Job 33

¹ וְֽאוּלָ֗ם שְׁמַֽע־נָ֣א אִיֹּ֣וב מִלָּ֑י וְֽכָל־דְּבָרַ֥י הַאֲזִֽינָה׃ weʾulam shemaʿ־naʾ ʾiyowv milay wekhal־devaray haʾaziynah׃

² הִנֵּה־נָ֭א פָּתַ֣חְתִּי פִ֑י דִּבְּרָ֖ה לְשֹׁונִ֣י בְחִכִּֽי׃ hineh־naʾ pataḥetiy fiy diberah leshowniy veḥikiy׃

³ יֹֽשֶׁר־לִבִּ֥י אֲמָרָ֑י וְדַ֥עַת פָתַ֗י בָּר֥וּר מִלֵּֽלוּ׃ yosher־libiy ʾamaray wedaʿat fatay barur milelu׃

⁴ רֽוּחַ־אֵ֥ל עָשָׂ֑תְנִי וְנִשְׁמַ֖ת שַׁדַּ֣י תְּחַיֵּֽנִי׃ ruaḥ־ʾel ʿasateniy wenishemat shaday teḥayeniy׃

⁵ אִם־תּוּכַ֥ל הֲשִׁיבֵ֑נִי עֶרְכָ֥ה לְ֝פָנַ֗י הִתְיַצָּֽבָה׃ ʾim־tukhal hashiyveniy ʿerekhah lefanay hiteyatsavah׃

⁶ הֵן־אֲנִ֣י כְפִ֣יךָ לָאֵ֑ל מֵ֝חֹ֗מֶר קֹרַ֥צְתִּי גַם־אָֽנִי׃ hen־ʾaniy khefiykha laʾel meḥomer qoratsetiy gam־ʾaniy׃

⁷ הִנֵּ֣ה אֵ֭מָתִי לֹ֣א תְבַעֲתֶ֑ךָּ וְ֝אַכְפִּ֗י עָלֶ֥יךָ לֹא־יִכְבָּֽד׃ hineh ʾematiy loʾ tevaʿateka weʾakhepiy ʿaleykha loʾ־yikhebad׃

⁸ אַ֭ךְ אָמַ֣רְתָּ בְאָזְנָ֑י וְקֹ֖ול מִלִּ֣ין אֶשְׁמָֽע׃ ʾakhe ʾamareta veʾazenay weqowl miliyn ʾeshemaʿ׃

⁹ זַ֥ךְ אֲנִ֗י בְּֽלִ֫י פָ֥שַׁע חַ֥ף אָנֹכִ֑י וְלֹ֖א עָוֹ֣ן לִֽי׃ zakhe ʾaniy beliy fashaʿ ḥaf ʾanokhiy weloʾ ʿaon liy׃

¹⁰ הֵ֣ן תְּ֭נוּאֹות עָלַ֣י יִמְצָ֑א יַחְשְׁבֵ֖נִי לְאֹויֵ֣ב לֹֽו׃ hen tenuʾowt ʿalay yimetsaʾ yaḥesheveniy leʾowyev low׃

¹¹ יָשֵׂ֣ם בַּסַּ֣ד רַגְלָ֑י יִ֝שְׁמֹ֗ר כָּל־אָרְחֹתָֽי׃ yasem basad ragelay yishemor kal־ʾareḥotay׃

¹² הֶן־זֹ֣את לֹא־צָדַ֣קְתָּ אֶעֱנֶ֑ךָּ כִּֽי־יִרְבֶּ֥ה אֱ֝לֹ֗והַ מֵאֱנֹֽושׁ׃ hen־zoʾt loʾ־tsadaqeta ʾeʿeneka kiy־yirebeh ʾelowha meʾenowsh׃

¹³ מַ֭דּוּעַ אֵלָ֣יו רִיבֹ֑ותָ כִּ֥י כָל־דְּ֝בָרָ֗יו לֹ֣א־יַעֲנֶֽה׃ maduaʿ ʾelayw riyvowta kiy khal־devarayw loʾ־yaʿaneh׃

¹⁴ כִּֽי־בְאַחַ֥ת יְדַבֶּר־אֵ֑ל וּ֝בִשְׁתַּ֗יִם לֹ֣א יְשׁוּרֶֽנָּה׃ kiy־veʾaḥat yedaber־ʾel uvishetayim loʾ yeshurenah׃

¹⁵ בַּחֲלֹ֤ום ׀ חֶזְיֹ֬ון לַ֗יְלָה בִּנְפֹ֣ל תַּ֭רְדֵּמָה עַל־אֲנָשִׁ֑ים בִּ֝תְנוּמֹ֗ות עֲלֵ֣י מִשְׁכָּֽב׃ baḥalowm ׀ ḥezeyown layelah binefol taredemah ʿal־ʾanashiym bitenumowt ʿaley mishekav׃

¹⁶ אָ֣ז יִ֭גְלֶה אֹ֣זֶן אֲנָשִׁ֑ים וּבְמֹ֖סָרָ֣ם יַחְתֹּֽם׃ ʾaz yigeleh ʾozen ʾanashiym uvemosaram yaḥetom׃

¹⁷ לְ֭הָסִיר אָדָ֣ם מַעֲשֶׂ֑ה וְגֵוָ֖ה מִגֶּ֣בֶר יְכַסֶּֽה׃ lehasiyr ʾadam maʿaseh wegewah migever yekhaseh׃

¹⁸ יַחְשֹׂ֣ךְ נַ֭פְשֹׁו מִנִּי־שָׁ֑חַת וְ֝חַיָּתֹ֗ו מֵעֲבֹ֥ר בַּשָּֽׁלַח׃ yaḥesokhe nafeshow miniy־shaḥat weḥayatow meʿavor bashalaḥ׃

¹⁹ וְהוּכַ֣ח בְּ֭מַכְאֹוב עַל־מִשְׁכָּבֹ֑ו [וְרִיב כ] (וְרֹ֖וב ק) עֲצָמָ֣יו אֵתָֽן׃ wehukhaḥ bemakheʾowv ʿal־mishekavow [weriyv kh] (werowv q) ʿatsamayw ʾetan׃

²⁰ וְזִֽהֲמַ֣תּוּ חַיָּתֹ֣ו לָ֑חֶם וְ֝נַפְשֹׁ֗ו מַאֲכַ֥ל תַּאֲוָֽה׃ wezihamatu ḥayatow laḥem wenafeshow maʾakhal taʾawah׃

²¹ יִ֣כֶל בְּשָׂרֹ֣ו מֵרֹ֑אִי [וּשְׁפִי כ] (וְשֻׁפּ֥וּ ק) עַ֝צְמֹותָ֗יו לֹ֣א רֻאּֽוּ׃ yikhel besarow meroʾiy [ushefiy kh] (weshupu q) ʿatsemowtayw loʾ ruʾu׃

²² וַתִּקְרַ֣ב לַשַּׁ֣חַת נַפְשֹׁ֑ו וְ֝חַיָּתֹ֗ו לַֽמְמִתִֽים׃ watiqerav lashaḥat nafeshow weḥayatow lamemitiym׃

²³ אִם־יֵ֤שׁ עָלָ֨יו ׀ מַלְאָ֗ךְ מֵלִ֗יץ אֶחָ֥ד מִנִּי־אָ֑לֶף לְהַגִּ֖יד לְאָדָ֣ם יָשְׁרֹֽו׃ ʾim־yesh ʿalayw ׀ maleʾakhe meliyts ʾeḥad miniy־ʾalef lehagiyd leʾadam yasherow׃

²⁴ וַיְחֻנֶּ֗נּוּ וַיֹּ֗אמֶר פְּ֭דָעֵהוּ מֵרֶ֥דֶת שָׁ֗חַת מָצָ֥אתִי כֹֽפֶר׃ wayeḥunenu wayoʾmer pedaʿehu meredet shaḥat matsaʾtiy khofer׃

²⁵ רֻֽטֲפַ֣שׁ בְּשָׂרֹ֣ו מִנֹּ֑עַר יָ֝שׁ֗וּב לִימֵ֥י עֲלוּמָֽיו׃ ruṭafash besarow minoʿar yashuv liymey ʿalumayw׃

²⁶ יֶעְתַּ֤ר אֶל־אֱלֹ֨והַּ ׀ וַיִּרְצֵ֗הוּ וַיַּ֣רְא פָּ֭נָיו בִּתְרוּעָ֑ה וַיָּ֥שֶׁב לֶ֝אֱנֹ֗ושׁ צִדְקָתֹֽו׃ yeʿetar ʾel־ʾelowha ׀ wayiretsehu wayareʾ panayw biteruʿah wayashev leʾenowsh tsideqatow׃

²⁷ יָשֹׁ֤ר ׀ עַל־אֲנָשִׁ֗ים וַיֹּ֗אמֶר חָ֭טָאתִי וְיָשָׁ֥ר הֶעֱוֵ֗יתִי וְלֹא־שָׁ֥וָה לִֽי׃ yashor ׀ ʿal־ʾanashiym wayoʾmer ḥaṭaʾtiy weyashar heʿeweytiy weloʾ־shawah liy׃

²⁸ פָּדָ֣ה [נַפְשִׁי כ] (נַ֭פְשֹׁו ק) מֵעֲבֹ֣ר בַּשָּׁ֑חַת [וְחַיָּתִי כ] (וְ֝חַיָּתֹו ק) בָּאֹ֥ור תִּרְאֶֽה׃ padah [nafeshiy kh] (nafeshow q) meʿavor bashaḥat [weḥayatiy kh] (weḥayatow q) baʾowr tireʾeh׃

²⁹ הֶן־כָּל־אֵ֭לֶּה יִפְעַל־אֵ֑ל פַּעֲמַ֖יִם שָׁלֹ֣ושׁ עִם־גָּֽבֶר׃ hen־kal־ʾeleh yifeʿal־ʾel paʿamayim shalowsh ʿim־gaver׃

³⁰ לְהָשִׁ֣יב נַ֭פְשֹׁו מִנִּי־שָׁ֑חַת לֵ֝אֹ֗ור בְּאֹ֣ור הַֽחַיִּים׃ lehashiyv nafeshow miniy־shaḥat leʾowr beʾowr haḥayiym׃

³¹ הַקְשֵׁ֖ב אִיֹּ֥וב שְֽׁמַֽע־לִ֑י הַ֝חֲרֵ֗שׁ וְאָנֹכִ֥י אֲדַבֵּֽר׃ haqeshev ʾiyowv shemaʿ־liy haḥaresh weʾanokhiy ʾadaber׃

³² אִם־יֵשׁ־מִלִּ֥ין הֲשִׁיבֵ֑נִי דַּ֝בֵּ֗ר כִּֽי־חָפַ֥צְתִּי צַדְּקֶֽךָּ׃ ʾim־yesh־miliyn hashiyveniy daber kiy־ḥafatsetiy tsadeqeka׃

³³ אִם־אַ֭יִן אַתָּ֥ה שְֽׁמַֽע־לִ֑י הַ֝חֲרֵ֗שׁ וַאֲאַלֶּפְךָ֥ חָכְמָֽה׃ ס ʾim־ʾayin ʾatah shemaʿ־liy haḥaresh waʾaʾalefekha ḥakhemah׃ s