1 וְדָוִ֗ד עָבַ֤ר מְעַט֙ מֵֽהָרֹ֔אשׁ וְהִנֵּ֥ה צִיבָ֛א נַ֥עַר מְפִי־בֹ֖שֶׁת לִקְרָאתֹ֑ו וְצֶ֨מֶד חֲמֹרִ֜ים חֲבֻשִׁ֗ים וַעֲלֵיהֶם֩ מָאתַ֨יִם לֶ֜חֶם וּמֵאָ֧ה צִמּוּקִ֛ים וּמֵ֥אָה קַ֖יִץ וְנֵ֥בֶל יָֽיִן׃ wedawid ʿavar meʿaṭ meharoʾsh wehineh tsiyvaʾ naʿar mefiy־voshet liqeraʾtow wetsemed ḥamoriym ḥavushiym waʿaleyhem maʾtayim leḥem umeʾah tsimuqiym umeʾah qayits wenevel yayin׃
2 וַיֹּ֧אמֶר הַמֶּ֛לֶךְ אֶל־צִיבָ֖א מָה־אֵ֣לֶּה לָּ֑ךְ וַיֹּ֣אמֶר צִ֠יבָא הַחֲמֹורִ֨ים לְבֵית־הַמֶּ֜לֶךְ לִרְכֹּ֗ב [וּלְהַלֶּחֶם כ] (וְהַלֶּ֤חֶם ק) וְהַקַּ֙יִץ֙ לֶאֱכֹ֣ול הַנְּעָרִ֔ים וְהַיַּ֕יִן לִשְׁתֹּ֥ות הַיָּעֵ֖ף בַּמִּדְבָּֽר׃ wayoʾmer hamelekhe ʾel־tsiyvaʾ mah־ʾeleh lakhe wayoʾmer tsiyvaʾ haḥamowriym leveyt־hamelekhe lirekov [ulehaleḥem kh] (wehaleḥem q) wehaqayits leʾekhowl haneʿariym wehayayin lishetowt hayaʿef bamidebar׃
3 וַיֹּ֣אמֶר הַמֶּ֔לֶךְ וְאַיֵּ֖ה בֶּן־אֲדֹנֶ֑יךָ וַיֹּ֨אמֶר צִיבָ֜א אֶל־הַמֶּ֗לֶךְ הִנֵּה֙ יֹושֵׁ֣ב בִּירוּשָׁלִַ֔ם כִּ֣י אָמַ֔ר הַיֹּ֗ום יָשִׁ֤יבוּ לִי֙ בֵּ֣ית יִשְׂרָאֵ֔ל אֵ֖ת מַמְלְכ֥וּת אָבִֽי׃ wayoʾmer hamelekhe weʾayeh ben־ʾadoneykha wayoʾmer tsiyvaʾ ʾel־hamelekhe hineh yowshev biyrushalim kiy ʾamar hayowm yashiyvu liy beyt yiseraʾel ʾet mamelekhut ʾaviy׃
4 וַיֹּ֤אמֶר הַמֶּ֙לֶךְ֙ לְצִבָ֔א הִנֵּ֣ה לְךָ֔ כֹּ֖ל אֲשֶׁ֣ר לִמְפִי־בֹ֑שֶׁת וַיֹּ֤אמֶר צִיבָא֙ הִֽשְׁתַּחֲוֵ֔יתִי אֶמְצָא־חֵ֥ן בְּעֵינֶ֖יךָ אֲדֹנִ֥י הַמֶּֽלֶךְ׃ wayoʾmer hamelekhe letsivaʾ hineh lekha kol ʾasher limefiy־voshet wayoʾmer tsiyvaʾ hishetaḥaweytiy ʾemetsaʾ־ḥen beʿeyneykha ʾadoniy hamelekhe׃
5 וּבָ֛א הַמֶּ֥לֶךְ דָּוִ֖ד עַד־בַּֽחוּרִ֑ים וְהִנֵּ֣ה מִשָּׁם֩ אִ֨ישׁ יֹוצֵ֜א מִמִּשְׁפַּ֣חַת בֵּית־שָׁא֗וּל וּשְׁמֹו֙ שִׁמְעִ֣י בֶן־גֵּרָ֔א יֹצֵ֥א יָצֹ֖וא וּמְקַלֵּֽל׃ uvaʾ hamelekhe dawid ʿad־baḥuriym wehineh misham ʾiysh yowtseʾ mimishepaḥat beyt־shaʾul ushemow shimeʿiy ven־geraʾ yotseʾ yatsowʾ umeqalel׃
6 וַיְסַקֵּ֤ל בָּֽאֲבָנִים֙ אֶת־דָּוִ֔ד וְאֶת־כָּל־עַבְדֵ֖י הַמֶּ֣לֶךְ דָּוִ֑ד וְכָל־הָעָם֙ וְכָל־הַגִּבֹּרִ֔ים מִימִינֹ֖ו וּמִשְּׂמֹאלֹֽו׃ wayesaqel baʾavaniym ʾet־dawid weʾet־kal־ʿavedey hamelekhe dawid wekhal־haʿam wekhal־hagiboriym miymiynow umisemoʾlow׃
7 וְכֹֽה־אָמַ֥ר שִׁמְעִ֖י בְּקַֽלְלֹ֑ו צֵ֥א צֵ֛א אִ֥ישׁ הַדָּמִ֖ים וְאִ֥ישׁ הַבְּלִיָּֽעַל׃ wekhoh־ʾamar shimeʿiy beqalelow tseʾ tseʾ ʾiysh hadamiym weʾiysh habeliyaʿal׃
8 הֵשִׁיב֩ עָלֶ֨יךָ יְהוָ֜ה כֹּ֣ל ׀ דְּמֵ֣י בֵית־שָׁא֗וּל אֲשֶׁ֤ר מָלַ֙כְתָּ֙ [תַּחְתֹּו כ] (תַּחְתָּ֔יו ק) וַיִּתֵּ֤ן יְהוָה֙ אֶת־הַמְּלוּכָ֔ה בְּיַ֖ד אַבְשָׁלֹ֣ום בְּנֶ֑ךָ וְהִנְּךָ֙ בְּרָ֣עָתֶ֔ךָ כִּ֛י אִ֥ישׁ דָּמִ֖ים אָֽתָּה׃ heshiyv ʿaleykha yehwah kol ׀ demey veyt־shaʾul ʾasher malakheta [taḥetow kh] (taḥetayw q) wayiten yehwah ʾet־hamelukhah beyad ʾaveshalowm benekha wehinekha beraʿatekha kiy ʾiysh damiym ʾatah׃
9 וַיֹּ֨אמֶר אֲבִישַׁ֤י בֶּן־צְרוּיָה֙ אֶל־הַמֶּ֔לֶךְ לָ֣מָּה יְקַלֵּ֞ל הַכֶּ֤לֶב הַמֵּת֙ הַזֶּ֔ה אֶת־אֲדֹנִ֖י הַמֶּ֑לֶךְ אֶעְבְּרָה־נָּ֖א וְאָסִ֥ירָה אֶת־רֹאשֹֽׁו׃ ס wayoʾmer ʾaviyshay ben־tseruyah ʾel־hamelekhe lamah yeqalel hakelev hamet hazeh ʾet־ʾadoniy hamelekhe ʾeʿeberah־naʾ weʾasiyrah ʾet־roʾshow׃ s
10 וַיֹּ֣אמֶר הַמֶּ֔לֶךְ מַה־לִּ֥י וְלָכֶ֖ם בְּנֵ֣י צְרֻיָ֑ה [כִּי כ] (כֹּ֣ה ק) יְקַלֵּ֗ל [וְכִי כ] (כִּ֤י ק) יְהוָה֙ אָ֤מַר לֹו֙ קַלֵּ֣ל אֶת־דָּוִ֔ד וּמִ֣י יֹאמַ֔ר מַדּ֖וּעַ עָשִׂ֥יתָה כֵּֽן׃ ס wayoʾmer hamelekhe mah־liy welakhem beney tseruyah [kiy kh] (koh q) yeqalel [wekhiy kh] (kiy q) yehwah ʾamar low qalel ʾet־dawid umiy yoʾmar maduaʿ ʿasiytah ken׃ s
11 וַיֹּ֨אמֶר דָּוִ֤ד אֶל־אֲבִישַׁי֙ וְאֶל־כָּל־עֲבָדָ֔יו הִנֵּ֥ה בְנִ֛י אֲשֶׁר־יָצָ֥א מִמֵּעַ֖י מְבַקֵּ֣שׁ אֶת־נַפְשִׁ֑י וְאַ֨ף כִּֽי־עַתָּ֜ה בֶּן־הַיְמִינִ֗י הַנִּ֤חוּ לֹו֙ וִֽיקַלֵּ֔ל כִּ֥י אָֽמַר־לֹ֖ו יְהוָֽה׃ wayoʾmer dawid ʾel־ʾaviyshay weʾel־kal־ʿavadayw hineh veniy ʾasher־yatsaʾ mimeʿay mevaqesh ʾet־nafeshiy weʾaf kiy־ʿatah ben־hayemiyniy haniḥu low wiyqalel kiy ʾamar־low yehwah׃
12 אוּלַ֛י יִרְאֶ֥ה יְהוָ֖ה [בְּעֳוֹנִי כ] (בְּעֵינִ֑י ק) וְהֵשִׁ֨יב יְהוָ֥ה לִי֙ טֹובָ֔ה תַּ֥חַת קִלְלָתֹ֖ו הַיֹּ֥ום הַזֶּֽה׃ ʾulay yireʾeh yehwah [beʿooniy kh] (beʿeyniy q) weheshiyv yehwah liy ṭowvah taḥat qilelatow hayowm hazeh׃
13 וַיֵּ֧לֶךְ דָּוִ֛ד וַאֲנָשָׁ֖יו בַּדָּ֑רֶךְ ס וְשִׁמְעִ֡י הֹלֵךְ֩ בְּצֵ֨לַע הָהָ֜ר לְעֻמָּתֹ֗ו הָלֹוךְ֙ וַיְקַלֵּ֔ל וַיְסַקֵּ֤ל בָּֽאֲבָנִים֙ לְעֻמָּתֹ֔ו וְעִפַּ֖ר בֶּעָפָֽר׃ פ wayelekhe dawid waʾanashayw badarekhe s weshimeʿiy holekhe betselaʿ hahar leʿumatow halowkhe wayeqalel wayesaqel baʾavaniym leʿumatow weʿipar beʿafar׃ f
14 וַיָּבֹ֥א הַמֶּ֛לֶךְ וְכָל־הָעָ֥ם אֲשֶׁר־אִתֹּ֖ו עֲיֵפִ֑ים וַיִּנָּפֵ֖שׁ שָֽׁם׃ wayavoʾ hamelekhe wekhal־haʿam ʾasher־ʾitow ʿayefiym wayinafesh sham׃
15 וְאַבְשָׁלֹ֗ום וְכָל־הָעָם֙ אִ֣ישׁ יִשְׂרָאֵ֔ל בָּ֖אוּ יְרוּשָׁלִָ֑ם וַאֲחִיתֹ֖פֶל אִתֹּֽו׃ weʾaveshalowm wekhal־haʿam ʾiysh yiseraʾel baʾu yerushalim waʾaḥiytofel ʾitow׃
16 וַיְהִ֗י כַּֽאֲשֶׁר־בָּ֞א חוּשַׁ֧י הָאַרְכִּ֛י רֵעֶ֥ה דָוִ֖ד אֶל־אַבְשָׁלֹ֑ום וַיֹּ֤אמֶר חוּשַׁי֙ אֶל־אַבְשָׁלֹ֔ם יְחִ֥י הַמֶּ֖לֶךְ יְחִ֥י הַמֶּֽלֶךְ׃ wayehiy kaʾasher־baʾ ḥushay haʾarekiy reʿeh dawid ʾel־ʾaveshalowm wayoʾmer ḥushay ʾel־ʾaveshalom yeḥiy hamelekhe yeḥiy hamelekhe׃
17 וַיֹּ֤אמֶר אַבְשָׁלֹום֙ אֶל־חוּשַׁ֔י זֶ֥ה חַסְדְּךָ֖ אֶת־רֵעֶ֑ךָ לָ֥מָּה לֹֽא־הָלַ֖כְתָּ אֶת־רֵעֶֽךָ׃ wayoʾmer ʾaveshalowm ʾel־ḥushay zeh ḥasedekha ʾet־reʿekha lamah loʾ־halakheta ʾet־reʿekha׃
18 וַיֹּ֣אמֶר חוּשַׁי֮ אֶל־אַבְשָׁלֹם֒ לֹ֕א כִּי֩ אֲשֶׁ֨ר בָּחַ֧ר יְהוָ֛ה וְהָעָ֥ם הַזֶּ֖ה וְכָל־אִ֣ישׁ יִשְׂרָאֵ֑ל [לֹא כ] (לֹ֥ו ק) אֶהְיֶ֖ה וְאִתֹּ֥ו אֵשֵֽׁב׃ wayoʾmer ḥushay ʾel־ʾaveshalom loʾ kiy ʾasher baḥar yehwah wehaʿam hazeh wekhal־ʾiysh yiseraʾel [loʾ kh] (low q) ʾeheyeh weʾitow ʾeshev׃
19 וְהַשֵּׁנִ֗ית לְמִי֙ אֲנִ֣י אֶֽעֱבֹ֔ד הֲלֹ֖וא לִפְנֵ֣י בְנֹ֑ו כַּאֲשֶׁ֤ר עָבַ֙דְתִּי֙ לִפְנֵ֣י אָבִ֔יךָ כֵּ֖ן אֶהְיֶ֥ה לִפָנֶֽיךָ׃ פ wehasheniyt lemiy ʾaniy ʾeʿevod halowʾ lifeney venow kaʾasher ʿavadetiy lifeney ʾaviykha ken ʾeheyeh lifaneykha׃ f
20 וַיֹּ֥אמֶר אַבְשָׁלֹ֖ום אֶל־אֲחִיתֹ֑פֶל הָב֥וּ לָכֶ֛ם עֵצָ֖ה מַֽה־נַּעֲשֶֽׂה׃ wayoʾmer ʾaveshalowm ʾel־ʾaḥiytofel havu lakhem ʿetsah mah־naʿaseh׃
21 וַיֹּ֤אמֶר אֲחִיתֹ֙פֶל֙ אֶל־אַבְשָׁלֹ֔ם בֹּ֚וא אֶל־פִּלַגְשֵׁ֣י אָבִ֔יךָ אֲשֶׁ֥ר הִנִּ֖יחַ לִשְׁמֹ֣ור הַבָּ֑יִת וְשָׁמַ֤ע כָּל־יִשְׂרָאֵל֙ כִּֽי־נִבְאַ֣שְׁתָּ אֶת־אָבִ֔יךָ וְחָ֣זְק֔וּ יְדֵ֖י כָּל־אֲשֶׁ֥ר אִתָּֽךְ׃ wayoʾmer ʾaḥiytofel ʾel־ʾaveshalom bowʾ ʾel־pilageshey ʾaviykha ʾasher hiniyḥa lishemowr habayit weshamaʿ kal־yiseraʾel kiy־niveʾasheta ʾet־ʾaviykha weḥazequ yedey kal־ʾasher ʾitakhe׃
22 וַיַּטּ֧וּ לְאַבְשָׁלֹ֛ום הָאֹ֖הֶל עַל־הַגָּ֑ג וַיָּבֹ֤א אַבְשָׁלֹום֙ אֶל־פִּֽלַגְשֵׁ֣י אָבִ֔יו לְעֵינֵ֖י כָּל־יִשְׂרָאֵֽל׃ wayaṭu leʾaveshalowm haʾohel ʿal־hagag wayavoʾ ʾaveshalowm ʾel־pilageshey ʾaviyw leʿeyney kal־yiseraʾel׃
23 וַעֲצַ֣ת אֲחִיתֹ֗פֶל אֲשֶׁ֤ר יָעַץ֙ בַּיָּמִ֣ים הָהֵ֔ם כַּאֲשֶׁ֥ר יִשְׁאַל־ (אִ֖ישׁ ק) בִּדְבַ֣ר הָאֱלֹהִ֑ים כֵּ֚ן כָּל־עֲצַ֣ת אֲחִיתֹ֔פֶל גַּם־לְדָוִ֖ד גַּ֥ם לְאַבְשָׁלֹֽם׃ ס waʿatsat ʾaḥiytofel ʾasher yaʿats bayamiym hahem kaʾasher yisheʾal־ (ʾiysh q) bidevar haʾelohiym ken kal־ʿatsat ʾaḥiytofel gam־ledawid gam leʾaveshalom׃ s