1 Samuel 9

¹ וַֽיְהִי־אִ֣ישׁ [מִבִּן־יָמִין כ] (מִבִּנְיָמִ֗ין ק) וּ֠שְׁמֹו קִ֣ישׁ בֶּן־אֲבִיאֵ֞ל בֶּן־צְרֹ֧ור בֶּן־בְּכֹורַ֛ת בֶּן־אֲפִ֖יחַ בֶּן־אִ֣ישׁ יְמִינִ֑י גִּבֹּ֖ור חָֽיִל׃ wayehiy־ʾiysh [mibin־yamiyn kh] (mibineyamiyn q) ushemow qiysh ben־ʾaviyʾel ben־tserowr ben־bekhowrat ben־ʾafiyḥa ben־ʾiysh yemiyniy gibowr ḥayil׃

² וְלֹו־הָיָ֨ה בֵ֜ן וּשְׁמֹ֤ו שָׁאוּל֙ בָּח֣וּר וָטֹ֔וב וְאֵ֥ין אִ֛ישׁ מִבְּנֵ֥י יִשְׂרָאֵ֖ל טֹ֣וב מִמֶּ֑נּוּ מִשִּׁכְמֹ֣ו וָמַ֔עְלָה גָּבֹ֖הַּ מִכָּל־הָעָֽם׃ welow־hayah ven ushemow shaʾul baḥur waṭowv weʾeyn ʾiysh mibeney yiseraʾel ṭowv mimenu mishikhemow wamaʿelah gavoah mikal־haʿam׃

³ וַתֹּאבַ֙דְנָה֙ הָאֲתֹנֹ֔ות לְקִ֖ישׁ אֲבִ֣י שָׁא֑וּל וַיֹּ֨אמֶר קִ֜ישׁ אֶל־שָׁא֣וּל בְּנֹ֗ו קַח־נָ֤א אִתְּךָ֙ אֶת־אַחַ֣ד מֵֽהַנְּעָרִ֔ים וְק֣וּם לֵ֔ךְ בַּקֵּ֖שׁ אֶת־הָאֲתֹנֹֽת׃ watoʾvadenah haʾatonowt leqiysh ʾaviy shaʾul wayoʾmer qiysh ʾel־shaʾul benow qaḥ־naʾ ʾitekha ʾet־ʾaḥad mehaneʿariym wequm lekhe baqesh ʾet־haʾatonot׃

⁴ וַיַּעֲבֹ֧ר בְּהַר־אֶפְרַ֛יִם וַיַּעֲבֹ֥ר בְּאֶֽרֶץ־שָׁלִ֖שָׁה וְלֹ֣א מָצָ֑אוּ וַיַּעַבְר֤וּ בְאֶֽרֶץ־שַׁעֲלִים֙ וָאַ֔יִן וַיַּעֲבֹ֥ר בְּאֶֽרֶץ־יְמִינִ֖י וְלֹ֥א מָצָֽאוּ׃ wayaʿavor behar־ʾeferayim wayaʿavor beʾerets־shalishah weloʾ matsaʾu wayaʿaveru veʾerets־shaʿaliym waʾayin wayaʿavor beʾerets־yemiyniy weloʾ matsaʾu׃

⁵ הֵ֗מָּה בָּ֚אוּ בְּאֶ֣רֶץ צ֔וּף וְשָׁא֥וּל אָמַ֛ר לְנַעֲרֹ֥ו אֲשֶׁר־עִמֹּ֖ו לְכָ֣ה וְנָשׁ֑וּבָה פֶּן־יֶחְדַּ֥ל אָבִ֛י מִן־הָאֲתֹנֹ֖ות וְדָ֥אַג לָֽנוּ׃ hemah baʾu beʾerets tsuf weshaʾul ʾamar lenaʿarow ʾasher־ʿimow lekhah wenashuvah pen־yeḥedal ʾaviy min־haʾatonowt wedaʾag lanu׃

⁶ וַיֹּ֣אמֶר לֹ֗ו הִנֵּה־נָ֤א אִישׁ־אֱלֹהִים֙ בָּעִ֣יר הַזֹּ֔את וְהָאִ֣ישׁ נִכְבָּ֔ד כֹּ֥ל אֲשֶׁר־יְדַבֵּ֖ר בֹּ֣וא יָבֹ֑וא עַתָּה֙ נֵ֣לֲכָה שָּׁ֔ם אוּלַי֙ יַגִּ֣יד לָ֔נוּ אֶת־דַּרְכֵּ֖נוּ אֲשֶׁר־הָלַ֥כְנוּ עָלֶֽיהָ׃ wayoʾmer low hineh־naʾ ʾiysh־ʾelohiym baʿiyr hazoʾt wehaʾiysh nikhebad kol ʾasher־yedaber bowʾ yavowʾ ʿatah nelakhah sham ʾulay yagiyd lanu ʾet־darekenu ʾasher־halakhenu ʿaleyha׃

⁷ וַיֹּ֨אמֶר שָׁא֜וּל לְנַעֲרֹ֗ו וְהִנֵּ֣ה נֵלֵךְ֮ וּמַה־נָּבִ֣יא לָאִישׁ֒ כִּ֤י הַלֶּ֙חֶם֙ אָזַ֣ל מִכֵּלֵ֔ינוּ וּתְשׁוּרָ֥ה אֵין־לְהָבִ֖יא לְאִ֣ישׁ הָאֱלֹהִ֑ים מָ֖ה אִתָּֽנוּ׃ wayoʾmer shaʾul lenaʿarow wehineh nelekhe umah־naviyʾ laʾiysh kiy haleḥem ʾazal mikeleynu uteshurah ʾeyn־lehaviyʾ leʾiysh haʾelohiym mah ʾitanu׃

⁸ וַיֹּ֤סֶף הַנַּ֙עַר֙ לַעֲנֹ֣ות אֶת־שָׁא֔וּל וַיֹּ֕אמֶר הִנֵּה֙ נִמְצָ֣א בְיָדִ֔י רֶ֖בַע שֶׁ֣קֶל כָּ֑סֶף וְנָֽתַתִּי֙ לְאִ֣ישׁ הָאֱלֹהִ֔ים וְהִגִּ֥יד לָ֖נוּ אֶת־דַּרְכֵּֽנוּ׃ wayosef hanaʿar laʿanowt ʾet־shaʾul wayoʾmer hineh nimetsaʾ veyadiy revaʿ sheqel kasef wenatatiy leʾiysh haʾelohiym wehigiyd lanu ʾet־darekenu׃

⁹ לְפָנִ֣ים ׀ בְּיִשְׂרָאֵ֗ל כֹּֽה־אָמַ֤ר הָאִישׁ֙ בְּלֶכְתֹּו֙ לִדְרֹ֣ושׁ אֱלֹהִ֔ים לְכ֥וּ וְנֵלְכָ֖ה עַד־הָרֹאֶ֑ה כִּ֤י לַנָּבִיא֙ הַיֹּ֔ום יִקָּרֵ֥א לְפָנִ֖ים הָרֹאֶֽה׃ lefaniym ׀ beyiseraʾel koh־ʾamar haʾiysh belekhetow liderowsh ʾelohiym lekhu wenelekhah ʿad־haroʾeh kiy lanaviyʾ hayowm yiqareʾ lefaniym haroʾeh׃

¹⁰ וַיֹּ֨אמֶר שָׁא֧וּל לְנַעֲרֹ֛ו טֹ֥וב דְּבָרְךָ֖ לְכָ֣ה ׀ נֵלֵ֑כָה וַיֵּֽלְכוּ֙ אֶל־הָעִ֔יר אֲשֶׁר־שָׁ֖ם אִ֥ישׁ הָאֱלֹהִֽים׃ wayoʾmer shaʾul lenaʿarow ṭowv devarekha lekhah ׀ nelekhah wayelekhu ʾel־haʿiyr ʾasher־sham ʾiysh haʾelohiym׃

¹¹ הֵ֗מָּה עֹלִים֙ בְּמַעֲלֵ֣ה הָעִ֔יר וְהֵ֙מָּה֙ מָצְא֣וּ נְעָרֹ֔ות יֹצְאֹ֖ות לִשְׁאֹ֣ב מָ֑יִם וַיֹּאמְר֣וּ לָהֶ֔ן הֲיֵ֥שׁ בָּזֶ֖ה הָרֹאֶֽה׃ hemah ʿoliym bemaʿaleh haʿiyr wehemah matseʾu neʿarowt yotseʾowt lisheʾov mayim wayoʾmeru lahen hayesh bazeh haroʾeh׃

¹² וַתַּעֲנֶ֧ינָה אֹותָ֛ם וַתֹּאמַ֥רְנָה יֵּ֖שׁ הִנֵּ֣ה לְפָנֶ֑יךָ מַהֵ֣ר ׀ עַתָּ֗ה כִּ֤י הַיֹּום֙ בָּ֣א לָעִ֔יר כִּ֣י זֶ֧בַח הַיֹּ֛ום לָעָ֖ם בַּבָּמָֽה׃ wataʿaneynah ʾowtam watoʾmarenah yesh hineh lefaneykha maher ׀ ʿatah kiy hayowm baʾ laʿiyr kiy zevaḥ hayowm laʿam babamah׃

¹³ כְּבֹאֲכֶ֣ם הָעִ֣יר כֵּ֣ן תִּמְצְא֣וּן אֹתֹ֡ו בְּטֶרֶם֩ יַעֲלֶ֨ה הַבָּמָ֜תָה לֶאֱכֹ֗ל כִּ֠י לֹֽא־יֹאכַ֤ל הָעָם֙ עַד־בֹּאֹ֔ו כִּֽי־הוּא֙ יְבָרֵ֣ךְ הַזֶּ֔בַח אַחֲרֵי־כֵ֖ן יֹאכְל֣וּ הַקְּרֻאִ֑ים וְעַתָּ֣ה עֲל֔וּ כִּֽי־אֹתֹ֥ו כְהַיֹּ֖ום תִּמְצְא֥וּן אֹתֹֽו׃ kevoʾakhem haʿiyr ken timetseʾun ʾotow beṭerem yaʿaleh habamatah leʾekhol kiy loʾ־yoʾkhal haʿam ʿad־boʾow kiy־huʾ yevarekhe hazevaḥ ʾaḥarey־khen yoʾkhelu haqeruʾiym weʿatah ʿalu kiy־ʾotow khehayowm timetseʾun ʾotow׃

¹⁴ וַֽיַּעֲל֖וּ הָעִ֑יר הֵ֗מָּה בָּאִים֙ בְּתֹ֣וךְ הָעִ֔יר וְהִנֵּ֤ה שְׁמוּאֵל֙ יֹצֵ֣א לִקְרָאתָ֔ם לַעֲלֹ֖ות הַבָּמָֽה׃ ס wayaʿalu haʿiyr hemah baʾiym betowkhe haʿiyr wehineh shemuʾel yotseʾ liqeraʾtam laʿalowt habamah׃ s

¹⁵ וַֽיהוָ֔ה גָּלָ֖ה אֶת־אֹ֣זֶן שְׁמוּאֵ֑ל יֹ֣ום אֶחָ֔ד לִפְנֵ֥י בֹֽוא־שָׁא֖וּל לֵאמֹֽר׃ wayhwah galah ʾet־ʾozen shemuʾel yowm ʾeḥad lifeney vowʾ־shaʾul leʾmor׃

¹⁶ כָּעֵ֣ת ׀ מָחָ֡ר אֶשְׁלַח֩ אֵלֶ֨יךָ אִ֜ישׁ מֵאֶ֣רֶץ בִּנְיָמִ֗ן וּמְשַׁחְתֹּ֤ו לְנָגִיד֙ עַל־עַמִּ֣י יִשְׂרָאֵ֔ל וְהֹושִׁ֥יעַ אֶת־עַמִּ֖י מִיַּ֣ד פְּלִשְׁתִּ֑ים כִּ֤י רָאִ֙יתִי֙ אֶת־עַמִּ֔י כִּ֛י בָּ֥אָה צַעֲקָתֹ֖ו אֵלָֽי׃ kaʿet ׀ maḥar ʾeshelaḥ ʾeleykha ʾiysh meʾerets bineyamin umeshaḥetow lenagiyd ʿal־ʿamiy yiseraʾel wehowshiyʿa ʾet־ʿamiy miyad pelishetiym kiy raʾiytiy ʾet־ʿamiy kiy baʾah tsaʿaqatow ʾelay׃

¹⁷ וּשְׁמוּאֵ֖ל רָאָ֣ה אֶת־שָׁא֑וּל וַיהוָ֣ה עָנָ֔הוּ הִנֵּ֤ה הָאִישׁ֙ אֲשֶׁ֣ר אָמַ֣רְתִּי אֵלֶ֔יךָ זֶ֖ה יַעְצֹ֥ר בְּעַמִּֽי׃ ushemuʾel raʾah ʾet־shaʾul wayhwah ʿanahu hineh haʾiysh ʾasher ʾamaretiy ʾeleykha zeh yaʿetsor beʿamiy׃

¹⁸ וַיִּגַּ֥שׁ שָׁא֛וּל אֶת־שְׁמוּאֵ֖ל בְּתֹ֣וךְ הַשָּׁ֑עַר וַיֹּ֙אמֶר֙ הַגִּֽידָה־נָּ֣א לִ֔י אֵי־זֶ֖ה בֵּ֥ית הָרֹאֶֽה׃ wayigash shaʾul ʾet־shemuʾel betowkhe hashaʿar wayoʾmer hagiydah־naʾ liy ʾey־zeh beyt haroʾeh׃

¹⁹ וַיַּ֨עַן שְׁמוּאֵ֜ל אֶת־שָׁא֗וּל וַיֹּ֙אמֶר֙ אָנֹכִ֣י הָרֹאֶ֔ה עֲלֵ֤ה לְפָנַי֙ הַבָּמָ֔ה וַאֲכַלְתֶּ֥ם עִמִּ֖י הַיֹּ֑ום וְשִׁלַּחְתִּ֣יךָ בַבֹּ֔קֶר וְכֹ֛ל אֲשֶׁ֥ר בִּֽלְבָבְךָ֖ אַגִּ֥יד לָֽךְ׃ wayaʿan shemuʾel ʾet־shaʾul wayoʾmer ʾanokhiy haroʾeh ʿaleh lefanay habamah waʾakhaletem ʿimiy hayowm weshilaḥetiykha vaboqer wekhol ʾasher bilevavekha ʾagiyd lakhe׃

²⁰ וְלָאֲתֹנֹ֞ות הָאֹבְדֹ֣ות לְךָ֗ הַיֹּום֙ שְׁלֹ֣שֶׁת הַיָּמִ֔ים אַל־תָּ֧שֶׂם אֶֽת־לִבְּךָ֛ לָהֶ֖ם כִּ֣י נִמְצָ֑אוּ וּלְמִי֙ כָּל־חֶמְדַּ֣ת יִשְׂרָאֵ֔ל הֲלֹ֣וא לְךָ֔ וּלְכֹ֖ל בֵּ֥ית אָבִֽיךָ׃ ס welaʾatonowt haʾovedowt lekha hayowm sheloshet hayamiym ʾal־tasem ʾet־libekha lahem kiy nimetsaʾu ulemiy kal־ḥemedat yiseraʾel halowʾ lekha ulekhol beyt ʾaviykha׃ s

²¹ וַיַּ֨עַן שָׁא֜וּל וַיֹּ֗אמֶר הֲלֹ֨וא בֶן־יְמִינִ֤י אָ֙נֹכִי֙ מִקַּטַנֵּי֙ שִׁבְטֵ֣י יִשְׂרָאֵ֔ל וּמִשְׁפַּחְתִּי֙ הַצְּעִרָ֔ה מִכָּֽל־מִשְׁפְּחֹ֖ות שִׁבְטֵ֣י בִנְיָמִ֑ן וְלָ֙מָּה֙ דִּבַּ֣רְתָּ אֵלַ֔י כַּדָּבָ֖ר הַזֶּֽה׃ ס wayaʿan shaʾul wayoʾmer halowʾ ven־yemiyniy ʾanokhiy miqaṭaney shiveṭey yiseraʾel umishepaḥetiy hatseʿirah mikal־mishepeḥowt shiveṭey vineyamin welamah dibareta ʾelay kadavar hazeh׃ s

²² וַיִּקַּ֤ח שְׁמוּאֵל֙ אֶת־שָׁא֣וּל וְאֶֽת־נַעֲרֹ֔ו וַיְבִיאֵ֖ם לִשְׁכָּ֑תָה וַיִּתֵּ֨ן לָהֶ֤ם מָקֹום֙ בְּרֹ֣אשׁ הַקְּרוּאִ֔ים וְהֵ֖מָּה כִּשְׁלֹשִׁ֥ים אִֽישׁ׃ wayiqaḥ shemuʾel ʾet־shaʾul weʾet־naʿarow wayeviyʾem lishekatah wayiten lahem maqowm beroʾsh haqeruʾiym wehemah kisheloshiym ʾiysh׃

²³ וַיֹּ֤אמֶר שְׁמוּאֵל֙ לַטַּבָּ֔ח תְּנָה֙ אֶת־הַמָּנָ֔ה אֲשֶׁ֥ר נָתַ֖תִּי לָ֑ךְ אֲשֶׁר֙ אָמַ֣רְתִּי אֵלֶ֔יךָ שִׂ֥ים אֹתָ֖הּ עִמָּֽךְ׃ wayoʾmer shemuʾel laṭabaḥ tenah ʾet־hamanah ʾasher natatiy lakhe ʾasher ʾamaretiy ʾeleykha siym ʾotah ʿimakhe׃

²⁴ וַיָּ֣רֶם הַ֠טַּבָּח אֶת־הַשֹּׁ֨וק וְהֶעָלֶ֜יהָ וַיָּ֣שֶׂם ׀ לִפְנֵ֣י שָׁא֗וּל וַיֹּ֙אמֶר֙ הִנֵּ֤ה הַנִּשְׁאָר֙ שִׂים־לְפָנֶ֣יךָ אֱכֹ֔ל כִּ֧י לַמֹּועֵ֛ד שָֽׁמוּר־לְךָ֥ לֵאמֹ֖ר הָעָ֣ם ׀ קָרָ֑אתִי וַיֹּ֧אכַל שָׁא֛וּל עִם־שְׁמוּאֵ֖ל בַּיֹּ֥ום הַהֽוּא׃ wayarem haṭabaḥ ʾet־hashowq weheʿaleyha wayasem ׀ lifeney shaʾul wayoʾmer hineh hanisheʾar siym־lefaneykha ʾekhol kiy lamowʿed shamur־lekha leʾmor haʿam ׀ qaraʾtiy wayoʾkhal shaʾul ʿim־shemuʾel bayowm hahuʾ׃

²⁵ וַיֵּרְד֥וּ מֵהַבָּמָ֖ה הָעִ֑יר וַיְדַבֵּ֥ר עִם־שָׁא֖וּל עַל־הַגָּֽג׃ wayeredu mehabamah haʿiyr wayedaber ʿim־shaʾul ʿal־hagag׃

²⁶ וַיַּשְׁכִּ֗מוּ וַיְהִ֞י כַּעֲלֹ֤ות הַשַּׁ֙חַר֙ וַיִּקְרָ֨א שְׁמוּאֵ֤ל אֶל־שָׁאוּל֙ [הַגָּג כ] (הַגָּ֣גָה ק) לֵאמֹ֔ר ק֖וּמָה וַאֲשַׁלְּחֶ֑ךָּ וַיָּ֣קָם שָׁא֗וּל וַיֵּצְא֧וּ שְׁנֵיהֶ֛ם ה֥וּא וּשְׁמוּאֵ֖ל הַחֽוּצָה׃ wayashekimu wayehiy kaʿalowt hashaḥar wayiqeraʾ shemuʾel ʾel־shaʾul [hagag kh] (hagagah q) leʾmor qumah waʾashaleḥeka wayaqam shaʾul wayetseʾu sheneyhem huʾ ushemuʾel haḥutsah׃

²⁷ הֵ֗מָּה יֹֽורְדִים֙ בִּקְצֵ֣ה הָעִ֔יר וּשְׁמוּאֵ֞ל אָמַ֣ר אֶל־שָׁא֗וּל אֱמֹ֥ר לַנַּ֛עַר וְיַעֲבֹ֥ר לְפָנֵ֖ינוּ וַֽיַּעֲבֹ֑ר וְאַתָּה֙ עֲמֹ֣ד כַּיֹּ֔ום וְאַשְׁמִיעֲךָ֖ אֶת־דְּבַ֥ר אֱלֹהִֽים׃ פ hemah yowrediym biqetseh haʿiyr ushemuʾel ʾamar ʾel־shaʾul ʾemor lanaʿar weyaʿavor lefaneynu wayaʿavor weʾatah ʿamod kayowm weʾashemiyʿakha ʾet־devar ʾelohiym׃ f