1 וַיִּשְׁלַ֖ח הַמֶּ֑לֶךְ וַיַּאַסְפ֣וּ אֵלָ֔יו כָּל־זִקְנֵ֥י יְהוּדָ֖ה וִירוּשָׁלִָֽם׃ wayishelaḥ hamelekhe wayaʾasefu ʾelayw kal־ziqeney yehudah wiyrushalim׃
2 וַיַּ֣עַל הַמֶּ֣לֶךְ בֵּית־יְהוָ֡ה וְכָל־אִ֣ישׁ יְהוּדָה֩ וְכָל־יֹשְׁבֵ֨י יְרוּשָׁלִַ֜ם אִתֹּ֗ו וְהַכֹּֽהֲנִים֙ וְהַנְּבִיאִ֔ים וְכָל־הָעָ֖ם לְמִקָּטֹ֣ן וְעַד־גָּדֹ֑ול וַיִּקְרָ֣א בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖א בְּבֵ֥ית יְהוָֽה׃ wayaʿal hamelekhe beyt־yehwah wekhal־ʾiysh yehudah wekhal־yoshevey yerushalim ʾitow wehakohaniym wehaneviyʾiym wekhal־haʿam lemiqaṭon weʿad־gadowl wayiqeraʾ veʾazeneyhem ʾet־kal־diverey sefer haberiyt hanimetsaʾ beveyt yehwah׃
3 וַיַּעֲמֹ֣ד הַ֠מֶּלֶךְ עַֽל־הָ֨עַמּ֜וּד וַיִּכְרֹ֥ת אֶֽת־הַבְּרִ֣ית ׀ לִפְנֵ֣י יְהוָ֗ה לָלֶ֜כֶת אַחַ֤ר יְהוָה֙ וְלִשְׁמֹ֨ר מִצְוֹתָ֜יו וְאֶת־עֵדְוֹתָ֤יו וְאֶת־חֻקֹּתָיו֙ בְּכָל־לֵ֣ב וּבְכָל־נֶ֔פֶשׁ לְהָקִ֗ים אֶת־דִּבְרֵי֙ הַבְּרִ֣ית הַזֹּ֔את הַכְּתֻבִ֖ים עַל־הַסֵּ֣פֶר הַזֶּ֑ה וַיַּעֲמֹ֥ד כָּל־הָעָ֖ם בַּבְּרִֽית׃ wayaʿamod hamelekhe ʿal־haʿamud wayikherot ʾet־haberiyt ׀ lifeney yehwah lalekhet ʾaḥar yehwah welishemor mitseotayw weʾet־ʿedeotayw weʾet־ḥuqotayw bekhal־lev uvekhal־nefesh lehaqiym ʾet־diverey haberiyt hazoʾt haketuviym ʿal־hasefer hazeh wayaʿamod kal־haʿam baberiyt׃
4 וַיְצַ֣ו הַמֶּ֡לֶךְ אֶת־חִלְקִיָּהוּ֩ הַכֹּהֵ֨ן הַגָּדֹ֜ול וְאֶת־כֹּהֲנֵ֣י הַמִּשְׁנֶה֮ וְאֶת־שֹׁמְרֵ֣י הַסַּף֒ לְהֹוצִיא֙ מֵהֵיכַ֣ל יְהוָ֔ה אֵ֣ת כָּל־הַכֵּלִ֗ים הָֽעֲשׂוּיִם֙ לַבַּ֣עַל וְלָֽאֲשֵׁרָ֔ה וּלְכֹ֖ל צְבָ֣א הַשָּׁמָ֑יִם וַֽיִּשְׂרְפֵ֞ם מִח֤וּץ לִירוּשָׁלִַ֙ם֙ בְּשַׁדְמֹ֣ות קִדְרֹ֔ון וְנָשָׂ֥א אֶת־עֲפָרָ֖ם בֵּֽית־אֵֽל׃ wayetsaw hamelekhe ʾet־ḥileqiyahu hakohen hagadowl weʾet־kohaney hamisheneh weʾet־shomerey hasaf lehowtsiyʾ meheykhal yehwah ʾet kal־hakeliym haʿasuyim labaʿal welaʾasherah ulekhol tsevaʾ hashamayim wayiserefem miḥuts liyrushalim beshademowt qiderown wenasaʾ ʾet־ʿafaram beyt־ʾel׃
5 וְהִשְׁבִּ֣ית אֶת־הַכְּמָרִ֗ים אֲשֶׁ֤ר נָֽתְנוּ֙ מַלְכֵ֣י יְהוּדָ֔ה וַיְקַטֵּ֤ר בַּבָּמֹות֙ בְּעָרֵ֣י יְהוּדָ֔ה וּמְסִבֵּ֖י יְרוּשָׁלִָ֑ם וְאֶת־הַֽמְקַטְּרִ֣ים לַבַּ֗עַל לַשֶּׁ֤מֶשׁ וְלַיָּרֵ֙חַ֙ וְלַמַּזָּלֹ֔ות וּלְכֹ֖ל צְבָ֥א הַשָּׁמָֽיִם׃ wehishebiyt ʾet־hakemariym ʾasher natenu malekhey yehudah wayeqaṭer babamowt beʿarey yehudah umesibey yerushalim weʾet־hameqaṭeriym labaʿal lashemesh welayareaḥ welamazalowt ulekhol tsevaʾ hashamayim׃
6 וַיֹּצֵ֣א אֶת־הָאֲשֵׁרָה֩ מִבֵּ֨ית יְהוָ֜ה מִח֤וּץ לִירוּשָׁלִַ֙ם֙ אֶל־נַ֣חַל קִדְרֹ֔ון וַיִּשְׂרֹ֥ף אֹתָ֛הּ בְּנַ֥חַל קִדְרֹ֖ון וַיָּ֣דֶק לְעָפָ֑ר וַיַּשְׁלֵךְ֙ אֶת־עֲפָרָ֔הּ עַל־קֶ֖בֶר בְּנֵ֥י הָעָֽם׃ wayotseʾ ʾet־haʾasherah mibeyt yehwah miḥuts liyrushalim ʾel־naḥal qiderown wayiserof ʾotah benaḥal qiderown wayadeq leʿafar wayashelekhe ʾet־ʿafarah ʿal־qever beney haʿam׃
7 וַיִּתֹּץ֙ אֶת־בָּתֵּ֣י הַקְּדֵשִׁ֔ים אֲשֶׁ֖ר בְּבֵ֣ית יְהוָ֑ה אֲשֶׁ֣ר הַנָּשִׁ֗ים אֹרְגֹ֥ות שָׁ֛ם בָּתִּ֖ים לָאֲשֵׁרָֽה׃ wayitots ʾet־batey haqedeshiym ʾasher beveyt yehwah ʾasher hanashiym ʾoregowt sham batiym laʾasherah׃
8 וַיָּבֵ֤א אֶת־כָּל־הַכֹּֽהֲנִים֙ מֵעָרֵ֣י יְהוּדָ֔ה וַיְטַמֵּ֣א אֶת־הַבָּמֹ֗ות אֲשֶׁ֤ר קִטְּרוּ־שָׁ֙מָּה֙ הַכֹּ֣הֲנִ֔ים מִגֶּ֖בַע עַד־בְּאֵ֣ר שָׁ֑בַע וְנָתַ֞ץ אֶת־בָּמֹ֣ות הַשְּׁעָרִ֗ים אֲשֶׁר־פֶּ֜תַח שַׁ֤עַר יְהֹושֻׁ֙עַ֙ שַׂר־הָעִ֔יר אֲשֶֽׁר־עַל־שְׂמֹ֥אול אִ֖ישׁ בְּשַׁ֥עַר הָעִֽיר׃ wayaveʾ ʾet־kal־hakohaniym meʿarey yehudah wayeṭameʾ ʾet־habamowt ʾasher qiṭeru־shamah hakohaniym migevaʿ ʿad־beʾer shavaʿ wenatats ʾet־bamowt hasheʿariym ʾasher־petaḥ shaʿar yehowshuaʿ sar־haʿiyr ʾasher־ʿal־semoʾwl ʾiysh beshaʿar haʿiyr׃
9 אַ֗ךְ לֹ֤א יַֽעֲלוּ֙ כֹּהֲנֵ֣י הַבָּמֹ֔ות אֶל־מִזְבַּ֥ח יְהוָ֖ה בִּירוּשָׁלִָ֑ם כִּ֛י אִם־אָכְל֥וּ מַצֹּ֖ות בְּתֹ֥וךְ אֲחֵיהֶֽם׃ ʾakhe loʾ yaʿalu kohaney habamowt ʾel־mizebaḥ yehwah biyrushalim kiy ʾim־ʾakhelu matsowt betowkhe ʾaḥeyhem׃
10 וְטִמֵּ֣א אֶת־הַתֹּ֔פֶת אֲשֶׁ֖ר בְּגֵ֣י [בְנֵי־ כ] (בֶן־הִנֹּ֑ם ק) לְבִלְתִּ֗י לְהַעֲבִ֨יר אִ֜ישׁ אֶת־בְּנֹ֧ו וְאֶת־בִּתֹּ֛ו בָּאֵ֖שׁ לַמֹּֽלֶךְ׃ weṭimeʾ ʾet־hatofet ʾasher begey [veney־ kh] (ven־hinom q) leviletiy lehaʿaviyr ʾiysh ʾet־benow weʾet־bitow baʾesh lamolekhe׃
11 וַיַּשְׁבֵּ֣ת אֶת־הַסּוּסִ֗ים אֲשֶׁ֣ר נָתְנוּ֩ מַלְכֵ֨י יְהוּדָ֤ה לַשֶּׁ֙מֶשׁ֙ מִבֹּ֣א בֵית־יְהוָ֔ה אֶל־לִשְׁכַּת֙ נְתַן־מֶ֣לֶךְ הַסָּרִ֔יס אֲשֶׁ֖ר בַּפַּרְוָרִ֑ים וְאֶת־מַרְכְּבֹ֥ות הַשֶּׁ֖מֶשׁ שָׂרַ֥ף בָּאֵֽשׁ׃ wayashebet ʾet־hasusiym ʾasher natenu malekhey yehudah lashemesh miboʾ veyt־yehwah ʾel־lishekat netan־melekhe hasariys ʾasher baparewariym weʾet־marekevowt hashemesh saraf baʾesh׃
12 וְאֶֽת־הַֽמִּזְבְּחֹ֡ות אֲשֶׁ֣ר עַל־הַגָּג֩ עֲלִיַּ֨ת אָחָ֜ז אֲשֶׁר־עָשׂ֣וּ ׀ מַלְכֵ֣י יְהוּדָ֗ה וְאֶת־הַֽמִּזְבְּחֹות֙ אֲשֶׁר־עָשָׂ֣ה מְנַשֶּׁ֔ה בִּשְׁתֵּ֛י חַצְרֹ֥ות בֵּית־יְהוָ֖ה נָתַ֣ץ הַמֶּ֑לֶךְ וַיָּ֣רָץ מִשָּׁ֔ם וְהִשְׁלִ֥יךְ אֶת־עֲפָרָ֖ם אֶל־נַ֥חַל קִדְרֹֽון׃ weʾet־hamizebeḥowt ʾasher ʿal־hagag ʿaliyat ʾaḥaz ʾasher־ʿasu ׀ malekhey yehudah weʾet־hamizebeḥowt ʾasher־ʿasah menasheh bishetey ḥatserowt beyt־yehwah natats hamelekhe wayarats misham wehisheliykhe ʾet־ʿafaram ʾel־naḥal qiderown׃
13 וְֽאֶת־הַבָּמֹ֞ות אֲשֶׁ֣ר ׀ עַל־פְּנֵ֣י יְרוּשָׁלִַ֗ם אֲשֶׁר֮ מִימִ֣ין לְהַר־הַמַּשְׁחִית֒ אֲשֶׁ֣ר בָּ֠נָה שְׁלֹמֹ֨ה מֶֽלֶךְ־יִשְׂרָאֵ֜ל לְעַשְׁתֹּ֣רֶת ׀ שִׁקֻּ֣ץ צִידֹנִ֗ים וְלִכְמֹושׁ֙ שִׁקֻּ֣ץ מֹואָ֔ב וּלְמִלְכֹּ֖ם תֹּועֲבַ֣ת בְּנֵֽי־עַמֹּ֑ון טִמֵּ֖א הַמֶּֽלֶךְ׃ weʾet־habamowt ʾasher ׀ ʿal־peney yerushalim ʾasher miymiyn lehar־hamasheḥiyt ʾasher banah shelomoh melekhe־yiseraʾel leʿashetoret ׀ shiquts tsiydoniym welikhemowsh shiquts mowʾav ulemilekom towʿavat beney־ʿamown ṭimeʾ hamelekhe׃
14 וְשִׁבַּר֙ אֶת־הַמַּצֵּבֹ֔ות וַיִּכְרֹ֖ת אֶת־הָאֲשֵׁרִ֑ים וַיְמַלֵּ֥א אֶת־מְקֹומָ֖ם עַצְמֹ֥ות אָדָֽם׃ weshibar ʾet־hamatsevowt wayikherot ʾet־haʾasheriym wayemaleʾ ʾet־meqowmam ʿatsemowt ʾadam׃
15 וְגַ֨ם אֶת־הַמִּזְבֵּ֜חַ אֲשֶׁ֣ר בְּבֵֽית־אֵ֗ל הַבָּמָה֙ אֲשֶׁ֨ר עָשָׂ֜ה יָרָבְעָ֤ם בֶּן־נְבָט֙ אֲשֶׁ֣ר הֶחֱטִ֣יא אֶת־יִשְׂרָאֵ֔ל גַּ֣ם אֶת־הַמִּזְבֵּ֧חַ הַה֛וּא וְאֶת־הַבָּמָ֖ה נָתָ֑ץ וַיִּשְׂרֹ֧ף אֶת־הַבָּמָ֛ה הֵדַ֥ק לְעָפָ֖ר וְשָׂרַ֥ף אֲשֵׁרָֽה׃ wegam ʾet־hamizebeaḥ ʾasher beveyt־ʾel habamah ʾasher ʿasah yaraveʿam ben־nevaṭ ʾasher heḥeṭiyʾ ʾet־yiseraʾel gam ʾet־hamizebeaḥ hahuʾ weʾet־habamah natats wayiserof ʾet־habamah hedaq leʿafar wesaraf ʾasherah׃
16 וַיִּ֣פֶן יֹאשִׁיָּ֗הוּ וַיַּ֨רְא אֶת־הַקְּבָרִ֤ים אֲשֶׁר־שָׁם֙ בָּהָ֔ר וַיִּשְׁלַ֗ח וַיִּקַּ֤ח אֶת־הָֽעֲצָמֹות֙ מִן־הַקְּבָרִ֔ים וַיִּשְׂרֹ֥ף עַל־הַמִּזְבֵּ֖חַ וַֽיְטַמְּאֵ֑הוּ כִּדְבַ֣ר יְהוָ֗ה אֲשֶׁ֤ר קָרָא֙ אִ֣ישׁ הָאֱלֹהִ֔ים אֲשֶׁ֣ר קָרָ֔א אֶת־הַדְּבָרִ֖ים הָאֵֽלֶּה׃ wayifen yoʾshiyahu wayareʾ ʾet־haqevariym ʾasher־sham bahar wayishelaḥ wayiqaḥ ʾet־haʿatsamowt min־haqevariym wayiserof ʿal־hamizebeaḥ wayeṭameʾehu kidevar yehwah ʾasher qaraʾ ʾiysh haʾelohiym ʾasher qaraʾ ʾet־hadevariym haʾeleh׃
17 וַיֹּ֕אמֶר מָ֚ה הַצִּיּ֣וּן הַלָּ֔ז אֲשֶׁ֖ר אֲנִ֣י רֹאֶ֑ה וַיֹּאמְר֨וּ אֵלָ֜יו אַנְשֵׁ֣י הָעִ֗יר הַקֶּ֤בֶר אִישׁ־הָֽאֱלֹהִים֙ אֲשֶׁר־בָּ֣א מִֽיהוּדָ֔ה וַיִּקְרָ֗א אֶת־הַדְּבָרִ֤ים הָאֵ֙לֶּה֙ אֲשֶׁ֣ר עָשִׂ֔יתָ עַ֖ל הַמִּזְבַּ֥ח בֵּֽית־אֵֽל׃ wayoʾmer mah hatsiyun halaz ʾasher ʾaniy roʾeh wayoʾmeru ʾelayw ʾaneshey haʿiyr haqever ʾiysh־haʾelohiym ʾasher־baʾ miyhudah wayiqeraʾ ʾet־hadevariym haʾeleh ʾasher ʿasiyta ʿal hamizebaḥ beyt־ʾel׃
18 וַיֹּ֙אמֶר֙ הַנִּ֣יחוּ לֹ֔ו אִ֖ישׁ אַל־יָנַ֣ע עַצְמֹתָ֑יו וַֽיְמַלְּטוּ֙ עַצְמֹתָ֔יו אֵ֚ת עַצְמֹ֣ות הַנָּבִ֔יא אֲשֶׁר־בָּ֖א מִשֹּׁמְרֹֽון׃ wayoʾmer haniyḥu low ʾiysh ʾal־yanaʿ ʿatsemotayw wayemaleṭu ʿatsemotayw ʾet ʿatsemowt hanaviyʾ ʾasher־baʾ mishomerown׃
19 וְגַם֩ אֶת־כָּל־בָּתֵּ֨י הַבָּמֹ֜ות אֲשֶׁ֣ר ׀ בְּעָרֵ֣י שֹׁמְרֹ֗ון אֲשֶׁ֨ר עָשׂ֜וּ מַלְכֵ֤י יִשְׂרָאֵל֙ לְהַכְעִ֔יס הֵסִ֖יר יֹֽאשִׁיָּ֑הוּ וַיַּ֣עַשׂ לָהֶ֔ם כְּכָל־הַֽמַּעֲשִׂ֔ים אֲשֶׁ֥ר עָשָׂ֖ה בְּבֵֽית־אֵֽל׃ wegam ʾet־kal־batey habamowt ʾasher ׀ beʿarey shomerown ʾasher ʿasu malekhey yiseraʾel lehakheʿiys hesiyr yoʾshiyahu wayaʿas lahem kekhal־hamaʿasiym ʾasher ʿasah beveyt־ʾel׃
20 וַ֠יִּזְבַּח אֶת־כָּל־כֹּהֲנֵ֨י הַבָּמֹ֤ות אֲשֶׁר־שָׁם֙ עַל־הַֽמִּזְבְּחֹ֔ות וַיִּשְׂרֹ֛ף אֶת־עַצְמֹ֥ות אָדָ֖ם עֲלֵיהֶ֑ם וַיָּ֖שָׁב יְרוּשָׁלִָֽם׃ wayizebaḥ ʾet־kal־kohaney habamowt ʾasher־sham ʿal־hamizebeḥowt wayiserof ʾet־ʿatsemowt ʾadam ʿaleyhem wayashav yerushalim׃
21 וַיְצַ֤ו הַמֶּ֙לֶךְ֙ אֶת־כָּל־הָעָ֣ם לֵאמֹ֔ר עֲשׂ֣וּ פֶ֔סַח לַֽיהוָ֖ה אֱלֹֽהֵיכֶ֑ם כַּכָּת֕וּב עַ֛ל סֵ֥פֶר הַבְּרִ֖ית הַזֶּֽה׃ wayetsaw hamelekhe ʾet־kal־haʿam leʾmor ʿasu fesaḥ layhwah ʾeloheykhem kakatuv ʿal sefer haberiyt hazeh׃
22 כִּ֣י לֹ֤א נַֽעֲשָׂה֙ כַּפֶּ֣סַח הַזֶּ֔ה מִימֵי֙ הַשֹּׁ֣פְטִ֔ים אֲשֶׁ֥ר שָׁפְט֖וּ אֶת־יִשְׂרָאֵ֑ל וְכֹ֗ל יְמֵ֛י מַלְכֵ֥י יִשְׂרָאֵ֖ל וּמַלְכֵ֥י יְהוּדָֽה׃ kiy loʾ naʿasah kapesaḥ hazeh miymey hashofeṭiym ʾasher shafeṭu ʾet־yiseraʾel wekhol yemey malekhey yiseraʾel umalekhey yehudah׃
23 כִּ֗י אִם־בִּשְׁמֹנֶ֤ה עֶשְׂרֵה֙ שָׁנָ֔ה לַמֶּ֖לֶךְ יֹֽאשִׁיָּ֑הוּ נַעֲשָׂ֞ה הַפֶּ֧סַח הַזֶּ֛ה לַיהוָ֖ה בִּירוּשָׁלִָֽם׃ kiy ʾim־bishemoneh ʿesereh shanah lamelekhe yoʾshiyahu naʿasah hapesaḥ hazeh layhwah biyrushalim׃
24 וְגַ֣ם אֶת־הָאֹבֹ֣ות וְאֶת־הַ֠יִּדְּעֹנִים וְאֶת־הַתְּרָפִ֨ים וְאֶת־הַגִּלֻּלִ֜ים וְאֵ֣ת כָּל־הַשִּׁקֻּצִ֗ים אֲשֶׁ֤ר נִרְאוּ֙ בְּאֶ֤רֶץ יְהוּדָה֙ וּבִיר֣וּשָׁלִַ֔ם בִּעֵ֖ר יֹֽאשִׁיָּ֑הוּ לְ֠מַעַן הָקִ֞ים אֶת־דִּבְרֵ֤י הַתֹּורָה֙ הַכְּתֻבִ֣ים עַל־הַסֵּ֔פֶר אֲשֶׁ֥ר מָצָ֛א חִלְקִיָּ֥הוּ הַכֹּהֵ֖ן בֵּ֥ית יְהוָֽה׃ wegam ʾet־haʾovowt weʾet־hayideʿoniym weʾet־haterafiym weʾet־hagiluliym weʾet kal־hashiqutsiym ʾasher nireʾu beʾerets yehudah uviyrushalim biʿer yoʾshiyahu lemaʿan haqiym ʾet־diverey hatowrah haketuviym ʿal־hasefer ʾasher matsaʾ ḥileqiyahu hakohen beyt yehwah׃
25 וְכָמֹהוּ֩ לֹֽא־הָיָ֨ה לְפָנָ֜יו מֶ֗לֶךְ אֲשֶׁר־שָׁ֤ב אֶל־יְהוָה֙ בְּכָל־לְבָבֹ֤ו וּבְכָל־נַפְשֹׁו֙ וּבְכָל־מְאֹדֹ֔ו כְּכֹ֖ל תֹּורַ֣ת מֹשֶׁ֑ה וְאַחֲרָ֖יו לֹֽא־קָ֥ם כָּמֹֽהוּ׃ wekhamohu loʾ־hayah lefanayw melekhe ʾasher־shav ʾel־yehwah bekhal־levavow uvekhal־nafeshow uvekhal־meʾodow kekhol towrat mosheh weʾaḥarayw loʾ־qam kamohu׃
26 אַ֣ךְ ׀ לֹֽא־שָׁ֣ב יְהוָ֗ה מֵחֲרֹ֤ון אַפֹּו֙ הַגָּדֹ֔ול אֲשֶׁר־חָרָ֥ה אַפֹּ֖ו בִּֽיהוּדָ֑ה עַ֚ל כָּל־הַכְּעָסִ֔ים אֲשֶׁ֥ר הִכְעִיסֹ֖ו מְנַשֶּֽׁה׃ ʾakhe ׀ loʾ־shav yehwah meḥarown ʾapow hagadowl ʾasher־ḥarah ʾapow biyhudah ʿal kal־hakeʿasiym ʾasher hikheʿiysow menasheh׃
27 וַיֹּ֣אמֶר יְהוָ֗ה גַּ֤ם אֶת־יְהוּדָה֙ אָסִיר֙ מֵעַ֣ל פָּנַ֔י כַּאֲשֶׁ֥ר הֲסִרֹ֖תִי אֶת־יִשְׂרָאֵ֑ל וּ֠מָאַסְתִּי אֶת־הָעִ֨יר הַזֹּ֤את אֲשֶׁר־בָּחַ֙רְתִּי֙ אֶת־יְר֣וּשָׁלִַ֔ם וְאֶת־הַבַּ֔יִת אֲשֶׁ֣ר אָמַ֔רְתִּי יִהְיֶ֥ה שְׁמִ֖י שָֽׁם׃ wayoʾmer yehwah gam ʾet־yehudah ʾasiyr meʿal panay kaʾasher hasirotiy ʾet־yiseraʾel umaʾasetiy ʾet־haʿiyr hazoʾt ʾasher־baḥaretiy ʾet־yerushalim weʾet־habayit ʾasher ʾamaretiy yiheyeh shemiy sham׃
28 וְיֶ֛תֶר דִּבְרֵ֥י יֹאשִׁיָּ֖הוּ וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey yoʾshiyahu wekhal־ʾasher ʿasah haloʾ־hem ketuviym ʿal־sefer diverey hayamiym lemalekhey yehudah׃
29 בְּיָמָ֡יו עָלָה֩ פַרְעֹ֨ה נְכֹ֧ה מֶֽלֶךְ־מִצְרַ֛יִם עַל־מֶ֥לֶךְ אַשּׁ֖וּר עַל־נְהַר־פְּרָ֑ת וַיֵּ֨לֶךְ הַמֶּ֤לֶךְ יֹאשִׁיָּ֙הוּ֙ לִקְרָאתֹ֔ו וַיְמִיתֵ֙הוּ֙ בִּמְגִדֹּ֔ו כִּרְאֹתֹ֖ו אֹתֹֽו׃ beyamayw ʿalah fareʿoh nekhoh melekhe־mitserayim ʿal־melekhe ʾashur ʿal־nehar־perat wayelekhe hamelekhe yoʾshiyahu liqeraʾtow wayemiytehu bimegidow kireʾotow ʾotow׃
30 וַיַּרְכִּבֻ֨הוּ עֲבָדָ֥יו מֵת֙ מִמְּגִדֹּ֔ו וַיְבִאֻ֙הוּ֙ יְר֣וּשָׁלִַ֔ם וַֽיִּקְבְּרֻ֖הוּ בִּקְבֻֽרָתֹ֑ו וַיִּקַּ֣ח עַם־הָאָ֗רֶץ אֶת־יְהֹֽואָחָז֙ בֶּן־יֹ֣אשִׁיָּ֔הוּ וַיִּמְשְׁח֥וּ אֹתֹ֛ו וַיַּמְלִ֥יכוּ אֹתֹ֖ו תַּ֥חַת אָבִֽיו׃ פ wayarekivuhu ʿavadayw met mimegidow wayeviʾuhu yerushalim wayiqeberuhu biqevuratow wayiqaḥ ʿam־haʾarets ʾet־yehowʾaḥaz ben־yoʾshiyahu wayimesheḥu ʾotow wayameliykhu ʾotow taḥat ʾaviyw׃ f
31 בֶּן־עֶשְׂרִ֨ים וְשָׁלֹ֤שׁ שָׁנָה֙ יְהֹואָחָ֣ז בְּמָלְכֹ֔ו וּשְׁלֹשָׁ֣ה חֳדָשִׁ֔ים מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו חֲמוּטַ֥ל בַּֽת־יִרְמְיָ֖הוּ מִלִּבְנָֽה׃ ben־ʿeseriym weshalosh shanah yehowʾaḥaz bemalekhow usheloshah ḥodashiym malakhe biyrushalim weshem ʾimow ḥamuṭal bat־yiremeyahu milivenah׃
32 וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשׂ֖וּ אֲבֹתָֽיו׃ wayaʿas haraʿ beʿeyney yehwah kekhol ʾasher־ʿasu ʾavotayw׃
33 וַיַּאַסְרֵהוּ֩ פַרְעֹ֨ה נְכֹ֤ה בְרִבְלָה֙ בְּאֶ֣רֶץ חֲמָ֔ת [בִּמְלֹךְ כ] (מִמְּלֹ֖ךְ ק) בִּירוּשָׁלִָ֑ם וַיִּתֶּן־עֹ֙נֶשׁ֙ עַל־הָאָ֔רֶץ מֵאָ֥ה כִכַּר־כֶּ֖סֶף וְכִכַּ֥ר זָהָֽב׃ wayaʾaserehu fareʿoh nekhoh verivelah beʾerets ḥamat [bimelokhe kh] (mimelokhe q) biyrushalim wayiten־ʿonesh ʿal־haʾarets meʾah khikar־kesef wekhikar zahav׃
34 וַיַּמְלֵךְ֩ פַּרְעֹ֨ה נְכֹ֜ה אֶת־אֶלְיָקִ֣ים בֶּן־יֹאשִׁיָּ֗הוּ תַּ֚חַת יֹאשִׁיָּ֣הוּ אָבִ֔יו וַיַּסֵּ֥ב אֶת־שְׁמֹ֖ו יְהֹויָקִ֑ים וְאֶת־יְהֹואָחָ֣ז לָקָ֔ח וַיָּבֹ֥א מִצְרַ֖יִם וַיָּ֥מָת שָֽׁם׃ wayamelekhe pareʿoh nekhoh ʾet־ʾeleyaqiym ben־yoʾshiyahu taḥat yoʾshiyahu ʾaviyw wayasev ʾet־shemow yehowyaqiym weʾet־yehowʾaḥaz laqaḥ wayavoʾ mitserayim wayamat sham׃
35 וְהַכֶּ֣סֶף וְהַזָּהָ֗ב נָתַ֤ן יְהֹויָקִים֙ לְפַרְעֹ֔ה אַ֚ךְ הֶעֱרִ֣יךְ אֶת־הָאָ֔רֶץ לָתֵ֥ת אֶת־הַכֶּ֖סֶף עַל־פִּ֣י פַרְעֹ֑ה אִ֣ישׁ כְּעֶרְכֹּ֗ו נָגַ֞שׂ אֶת־הַכֶּ֤סֶף וְאֶת־הַזָּהָב֙ אֶת־עַ֣ם הָאָ֔רֶץ לָתֵ֖ת לְפַרְעֹ֥ה נְכֹֽה׃ ס wehakesef wehazahav natan yehowyaqiym lefareʿoh ʾakhe heʿeriykhe ʾet־haʾarets latet ʾet־hakesef ʿal־piy fareʿoh ʾiysh keʿerekow nagas ʾet־hakesef weʾet־hazahav ʾet־ʿam haʾarets latet lefareʿoh nekhoh׃ s
36 בֶּן־עֶשְׂרִ֨ים וְחָמֵ֤שׁ שָׁנָ֨ה יְהֹויָקִ֣ים בְּמָלְכֹ֔ו וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו [זְבִידָה כ] (זְבוּדָּ֥ה ק) בַת־פְּדָיָ֖ה מִן־רוּמָֽה׃ ben־ʿeseriym weḥamesh shanah yehowyaqiym bemalekhow weʾaḥat ʿesereh shanah malakhe biyrushalim weshem ʾimow [zeviydah kh] (zevudah q) vat־pedayah min־rumah׃
37 וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשׂ֖וּ אֲבֹתָֽיו׃ wayaʿas haraʿ beʿeyney yehwah kekhol ʾasher־ʿasu ʾavotayw׃