2 Samuel 2

¹ וַיְהִ֣י אַֽחֲרֵי־כֵ֗ן וַיִּשְׁאַל֩ דָּוִ֨ד בַּֽיהוָ֤ה ׀ לֵאמֹר֙ הַאֶעֱלֶ֗ה בְּאַחַת֙ עָרֵ֣י יְהוּדָ֔ה וַיֹּ֧אמֶר יְהוָ֛ה אֵלָ֖יו עֲלֵ֑ה וַיֹּ֧אמֶר דָּוִ֛ד אָ֥נָה אֶעֱלֶ֖ה וַיֹּ֥אמֶר חֶבְרֹֽנָה׃ wayehiy ʾaḥarey־khen wayisheʾal dawid bayhwah ׀ leʾmor haʾeʿeleh beʾaḥat ʿarey yehudah wayoʾmer yehwah ʾelayw ʿaleh wayoʾmer dawid ʾanah ʾeʿeleh wayoʾmer ḥeveronah׃

² וַיַּ֤עַל שָׁם֙ דָּוִ֔ד וְגַ֖ם שְׁתֵּ֣י נָשָׁ֑יו אֲחִינֹ֙עַם֙ הַיִּזְרְעֵלִ֔ית וַאֲבִיגַ֕יִל אֵ֖שֶׁת נָבָ֥ל הַֽכַּרְמְלִֽי׃ wayaʿal sham dawid wegam shetey nashayw ʾaḥiynoʿam hayizereʿeliyt waʾaviygayil ʾeshet naval hakaremeliy׃

³ וַאֲנָשָׁ֧יו אֲשֶׁר־עִמֹּ֛ו הֶעֱלָ֥ה דָוִ֖ד אִ֣ישׁ וּבֵיתֹ֑ו וַיֵּשְׁב֖וּ בְּעָרֵ֥י חֶבְרֹֽון׃ waʾanashayw ʾasher־ʿimow heʿelah dawid ʾiysh uveytow wayeshevu beʿarey ḥeverown׃

⁴ וַיָּבֹ֙אוּ֙ אַנְשֵׁ֣י יְהוּדָ֔ה וַיִּמְשְׁחוּ־שָׁ֧ם אֶת־דָּוִ֛ד לְמֶ֖לֶךְ עַל־בֵּ֣ית יְהוּדָ֑ה וַיַּגִּ֤דוּ לְדָוִד֙ לֵאמֹ֔ר אַנְשֵׁי֙ יָבֵ֣ישׁ גִּלְעָ֔ד אֲשֶׁ֥ר קָבְר֖וּ אֶת־שָׁאֽוּל׃ ס wayavoʾu ʾaneshey yehudah wayimesheḥu־sham ʾet־dawid lemelekhe ʿal־beyt yehudah wayagidu ledawid leʾmor ʾaneshey yaveysh gileʿad ʾasher qaveru ʾet־shaʾul׃ s

⁵ וַיִּשְׁלַ֤ח דָּוִד֙ מַלְאָכִ֔ים אֶל־אַנְשֵׁ֖י יָבֵ֣ישׁ גִּלְעָ֑ד וַיֹּ֣אמֶר אֲלֵיהֶ֗ם בְּרֻכִ֤ים אַתֶּם֙ לַֽיהוָ֔ה אֲשֶׁ֨ר עֲשִׂיתֶ֜ם הַחֶ֣סֶד הַזֶּ֗ה עִם־אֲדֹֽנֵיכֶם֙ עִם־שָׁא֔וּל וַֽתִּקְבְּר֖וּ אֹתֹֽו׃ wayishelaḥ dawid maleʾakhiym ʾel־ʾaneshey yaveysh gileʿad wayoʾmer ʾaleyhem berukhiym ʾatem layhwah ʾasher ʿasiytem haḥesed hazeh ʿim־ʾadoneykhem ʿim־shaʾul watiqeberu ʾotow׃

⁶ וְעַתָּ֕ה יַֽעַשׂ־יְהוָ֥ה עִמָּכֶ֖ם חֶ֣סֶד וֶאֱמֶ֑ת וְגַ֣ם אָנֹכִ֗י אֶעֱשֶׂ֤ה אִתְּכֶם֙ הַטֹּובָ֣ה הַזֹּ֔את אֲשֶׁ֥ר עֲשִׂיתֶ֖ם הַדָּבָ֥ר הַזֶּֽה׃ weʿatah yaʿas־yehwah ʿimakhem ḥesed weʾemet wegam ʾanokhiy ʾeʿeseh ʾitekhem haṭowvah hazoʾt ʾasher ʿasiytem hadavar hazeh׃

⁷ וְעַתָּ֣ה ׀ תֶּחֱזַ֣קְנָה יְדֵיכֶ֗ם וִֽהְיוּ֙ לִבְנֵי־חַ֔יִל כִּי־מֵ֖ת אֲדֹנֵיכֶ֣ם שָׁא֑וּל וְגַם־אֹתִ֗י מָשְׁח֧וּ בֵית־יְהוּדָ֛ה לְמֶ֖לֶךְ עֲלֵיהֶֽם׃ פ weʿatah ׀ teḥezaqenah yedeykhem wiheyu liveney־ḥayil kiy־met ʾadoneykhem shaʾul wegam־ʾotiy masheḥu veyt־yehudah lemelekhe ʿaleyhem׃ f

⁸ וְאַבְנֵ֣ר בֶּן־נֵ֔ר שַׂר־צָבָ֖א אֲשֶׁ֣ר לְשָׁא֑וּל לָקַ֗ח אֶת־אִ֥ישׁ בֹּ֙שֶׁת֙ בֶּן־שָׁא֔וּל וַיַּעֲבִרֵ֖הוּ מַחֲנָֽיִם׃ weʾavener ben־ner sar־tsavaʾ ʾasher leshaʾul laqaḥ ʾet־ʾiysh boshet ben־shaʾul wayaʿavirehu maḥanayim׃

⁹ וַיַּמְלִכֵ֙הוּ֙ אֶל־הַגִּלְעָ֔ד וְאֶל־הָאֲשׁוּרִ֖י וְאֶֽל־יִזְרְעֶ֑אל וְעַל־אֶפְרַ֙יִם֙ וְעַל־בִּנְיָמִ֔ן וְעַל־יִשְׂרָאֵ֖ל כֻּלֹּֽה׃ פ wayamelikhehu ʾel־hagileʿad weʾel־haʾashuriy weʾel־yizereʿeʾl weʿal־ʾeferayim weʿal־bineyamin weʿal־yiseraʾel kuloh׃ f

¹⁰ בֶּן־אַרְבָּעִ֨ים שָׁנָ֜ה אִֽישׁ־בֹּ֣שֶׁת בֶּן־שָׁא֗וּל בְּמָלְכֹו֙ עַל־יִשְׂרָאֵ֔ל וּשְׁתַּ֥יִם שָׁנִ֖ים מָלָ֑ךְ אַ֚ךְ בֵּ֣ית יְהוּדָ֔ה הָי֖וּ אַחֲרֵ֥י דָוִֽד׃ ben־ʾarebaʿiym shanah ʾiysh־boshet ben־shaʾul bemalekhow ʿal־yiseraʾel ushetayim shaniym malakhe ʾakhe beyt yehudah hayu ʾaḥarey dawid׃

¹¹ וַֽיְהִי֙ מִסְפַּ֣ר הַיָּמִ֔ים אֲשֶׁר֩ הָיָ֨ה דָוִ֥ד מֶ֛לֶךְ בְּחֶבְרֹ֖ון עַל־בֵּ֣ית יְהוּדָ֑ה שֶׁ֥בַע שָׁנִ֖ים וְשִׁשָּׁ֥ה חֳדָשִֽׁים׃ ס wayehiy misepar hayamiym ʾasher hayah dawid melekhe beḥeverown ʿal־beyt yehudah shevaʿ shaniym weshishah ḥodashiym׃ s

¹² וַיֵּצֵא֙ אַבְנֵ֣ר בֶּן־נֵ֔ר וְעַבְדֵ֖י אִֽישׁ־בֹּ֣שֶׁת בֶּן־שָׁא֑וּל מִֽמַּחֲנַ֖יִם גִּבְעֹֽונָה׃ wayetseʾ ʾavener ben־ner weʿavedey ʾiysh־boshet ben־shaʾul mimaḥanayim giveʿownah׃

¹³ וְיֹואָ֨ב בֶּן־צְרוּיָ֜ה וְעַבְדֵ֤י דָוִד֙ יָֽצְא֔וּ וַֽיִּפְגְּשׁ֛וּם עַל־בְּרֵכַ֥ת גִּבְעֹ֖ון יַחְדָּ֑ו וַיֵּ֨שְׁב֜וּ אֵ֤לֶּה עַל־הַבְּרֵכָה֙ מִזֶּ֔ה וְאֵ֥לֶּה עַל־הַבְּרֵכָ֖ה מִזֶּֽה׃ weyowʾav ben־tseruyah weʿavedey dawid yatseʾu wayifegeshum ʿal־berekhat giveʿown yaḥedaw wayeshevu ʾeleh ʿal־haberekhah mizeh weʾeleh ʿal־haberekhah mizeh׃

¹⁴ וַיֹּ֤אמֶר אַבְנֵר֙ אֶל־יֹואָ֔ב יָק֤וּמוּ נָא֙ הַנְּעָרִ֔ים וִֽישַׂחֲק֖וּ לְפָנֵ֑ינוּ וַיֹּ֥אמֶר יֹואָ֖ב יָקֻֽמוּ׃ wayoʾmer ʾavener ʾel־yowʾav yaqumu naʾ haneʿariym wiysaḥaqu lefaneynu wayoʾmer yowʾav yaqumu׃

¹⁵ וַיָּקֻ֖מוּ וַיַּעַבְר֣וּ בְמִסְפָּ֑ר שְׁנֵ֧ים עָשָׂ֣ר לְבִנְיָמִ֗ן וּלְאִ֥ישׁ בֹּ֙שֶׁת֙ בֶּן־שָׁא֔וּל וּשְׁנֵ֥ים עָשָׂ֖ר מֵעַבְדֵ֥י דָוִֽד׃ wayaqumu wayaʿaveru vemisepar sheneym ʿasar levineyamin uleʾiysh boshet ben־shaʾul usheneym ʿasar meʿavedey dawid׃

¹⁶ וַֽיַּחֲזִ֜קוּ אִ֣ישׁ ׀ בְּרֹ֣אשׁ רֵעֵ֗הוּ וְחַרְבֹּו֙ בְּצַ֣ד רֵעֵ֔הוּ וַֽיִּפְּל֖וּ יַחְדָּ֑ו וַיִּקְרָא֙ לַמָּקֹ֣ום הַה֔וּא חֶלְקַ֥ת הַצֻּרִ֖ים אֲשֶׁ֥ר בְּגִבְעֹֽון׃ wayaḥaziqu ʾiysh ׀ beroʾsh reʿehu weḥarebow betsad reʿehu wayipelu yaḥedaw wayiqeraʾ lamaqowm hahuʾ ḥeleqat hatsuriym ʾasher begiveʿown׃

¹⁷ וַתְּהִ֧י הַמִּלְחָמָ֛ה קָשָׁ֥ה עַד־מְאֹ֖ד בַּיֹּ֣ום הַה֑וּא וַיִּנָּ֤גֶף אַבְנֵר֙ וְאַנְשֵׁ֣י יִשְׂרָאֵ֔ל לִפְנֵ֖י עַבְדֵ֥י דָוִֽד׃ watehiy hamileḥamah qashah ʿad־meʾod bayowm hahuʾ wayinagef ʾavener weʾaneshey yiseraʾel lifeney ʿavedey dawid׃

¹⁸ וַיִּֽהְיוּ־שָׁ֗ם שְׁלֹשָׁה֙ בְּנֵ֣י צְרוּיָ֔ה יֹואָ֥ב וַאֲבִישַׁ֖י וַעֲשָׂהאֵ֑ל וַעֲשָׂהאֵל֙ קַ֣ל בְּרַגְלָ֔יו כְּאַחַ֥ד הַצְּבָיִ֖ם אֲשֶׁ֥ר בַּשָּׂדֶֽה׃ wayiheyu־sham sheloshah beney tseruyah yowʾav waʾaviyshay waʿasahʾel waʿasahʾel qal beragelayw keʾaḥad hatsevayim ʾasher basadeh׃

¹⁹ וַיִּרְדֹּ֥ף עֲשָׂהאֵ֖ל אַחֲרֵ֣י אַבְנֵ֑ר וְלֹֽא־נָטָ֣ה לָלֶ֗כֶת עַל־הַיָּמִין֙ וְעַֽל־הַשְּׂמֹ֔אול מֵאַחֲרֵ֖י אַבְנֵֽר׃ wayiredof ʿasahʾel ʾaḥarey ʾavener weloʾ־naṭah lalekhet ʿal־hayamiyn weʿal־hasemoʾwl meʾaḥarey ʾavener׃

²⁰ וַיִּ֤פֶן אַבְנֵר֙ אַֽחֲרָ֔יו וַיֹּ֕אמֶר הַאַתָּ֥ה זֶ֖ה עֲשָׂהאֵ֑ל וַיֹּ֖אמֶר אָנֹֽכִי׃ wayifen ʾavener ʾaḥarayw wayoʾmer haʾatah zeh ʿasahʾel wayoʾmer ʾanokhiy׃

²¹ וַיֹּ֧אמֶר לֹ֣ו אַבְנֵ֗ר נְטֵ֤ה לְךָ֙ עַל־יְמִֽינְךָ֙ אֹ֣ו עַל־שְׂמֹאלֶ֔ךָ וֶאֱחֹ֣ז לְךָ֗ אֶחָד֙ מֵֽהַנְּעָרִ֔ים וְקַח־לְךָ֖ אֶת־חֲלִצָתֹ֑ו וְלֹֽא־אָבָ֣ה עֲשָׂהאֵ֔ל לָס֖וּר מֵאַחֲרָֽיו׃ wayoʾmer low ʾavener neṭeh lekha ʿal־yemiynekha ʾow ʿal־semoʾlekha weʾeḥoz lekha ʾeḥad mehaneʿariym weqaḥ־lekha ʾet־ḥalitsatow weloʾ־ʾavah ʿasahʾel lasur meʾaḥarayw׃

²² וַיֹּ֧סֶף עֹ֣וד אַבְנֵ֗ר לֵאמֹר֙ אֶל־עֲשָׂהאֵ֔ל ס֥וּר לְךָ֖ מֵאַֽחֲרָ֑י לָ֤מָּה אַכֶּ֙כָּה֙ אַ֔רְצָה וְאֵיךְ֙ אֶשָּׂ֣א פָנַ֔י אֶל־יֹואָ֖ב אָחִֽיךָ׃ wayosef ʿowd ʾavener leʾmor ʾel־ʿasahʾel sur lekha meʾaḥaray lamah ʾakekah ʾaretsah weʾeykhe ʾesaʾ fanay ʾel־yowʾav ʾaḥiykha׃

²³ וַיְמָאֵ֣ן לָס֗וּר וַיַּכֵּ֣הוּ אַבְנֵר֩ בְּאַחֲרֵ֨י הַחֲנִ֜ית אֶל־הַחֹ֗מֶשׁ וַתֵּצֵ֤א הַֽחֲנִית֙ מֵאַחֲרָ֔יו וַיִּפָּל־שָׁ֖ם וַיָּ֣מָת [תַּחַתֹו כ] (תַּחְתָּ֑יו ק) וַיְהִ֡י כָּל־הַבָּ֣א אֶֽל־הַמָּקֹום֩ אֲשֶׁר־נָ֨פַל שָׁ֧ם עֲשָׂהאֵ֛ל וַיָּמֹ֖ת וַֽיַּעֲמֹֽדוּ׃ wayemaʾen lasur wayakehu ʾavener beʾaḥarey haḥaniyt ʾel־haḥomesh watetseʾ haḥaniyt meʾaḥarayw wayipal־sham wayamat [taḥatow kh] (taḥetayw q) wayehiy kal־habaʾ ʾel־hamaqowm ʾasher־nafal sham ʿasahʾel wayamot wayaʿamodu׃

²⁴ וַֽיִּרְדְּפ֛וּ יֹואָ֥ב וַאֲבִישַׁ֖י אַחֲרֵ֣י אַבְנֵ֑ר וְהַשֶּׁ֣מֶשׁ בָּ֔אָה וְהֵ֗מָּה בָּ֚אוּ עַד־גִּבְעַ֣ת אַמָּ֔ה אֲשֶׁר֙ עַל־פְּנֵי־גִ֔יחַ דֶּ֖רֶךְ מִדְבַּ֥ר גִּבְעֹֽון׃ wayiredefu yowʾav waʾaviyshay ʾaḥarey ʾavener wehashemesh baʾah wehemah baʾu ʿad־giveʿat ʾamah ʾasher ʿal־peney־giyḥa derekhe midebar giveʿown׃

²⁵ וַיִּֽתְקַבְּצ֤וּ בְנֵֽי־בִנְיָמִן֙ אַחֲרֵ֣י אַבְנֵ֔ר וַיִּהְי֖וּ לַאֲגֻדָּ֣ה אֶחָ֑ת וַיַּ֣עַמְד֔וּ עַ֥ל רֹאשׁ־גִּבְעָ֖ה אֶחָֽת׃ wayiteqabetsu veney־vineyamin ʾaḥarey ʾavener wayiheyu laʾagudah ʾeḥat wayaʿamedu ʿal roʾsh־giveʿah ʾeḥat׃

²⁶ וַיִּקְרָ֨א אַבְנֵ֜ר אֶל־יֹואָ֗ב וַיֹּ֙אמֶר֙ הֲלָנֶ֙צַח֙ תֹּ֣אכַל חֶ֔רֶב הֲלֹ֣וא יָדַ֔עְתָּה כִּֽי־מָרָ֥ה תִהְיֶ֖ה בָּאַחֲרֹונָ֑ה וְעַד־מָתַי֙ לֹֽא־תֹאמַ֣ר לָעָ֔ם לָשׁ֖וּב מֵאַחֲרֵ֥י אֲחֵיהֶֽם׃ wayiqeraʾ ʾavener ʾel־yowʾav wayoʾmer halanetsaḥ toʾkhal ḥerev halowʾ yadaʿetah kiy־marah tiheyeh baʾaḥarownah weʿad־matay loʾ־toʾmar laʿam lashuv meʾaḥarey ʾaḥeyhem׃

²⁷ וַיֹּ֣אמֶר יֹואָ֔ב חַ֚י הָֽאֱלֹהִ֔ים כִּ֥י לוּלֵ֖א דִּבַּ֑רְתָּ כִּ֣י אָ֤ז מֵֽהַבֹּ֙קֶר֙ נַעֲלָ֣ה הָעָ֔ם אִ֖ישׁ מֵאַחֲרֵ֥י אָחִֽיו׃ wayoʾmer yowʾav ḥay haʾelohiym kiy luleʾ dibareta kiy ʾaz mehaboqer naʿalah haʿam ʾiysh meʾaḥarey ʾaḥiyw׃

²⁸ וַיִּתְקַ֤ע יֹואָב֙ בַּשֹּׁופָ֔ר וַיַּֽעַמְדוּ֙ כָּל־הָעָ֔ם וְלֹֽא־יִרְדְּפ֥וּ עֹ֖וד אַחֲרֵ֣י יִשְׂרָאֵ֑ל וְלֹֽא־יָסְפ֥וּ עֹ֖וד לְהִלָּחֵֽם׃ wayiteqaʿ yowʾav bashowfar wayaʿamedu kal־haʿam weloʾ־yiredefu ʿowd ʾaḥarey yiseraʾel weloʾ־yasefu ʿowd lehilaḥem׃

²⁹ וְאַבְנֵ֣ר וַֽאֲנָשָׁ֗יו הָֽלְכוּ֙ בָּֽעֲרָבָ֔ה כֹּ֖ל הַלַּ֣יְלָה הַה֑וּא וַיַּעַבְר֣וּ אֶת־הַיַּרְדֵּ֗ן וַיֵּֽלְכוּ֙ כָּל־הַבִּתְרֹ֔ון וַיָּבֹ֖אוּ מַחֲנָֽיִם׃ weʾavener waʾanashayw halekhu baʿaravah kol halayelah hahuʾ wayaʿaveru ʾet־hayareden wayelekhu kal־habiterown wayavoʾu maḥanayim׃

³⁰ וְיֹואָ֗ב ב מֵאַחֲרֵ֣י אַבְנֵ֔ר וַיִּקְבֹּ֖ץ אֶת־כָּל־הָעָ֑ם וַיִּפָּ֨קְד֜וּ מֵעַבְדֵ֥י דָוִ֛ד תִּשְׁעָֽה־עָשָׂ֥ר אִ֖ישׁ וַעֲשָׂה־אֵֽל ׃ weyowʾav v meʾaḥarey ʾavener wayiqebots ʾet־kal־haʿam wayipaqedu meʿavedey dawid tisheʿah־ʿasar ʾiysh waʿasah־ʾel ׃

³¹ וְעַבְדֵ֣י דָוִ֗ד הִכּוּ֙ מִבִּנְיָמִ֔ן וּבְאַנְשֵׁ֖י אַבְנֵ֑ר שְׁלֹשׁ־מֵאֹ֧ות וְשִׁשִּׁ֛ים אִ֖ישׁ מֵֽתוּ׃ weʿavedey dawid hiku mibineyamin uveʾaneshey ʾavener shelosh־meʾowt weshishiym ʾiysh metu׃

³² וַיִּשְׂאוּ֙ אֶת־עֲשָׂהאֵ֔ל וַֽיִּקְבְּרֻ֙הוּ֙ בְּקֶ֣בֶר אָבִ֔יו אֲשֶׁ֖ר בֵּ֣ית לָ֑חֶם וַיֵּלְכ֣וּ כָל־הַלַּ֗יְלָה יֹואָב֙ וַֽאֲנָשָׁ֔יו וַיֵּאֹ֥ר לָהֶ֖ם בְּחֶבְרֹֽון׃ wayiseʾu ʾet־ʿasahʾel wayiqeberuhu beqever ʾaviyw ʾasher beyt laḥem wayelekhu khal־halayelah yowʾav waʾanashayw wayeʾor lahem beḥeverown׃