1 אֲשֶׁ֨ר הָיָ֤ה דְבַר־יְהוָה֙ אֶֽל־יִרְמְיָ֔הוּ עַל־דִּבְרֵ֖י הַבַּצָּרֹֽות׃ ʾasher hayah devar־yehwah ʾel־yiremeyahu ʿal־diverey habatsarowt׃
2 אָבְלָ֣ה יְהוּדָ֔ה וּשְׁעָרֶ֥יהָ אֻמְלְל֖וּ קָדְר֣וּ לָאָ֑רֶץ וְצִוְחַ֥ת יְרוּשָׁלִַ֖ם עָלָֽתָה׃ ʾavelah yehudah usheʿareyha ʾumelelu qaderu laʾarets wetsiweḥat yerushalim ʿalatah׃
3 וְאַדִּ֣רֵיהֶ֔ם שָׁלְח֥וּ [צְעֹורֵיהֶם כ] (צְעִירֵיהֶ֖ם ק) לַמָּ֑יִם בָּ֣אוּ עַל־גֵּבִ֞ים לֹא־מָ֣צְאוּ מַ֗יִם שָׁ֤בוּ כְלֵיהֶם֙ רֵיקָ֔ם בֹּ֥שׁוּ וְהָכְלְמ֖וּ וְחָפ֥וּ רֹאשָֽׁם׃ weʾadireyhem shaleḥu [tseʿowreyhem kh] (tseʿiyreyhem q) lamayim baʾu ʿal־geviym loʾ־matseʾu mayim shavu kheleyhem reyqam boshu wehakhelemu weḥafu roʾsham׃
4 בַּעֲב֤וּר הָאֲדָמָה֙ חַ֔תָּה כִּ֛י לֹא־הָיָ֥ה גֶ֖שֶׁם בָּאָ֑רֶץ בֹּ֥שׁוּ אִכָּרִ֖ים חָפ֥וּ רֹאשָֽׁם׃ baʿavur haʾadamah ḥatah kiy loʾ־hayah geshem baʾarets boshu ʾikariym ḥafu roʾsham׃
5 כִּ֤י גַם־אַיֶּ֙לֶת֙ בַּשָּׂדֶ֔ה יָלְדָ֖ה וְעָזֹ֑וב כִּ֥י לֹֽא־הָיָ֖ה דֶּֽשֶׁא׃ kiy gam־ʾayelet basadeh yaledah weʿazowv kiy loʾ־hayah desheʾ׃
6 וּפְרָאִים֙ עָמְד֣וּ עַל־שְׁפָיִ֔ם שָׁאֲפ֥וּ ר֖וּחַ כַּתַּנִּ֑ים כָּל֥וּ עֵינֵיהֶ֖ם כִּי־אֵ֥ין עֵֽשֶׂב׃ uferaʾiym ʿamedu ʿal־shefayim shaʾafu ruaḥ kataniym kalu ʿeyneyhem kiy־ʾeyn ʿesev׃
7 אִם־עֲוֹנֵ֙ינוּ֙ עָ֣נוּ בָ֔נוּ יְהוָ֕ה עֲשֵׂ֖ה לְמַ֣עַן שְׁמֶ֑ךָ כִּֽי־רַבּ֥וּ מְשׁוּבֹתֵ֖ינוּ לְךָ֥ חָטָֽאנוּ׃ ʾim־ʿaoneynu ʿanu vanu yehwah ʿaseh lemaʿan shemekha kiy־rabu meshuvoteynu lekha ḥaṭaʾnu׃
8 מִקְוֵה֙ יִשְׂרָאֵ֔ל מֹֽושִׁיעֹ֖ו בְּעֵ֣ת צָרָ֑ה לָ֤מָּה תִֽהְיֶה֙ כְּגֵ֣ר בָּאָ֔רֶץ וּכְאֹרֵ֖חַ נָטָ֥ה לָלֽוּן׃ miqeweh yiseraʾel mowshiyʿow beʿet tsarah lamah tiheyeh keger baʾarets ukheʾoreaḥ naṭah lalun׃
9 לָ֤מָּה תִֽהְיֶה֙ כְּאִ֣ישׁ נִדְהָ֔ם כְּגִבֹּ֖ור לֹא־יוּכַ֣ל לְהֹושִׁ֑יעַ וְאַתָּ֧ה בְקִרְבֵּ֣נוּ יְהוָ֗ה וְשִׁמְךָ֛ עָלֵ֥ינוּ נִקְרָ֖א אַל־תַּנִּחֵֽנוּ׃ ס lamah tiheyeh keʾiysh nideham kegibowr loʾ־yukhal lehowshiyʿa weʾatah veqirebenu yehwah weshimekha ʿaleynu niqeraʾ ʾal־taniḥenu׃ s
10 כֹּֽה־אָמַ֨ר יְהוָ֜ה לָעָ֣ם הַזֶּ֗ה כֵּ֤ן אָֽהֲבוּ֙ לָנ֔וּעַ רַגְלֵיהֶ֖ם לֹ֣א חָשָׂ֑כוּ וַיהוָה֙ לֹ֣א רָצָ֔ם עַתָּה֙ יִזְכֹּ֣ר עֲוֹנָ֔ם וְיִפְקֹ֖ד חַטֹּאתָֽם׃ ס koh־ʾamar yehwah laʿam hazeh ken ʾahavu lanuaʿ rageleyhem loʾ ḥasakhu wayhwah loʾ ratsam ʿatah yizekor ʿaonam weyifeqod ḥaṭoʾtam׃ s
11 וַיֹּ֥אמֶר יְהוָ֖ה אֵלָ֑י אַל־תִּתְפַּלֵּ֛ל בְּעַד־הָעָ֥ם הַזֶּ֖ה לְטֹובָֽה׃ wayoʾmer yehwah ʾelay ʾal־titepalel beʿad־haʿam hazeh leṭowvah׃
12 כִּ֣י יָצֻ֗מוּ אֵינֶ֤נִּי שֹׁמֵ֙עַ֙ אֶל־רִנָּתָ֔ם וְכִ֧י יַעֲל֛וּ עֹלָ֥ה וּמִנְחָ֖ה אֵינֶ֣נִּי רֹצָ֑ם כִּ֗י בַּחֶ֙רֶב֙ וּבָרָעָ֣ב וּבַדֶּ֔בֶר אָנֹכִ֖י מְכַלֶּ֥ה אֹותָֽם׃ ס kiy yatsumu ʾeyneniy shomeaʿ ʾel־rinatam wekhiy yaʿalu ʿolah umineḥah ʾeyneniy rotsam kiy baḥerev uvaraʿav uvadever ʾanokhiy mekhaleh ʾowtam׃ s
13 וָאֹמַ֞ר אֲהָ֣הּ ׀ אֲדֹנָ֣י יְהוִ֗ה הִנֵּ֨ה הַנְּבִאִ֜ים אֹמְרִ֤ים לָהֶם֙ לֹֽא־תִרְא֣וּ חֶ֔רֶב וְרָעָ֖ב לֹֽא־יִהְיֶ֣ה לָכֶ֑ם כִּֽי־שְׁלֹ֤ום אֱמֶת֙ אֶתֵּ֣ן לָכֶ֔ם בַּמָּקֹ֖ום הַזֶּֽה׃ ס waʾomar ʾahah ׀ ʾadonay yehwih hineh haneviʾiym ʾomeriym lahem loʾ־tireʾu ḥerev weraʿav loʾ־yiheyeh lakhem kiy־shelowm ʾemet ʾeten lakhem bamaqowm hazeh׃ s
14 וַיֹּ֨אמֶר יְהוָ֜ה אֵלַ֗י קֶר הַנְּבִאִים֙ נִבְּאִ֣ים בִּשְׁמִ֔י לֹ֤א שְׁלַחְתִּים֙ וְלֹ֣א צִוִּיתִ֔ים וְלֹ֥א דִבַּ֖רְתִּי אֲלֵיהֶ֑ם חֲזֹ֨ון שֶׁ֜קֶר וְקֶ֤סֶם [וֶאֱלוּל כ] (וֶֽאֱלִיל֙ ק) [וְתַרְמוּת כ] (וְתַרְמִ֣ית ק) לִבָּ֔ם הֵ֖מָּה מִֽתְנַבְּאִ֥ים לָכֶֽם׃ ס wayoʾmer yehwah ʾelay qer haneviʾiym nibeʾiym bishemiy loʾ shelaḥetiym weloʾ tsiuiytiym weloʾ dibaretiy ʾaleyhem ḥazown sheqer weqesem [weʾelul kh] (weʾeliyl q) [wetaremut kh] (wetaremiyt q) libam hemah mitenabeʾiym lakhem׃ s
15 לָכֵ֞ן כֹּֽה־אָמַ֣ר יְהוָ֗ה עַֽל־הַנְּבִאִ֞ים הַנִּבְּאִ֣ים בִּשְׁמִי֮ וַאֲנִ֣י לֹֽא־שְׁלַחְתִּים֒ וְהֵ֙מָּה֙ אֹֽמְרִ֔ים חֶ֣רֶב וְרָעָ֔ב לֹ֥א יִהְיֶ֖ה בָּאָ֣רֶץ הַזֹּ֑את בַּחֶ֤רֶב וּבָֽרָעָב֙ יִתַּ֔מּוּ הַנְּבִאִ֖ים הָהֵֽמָּה׃ lakhen koh־ʾamar yehwah ʿal־haneviʾiym hanibeʾiym bishemiy waʾaniy loʾ־shelaḥetiym wehemah ʾomeriym ḥerev weraʿav loʾ yiheyeh baʾarets hazoʾt baḥerev uvaraʿav yitamu haneviʾiym hahemah׃
16 וְהָעָ֣ם אֲשֶׁר־הֵ֣מָּה נִבְּאִ֣ים לָהֶ֡ם יִֽהְי֣וּ מֻשְׁלָכִים֩ בְּחֻצֹ֨ות יְרוּשָׁלִַ֜ם מִפְּנֵ֣י ׀ הָרָעָ֣ב וְהַחֶ֗רֶב וְאֵ֤ין מְקַבֵּר֙ לָהֵ֔מָּה הֵ֣מָּה נְשֵׁיהֶ֔ם וּבְנֵיהֶ֖ם וּבְנֹֽתֵיהֶ֑ם וְשָׁפַכְתִּ֥י עֲלֵיהֶ֖ם אֶת־רָעָתָֽם׃ wehaʿam ʾasher־hemah nibeʾiym lahem yiheyu mushelakhiym beḥutsowt yerushalim mipeney ׀ haraʿav wehaḥerev weʾeyn meqaber lahemah hemah nesheyhem uveneyhem uvenoteyhem weshafakhetiy ʿaleyhem ʾet־raʿatam׃
17 וְאָמַרְתָּ֤ אֲלֵיהֶם֙ אֶת־הַדָּבָ֣ר הַזֶּ֔ה תֵּרַ֨דְנָה עֵינַ֥י דִּמְעָ֛ה לַ֥יְלָה וְיֹומָ֖ם וְאַל־תִּדְמֶ֑ינָה כִּי֩ שֶׁ֨בֶר גָּדֹ֜ול נִשְׁבְּרָ֗ה בְּתוּלַת֙ בַּת־עַמִּ֔י מַכָּ֖ה נַחְלָ֥ה מְאֹֽד׃ weʾamareta ʾaleyhem ʾet־hadavar hazeh teradenah ʿeynay dimeʿah layelah weyowmam weʾal־tidemeynah kiy shever gadowl nisheberah betulat bat־ʿamiy makah naḥelah meʾod׃
18 אִם־יָצָ֣אתִי הַשָּׂדֶ֗ה וְהִנֵּה֙ חַלְלֵי־חֶ֔רֶב וְאִם֙ בָּ֣אתִי הָעִ֔יר וְהִנֵּ֖ה תַּחֲלוּאֵ֣י רָעָ֑ב כִּֽי־גַם־נָבִ֧יא גַם־כֹּהֵ֛ן סָחֲר֥וּ אֶל־אֶ֖רֶץ וְלֹ֥א יָדָֽעוּ׃ ס ʾim־yatsaʾtiy hasadeh wehineh ḥaleley־ḥerev weʾim baʾtiy haʿiyr wehineh taḥaluʾey raʿav kiy־gam־naviyʾ gam־kohen saḥaru ʾel־ʾerets weloʾ yadaʿu׃ s
19 הֲמָאֹ֨ס מָאַ֜סְתָּ אֶת־יְהוּדָ֗ה אִם־בְּצִיֹּון֙ גָּעֲלָ֣ה נַפְשֶׁ֔ךָ מַדּ֙וּעַ֙ הִכִּיתָ֔נוּ וְאֵ֥ין לָ֖נוּ מַרְפֵּ֑א קַוֵּ֤ה לְשָׁלֹום֙ וְאֵ֣ין טֹ֔וב וּלְעֵ֥ת מַרְפֵּ֖א וְהִנֵּ֥ה בְעָתָֽה׃ hamaʾos maʾaseta ʾet־yehudah ʾim־betsiyown gaʿalah nafeshekha maduaʿ hikiytanu weʾeyn lanu marepeʾ qaueh leshalowm weʾeyn ṭowv uleʿet marepeʾ wehineh veʿatah׃
20 יָדַ֧עְנוּ יְהוָ֛ה רִשְׁעֵ֖נוּ עֲוֹ֣ן אֲבֹותֵ֑ינוּ כִּ֥י חָטָ֖אנוּ לָֽךְ׃ yadaʿenu yehwah risheʿenu ʿaon ʾavowteynu kiy ḥaṭaʾnu lakhe׃
21 אַל־תִּנְאַץ֙ לְמַ֣עַן שִׁמְךָ֔ אַל־תְּנַבֵּ֖ל כִּסֵּ֣א כְבֹודֶ֑ךָ זְכֹ֕ר אַל־תָּפֵ֥ר בְּרִֽיתְךָ֖ אִתָּֽנוּ׃ ʾal־tineʾats lemaʿan shimekha ʾal־tenabel kiseʾ khevowdekha zekhor ʾal־tafer beriytekha ʾitanu׃
22 הֲיֵ֨שׁ בְּהַבְלֵ֤י הַגֹּויִם֙ מַגְשִׁמִ֔ים וְאִם־הַשָּׁמַ֖יִם יִתְּנ֣וּ רְבִבִ֑ים הֲלֹ֨א אַתָּה־ה֜וּא יְהוָ֤ה אֱלֹהֵ֙ינוּ֙ וּ֨נְקַוֶּה־לָּ֔ךְ כִּֽי־אַתָּ֥ה עָשִׂ֖יתָ אֶת־כָּל־אֵֽלֶּה׃ פ hayesh behaveley hagowyim mageshimiym weʾim־hashamayim yitenu reviviym haloʾ ʾatah־huʾ yehwah ʾeloheynu uneqaueh־lakhe kiy־ʾatah ʿasiyta ʾet־kal־ʾeleh׃ f