2 Samuel 11

¹ וַיְהִי֩ לִתְשׁוּבַ֨ת הַשָּׁנָ֜ה לְעֵ֣ת ׀ צֵ֣את הַמַּלְאֿכִ֗ים וַיִּשְׁלַ֣ח דָּוִ֡ד אֶת־יֹואָב֩ וְאֶת־עֲבָדָ֨יו עִמֹּ֜ו וְאֶת־כָּל־יִשְׂרָאֵ֗ל וַיַּשְׁחִ֙תוּ֙ אֶת־בְּנֵ֣י עַמֹּ֔ון וַיָּצֻ֖רוּ עַל־רַבָּ֑ה וְדָוִ֖ד יֹושֵׁ֥ב בִּירוּשָׁלִָֽם׃ ס wayehiy liteshuvat hashanah leʿet ׀ tseʾt hamaleʾkhiym wayishelaḥ dawid ʾet־yowʾav weʾet־ʿavadayw ʿimow weʾet־kal־yiseraʾel wayasheḥitu ʾet־beney ʿamown wayatsuru ʿal־rabah wedawid yowshev biyrushalim׃ s

² וַיְהִ֣י ׀ לְעֵ֣ת הָעֶ֗רֶב וַיָּ֨קָם דָּוִ֜ד מֵעַ֤ל מִשְׁכָּבֹו֙ וַיִּתְהַלֵּךְ֙ עַל־גַּ֣ג בֵּית־הַמֶּ֔לֶךְ וַיַּ֥רְא אִשָּׁ֛ה רֹחֶ֖צֶת מֵעַ֣ל הַגָּ֑ג וְהָ֣אִשָּׁ֔ה טֹובַ֥ת מַרְאֶ֖ה מְאֹֽד׃ wayehiy ׀ leʿet haʿerev wayaqam dawid meʿal mishekavow wayitehalekhe ʿal־gag beyt־hamelekhe wayareʾ ʾishah roḥetset meʿal hagag wehaʾishah ṭowvat mareʾeh meʾod׃

³ וַיִּשְׁלַ֣ח דָּוִ֔ד וַיִּדְרֹ֖שׁ לָֽאִשָּׁ֑ה וַיֹּ֗אמֶר הֲלֹוא־זֹאת֙ בַּת־שֶׁ֣בַע בַּת־אֱלִיעָ֔ם אֵ֖שֶׁת אוּרִיָּ֥ה הַחִתִּֽי׃ wayishelaḥ dawid wayiderosh laʾishah wayoʾmer halowʾ־zoʾt bat־shevaʿ bat־ʾeliyʿam ʾeshet ʾuriyah haḥitiy׃

⁴ וַיִּשְׁלַח֩ דָּוִ֨ד מַלְאָכִ֜ים וַיִּקָּחֶ֗הָ וַתָּבֹ֤וא אֵלָיו֙ וַיִּשְׁכַּ֣ב עִמָּ֗הּ וְהִ֥יא מִתְקַדֶּ֖שֶׁת מִטֻּמְאָתָ֑הּ וַתָּ֖שָׁב אֶל־בֵּיתָֽהּ׃ wayishelaḥ dawid maleʾakhiym wayiqaḥeah watavowʾ ʾelayw wayishekav ʿimah wehiyʾ miteqadeshet miṭumeʾatah watashav ʾel־beytah׃

⁵ וַתַּ֖הַר הָֽאִשָּׁ֑ה וַתִּשְׁלַח֙ וַתַּגֵּ֣ד לְדָוִ֔ד וַתֹּ֖אמֶר הָרָ֥ה אָנֹֽכִי׃ watahar haʾishah watishelaḥ wataged ledawid watoʾmer harah ʾanokhiy׃

⁶ וַיִּשְׁלַ֤ח דָּוִד֙ אֶל־יֹואָ֔ב שְׁלַ֣ח אֵלַ֔י אֶת־אֽוּרִיָּ֖ה הַחִתִּ֑י וַיִּשְׁלַ֥ח יֹואָ֛ב אֶת־אֽוּרִיָּ֖ה אֶל־דָּוִֽד׃ wayishelaḥ dawid ʾel־yowʾav shelaḥ ʾelay ʾet־ʾuriyah haḥitiy wayishelaḥ yowʾav ʾet־ʾuriyah ʾel־dawid׃

⁷ וַיָּבֹ֥א אוּרִיָּ֖ה אֵלָ֑יו וַיִּשְׁאַ֣ל דָּוִ֗ד לִשְׁלֹ֤ום יֹואָב֙ וְלִשְׁלֹ֣ום הָעָ֔ם וְלִשְׁלֹ֖ום הַמִּלְחָמָֽה׃ wayavoʾ ʾuriyah ʾelayw wayisheʾal dawid lishelowm yowʾav welishelowm haʿam welishelowm hamileḥamah׃

⁸ וַיֹּ֤אמֶר דָּוִד֙ לְא֣וּרִיָּ֗ה רֵ֥ד לְבֵיתְךָ֖ וּרְחַ֣ץ רַגְלֶ֑יךָ וַיֵּצֵ֤א אֽוּרִיָּה֙ מִבֵּ֣ית הַמֶּ֔לֶךְ וַתֵּצֵ֥א אַחֲרָ֖יו מַשְׂאַ֥ת הַמֶּֽלֶךְ׃ wayoʾmer dawid leʾuriyah red leveytekha ureḥats rageleykha wayetseʾ ʾuriyah mibeyt hamelekhe watetseʾ ʾaḥarayw maseʾat hamelekhe׃

⁹ וַיִּשְׁכַּ֣ב אוּרִיָּ֗ה פֶּ֚תַח בֵּ֣ית הַמֶּ֔לֶךְ אֵ֖ת כָּל־עַבְדֵ֣י אֲדֹנָ֑יו וְלֹ֥א יָרַ֖ד אֶל־בֵּיתֹֽו׃ wayishekav ʾuriyah petaḥ beyt hamelekhe ʾet kal־ʿavedey ʾadonayw weloʾ yarad ʾel־beytow׃

¹⁰ וַיַּגִּ֤דוּ לְדָוִד֙ לֵאמֹ֔ר לֹֽא־יָרַ֥ד אוּרִיָּ֖ה אֶל־בֵּיתֹ֑ו וַיֹּ֨אמֶר דָּוִ֜ד אֶל־אוּרִיָּ֗ה הֲלֹ֤וא מִדֶּ֙רֶךְ֙ אַתָּ֣ה בָ֔א מַדּ֖וּעַ לֹֽא־יָרַ֥דְתָּ אֶל־בֵּיתֶֽךָ׃ wayagidu ledawid leʾmor loʾ־yarad ʾuriyah ʾel־beytow wayoʾmer dawid ʾel־ʾuriyah halowʾ miderekhe ʾatah vaʾ maduaʿ loʾ־yaradeta ʾel־beytekha׃

¹¹ וַיֹּ֨אמֶר אוּרִיָּ֜ה אֶל־דָּוִ֗ד הָ֠אָרֹון וְיִשְׂרָאֵ֨ל וִֽיהוּדָ֜ה יֹשְׁבִ֣ים בַּסֻּכֹּ֗ות וַאדֹנִ֨י יֹואָ֜ב וְעַבְדֵ֤י אֲדֹנִ֨י עַל־פְּנֵ֤י הַשָּׂדֶה֙ חֹנִ֔ים וַאֲנִ֞י אָבֹ֧וא אֶל־בֵּיתִ֛י לֶאֱכֹ֥ל וְלִשְׁתֹּ֖ות וְלִשְׁכַּ֣ב עִם־אִשְׁתִּ֑י חַיֶּ֙ךָ֙ וְחֵ֣י נַפְשֶׁ֔ךָ אִֽם־אֶעֱשֶׂ֖ה אֶת־הַדָּבָ֥ר הַזֶּֽה׃ wayoʾmer ʾuriyah ʾel־dawid haʾarown weyiseraʾel wiyhudah yosheviym basukowt waʾdoniy yowʾav weʿavedey ʾadoniy ʿal־peney hasadeh ḥoniym waʾaniy ʾavowʾ ʾel־beytiy leʾekhol welishetowt welishekav ʿim־ʾishetiy ḥayekha weḥey nafeshekha ʾim־ʾeʿeseh ʾet־hadavar hazeh׃

¹² וַיֹּ֨אמֶר דָּוִ֜ד אֶל־אוּרִיָּ֗ה שֵׁ֥ב בָּזֶ֛ה גַּם־הַיֹּ֖ום וּמָחָ֣ר אֲשַׁלְּחֶ֑ךָּ וַיֵּ֨שֶׁב אוּרִיָּ֧ה בִירוּשָׁלִַ֛ם בַּיֹּ֥ום הַה֖וּא וּמִֽמָּחֳרָֽת׃ wayoʾmer dawid ʾel־ʾuriyah shev bazeh gam־hayowm umaḥar ʾashaleḥeka wayeshev ʾuriyah viyrushalim bayowm hahuʾ umimaḥorat׃

¹³ וַיִּקְרָא־לֹ֣ו דָוִ֗ד וַיֹּ֧אכַל לְפָנָ֛יו וַיֵּ֖שְׁתְּ וַֽיְשַׁכְּרֵ֑הוּ וַיֵּצֵ֣א בָעֶ֗רֶב לִשְׁכַּ֤ב בְּמִשְׁכָּבֹו֙ עִם־עַבְדֵ֣י אֲדֹנָ֔יו וְאֶל־בֵּיתֹ֖ו לֹ֥א יָרָֽד׃ wayiqeraʾ־low dawid wayoʾkhal lefanayw wayeshete wayeshakerehu wayetseʾ vaʿerev lishekav bemishekavow ʿim־ʿavedey ʾadonayw weʾel־beytow loʾ yarad׃

¹⁴ וַיְהִ֣י בַבֹּ֔קֶר וַיִּכְתֹּ֥ב דָּוִ֛ד סֵ֖פֶר אֶל־יֹואָ֑ב וַיִּשְׁלַ֖ח בְּיַ֥ד אוּרִיָּֽה׃ wayehiy vaboqer wayikhetov dawid sefer ʾel־yowʾav wayishelaḥ beyad ʾuriyah׃

¹⁵ וַיִּכְתֹּ֥ב בַּסֵּ֖פֶר לֵאמֹ֑ר הָב֣וּ אֶת־אֽוּרִיָּ֗ה אֶל־מוּל֙ פְּנֵ֤י הַמִּלְחָמָה֙ הַֽחֲזָקָ֔ה וְשַׁבְתֶּ֥ם מֵאַחֲרָ֖יו וְנִכָּ֥ה וָמֵֽת׃ ס wayikhetov basefer leʾmor havu ʾet־ʾuriyah ʾel־mul peney hamileḥamah haḥazaqah weshavetem meʾaḥarayw wenikah wamet׃ s

¹⁶ וַיְהִ֕י בִּשְׁמֹ֥ור יֹואָ֖ב אֶל־הָעִ֑יר וַיִּתֵּן֙ אֶת־א֣וּרִיָּ֔ה אֶל־הַמָּקֹום֙ אֲשֶׁ֣ר יָדַ֔ע כִּ֥י אַנְשֵׁי־חַ֖יִל שָֽׁם׃ wayehiy bishemowr yowʾav ʾel־haʿiyr wayiten ʾet־ʾuriyah ʾel־hamaqowm ʾasher yadaʿ kiy ʾaneshey־ḥayil sham׃

¹⁷ וַיֵּ֨צְא֜וּ אַנְשֵׁ֤י הָעִיר֙ וַיִּלָּחֲמ֣וּ אֶת־יֹואָ֔ב וַיִּפֹּ֥ל מִן־הָעָ֖ם מֵעַבְדֵ֣י דָוִ֑ד וַיָּ֕מָת גַּ֖ם אוּרִיָּ֥ה הַחִתִּֽי׃ wayetseʾu ʾaneshey haʿiyr wayilaḥamu ʾet־yowʾav wayipol min־haʿam meʿavedey dawid wayamat gam ʾuriyah haḥitiy׃

¹⁸ וַיִּשְׁלַ֖ח יֹואָ֑ב וַיַּגֵּ֣ד לְדָוִ֔ד אֶת־כָּל־דִּבְרֵ֖י הַמִּלְחָמָֽה׃ wayishelaḥ yowʾav wayaged ledawid ʾet־kal־diverey hamileḥamah׃

¹⁹ וַיְצַ֥ו אֶת־הַמַּלְאָ֖ךְ לֵאמֹ֑ר כְּכַלֹּותְךָ֗ אֵ֛ת כָּל־דִּבְרֵ֥י הַמִּלְחָמָ֖ה לְדַבֵּ֥ר אֶל־הַמֶּֽלֶךְ׃ wayetsaw ʾet־hamaleʾakhe leʾmor kekhalowtekha ʾet kal־diverey hamileḥamah ledaber ʾel־hamelekhe׃

²⁰ וְהָיָ֗ה אִֽם־תַּעֲלֶה֙ חֲמַ֣ת הַמֶּ֔לֶךְ וְאָמַ֣ר לְךָ֔ מַדּ֛וּעַ נִגַּשְׁתֶּ֥ם אֶל־הָעִ֖יר לְהִלָּחֵ֑ם הֲלֹ֣וא יְדַעְתֶּ֔ם אֵ֥ת אֲשֶׁר־יֹר֖וּ מֵעַ֥ל הַחֹומָֽה׃ wehayah ʾim־taʿaleh ḥamat hamelekhe weʾamar lekha maduaʿ nigashetem ʾel־haʿiyr lehilaḥem halowʾ yedaʿetem ʾet ʾasher־yoru meʿal haḥowmah׃

²¹ מִֽי־הִכָּ֞ה אֶת־אֲבִימֶ֣לֶךְ בֶּן־יְרֻבֶּ֗שֶׁת הֲלֹֽוא־אִשָּׁ֡ה הִשְׁלִ֣יכָה עָלָיו֩ פֶּ֨לַח רֶ֜כֶב מֵעַ֤ל הַֽחֹומָה֙ וַיָּ֣מָת בְּתֵבֵ֔ץ לָ֥מָּה נִגַּשְׁתֶּ֖ם אֶל־הַֽחֹומָ֑ה וְאָ֣מַרְתָּ֔ גַּ֗ם עַבְדְּךָ֛ אוּרִיָּ֥ה הַחִתִּ֖י מֵֽת׃ miy־hikah ʾet־ʾaviymelekhe ben־yerubeshet halowʾ־ʾishah hisheliykhah ʿalayw pelaḥ rekhev meʿal haḥowmah wayamat betevets lamah nigashetem ʾel־haḥowmah weʾamareta gam ʿavedekha ʾuriyah haḥitiy met׃

²² וַיֵּ֖לֶךְ הַמַּלְאָ֑ךְ וַיָּבֹא֙ וַיַּגֵּ֣ד לְדָוִ֔ד אֵ֛ת כָּל־אֲשֶׁ֥ר שְׁלָחֹ֖ו יֹואָֽב׃ wayelekhe hamaleʾakhe wayavoʾ wayaged ledawid ʾet kal־ʾasher shelaḥow yowʾav׃

²³ וַיֹּ֤אמֶר הַמַּלְאָךְ֙ אֶל־דָּוִ֔ד כִּֽי־גָבְר֤וּ עָלֵ֙ינוּ֙ הָֽאֲנָשִׁ֔ים וַיֵּצְא֥וּ אֵלֵ֖ינוּ הַשָּׂדֶ֑ה וַנִּהְיֶ֥ה עֲלֵיהֶ֖ם עַד־פֶּ֥תַח הַשָּֽׁעַר׃ wayoʾmer hamaleʾakhe ʾel־dawid kiy־gaveru ʿaleynu haʾanashiym wayetseʾu ʾeleynu hasadeh waniheyeh ʿaleyhem ʿad־petaḥ hashaʿar׃

²⁴ [וַיֹּרְאוּ כ] (וַיֹּר֨וּ ק) [הַמֹּורְאִים כ] (הַמֹּורִ֤ים ק) אֶל־עֲבָדֶ֙ךָ֙ מֵעַ֣ל הַחֹומָ֔ה וַיָּמ֖וּתוּ מֵעַבְדֵ֣י הַמֶּ֑לֶךְ וְגַ֗ם עַבְדְּךָ֛ אוּרִיָּ֥ה הַחִתִּ֖י מֵֽת׃ ס [wayoreʾu kh] (wayoru q) [hamowreʾiym kh] (hamowriym q) ʾel־ʿavadekha meʿal haḥowmah wayamutu meʿavedey hamelekhe wegam ʿavedekha ʾuriyah haḥitiy met׃ s

²⁵ וַיֹּ֨אמֶר דָּוִ֜ד אֶל־הַמַּלְאָ֗ךְ כֹּֽה־תֹאמַ֤ר אֶל־יֹואָב֙ אַל־יֵרַ֤ע בְּעֵינֶ֙יךָ֙ אֶת־הַדָּבָ֣ר הַזֶּ֔ה כִּֽי־כָזֹ֥ה וְכָזֶ֖ה תֹּאכַ֣ל הֶחָ֑רֶב הַחֲזֵ֨ק מִלְחַמְתְּךָ֧ אֶל־הָעִ֛יר וְהָרְסָ֖הּ וְחַזְּקֵֽהוּ׃ wayoʾmer dawid ʾel־hamaleʾakhe koh־toʾmar ʾel־yowʾav ʾal־yeraʿ beʿeyneykha ʾet־hadavar hazeh kiy־khazoh wekhazeh toʾkhal heḥarev haḥazeq mileḥametekha ʾel־haʿiyr weharesah weḥazeqehu׃

²⁶ וַתִּשְׁמַע֙ אֵ֣שֶׁת אֽוּרִיָּ֔ה כִּי־מֵ֖ת אוּרִיָּ֣ה אִישָׁ֑הּ וַתִּסְפֹּ֖ד עַל־בַּעְלָֽהּ׃ watishemaʿ ʾeshet ʾuriyah kiy־met ʾuriyah ʾiyshah watisepod ʿal־baʿelah׃

²⁷ וַיַּעֲבֹ֣ר הָאֵ֗בֶל וַיִּשְׁלַ֨ח דָּוִ֜ד וַיַּאַסְפָ֤הּ אֶל־בֵּיתֹו֙ וַתְּהִי־לֹ֣ו לְאִשָּׁ֔ה וַתֵּ֥לֶד לֹ֖ו בֵּ֑ן וַיֵּ֧רַע הַדָּבָ֛ר אֲשֶׁר־עָשָׂ֥ה דָוִ֖ד בְּעֵינֵ֥י יְהוָֽה׃ פ wayaʿavor haʾevel wayishelaḥ dawid wayaʾasefah ʾel־beytow watehiy־low leʾishah wateled low ben wayeraʿ hadavar ʾasher־ʿasah dawid beʿeyney yehwah׃ f