1 וַיֵּ֥שֶׁב יִשְׂרָאֵ֖ל בַּשִּׁטִּ֑ים וַיָּ֣חֶל הָעָ֔ם לִזְנֹ֖ות אֶל־בְּנֹ֥ות מֹואָֽב׃ wayeshev yiseraʾel bashiṭiym wayaḥel haʿam lizenowt ʾel־benowt mowʾav׃
2 וַתִּקְרֶ֣אןָ לָעָ֔ם לְזִבְחֵ֖י אֱלֹהֵיהֶ֑ן וַיֹּ֣אכַל הָעָ֔ם וַיִּֽשְׁתַּחֲוּ֖וּ לֵֽאלֹהֵיהֶֽן׃ watiqereʾna laʿam leziveḥey ʾeloheyhen wayoʾkhal haʿam wayishetaḥauu leʾloheyhen׃
3 וַיִּצָּ֥מֶד יִשְׂרָאֵ֖ל לְבַ֣עַל פְּעֹ֑ור וַיִּֽחַר־אַ֥ף יְהוָ֖ה בְּיִשְׂרָאֵֽל׃ wayitsamed yiseraʾel levaʿal peʿowr wayiḥar־ʾaf yehwah beyiseraʾel׃
4 וַיֹּ֨אמֶר יְהוָ֜ה אֶל־מֹשֶׁ֗ה קַ֚ח אֶת־כָּל־רָאשֵׁ֣י הָעָ֔ם וְהֹוקַ֥ע אֹותָ֛ם לַיהוָ֖ה נֶ֣גֶד הַשָּׁ֑מֶשׁ וְיָשֹׁ֛ב חֲרֹ֥ון אַף־יְהוָ֖ה מִיִּשְׂרָאֵֽל׃ wayoʾmer yehwah ʾel־mosheh qaḥ ʾet־kal־raʾshey haʿam wehowqaʿ ʾowtam layhwah neged hashamesh weyashov ḥarown ʾaf־yehwah miyiseraʾel׃
5 וַיֹּ֣אמֶר מֹשֶׁ֔ה אֶל־שֹׁפְטֵ֖י יִשְׂרָאֵ֑ל הִרְגוּ֙ אִ֣ישׁ אֲנָשָׁ֔יו הַנִּצְמָדִ֖ים לְבַ֥עַל פְּעֹֽור׃ wayoʾmer mosheh ʾel־shofeṭey yiseraʾel hiregu ʾiysh ʾanashayw hanitsemadiym levaʿal peʿowr׃
6 וְהִנֵּ֡ה אִישׁ֩ מִבְּנֵ֨י יִשְׂרָאֵ֜ל בָּ֗א וַיַּקְרֵ֤ב אֶל־אֶחָיו֙ אֶת־הַמִּדְיָנִ֔ית לְעֵינֵ֣י מֹשֶׁ֔ה וּלְעֵינֵ֖י כָּל־עֲדַ֣ת בְּנֵי־יִשְׂרָאֵ֑ל וְהֵ֣מָּה בֹכִ֔ים פֶּ֖תַח אֹ֥הֶל מֹועֵֽד׃ wehineh ʾiysh mibeney yiseraʾel baʾ wayaqerev ʾel־ʾeḥayw ʾet־hamideyaniyt leʿeyney mosheh uleʿeyney kal־ʿadat beney־yiseraʾel wehemah vokhiym petaḥ ʾohel mowʿed׃
7 וַיַּ֗רְא פִּֽינְחָס֙ בֶּן־אֶלְעָזָ֔ר בֶּֽן־אַהֲרֹ֖ן הַכֹּהֵ֑ן וַיָּ֙קָם֙ מִתֹּ֣וךְ הָֽעֵדָ֔ה וַיִּקַּ֥ח רֹ֖מַח בְּיָדֹֽו׃ wayareʾ piyneḥas ben־ʾeleʿazar ben־ʾaharon hakohen wayaqam mitowkhe haʿedah wayiqaḥ romaḥ beyadow׃
8 וַ֠יָּבֹא אַחַ֨ר אִֽישׁ־יִשְׂרָאֵ֜ל אֶל־הַקֻּבָּ֗ה וַיִּדְקֹר֙ אֶת־שְׁנֵיהֶ֔ם אֵ֚ת אִ֣ישׁ יִשְׂרָאֵ֔ל וְאֶת־הָאִשָּׁ֖ה אֶל־קֳבָתָ֑הּ וַתֵּֽעָצַר֙ הַמַּגֵּפָ֔ה מֵעַ֖ל בְּנֵ֥י יִשְׂרָאֵֽל׃ wayavoʾ ʾaḥar ʾiysh־yiseraʾel ʾel־haqubah wayideqor ʾet־sheneyhem ʾet ʾiysh yiseraʾel weʾet־haʾishah ʾel־qovatah wateʿatsar hamagefah meʿal beney yiseraʾel׃
9 וַיִּהְי֕וּ הַמֵּתִ֖ים בַּמַּגֵּפָ֑ה אַרְבָּעָ֥ה וְעֶשְׂרִ֖ים אָֽלֶף׃ פ wayiheyu hametiym bamagefah ʾarebaʿah weʿeseriym ʾalef׃ f
10 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
11 פִּֽינְחָ֨ס בֶּן־אֶלְעָזָ֜ר בֶּן־אַהֲרֹ֣ן הַכֹּהֵ֗ן הֵשִׁ֤יב אֶת־חֲמָתִי֙ מֵעַ֣ל בְּנֵֽי־יִשְׂרָאֵ֔ל בְּקַנְאֹ֥ו אֶת־קִנְאָתִ֖י בְּתֹוכָ֑ם וְלֹא־כִלִּ֥יתִי אֶת־בְּנֵֽי־יִשְׂרָאֵ֖ל בְּקִנְאָתִֽי׃ piyneḥas ben־ʾeleʿazar ben־ʾaharon hakohen heshiyv ʾet־ḥamatiy meʿal beney־yiseraʾel beqaneʾow ʾet־qineʾatiy betowkham weloʾ־khiliytiy ʾet־beney־yiseraʾel beqineʾatiy׃
12 לָכֵ֖ן אֱמֹ֑ר הִנְנִ֨י נֹתֵ֥ן לֹ֛ו אֶת־בְּרִיתִ֖י שָׁלֹֽום׃ lakhen ʾemor hineniy noten low ʾet־beriytiy shalowm׃
13 וְהָ֤יְתָה לֹּו֙ וּלְזַרְעֹ֣ו אַחֲרָ֔יו בְּרִ֖ית כְּהֻנַּ֣ת עֹולָ֑ם תַּ֗חַת אֲשֶׁ֤ר קִנֵּא֙ לֵֽאלֹהָ֔יו וַיְכַפֵּ֖ר עַל־בְּנֵ֥י יִשְׂרָאֵֽל׃ wehayetah low ulezareʿow ʾaḥarayw beriyt kehunat ʿowlam taḥat ʾasher qineʾ leʾlohayw wayekhaper ʿal־beney yiseraʾel׃
14 וְשֵׁם֩ אִ֨ישׁ יִשְׂרָאֵ֜ל הַמֻּכֶּ֗ה אֲשֶׁ֤ר הֻכָּה֙ אֶת־הַמִּדְיָנִ֔ית זִמְרִ֖י בֶּן־סָל֑וּא נְשִׂ֥יא בֵֽית־אָ֖ב לַשִּׁמְעֹנִֽי׃ weshem ʾiysh yiseraʾel hamukeh ʾasher hukah ʾet־hamideyaniyt zimeriy ben־saluʾ nesiyʾ veyt־ʾav lashimeʿoniy׃
15 וְשֵׁ֨ם הָֽאִשָּׁ֧ה הַמֻּכָּ֛ה הַמִּדְיָנִ֖ית כָּזְבִּ֣י בַת־צ֑וּר רֹ֣אשׁ אֻמֹּ֥ות בֵּֽית־אָ֛ב בְּמִדְיָ֖ן הֽוּא׃ פ weshem haʾishah hamukah hamideyaniyt kazebiy vat־tsur roʾsh ʾumowt beyt־ʾav bemideyan huʾ׃ f
16 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
17 צָרֹ֖ור אֶת־הַמִּדְיָנִ֑ים וְהִכִּיתֶ֖ם אֹותָֽם׃ tsarowr ʾet־hamideyaniym wehikiytem ʾowtam׃
18 כִּ֣י צֹרְרִ֥ים הֵם֙ לָכֶ֔ם בְּנִכְלֵיהֶ֛ם אֲשֶׁר־נִכְּל֥וּ לָכֶ֖ם עַל־דְּבַר־פְּעֹ֑ור וְעַל־דְּבַ֞ר כָּזְבִּ֨י בַת־נְשִׂ֤יא מִדְיָן֙ אֲחֹתָ֔ם הַמֻּכָּ֥ה בְיֹום־הַמַּגֵּפָ֖ה עַל־דְּבַר־פְּעֹֽור׃ kiy tsoreriym hem lakhem benikheleyhem ʾasher־nikelu lakhem ʿal־devar־peʿowr weʿal־devar kazebiy vat־nesiyʾ mideyan ʾaḥotam hamukah veyowm־hamagefah ʿal־devar־peʿowr׃
19 וַיְהִ֖י אַחֲרֵ֣י הַמַּגֵּפָ֑ה ׃ פ wayehiy ʾaḥarey hamagefah ׃ f