1 בַּשָּׁנָה֙ הָעֲשִׂירִ֔ית בָּעֲשִׂרִ֕י בִּשְׁנֵ֥ים עָשָׂ֖ר לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ bashanah haʿasiyriyt baʿasiriy bisheneym ʿasar laḥodesh hayah devar־yehwah ʾelay leʾmor׃
2 בֶּן־אָדָ֕ם שִׂ֣ים פָּנֶ֔יךָ עַל־פַּרְעֹ֖ה מֶ֣לֶךְ מִצְרָ֑יִם וְהִנָּבֵ֣א עָלָ֔יו וְעַל־מִצְרַ֖יִם כֻּלָּֽהּ׃ ben־ʾadam siym paneykha ʿal־pareʿoh melekhe mitserayim wehinaveʾ ʿalayw weʿal־mitserayim kulah׃
3 דַּבֵּ֨ר וְאָמַרְתָּ֜ כֹּֽה־אָמַ֣ר ׀ אֲדֹנָ֣י יְהוִ֗ה הִנְנִ֤י עָלֶ֙יךָ֙ פַּרְעֹ֣ה מֶֽלֶךְ־מִצְרַ֔יִם הַתַּנִּים֙ הַגָּדֹ֔ול הָרֹבֵ֖ץ בְּתֹ֣וךְ יְאֹרָ֑יו אֲשֶׁ֥ר אָמַ֛ר לִ֥י יְאֹרִ֖י וַאֲנִ֥י עֲשִׂיתִֽנִי׃ daber weʾamareta koh־ʾamar ׀ ʾadonay yehwih hineniy ʿaleykha pareʿoh melekhe־mitserayim hataniym hagadowl harovets betowkhe yeʾorayw ʾasher ʾamar liy yeʾoriy waʾaniy ʿasiytiniy׃
4 וְנָתַתִּ֤י [חַחִיִּים כ] (חַחִים֙ ק) בִּלְחָיֶ֔יךָ וְהִדְבַּקְתִּ֥י דְגַת־יְאֹרֶ֖יךָ בְּקַשְׂקְשֹׂתֶ֑יךָ וְהַעֲלִיתִ֙יךָ֙ מִתֹּ֣וךְ יְאֹרֶ֔יךָ וְאֵת֙ כָּל־דְּגַ֣ת יְאֹרֶ֔יךָ בְּקַשְׂקְשֹׂתֶ֖יךָ תִּדְבָּֽק׃ wenatatiy [ḥaḥiyiym kh] (ḥaḥiym q) bileḥayeykha wehidebaqetiy degat־yeʾoreykha beqaseqesoteykha wehaʿaliytiykha mitowkhe yeʾoreykha weʾet kal־degat yeʾoreykha beqaseqesoteykha tidebaq׃
5 וּנְטַשְׁתִּ֣יךָ הַמִּדְבָּ֗רָה אֹותְךָ֙ וְאֵת֙ כָּל־דְּגַ֣ת יְאֹרֶ֔יךָ עַל־פְּנֵ֤י הַשָּׂדֶה֙ תִּפֹּ֔ול לֹ֥א תֵאָסֵ֖ף וְלֹ֣א תִקָּבֵ֑ץ לְחַיַּ֥ת הָאָ֛רֶץ וּלְעֹ֥וף הַשָּׁמַ֖יִם נְתַתִּ֥יךָ לְאָכְלָֽה׃ uneṭashetiykha hamidebarah ʾowtekha weʾet kal־degat yeʾoreykha ʿal־peney hasadeh tipowl loʾ teʾasef weloʾ tiqavets leḥayat haʾarets uleʿowf hashamayim netatiykha leʾakhelah׃
6 וְיָֽדְעוּ֙ כָּל־יֹשְׁבֵ֣י מִצְרַ֔יִם כִּ֖י אֲנִ֣י יְהוָ֑ה יַ֧עַן הֱיֹותָ֛ם מִשְׁעֶ֥נֶת קָנֶ֖ה לְבֵ֥ית יִשְׂרָאֵֽל׃ weyadeʿu kal־yoshevey mitserayim kiy ʾaniy yehwah yaʿan heyowtam misheʿenet qaneh leveyt yiseraʾel׃
7 בְּתָפְשָׂ֨ם בְּךָ֤ [בַכַּפְךָ כ] (בַכַּף֙ ק) תֵּרֹ֔וץ וּבָקַעְתָּ֥ לָהֶ֖ם כָּל־כָּתֵ֑ף וּבְהִֽשָּׁעֲנָ֤ם עָלֶ֙יךָ֙ תִּשָּׁבֵ֔ר וְהַעֲמַדְתָּ֥ לָהֶ֖ם כָּל־מָתְנָֽיִם׃ ס betafesam bekha [vakafekha kh] (vakaf q) terowts uvaqaʿeta lahem kal־katef uvehishaʿanam ʿaleykha tishaver wehaʿamadeta lahem kal־matenayim׃ s
8 לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֛י מֵבִ֥יא עָלַ֖יִךְ חָ֑רֶב וְהִכְרַתִּ֥י מִמֵּ֖ךְ אָדָ֥ם וּבְהֵמָֽה׃ lakhen koh ʾamar ʾadonay yehwih hineniy meviyʾ ʿalayikhe ḥarev wehikheratiy mimekhe ʾadam uvehemah׃
9 וְהָיְתָ֤ה אֶֽרֶץ־מִצְרַ֙יִם֙ לִשְׁמָמָ֣ה וְחָרְבָּ֔ה וְיָדְע֖וּ כִּֽי־אֲנִ֣י יְהוָ֑ה יַ֧עַן אָמַ֛ר יְאֹ֥ר לִ֖י וַאֲנִ֥י עָשִֽׂיתִי׃ wehayetah ʾerets־mitserayim lishemamah weḥarebah weyadeʿu kiy־ʾaniy yehwah yaʿan ʾamar yeʾor liy waʾaniy ʿasiytiy׃
10 לָכֵ֛ן הִנְנִ֥י אֵלֶ֖יךָ וְאֶל־יְאֹרֶ֑יךָ וְנָתַתִּ֞י אֶת־אֶ֣רֶץ מִצְרַ֗יִם לְחָרְבֹות֙ חֹ֣רֶב שְׁמָמָ֔ה מִמִּגְדֹּ֥ל סְוֵנֵ֖ה וְעַד־גְּב֥וּל כּֽוּשׁ׃ lakhen hineniy ʾeleykha weʾel־yeʾoreykha wenatatiy ʾet־ʾerets mitserayim leḥarevowt ḥorev shemamah mimigedol seweneh weʿad־gevul kush׃
11 לֹ֤א תַעֲבָר־בָּהּ֙ רֶ֣גֶל אָדָ֔ם וְרֶ֥גֶל בְּהֵמָ֖ה לֹ֣א תַעֲבָר־בָּ֑הּ וְלֹ֥א תֵשֵׁ֖ב אַרְבָּעִ֥ים שָׁנָֽה׃ loʾ taʿavar־bah regel ʾadam weregel behemah loʾ taʿavar־bah weloʾ teshev ʾarebaʿiym shanah׃
12 וְנָתַתִּ֣י אֶת־אֶרֶץ֩ מִצְרַ֨יִם שְׁמָמָ֜ה בְּתֹ֣וךְ ׀ אֲרָצֹ֣ות נְשַׁמֹּ֗ות וְעָרֶ֙יהָ֙ בְּתֹ֨וךְ עָרִ֤ים מָֽחֳרָבֹות֙ תִּֽהְיֶ֣יןָ שְׁמָמָ֔ה אַרְבָּעִ֖ים שָׁנָ֑ה וַהֲפִצֹתִ֤י אֶת־מִצְרַ֙יִם֙ בַּגֹּויִ֔ם וְֽזֵרִיתִ֖ים בָּאֲרָצֹֽות׃ פ wenatatiy ʾet־ʾerets mitserayim shemamah betowkhe ׀ ʾaratsowt neshamowt weʿareyha betowkhe ʿariym maḥoravowt tiheyeyna shemamah ʾarebaʿiym shanah wahafitsotiy ʾet־mitserayim bagowyim wezeriytiym baʾaratsowt׃ f
13 כִּ֛י כֹּ֥ה אָמַ֖ר אֲדֹנָ֣י יְהוִ֑ה מִקֵּ֞ץ אַרְבָּעִ֤ים שָׁנָה֙ אֲקַבֵּ֣ץ אֶת־מִצְרַ֔יִם מִן־הָעַמִּ֖ים אֲשֶׁר־נָפֹ֥צוּ שָֽׁמָּה׃ kiy koh ʾamar ʾadonay yehwih miqets ʾarebaʿiym shanah ʾaqabets ʾet־mitserayim min־haʿamiym ʾasher־nafotsu shamah׃
14 וְשַׁבְתִּי֙ אֶת־שְׁב֣וּת מִצְרַ֔יִם וַהֲשִׁבֹתִ֤י אֹתָם֙ אֶ֣רֶץ פַּתְרֹ֔וס עַל־אֶ֖רֶץ מְכֽוּרָתָ֑ם וְהָ֥יוּ שָׁ֖ם מַמְלָכָ֥ה שְׁפָלָֽה׃ weshavetiy ʾet־shevut mitserayim wahashivotiy ʾotam ʾerets paterows ʿal־ʾerets mekhuratam wehayu sham mamelakhah shefalah׃
15 מִן־הַמַּמְלָכֹות֙ תִּהְיֶ֣ה שְׁפָלָ֔ה וְלֹֽא־תִתְנַשֵּׂ֥א עֹ֖וד עַל־הַגֹּויִ֑ם וְהִ֨מְעַטְתִּ֔ים לְבִלְתִּ֖י רְדֹ֥ות בַּגֹּויִֽם׃ min־hamamelakhowt tiheyeh shefalah weloʾ־titenaseʾ ʿowd ʿal־hagowyim wehimeʿaṭetiym leviletiy redowt bagowyim׃
16 וְלֹ֣א יִֽהְיֶה־עֹוד֩ לְבֵ֨ית יִשְׂרָאֵ֤ל לְמִבְטָח֙ מַזְכִּ֣יר עָוֹ֔ן בִּפְנֹותָ֖ם אַחֲרֵיהֶ֑ם וְיָ֣דְע֔וּ כִּ֥י אֲנִ֖י אֲדֹנָ֥י יְהוִֽה׃ פ weloʾ yiheyeh־ʿowd leveyt yiseraʾel lemiveṭaḥ mazekiyr ʿaon bifenowtam ʾaḥareyhem weyadeʿu kiy ʾaniy ʾadonay yehwih׃ f
17 וַיְהִ֗י בְּעֶשְׂרִ֤ים וָשֶׁ֙בַע֙ שָׁנָ֔ה בָּֽרִאשֹׁ֖ון בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ wayehiy beʿeseriym washevaʿ shanah bariʾshown beʾeḥad laḥodesh hayah devar־yehwah ʾelay leʾmor׃
18 בֶּן־אָדָ֗ם נְבוּכַדְרֶאצַּ֣ר מֶֽלֶךְ־בָּ֠בֶל הֶעֱבִ֨יד אֶת־חֵילֹ֜ו עֲבֹדָ֤ה גְדֹלָה֙ אֶל־צֹ֔ר כָּל־רֹ֣אשׁ מֻקְרָ֔ח וְכָל־כָּתֵ֖ף מְרוּטָ֑ה וְ֠שָׂכָר לֹא־הָ֨יָה לֹ֤ו וּלְחֵילֹו֙ מִצֹּ֔ר עַל־הָעֲבֹדָ֖ה אֲשֶׁר־עָבַ֥ד עָלֶֽיהָ׃ ס ben־ʾadam nevukhadereʾtsar melekhe־bavel heʿeviyd ʾet־ḥeylow ʿavodah gedolah ʾel־tsor kal־roʾsh muqeraḥ wekhal־katef meruṭah wesakhar loʾ־hayah low uleḥeylow mitsor ʿal־haʿavodah ʾasher־ʿavad ʿaleyha׃ s
19 לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י נֹתֵ֛ן לִנְבוּכַדְרֶאצַּ֥ר מֶֽלֶךְ־בָּבֶ֖ל אֶת־אֶ֣רֶץ מִצְרָ֑יִם וְנָשָׂ֨א הֲמֹנָ֜הּ וְשָׁלַ֤ל שְׁלָלָהּ֙ וּבָזַ֣ז בִּזָּ֔הּ וְהָיְתָ֥ה שָׂכָ֖ר לְחֵילֹֽו׃ lakhen koh ʾamar ʾadonay yehwih hineniy noten linevukhadereʾtsar melekhe־bavel ʾet־ʾerets mitserayim wenasaʾ hamonah weshalal shelalah uvazaz bizah wehayetah sakhar leḥeylow׃
20 פְּעֻלָּתֹו֙ אֲשֶׁר־עָ֣בַד בָּ֔הּ נָתַ֥תִּי לֹ֖ו אֶת־אֶ֣רֶץ מִצְרָ֑יִם אֲשֶׁר֙ עָ֣שׂוּ לִ֔י נְאֻ֖ם אֲדֹנָ֥י יְהוִֽה׃ ס peʿulatow ʾasher־ʿavad bah natatiy low ʾet־ʾerets mitserayim ʾasher ʿasu liy neʾum ʾadonay yehwih׃ s
21 בַּיֹּ֣ום הַה֗וּא אַצְמִ֤יחַ קֶ֙רֶן֙ לְבֵ֣ית יִשְׂרָאֵ֔ל וּלְךָ֛ אֶתֵּ֥ן פִּתְחֹֽון־פֶּ֖ה בְּתֹוכָ֑ם וְיָדְע֖וּ כִּי־אֲנִ֥י יְהוָֽה׃ פ bayowm hahuʾ ʾatsemiyḥa qeren leveyt yiseraʾel ulekha ʾeten piteḥown־peh betowkham weyadeʿu kiy־ʾaniy yehwah׃ f