1 אָ֚נָה הָלַ֣ךְ דֹּודֵ֔ךְ הַיָּפָ֖ה בַּנָּשִׁ֑ים אָ֚נָה פָּנָ֣ה דֹודֵ֔ךְ וּנְבַקְשֶׁ֖נּוּ עִמָּֽךְ׃ ʾanah halakhe dowdekhe hayafah banashiym ʾanah panah dowdekhe unevaqeshenu ʿimakhe׃

2 דֹּודִי֙ יָרַ֣ד לְגַנֹּ֔ו לַעֲרוּגֹ֖ות הַבֹּ֑שֶׂם לִרְעֹות֙ בַּגַּנִּ֔ים וְלִלְקֹ֖ט שֹֽׁושַׁנִּֽים׃ dowdiy yarad leganow laʿarugowt habosem lireʿowt baganiym welileqoṭ showshaniym׃

3 אֲנִ֤י לְדֹודִי֙ וְדֹודִ֣י לִ֔י הָרֹעֶ֖ה בַּשֹּׁושַׁנִּֽים׃ ס ʾaniy ledowdiy wedowdiy liy haroʿeh bashowshaniym׃ s

4 יָפָ֨ה אַ֤תְּ רַעְיָתִי֙ כְּתִרְצָ֔ה נָאוָ֖ה כִּירוּשָׁלִָ֑ם אֲיֻמָּ֖ה כַּנִּדְגָּלֹֽות׃ yafah ʾate raʿeyatiy ketiretsah naʾwah kiyrushalim ʾayumah kanidegalowt׃

5 הָסֵ֤בִּי עֵינַ֙יִךְ֙ מִנֶּגְדִּ֔י שֶׁ֥הֵ֖ם הִרְהִיבֻ֑נִי שַׂעְרֵךְ֙ כְּעֵ֣דֶר הָֽעִזִּ֔ים שֶׁגָּלְשׁ֖וּ מִן־הַגִּלְעָֽד׃ hasebiy ʿeynayikhe minegediy shehem hirehiyvuniy saʿerekhe keʿeder haʿiziym shegaleshu min־hagileʿad׃

6 שִׁנַּ֙יִךְ֙ כְּעֵ֣דֶר הָֽרְחֵלִ֔ים שֶׁעָל֖וּ מִן־הָרַחְצָ֑ה שֶׁכֻּלָּם֙ מַתְאִימֹ֔ות וְשַׁכֻּלָ֖ה אֵ֥ין בָּהֶֽם׃ shinayikhe keʿeder hareḥeliym sheʿalu min־haraḥetsah shekulam mateʾiymowt weshakulah ʾeyn bahem׃

7 כְּפֶ֤לַח הָרִמֹּון֙ רַקָּתֵ֔ךְ מִבַּ֖עַד לְצַמָּתֵֽךְ׃ kefelaḥ harimown raqatekhe mibaʿad letsamatekhe׃

8 שִׁשִּׁ֥ים הֵ֙מָּה֙ מְּלָכֹ֔ות וּשְׁמֹנִ֖ים פִּֽילַגְשִׁ֑ים וַעֲלָמֹ֖ות אֵ֥ין מִסְפָּֽר׃ shishiym hemah melakhowt ushemoniym piylageshiym waʿalamowt ʾeyn misepar׃

9 אַחַ֥ת הִיא֙ יֹונָתִ֣י תַמָּתִ֔י אַחַ֥ת הִיא֙ לְאִמָּ֔הּ בָּרָ֥ה הִ֖יא לְיֹֽולַדְתָּ֑הּ רָא֤וּהָ בָנֹות֙ וַֽיְאַשְּׁר֔וּהָ מְלָכֹ֥ות וּפִֽילַגְשִׁ֖ים וַֽיְהַלְלֽוּהָ׃ ס ʾaḥat hiyʾ yownatiy tamatiy ʾaḥat hiyʾ leʾimah barah hiyʾ leyowladetah raʾuah vanowt wayeʾasheruah melakhowt ufiylageshiym wayehaleluah׃ s

10 מִי־זֹ֥את הַנִּשְׁקָפָ֖ה כְּמֹו־שָׁ֑חַר יָפָ֣ה כַלְּבָנָ֗ה בָּרָה֙ כַּֽחַמָּ֔ה אֲיֻמָּ֖ה כַּנִּדְגָּלֹֽות׃ ס miy־zoʾt hanisheqafah kemow־shaḥar yafah khalevanah barah kaḥamah ʾayumah kanidegalowt׃ s

11 אֶל־גִּנַּ֤ת אֱגֹוז֙ יָרַ֔דְתִּי לִרְאֹ֖ות בְּאִבֵּ֣י הַנָּ֑חַל לִרְאֹות֙ הֲפָֽרְחָ֣ה הַגֶּ֔פֶן הֵנֵ֖צוּ הָרִמֹּנִֽים׃ ʾel־ginat ʾegowz yaradetiy lireʾowt beʾibey hanaḥal lireʾowt hafareḥah hagefen henetsu harimoniym׃

12 לֹ֣א יָדַ֔עְתִּי נַפְשִׁ֣י שָׂמַ֔תְנִי מַרְכְּבֹ֖ות עַמִּי־נָדִֽיב׃ loʾ yadaʿetiy nafeshiy samateniy marekevowt ʿamiy־nadiyv׃