1 וַיְהִ֣י ׀ בַּחֹ֣דֶשׁ הַשְּׁבִיעִ֗י בָּ֣א יִשְׁמָעֵ֣אל בֶּן־נְתַנְיָ֣ה בֶן־אֱלִישָׁמָ֣ע מִזֶּ֣רַע הַ֠מְּלוּכָה וְרַבֵּ֨י הַמֶּ֜לֶךְ וַעֲשָׂרָ֨ה אֲנָשִׁ֥ים אִתֹּ֛ו אֶל־גְּדַלְיָ֥הוּ בֶן־אֲחִיקָ֖ם הַמִּצְפָּ֑תָה וַיֹּ֨אכְלוּ שָׁ֥ם לֶ֛חֶם יַחְדָּ֖ו בַּמִּצְפָּֽה׃ wayehiy ׀ baḥodesh hasheviyʿiy baʾ yishemaʿeʾl ben־netaneyah ven־ʾeliyshamaʿ mizeraʿ hamelukhah werabey hamelekhe waʿasarah ʾanashiym ʾitow ʾel־gedaleyahu ven־ʾaḥiyqam hamitsepatah wayoʾkhelu sham leḥem yaḥedaw bamitsepah׃
2 וַיָּקָם֩ יִשְׁמָעֵ֨אל בֶּן־נְתַנְיָ֜ה וַעֲשֶׂ֥רֶת הָאֲנָשִׁ֣ים ׀ אֲשֶׁר־הָי֣וּ אִתֹּ֗ו וַ֠יַּכּוּ אֶת־גְּדַלְיָ֨הוּ בֶן־אֲחִיקָ֧ם בֶּן־שָׁפָ֛ן בַּחֶ֖רֶב וַיָּ֣מֶת אֹתֹ֑ו אֲשֶׁר־הִפְקִ֥יד מֶֽלֶךְ־בָּבֶ֖ל בָּאָֽרֶץ׃ wayaqam yishemaʿeʾl ben־netaneyah waʿaseret haʾanashiym ׀ ʾasher־hayu ʾitow wayaku ʾet־gedaleyahu ven־ʾaḥiyqam ben־shafan baḥerev wayamet ʾotow ʾasher־hifeqiyd melekhe־bavel baʾarets׃
3 וְאֵ֣ת כָּל־הַיְּהוּדִ֗ים אֲשֶׁר־הָי֨וּ אִתֹּ֤ו אֶת־גְּדַלְיָ֙הוּ֙ בַּמִּצְפָּ֔ה וְאֶת־הַכַּשְׂדִּ֖ים אֲשֶׁ֣ר נִמְצְאוּ־שָׁ֑ם אֵ֚ת אַנְשֵׁ֣י הַמִּלְחָמָ֔ה הִכָּ֖ה יִשְׁמָעֵֽאל׃ weʾet kal־hayehudiym ʾasher־hayu ʾitow ʾet־gedaleyahu bamitsepah weʾet־hakasediym ʾasher nimetseʾu־sham ʾet ʾaneshey hamileḥamah hikah yishemaʿeʾl׃
4 וַיְהִ֛י בַּיֹּ֥ום הַשֵּׁנִ֖י לְהָמִ֣ית אֶת־גְּדַלְיָ֑הוּ וְאִ֖ישׁ לֹ֥א יָדָֽע׃ wayehiy bayowm hasheniy lehamiyt ʾet־gedaleyahu weʾiysh loʾ yadaʿ׃
5 וַיָּבֹ֣אוּ אֲ֠נָשִׁים מִשְּׁכֶ֞ם מִשִּׁלֹ֤ו וּמִשֹּֽׁמְרֹון֙ שְׁמֹנִ֣ים אִ֔ישׁ מְגֻלְּחֵ֥י זָקָ֛ן וּקְרֻעֵ֥י בְגָדִ֖ים וּמִתְגֹּֽדְדִ֑ים וּמִנְחָ֤ה וּלְבֹונָה֙ בְּיָדָ֔ם לְהָבִ֖יא בֵּ֥ית יְהוָֽה׃ wayavoʾu ʾanashiym mishekhem mishilow umishomerown shemoniym ʾiysh meguleḥey zaqan uqeruʿey vegadiym umitegodediym umineḥah ulevownah beyadam lehaviyʾ beyt yehwah׃
6 וַ֠יֵּצֵא יִשְׁמָעֵ֨אל בֶּן־נְתַנְיָ֤ה לִקְרָאתָם֙ מִן־הַמִּצְפָּ֔ה הֹלֵ֥ךְ הָלֹ֖ךְ וּבֹכֶ֑ה וַֽיְהִי֙ כִּפְגֹ֣שׁ אֹתָ֔ם וַיֹּ֣אמֶר אֲלֵיהֶ֔ם בֹּ֖אוּ אֶל־גְּדַלְיָ֥הוּ בֶן־אֲחִיקָֽם׃ ס wayetseʾ yishemaʿeʾl ben־netaneyah liqeraʾtam min־hamitsepah holekhe halokhe uvokheh wayehiy kifegosh ʾotam wayoʾmer ʾaleyhem boʾu ʾel־gedaleyahu ven־ʾaḥiyqam׃ s
7 וַיְהִ֕י כְּבֹואָ֖ם אֶל־תֹּ֣וךְ הָעִ֑יר וַיִּשְׁחָטֵ֞ם יִשְׁמָעֵ֤אל בֶּן־נְתַנְיָה֙ אֶל־תֹּ֣וךְ הַבֹּ֔ור ה֖וּא וְהָאֲנָשִׁ֥ים אֲשֶׁר־אִתֹּֽו׃ wayehiy kevowʾam ʾel־towkhe haʿiyr wayisheḥaṭem yishemaʿeʾl ben־netaneyah ʾel־towkhe habowr huʾ wehaʾanashiym ʾasher־ʾitow׃
8 וַעֲשָׂרָ֨ה אֲנָשִׁ֜ים נִמְצְאוּ־בָ֗ם וַיֹּאמְר֤וּ אֶל־יִשְׁמָעֵאל֙ אַל־תְּמִתֵ֔נוּ כִּֽי־יֶשׁ־לָ֤נוּ מַטְמֹנִים֙ בַּשָּׂדֶ֔ה חִטִּ֥ים וּשְׂעֹרִ֖ים וְשֶׁ֣מֶן וּדְבָ֑שׁ וַיֶּחְדַּ֕ל וְלֹ֥א הֱמִיתָ֖ם בְּתֹ֥וךְ אֲחֵיהֶֽם׃ waʿasarah ʾanashiym nimetseʾu־vam wayoʾmeru ʾel־yishemaʿeʾl ʾal־temitenu kiy־yesh־lanu maṭemoniym basadeh ḥiṭiym useʿoriym weshemen udevash wayeḥedal weloʾ hemiytam betowkhe ʾaḥeyhem׃
9 וְהַבֹּ֗ור אֲשֶׁר֩ הִשְׁלִ֨יךְ שָׁ֤ם יִשְׁמָעֵאל֙ אֵ֣ת ׀ כָּל־פִּגְרֵ֣י הָאֲנָשִׁ֗ים אֲשֶׁ֤ר הִכָּה֙ בְּיַד־גְּדַלְיָ֔הוּ ה֗וּא אֲשֶׁ֤ר עָשָׂה֙ הַמֶּ֣לֶךְ אָסָ֔א מִפְּנֵ֖י בַּעְשָׁ֣א מֶֽלֶךְ־יִשְׂרָאֵ֑ל אֹתֹ֗ו מִלֵּ֛א יִשְׁמָעֵ֥אל בֶּן־נְתַנְיָ֖הוּ חֲלָלִֽים׃ wehabowr ʾasher hisheliykhe sham yishemaʿeʾl ʾet ׀ kal־pigerey haʾanashiym ʾasher hikah beyad־gedaleyahu huʾ ʾasher ʿasah hamelekhe ʾasaʾ mipeney baʿeshaʾ melekhe־yiseraʾel ʾotow mileʾ yishemaʿeʾl ben־netaneyahu ḥalaliym׃
10 וַיִּ֣שְׁבְּ ׀ יִ֠שְׁמָעֵאל אֶת־כָּל־שְׁאֵרִ֨ית הָעָ֜ם אֲשֶׁ֣ר בַּמִּצְפָּ֗ה אֶת־בְּנֹ֤ות הַמֶּ֙לֶךְ֙ וְאֶת־כָּל־הָעָם֙ הַנִּשְׁאָרִ֣ים בַּמִּצְפָּ֔ה אֲשֶׁ֣ר הִפְקִ֗יד נְבֽוּזַרְאֲדָן֙ רַב־טַבָּחִ֔ים אֶת־גְּדַלְיָ֖הוּ בֶּן־אֲחִיקָ֑ם וַיִּשְׁבֵּם֙ יִשְׁמָעֵ֣אל בֶּן־נְתַנְיָ֔ה וַיֵּ֕לֶךְ לַעֲבֹ֖ר אֶל־בְּנֵ֥י עַמֹּֽון׃ ס wayishebe ׀ yishemaʿeʾl ʾet־kal־sheʾeriyt haʿam ʾasher bamitsepah ʾet־benowt hamelekhe weʾet־kal־haʿam hanisheʾariym bamitsepah ʾasher hifeqiyd nevuzareʾadan rav־ṭabaḥiym ʾet־gedaleyahu ben־ʾaḥiyqam wayishebem yishemaʿeʾl ben־netaneyah wayelekhe laʿavor ʾel־beney ʿamown׃ s
11 וַיִּשְׁמַע֙ יֹוחָנָ֣ן בֶּן־קָרֵ֔חַ וְכָל־שָׂרֵ֥י הַחֲיָלִ֖ים אֲשֶׁ֣ר אִתֹּ֑ו אֵ֤ת כָּל־הָֽרָעָה֙ אֲשֶׁ֣ר עָשָׂ֔ה יִשְׁמָעֵ֖אל בֶּן־נְתַנְיָֽה׃ wayishemaʿ yowḥanan ben־qareaḥ wekhal־sarey haḥayaliym ʾasher ʾitow ʾet kal־haraʿah ʾasher ʿasah yishemaʿeʾl ben־netaneyah׃
12 וַיִּקְחוּ֙ אֶת־כָּל־הָ֣אֲנָשִׁ֔ים וַיֵּ֣לְכ֔וּ לְהִלָּחֵ֖ם עִם־יִשְׁמָעֵ֣אל בֶּן־נְתַנְיָ֑ה וַיִּמְצְא֣וּ אֹתֹ֔ו אֶל־מַ֥יִם רַבִּ֖ים אֲשֶׁ֥ר בְּגִבְעֹֽון׃ wayiqeḥu ʾet־kal־haʾanashiym wayelekhu lehilaḥem ʿim־yishemaʿeʾl ben־netaneyah wayimetseʾu ʾotow ʾel־mayim rabiym ʾasher begiveʿown׃
13 וַיְהִ֗י כִּרְאֹ֤ות כָּל־הָעָם֙ אֲשֶׁ֣ר אֶת־יִשְׁמָעֵ֔אל אֶת־יֹֽוחָנָן֙ בֶּן־קָרֵ֔חַ וְאֵ֛ת כָּל־שָׂרֵ֥י הַחֲיָלִ֖ים אֲשֶׁ֣ר אִתֹּ֑ו וַיִּשְׂמָֽחוּ׃ wayehiy kireʾowt kal־haʿam ʾasher ʾet־yishemaʿeʾl ʾet־yowḥanan ben־qareaḥ weʾet kal־sarey haḥayaliym ʾasher ʾitow wayisemaḥu׃
14 וַיָּסֹ֙בּוּ֙ כָּל־הָעָ֔ם אֲשֶׁר־שָׁבָ֥ה יִשְׁמָעֵ֖אל מִן־הַמִּצְפָּ֑ה וַיָּשֻׁ֙בוּ֙ וַיֵּ֣לְכ֔וּ אֶל־יֹֽוחָנָ֖ן בֶּן־קָרֵֽחַ׃ wayasobu kal־haʿam ʾasher־shavah yishemaʿeʾl min־hamitsepah wayashuvu wayelekhu ʾel־yowḥanan ben־qareaḥ׃
15 וְיִשְׁמָעֵ֣אל בֶּן־נְתַנְיָ֗ה נִמְלַט֙ בִּשְׁמֹנָ֣ה אֲנָשִׁ֔ים מִפְּנֵ֖י יֹֽוחָנָ֑ן וַיֵּ֖לֶךְ אֶל־בְּנֵ֥י עַמֹּֽון׃ ס weyishemaʿeʾl ben־netaneyah nimelaṭ bishemonah ʾanashiym mipeney yowḥanan wayelekhe ʾel־beney ʿamown׃ s
16 וַיִּקַּח֩ יֹוחָנָ֨ן בֶּן־קָרֵ֜חַ וְכָל־שָׂרֵ֧י הַחֲיָלִ֣ים אֲשֶׁר־אִתֹּ֗ו אֵ֣ת כָּל־שְׁאֵרִ֤ית הָעָם֙ אֲשֶׁ֣ר הֵ֠שִׁיב מֵאֵ֨ת יִשְׁמָעֵ֤אל בֶּן־נְתַנְיָה֙ מִן־הַמִּצְפָּ֔ה אַחַ֣ר הִכָּ֔ה אֶת־גְּדַלְיָ֖ה בֶּן־אֲחִיקָ֑ם גְּבָרִ֞ים אַנְשֵׁ֣י הַמִּלְחָמָ֗ה וְנָשִׁ֤ים וְטַף֙ וְסָ֣רִסִ֔ים אֲשֶׁ֥ר הֵשִׁ֖יב מִגִּבְעֹֽון׃ wayiqaḥ yowḥanan ben־qareaḥ wekhal־sarey haḥayaliym ʾasher־ʾitow ʾet kal־sheʾeriyt haʿam ʾasher heshiyv meʾet yishemaʿeʾl ben־netaneyah min־hamitsepah ʾaḥar hikah ʾet־gedaleyah ben־ʾaḥiyqam gevariym ʾaneshey hamileḥamah wenashiym weṭaf wesarisiym ʾasher heshiyv migiveʿown׃
17 וַיֵּלְכ֗וּ וַיֵּֽשְׁבוּ֙ בְּגֵר֣וּת [כְמֹוהֶם כ] (כִּמְהָ֔ם ק) אֲשֶׁר־אֵ֖צֶל בֵּ֣ית לָ֑חֶם לָלֶ֖כֶת לָבֹ֥וא מִצְרָֽיִם׃ wayelekhu wayeshevu begerut [khemowhem kh] (kimeham q) ʾasher־ʾetsel beyt laḥem lalekhet lavowʾ mitserayim׃
18 מִפְּנֵי֙ הַכַּשְׂדִּ֔ים כִּ֥י יָרְא֖וּ מִפְּנֵיהֶ֑ם כִּֽי־הִכָּ֞ה יִשְׁמָעֵ֣אל בֶּן־נְתַנְיָ֗ה אֶת־גְּדַלְיָ֙הוּ֙ בֶּן־אֲחִיקָ֔ם אֲשֶׁר־הִפְקִ֥יד מֶֽלֶךְ־בָּבֶ֖ל בָּאָֽרֶץ׃ ס mipeney hakasediym kiy yareʾu mipeneyhem kiy־hikah yishemaʿeʾl ben־netaneyah ʾet־gedaleyahu ben־ʾaḥiyqam ʾasher־hifeqiyd melekhe־bavel baʾarets׃ s