Jérémie 2

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² הָלֹ֡ךְ וְקָֽרָאתָ֩ בְאָזְנֵי֙ יְרוּשָׁלִַ֜ם לֵאמֹ֗ר כֹּ֚ה אָמַ֣ר יְהוָ֔ה זָכַ֤רְתִּי לָךְ֙ חֶ֣סֶד נְעוּרַ֔יִךְ אַהֲבַ֖ת כְּלוּלֹתָ֑יִךְ לֶכְתֵּ֤ךְ אַחֲרַי֙ בַּמִּדְבָּ֔ר בְּאֶ֖רֶץ לֹ֥א זְרוּעָֽה׃ halokhe weqaraʾta veʾazeney yerushalim leʾmor koh ʾamar yehwah zakharetiy lakhe ḥesed neʿurayikhe ʾahavat kelulotayikhe lekhetekhe ʾaḥaray bamidebar beʾerets loʾ zeruʿah׃

³ קֹ֤דֶשׁ יִשְׂרָאֵל֙ לַיהוָ֔ה רֵאשִׁ֖ית תְּבוּאָתֹ֑ה כָּל־אֹכְלָ֣יו יֶאְשָׁ֔מוּ רָעָ֛ה תָּבֹ֥א אֲלֵיהֶ֖ם נְאֻם־יְהוָֽה׃ פ qodesh yiseraʾel layhwah reʾshiyt tevuʾatoh kal־ʾokhelayw yeʾeshamu raʿah tavoʾ ʾaleyhem neʾum־yehwah׃ f

⁴ שִׁמְע֥וּ דְבַר־יְהוָ֖ה בֵּ֣ית יַעֲקֹ֑ב וְכָֽל־מִשְׁפְּחֹ֖ות בֵּ֥ית יִשְׂרָאֵֽל׃ shimeʿu devar־yehwah beyt yaʿaqov wekhal־mishepeḥowt beyt yiseraʾel׃

⁵ כֹּ֣ה ׀ אָמַ֣ר יְהוָ֗ה מַה־מָּצְא֨וּ אֲבֹותֵיכֶ֥ם בִּי֙ עָ֔וֶל כִּ֥י רָחֲק֖וּ מֵעָלָ֑י וַיֵּֽלְכ֛וּ אַחֲרֵ֥י הַהֶ֖בֶל וַיֶּהְבָּֽלוּ׃ koh ׀ ʾamar yehwah mah־matseʾu ʾavowteykhem biy ʿawel kiy raḥaqu meʿalay wayelekhu ʾaḥarey hahevel wayehebalu׃

⁶ וְלֹ֣א אָמְר֔וּ אַיֵּ֣ה יְהוָ֔ה הַמַּעֲלֶ֥ה אֹתָ֖נוּ מֵאֶ֣רֶץ מִצְרָ֑יִם הַמֹּולִ֨יךְ אֹתָ֜נוּ בַּמִּדְבָּ֗ר בְּאֶ֨רֶץ עֲרָבָ֤ה וְשׁוּחָה֙ בְּאֶ֙רֶץ֙ צִיָּ֣ה וְצַלְמָ֔וֶת בְּאֶ֗רֶץ לֹֽא־עָ֤בַר בָּהּ֙ אִ֔ישׁ וְלֹֽא־יָשַׁ֥ב אָדָ֖ם שָֽׁם׃ weloʾ ʾameru ʾayeh yehwah hamaʿaleh ʾotanu meʾerets mitserayim hamowliykhe ʾotanu bamidebar beʾerets ʿaravah weshuḥah beʾerets tsiyah wetsalemawet beʾerets loʾ־ʿavar bah ʾiysh weloʾ־yashav ʾadam sham׃

⁷ וָאָבִ֤יא אֶתְכֶם֙ אֶל־אֶ֣רֶץ הַכַּרְמֶ֔ל לֶאֱכֹ֥ל פִּרְיָ֖הּ וְטוּבָ֑הּ וַתָּבֹ֙אוּ֙ וַתְּטַמְּא֣וּ אֶת־אַרְצִ֔י וְנַחֲלָתִ֥י שַׂמְתֶּ֖ם לְתֹועֵבָֽה׃ waʾaviyʾ ʾetekhem ʾel־ʾerets hakaremel leʾekhol pireyah weṭuvah watavoʾu wateṭameʾu ʾet־ʾaretsiy wenaḥalatiy sametem letowʿevah׃

⁸ הַכֹּהֲנִ֗ים לֹ֤א אָֽמְרוּ֙ אַיֵּ֣ה יְהוָ֔ה וְתֹפְשֵׂ֤י הַתֹּורָה֙ לֹ֣א יְדָע֔וּנִי וְהָרֹעִ֖ים פָּ֣שְׁעוּ בִ֑י וְהַנְּבִיאִים֙ נִבְּא֣וּ בַבַּ֔עַל וְאַחֲרֵ֥י לֹֽא־יֹועִ֖לוּ הָלָֽכוּ׃ hakohaniym loʾ ʾameru ʾayeh yehwah wetofesey hatowrah loʾ yedaʿuniy weharoʿiym pasheʿu viy wehaneviyʾiym nibeʾu vabaʿal weʾaḥarey loʾ־yowʿilu halakhu׃

⁹ לָכֵ֗ן עֹ֛ד אָרִ֥יב אִתְּכֶ֖ם נְאֻם־יְהוָ֑ה וְאֶת־בְּנֵ֥י בְנֵיכֶ֖ם אָרִֽיב׃ lakhen ʿod ʾariyv ʾitekhem neʾum־yehwah weʾet־beney veneykhem ʾariyv׃

¹⁰ כִּ֣י עִבְר֞וּ אִיֵּ֤י כִתִּיִּים֙ וּרְא֔וּ וְקֵדָ֛ר שִׁלְח֥וּ וְהִֽתְבֹּונְנ֖וּ מְאֹ֑ד וּרְא֕וּ הֵ֥ן הָיְתָ֖ה כָּזֹֽאת׃ kiy ʿiveru ʾiyey khitiyiym ureʾu weqedar shileḥu wehitebownenu meʾod ureʾu hen hayetah kazoʾt׃

¹¹ הַהֵימִ֥יר גֹּוי֙ אֱלֹהִ֔ים וְהֵ֖מָּה לֹ֣א אֱלֹהִ֑ים וְעַמִּ֛י הֵמִ֥יר כְּבֹודֹ֖ו בְּלֹ֥וא יֹועִֽיל׃ haheymiyr gowy ʾelohiym wehemah loʾ ʾelohiym weʿamiy hemiyr kevowdow belowʾ yowʿiyl׃

¹² שֹׁ֥מּוּ שָׁמַ֖יִם עַל־זֹ֑את וְשַׂעֲר֛וּ חָרְב֥וּ מְאֹ֖ד נְאֻם־יְהוָֽה׃ shomu shamayim ʿal־zoʾt wesaʿaru ḥarevu meʾod neʾum־yehwah׃

¹³ כִּֽי־שְׁתַּ֥יִם רָעֹ֖ות עָשָׂ֣ה עַמִּ֑י אֹתִ֨י עָזְב֜וּ מְקֹ֣ור ׀ מַ֣יִם חַיִּ֗ים לַחְצֹ֤ב לָהֶם֙ בֹּארֹ֔ות בֹּארֹת֙ נִשְׁבָּרִ֔ים אֲשֶׁ֥ר לֹא־יָכִ֖לוּ הַמָּֽיִם׃ kiy־shetayim raʿowt ʿasah ʿamiy ʾotiy ʿazevu meqowr ׀ mayim ḥayiym laḥetsov lahem boʾrowt boʾrot nishebariym ʾasher loʾ־yakhilu hamayim׃

¹⁴ הַעֶ֙בֶד֙ יִשְׂרָאֵ֔ל אִם־יְלִ֥יד בַּ֖יִת ה֑וּא מַדּ֖וּעַ הָיָ֥ה לָבַֽז׃ haʿeved yiseraʾel ʾim־yeliyd bayit huʾ maduaʿ hayah lavaz׃

¹⁵ עָלָיו֙ יִשְׁאֲג֣וּ כְפִרִ֔ים נָתְנ֖וּ קֹולָ֑ם וַיָּשִׁ֤יתוּ אַרְצֹו֙ לְשַׁמָּ֔ה עָרָ֥יו [נִצְּתָה כ] (נִצְּת֖וּ ק) מִבְּלִ֥י יֹשֵֽׁב׃ ʿalayw yisheʾagu khefiriym natenu qowlam wayashiytu ʾaretsow leshamah ʿarayw [nitsetah kh] (nitsetu q) mibeliy yoshev׃

¹⁶ גַּם־בְּנֵי־נֹ֖ף [וְתַחְפְּנֵס כ] (וְתַחְפַּנְחֵ֑ס ק) יִרְע֖וּךְ קָדְקֹֽד׃ gam־beney־nof [wetaḥepenes kh] (wetaḥepaneḥes q) yireʿukhe qadeqod׃

¹⁷ הֲלֹוא־זֹ֖את תַּעֲשֶׂה־לָּ֑ךְ עָזְבֵךְ֙ אֶת־יְהוָ֣ה אֱלֹהַ֔יִךְ בְּעֵ֖ת מֹולִיכֵ֥ךְ בַּדָּֽרֶךְ׃ halowʾ־zoʾt taʿaseh־lakhe ʿazevekhe ʾet־yehwah ʾelohayikhe beʿet mowliykhekhe badarekhe׃

¹⁸ וְעַתָּ֗ה מַה־לָּךְ֙ לְדֶ֣רֶךְ מִצְרַ֔יִם לִשְׁתֹּ֖ות מֵ֣י שִׁחֹ֑ור וּמַה־לָּךְ֙ לְדֶ֣רֶךְ אַשּׁ֔וּר לִשְׁתֹּ֖ות מֵ֥י נָהָֽר׃ weʿatah mah־lakhe lederekhe mitserayim lishetowt mey shiḥowr umah־lakhe lederekhe ʾashur lishetowt mey nahar׃

¹⁹ תְּיַסְּרֵ֣ךְ רָעָתֵ֗ךְ וּמְשֻֽׁבֹותַ֙יִךְ֙ תֹּוכִחֻ֔ךְ וּדְעִ֤י וּרְאִי֙ כִּי־רַ֣ע וָמָ֔ר עָזְבֵ֖ךְ אֶת־יְהוָ֣ה אֱלֹהָ֑יִךְ וְלֹ֤א פַחְדָּתִי֙ אֵלַ֔יִךְ נְאֻם־אֲדֹנָ֥י יְהוִ֖ה צְבָאֹֽות׃ teyaserekhe raʿatekhe umeshuvowtayikhe towkhiḥukhe udeʿiy ureʾiy kiy־raʿ wamar ʿazevekhe ʾet־yehwah ʾelohayikhe weloʾ faḥedatiy ʾelayikhe neʾum־ʾadonay yehwih tsevaʾowt׃

²⁰ כִּ֣י מֵעֹולָ֞ם שָׁבַ֣רְתִּי עֻלֵּ֗ךְ נִתַּ֙קְתִּי֙ מֹוסְרֹתַ֔יִךְ וַתֹּאמְרִ֖י לֹ֣א [אֶעֱבֹד כ] (אֶעֱבֹ֑ור ק) כִּ֣י עַֽל־כָּל־גִּבְעָ֞ה גְּבֹהָ֗ה וְתַ֙חַת֙ כָּל־עֵ֣ץ רַעֲנָ֔ן אַ֖תְּ צֹעָ֥ה זֹנָֽה׃ kiy meʿowlam shavaretiy ʿulekhe nitaqetiy mowserotayikhe watoʾmeriy loʾ [ʾeʿevod kh] (ʾeʿevowr q) kiy ʿal־kal־giveʿah gevohah wetaḥat kal־ʿets raʿanan ʾate tsoʿah zonah׃

²¹ וְאָֽנֹכִי֙ נְטַעְתִּ֣יךְ שֹׂרֵ֔ק כֻּלֹּ֖ה זֶ֣רַע אֱמֶ֑ת וְאֵיךְ֙ נֶהְפַּ֣כְתְּ לִ֔י סוּרֵ֖י הַגֶּ֥פֶן נָכְרִיָּֽה׃ weʾanokhiy neṭaʿetiykhe soreq kuloh zeraʿ ʾemet weʾeykhe nehepakhete liy surey hagefen nakheriyah׃

²² כִּ֤י אִם־תְּכַבְּסִי֙ בַּנֶּ֔תֶר וְתַרְבִּי־לָ֖ךְ בֹּרִ֑ית נִכְתָּ֤ם עֲוֹנֵךְ֙ לְפָנַ֔י נְאֻ֖ם אֲדֹנָ֥י יְהוִֽה׃ kiy ʾim־tekhabesiy baneter wetarebiy־lakhe boriyt nikhetam ʿaonekhe lefanay neʾum ʾadonay yehwih׃

²³ אֵ֣יךְ תֹּאמְרִ֞י לֹ֣א נִטְמֵ֗אתִי אַחֲרֵ֤י הַבְּעָלִים֙ לֹ֣א הָלַ֔כְתִּי רְאִ֤י דַרְכֵּךְ֙ בַּגַּ֔יְא דְּעִ֖י מֶ֣ה עָשִׂ֑ית בִּכְרָ֥ה קַלָּ֖ה מְשָׂרֶ֥כֶת דְּרָכֶֽיהָ׃ ʾeykhe toʾmeriy loʾ niṭemeʾtiy ʾaḥarey habeʿaliym loʾ halakhetiy reʾiy darekekhe bagayeʾ deʿiy meh ʿasiyt bikherah qalah mesarekhet derakheyha׃

²⁴ פֶּ֣רֶה ׀ לִמֻּ֣ד מִדְבָּ֗ר בְּאַוַּ֤ת [נַפשֹׁו כ] (נַפְשָׁהּ֙ ק) שָׁאֲפָ֣ה ר֔וּחַ תַּאֲנָתָ֖הּ מִ֣י יְשִׁיבֶ֑נָּה כָּל־מְבַקְשֶׁ֙יהָ֙ לֹ֣א יִיעָ֔פוּ בְּחָדְשָׁ֖הּ יִמְצָאֽוּנְהָ׃ pereh ׀ limud midebar beʾauat [nafshow kh] (nafeshah q) shaʾafah ruaḥ taʾanatah miy yeshiyvenah kal־mevaqesheyha loʾ yiyʿafu beḥadeshah yimetsaʾuneah׃

²⁵ מִנְעִ֤י רַגְלֵךְ֙ מִיָּחֵ֔ף [וּגֹורֹנֵךְ כ] (וּגְרֹונֵ֖ךְ ק) מִצִּמְאָ֑ה וַתֹּאמְרִ֣י נֹואָ֔שׁ לֹ֕וא כִּֽי־אָהַ֥בְתִּי זָרִ֖ים וְאַחֲרֵיהֶ֥ם אֵלֵֽךְ׃ mineʿiy ragelekhe miyaḥef [ugowronekhe kh] (ugerownekhe q) mitsimeʾah watoʾmeriy nowʾash lowʾ kiy־ʾahavetiy zariym weʾaḥareyhem ʾelekhe׃

²⁶ כְּבֹ֤שֶׁת גַּנָּב֙ כִּ֣י יִמָּצֵ֔א כֵּ֥ן הֹבִ֖ישׁוּ בֵּ֣ית יִשְׂרָאֵ֑ל הֵ֤מָּה מַלְכֵיהֶם֙ שָֽׂרֵיהֶ֔ם וְכֹהֲנֵיהֶ֖ם וּנְבִיאֵיהֶֽם׃ kevoshet ganav kiy yimatseʾ ken hoviyshu beyt yiseraʾel hemah malekheyhem sareyhem wekhohaneyhem uneviyʾeyhem׃

²⁷ אֹמְרִ֨ים לָעֵ֜ץ אָ֣בִי אַ֗תָּה וְלָאֶ֙בֶן֙ אַ֣תְּ [יְלִדְתִּני כ] (יְלִדְתָּ֔נוּ ק) כִּֽי־פָנ֥וּ אֵלַ֛י עֹ֖רֶף וְלֹ֣א פָנִ֑ים וּבְעֵ֤ת רָֽעָתָם֙ יֹֽאמְר֔וּ ק֖וּמָה וְהֹושִׁיעֵֽנוּ׃ ʾomeriym laʿets ʾaviy ʾatah welaʾeven ʾate [yelidetiny kh] (yelidetanu q) kiy־fanu ʾelay ʿoref weloʾ faniym uveʿet raʿatam yoʾmeru qumah wehowshiyʿenu׃

²⁸ וְאַיֵּ֤ה אֱלֹהֶ֙יךָ֙ אֲשֶׁ֣ר עָשִׂ֣יתָ לָּ֔ךְ יָק֕וּמוּ אִם־יֹושִׁיע֖וּךָ בְּעֵ֣ת רָעָתֶ֑ךָ כִּ֚י מִסְפַּ֣ר עָרֶ֔יךָ הָי֥וּ אֱלֹהֶ֖יךָ יְהוּדָֽה׃ ס weʾayeh ʾeloheykha ʾasher ʿasiyta lakhe yaqumu ʾim־yowshiyʿukha beʿet raʿatekha kiy misepar ʿareykha hayu ʾeloheykha yehudah׃ s

²⁹ לָ֥מָּה תָרִ֖יבוּ אֵלָ֑י כֻּלְּכֶ֛ם פְּשַׁעְתֶּ֥ם בִּ֖י נְאֻם־יְהוָֽה׃ lamah tariyvu ʾelay kulekhem peshaʿetem biy neʾum־yehwah׃

³⁰ לַשָּׁוְא֙ הִכֵּ֣יתִי אֶת־בְּנֵיכֶ֔ם מוּסָ֖ר לֹ֣א לָקָ֑חוּ אָכְלָ֧ה חַרְבְּכֶ֛ם נְבִֽיאֵיכֶ֖ם כְּאַרְיֵ֥ה מַשְׁחִֽית׃ lashaweʾ hikeytiy ʾet־beneykhem musar loʾ laqaḥu ʾakhelah ḥarebekhem neviyʾeykhem keʾareyeh masheḥiyt׃

³¹ הַדֹּ֗ור אַתֶּם֙ רְא֣וּ דְבַר־יְהוָ֔ה הֲמִדְבָּ֤ר הָיִ֙יתִי֙ לְיִשְׂרָאֵ֔ל אִ֛ם אֶ֥רֶץ מַאְפֵּ֖לְיָ֑ה מַדּ֜וּעַ אָמְר֤וּ עַמִּי֙ רַ֔דְנוּ לֹֽוא־נָבֹ֥וא עֹ֖וד אֵלֶֽיךָ׃ hadowr ʾatem reʾu devar־yehwah hamidebar hayiytiy leyiseraʾel ʾim ʾerets maʾepeleyah maduaʿ ʾameru ʿamiy radenu lowʾ־navowʾ ʿowd ʾeleykha׃

³² הֲתִשְׁכַּ֤ח בְּתוּלָה֙ עֶדְיָ֔הּ כַּלָּ֖ה קִשֻּׁרֶ֑יהָ וְעַמִּ֣י שְׁכֵח֔וּנִי יָמִ֖ים אֵ֥ין מִסְפָּֽר׃ hatishekaḥ betulah ʿedeyah kalah qishureyha weʿamiy shekheḥuniy yamiym ʾeyn misepar׃

³³ מַה־תֵּיטִ֥בִי דַּרְכֵּ֖ךְ לְבַקֵּ֣שׁ אַהֲבָ֑ה לָכֵן֙ גַּ֣ם אֶת־הָרָעֹ֔ות [לִמַּדְתִּי כ] (לִמַּ֖דְתְּ ק) אֶת־דְּרָכָֽיִךְ׃ mah־teyṭiviy darekekhe levaqesh ʾahavah lakhen gam ʾet־haraʿowt [limadetiy kh] (limadete q) ʾet־derakhayikhe׃

³⁴ גַּ֤ם בִּכְנָפַ֙יִךְ֙ נִמְצְא֔וּ דַּ֛ם נַפְשֹׁ֥ות אֶבְיֹונִ֖ים נְקִיִּ֑ים לֹֽא־בַמַּחְתֶּ֥רֶת מְצָאתִ֖ים כִּ֥י עַל־כָּל־אֵֽלֶּה׃ gam bikhenafayikhe nimetseʾu dam nafeshowt ʾeveyowniym neqiyiym loʾ־vamaḥeteret metsaʾtiym kiy ʿal־kal־ʾeleh׃

³⁵ וַתֹּֽאמְרִי֙ כִּ֣י נִקֵּ֔יתִי אַ֛ךְ שָׁ֥ב אַפֹּ֖ו מִמֶּ֑נִּי הִנְנִי֙ נִשְׁפָּ֣ט אֹותָ֔ךְ עַל־אָמְרֵ֖ךְ לֹ֥א חָטָֽאתִי׃ watoʾmeriy kiy niqeytiy ʾakhe shav ʾapow mimeniy hineniy nishepaṭ ʾowtakhe ʿal־ʾamerekhe loʾ ḥaṭaʾtiy׃

³⁶ מַה־תֵּזְלִ֥י מְאֹ֖ד לְשַׁנֹּ֣ות אֶת־דַּרְכֵּ֑ךְ גַּ֤ם מִמִּצְרַ֙יִם֙ תֵּבֹ֔ושִׁי כַּאֲשֶׁר־בֹּ֖שְׁתְּ מֵאַשּֽׁוּר׃ mah־tezeliy meʾod leshanowt ʾet־darekekhe gam mimitserayim tevowshiy kaʾasher־boshete meʾashur׃

³⁷ גַּ֣ם מֵאֵ֥ת זֶה֙ תֵּֽצְאִ֔י וְיָדַ֖יִךְ עַל־רֹאשֵׁ֑ךְ כִּֽי־מָאַ֤ס יְהֹוָה֙ בְּמִבְטַחַ֔יִךְ וְלֹ֥א תַצְלִ֖יחִי לָהֶֽם׃ gam meʾet zeh tetseʾiy weyadayikhe ʿal־roʾshekhe kiy־maʾas yehowah bemiveṭaḥayikhe weloʾ tatseliyḥiy lahem׃