ hashamayim wenowṭeyhem roqaʿ haʾarets wetseʾetsaʾeyha noten neshamah laʿam ʿaleyha weruaḥ laholekhiym bah׃
6 אֲנִ֧י יְהוָ֛ה קְרָאתִ֥יךָֽ בְצֶ֖דֶק וְאַחְזֵ֣ק בְּיָדֶ֑ךָ וְאֶצָּרְךָ֗ וְאֶתֶּנְךָ֛ לִבְרִ֥ית עָ֖ם לְאֹ֥ור גֹּויִֽם׃ ʾaniy yehwah qeraʾtiykha vetsedeq weʾaḥezeq beyadekha weʾetsarekha weʾetenekha liveriyt ʿam leʾowr gowyim׃
7 לִפְקֹ֖חַ עֵינַ֣יִם עִוְרֹ֑ות לְהֹוצִ֤יא מִמַּסְגֵּר֙ אַסִּ֔יר מִבֵּ֥ית כֶּ֖לֶא יֹ֥שְׁבֵי חֹֽשֶׁךְ׃ lifeqoaḥ ʿeynayim ʿiwerowt lehowtsiyʾ mimaseger ʾasiyr mibeyt keleʾ yoshevey ḥoshekhe׃
8 אֲנִ֥י יְהוָ֖ה ה֣וּא שְׁמִ֑י וּכְבֹודִי֙ לְאַחֵ֣ר לֹֽא־אֶתֵּ֔ן וּתְהִלָּתִ֖י לַפְּסִילִֽים׃ ʾaniy yehwah huʾ shemiy ukhevowdiy leʾaḥer loʾ־ʾeten utehilatiy lapesiyliym׃
9 הָרִֽאשֹׁנֹ֖ות הִנֵּה־בָ֑אוּ וַֽחֲדָשֹׁות֙ אֲנִ֣י מַגִּ֔יד בְּטֶ֥רֶם תִּצְמַ֖חְנָה אַשְׁמִ֥יע אֶתְכֶֽם׃ פ hariʾshonowt hineh־vaʾu waḥadashowt ʾaniy magiyd beṭerem titsemaḥenah ʾashemiyʿ ʾetekhem׃ f
10 שִׁ֤ירוּ לַֽיהוָה֙ שִׁ֣יר חָדָ֔שׁ תְּהִלָּתֹ֖ו מִקְצֵ֣ה הָאָ֑רֶץ יֹורְדֵ֤י הַיָּם֙ וּמְלֹאֹ֔ו אִיִּ֖ים וְיֹשְׁבֵיהֶֽם׃ shiyru layhwah shiyr ḥadash tehilatow miqetseh haʾarets yowredey hayam umeloʾow ʾiyiym weyosheveyhem׃
11 יִשְׂא֤וּ מִדְבָּר֙ וְעָרָ֔יו חֲצֵרִ֖ים תֵּשֵׁ֣ב קֵדָ֑ר יָרֹ֙נּוּ֙ יֹ֣שְׁבֵי סֶ֔לַע מֵרֹ֥אשׁ הָרִ֖ים יִצְוָֽחוּ׃ yiseʾu midebar weʿarayw ḥatseriym teshev qedar yaronu yoshevey selaʿ meroʾsh hariym yitsewaḥu׃
12 יָשִׂ֥ימוּ לַֽיהוָ֖ה כָּבֹ֑וד וּתְהִלָּתֹ֖ו בָּאִיִּ֥ים יַגִּֽידוּ׃ yasiymu layhwah kavowd utehilatow baʾiyiym yagiydu׃
13 יְהוָה֙ כַּגִּבֹּ֣ור יֵצֵ֔א כְּאִ֥ישׁ מִלְחָמֹ֖ות יָעִ֣יר קִנְאָ֑ה יָרִ֙יעַ֙ אַף־יַצְרִ֔יחַ עַל־אֹיְבָ֖יו יִתְגַּבָּֽר׃ ס yehwah kagibowr yetseʾ keʾiysh mileḥamowt yaʿiyr qineʾah yariyʿa ʾaf־yatseriyḥa ʿal־ʾoyevayw yitegabar׃ s
14 הֶחֱשֵׁ֙יתִי֙ מֵֽעֹולָ֔ם אַחֲרִ֖ישׁ אֶתְאַפָּ֑ק כַּיֹּולֵדָ֣ה אֶפְעֶ֔ה אֶשֹּׁ֥ם וְאֶשְׁאַ֖ף יָֽחַד׃ heḥesheytiy meʿowlam ʾaḥariysh ʾeteʾapaq kayowledah ʾefeʿeh ʾeshom weʾesheʾaf yaḥad׃
15 אַחֲרִ֤יב הָרִים֙ וּגְבָעֹ֔ות וְכָל־עֶשְׂבָּ֖ם אֹובִ֑ישׁ וְשַׂמְתִּ֤י נְהָרֹות֙ לָֽאִיִּ֔ים וַאֲגַמִּ֖ים אֹובִֽישׁ׃ ʾaḥariyv hariym ugevaʿowt wekhal־ʿesebam ʾowviysh wesametiy neharowt laʾiyiym waʾagamiym ʾowviysh׃
16 וְהֹולַכְתִּ֣י עִוְרִ֗ים בְּדֶ֙רֶךְ֙ לֹ֣א יָדָ֔עוּ בִּנְתִיבֹ֥ות לֹֽא־יָדְע֖וּ אַדְרִיכֵ֑ם אָשִׂים֩ מַחְשָׁ֨ךְ לִפְנֵיהֶ֜ם לָאֹ֗ור וּמַֽעֲקַשִּׁים֙ לְמִישֹׁ֔ור אֵ֚לֶּה הַדְּבָרִ֔ים עֲשִׂיתִ֖ם וְלֹ֥א עֲזַבְתִּֽים׃ wehowlakhetiy ʿiweriym bederekhe loʾ yadaʿu binetiyvowt loʾ־yadeʿu ʾaderiykhem ʾasiym maḥeshakhe lifeneyhem laʾowr umaʿaqashiym lemiyshowr ʾeleh hadevariym ʿasiytim weloʾ ʿazavetiym׃
17 נָסֹ֤גוּ אָחֹור֙ יֵבֹ֣שׁוּ בֹ֔שֶׁת הַבֹּטְחִ֖ים בַּפָּ֑סֶל הָאֹמְרִ֥ים לְמַסֵּכָ֖ה אַתֶּ֥ם אֱלֹהֵֽינוּ׃ ס nasogu ʾaḥowr yevoshu voshet haboṭeḥiym bapasel haʾomeriym lemasekhah ʾatem ʾeloheynu׃ s
18 הַחֵרְשִׁ֖ים שְׁמָ֑עוּ וְהַעִוְרִ֖ים הַבִּ֥יטוּ לִרְאֹֽות׃ haḥereshiym shemaʿu wehaʿiweriym habiyṭu lireʾowt׃
19 מִ֤י עִוֵּר֙ כִּ֣י אִם־עַבְדִּ֔י וְחֵרֵ֖שׁ כְּמַלְאָכִ֣י אֶשְׁלָ֑ח מִ֤י עִוֵּר֙ כִּמְשֻׁלָּ֔ם וְעִוֵּ֖ר כְּעֶ֥בֶד יְהוָֽה׃ miy ʿiuer kiy ʾim־ʿavediy weḥeresh kemaleʾakhiy ʾeshelaḥ miy ʿiuer kimeshulam weʿiuer keʿeved yehwah׃
20 [רָאִיתָ כ] (רָאֹ֥ות ק) רַבֹּ֖ות וְלֹ֣א תִשְׁמֹ֑ר פָּקֹ֥וחַ אָזְנַ֖יִם וְלֹ֥א יִשְׁמָֽע׃ [raʾiyta kh] (raʾowt q) rabowt weloʾ tishemor paqowḥa ʾazenayim weloʾ yishemaʿ׃
21 יְהוָ֥ה חָפֵ֖ץ לְמַ֣עַן צִדְקֹ֑ו יַגְדִּ֥יל תֹּורָ֖ה וְיַאְדִּֽיר׃ yehwah ḥafets lemaʿan tsideqow yagediyl towrah weyaʾediyr׃
22 וְהוּא֮ עַם־בָּז֣וּז וְשָׁסוּי֒ הָפֵ֤חַ בַּֽחוּרִים֙ כֻּלָּ֔ם וּבְבָתֵּ֥י כְלָאִ֖ים הָחְבָּ֑אוּ הָי֤וּ לָבַז֙ וְאֵ֣ין מַצִּ֔יל מְשִׁסָּ֖ה וְאֵין־אֹמֵ֥ר הָשַֽׁב׃ wehuʾ ʿam־bazuz weshasuy hafeaḥ baḥuriym kulam uvevatey khelaʾiym haḥebaʾu hayu lavaz weʾeyn matsiyl meshisah weʾeyn־ʾomer hashav׃
23 מִ֥י בָכֶ֖ם יַאֲזִ֣ין זֹ֑את יַקְשִׁ֥ב וְיִשְׁמַ֖ע לְאָחֹֽור׃ miy vakhem yaʾaziyn zoʾt yaqeshiv weyishemaʿ leʾaḥowr׃
24 מִֽי־נָתַ֨ן [לִמְשֹׁוסֶה כ] (לִמְשִׁסָּ֧ה ק) יַעֲקֹ֛ב וְיִשְׂרָאֵ֥ל לְבֹזְזִ֖ים הֲלֹ֣וא יְהוָ֑ה ז֚וּ חָטָ֣אנוּ לֹ֔ו וְלֹֽא־אָב֤וּ בִדְרָכָיו֙ הָלֹ֔וךְ וְלֹ֥א שָׁמְע֖וּ בְּתֹורָתֹֽו׃ miy־natan [limeshowseh kh] (limeshisah q) yaʿaqov weyiseraʾel levozeziym halowʾ yehwah zu ḥaṭaʾnu low weloʾ־ʾavu viderakhayw halowkhe weloʾ shameʿu betowratow׃
25 וַיִּשְׁפֹּ֤ךְ עָלָיו֙ חֵמָ֣ה אַפֹּ֔ו וֶעֱז֖וּז מִלְחָמָ֑ה וַתְּלַהֲטֵ֤הוּ מִסָּבִיב֙ וְלֹ֣א יָדָ֔ע וַתִּבְעַר־בֹּ֖ו וְלֹא־יָשִׂ֥ים עַל־לֵֽב׃ פ wayishepokhe ʿalayw ḥemah ʾapow weʿezuz mileḥamah watelahaṭehu misaviyv weloʾ yadaʿ wativeʿar־bow weloʾ־yasiym ʿal־lev׃ f