1 עַ֥ל נַהֲרֹ֨ות ׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ בְּ֝זָכְרֵ֗נוּ אֶת־צִיֹּֽון׃ ʿal naharowt ׀ bavel sham yashavenu gam־bakhiynu bezakherenu ʾet־tsiyown׃
2 עַֽל־עֲרָבִ֥ים בְּתֹוכָ֑הּ תָּ֝לִ֗ינוּ כִּנֹּרֹותֵֽינוּ׃ ʿal־ʿaraviym betowkhah taliynu kinorowteynu׃
3 כִּ֤י שָׁ֨ם שְֽׁאֵל֪וּנוּ שֹׁובֵ֡ינוּ דִּבְרֵישִׁ֭־יר וְתֹולָלֵ֣ינוּ שִׂמְחָ֑ה שִׁ֥ירוּ לָ֝֗נוּ מִשִּׁ֥יר צִיֹּֽון׃ kiy sham sheʾelunu showveynu divereyshi־yr wetowlaleynu simeḥah shiyru lanu mishiyr tsiyown׃
4 אֵ֗יךְ נָשִׁ֥יר אֶת־שִׁיר־יְהוָ֑ה עַ֝֗ל אַדְמַ֥ת נֵכָֽר׃ ʾeykhe nashiyr ʾet־shiyr־yehwah ʿal ʾademat nekhar׃
5 אִֽם־אֶשְׁכָּחֵ֥ךְ יְֽרוּשָׁלִָ֗ם תִּשְׁכַּ֥ח יְמִינִֽי׃ ʾim־ʾeshekaḥekhe yerushalim tishekaḥ yemiyniy׃
6 תִּדְבַּ֥ק־לְשֹׁונִ֨י ׀ לְחִכִּי֮ אִם־לֹ֪א אֶ֫זְכְּרֵ֥כִי אִם־לֹ֣א אַ֭עֲלֶה אֶת־יְרוּשָׁלִַ֑ם עַ֝֗ל רֹ֣אשׁ שִׂמְחָתִֽי׃ tidebaq־leshowniy ׀ leḥikiy ʾim־loʾ ʾezekerekhiy ʾim־loʾ ʾaʿaleh ʾet־yerushalim ʿal roʾsh simeḥatiy׃
7 זְכֹ֤ר יְהוָ֨ה ׀ לִבְנֵ֬י אֱדֹ֗ום אֵת֮ יֹ֤ום יְֽרוּשָׁ֫לִָ֥ם הָ֭אֹ֣מְרִים עָ֤רוּ ׀ עָ֑רוּ עַ֝֗ד הַיְסֹ֥וד בָּֽהּ׃ zekhor yehwah ׀ liveney ʾedowm ʾet yowm yerushalim haʾomeriym ʿaru ׀ ʿaru ʿad hayesowd bah׃
8 בַּת־בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־לָ֑ךְ אֶת־גְּ֝מוּלֵ֗ךְ שֶׁגָּמַ֥לְתְּ לָֽנוּ׃ bat־bavel hashedudah ʾasherey sheyeshalem־lakhe ʾet־gemulekhe shegamalete lanu׃
9 אַשְׁרֵ֤י ׀ שֶׁיֹּאחֵ֓ז וְנִפֵּ֬ץ אֶֽת־עֹ֝לָלַ֗יִךְ אֶל־הַסָּֽלַע׃ ʾasherey ׀ sheyoʾḥez wenipets ʾet־ʿolalayikhe ʾel־hasalaʿ׃