Psaumes 18

¹ לַמְנַצֵּ֤חַ ׀ לְעֶ֥בֶד יְהוָ֗ה לְדָ֫וִ֥ד אֲשֶׁ֤ר דִּבֶּ֨ר ׀ לַיהוָ֗ה אֶת־דִּ֭בְרֵי הַשִּׁירָ֣ה הַזֹּ֑את בְּיֹ֤ום הִֽצִּיל־יְהוָ֘ה אֹותֹ֥ו מִכַּ֥ף כָּל־אֹ֝יְבָ֗יו וּמִיַּ֥ד שָׁאֽוּל׃ lamenatseaḥ ׀ leʿeved yehwah ledawid ʾasher diber ׀ layhwah ʾet־diverey hashiyrah hazoʾt beyowm hitsiyl־yehwah ʾowtow mikaf kal־ʾoyevayw umiyad shaʾul׃

² וַיֹּאמַ֡ר אֶרְחָמְךָ֖ יְהוָ֣ה חִזְקִֽי׃ wayoʾmar ʾereḥamekha yehwah ḥizeqiy׃

³ יְהוָ֤ה ׀ סַֽלְעִ֥י וּמְצוּדָתִ֗י וּמְפַ֫לְטִ֥י אֵלִ֣י צ֭וּרִי אֶֽחֱסֶה־בֹּ֑ו מָֽגִנִּ֥י וְקֶֽרֶן־יִ֝שְׁעִ֗י מִשְׂגַּבִּֽי׃ yehwah ׀ saleʿiy umetsudatiy umefaleṭiy ʾeliy tsuriy ʾeḥeseh־bow maginiy weqeren־yisheʿiy misegabiy׃

⁴ מְ֭הֻלָּל אֶקְרָ֣א יְהוָ֑ה וּמִן־אֹ֝יְבַ֗י אִוָּשֵֽׁעַ׃ mehulal ʾeqeraʾ yehwah umin־ʾoyevay ʾiuasheaʿ׃

⁵ אֲפָפ֥וּנִי חֶבְלֵי־מָ֑וֶת וְֽנַחֲלֵ֖י בְלִיַּ֣עַל יְבַֽעֲתֽוּנִי׃ ʾafafuniy ḥeveley־mawet wenaḥaley veliyaʿal yevaʿatuniy׃

⁶ חֶבְלֵ֣י שְׁאֹ֣ול סְבָב֑וּנִי קִ֝דְּמ֗וּנִי מֹ֣וקְשֵׁי מָֽוֶת׃ ḥeveley sheʾowl sevavuniy qidemuniy mowqeshey mawet׃

⁷ בַּצַּר־לִ֤י ׀ אֶֽקְרָ֣א יְהוָה֮ וְאֶל־אֱלֹהַ֪י אֲשַׁ֫וֵּ֥עַ יִשְׁמַ֣ע מֵהֵיכָלֹ֣ו קֹולִ֑י וְ֝שַׁוְעָתִ֗י לְפָנָ֤יו ׀ תָּבֹ֬וא בְאָזְנָֽיו׃ batsar־liy ׀ ʾeqeraʾ yehwah weʾel־ʾelohay ʾashaueaʿ yishemaʿ meheykhalow qowliy weshaweʿatiy lefanayw ׀ tavowʾ veʾazenayw׃

⁸ וַתִּגְעַ֬שׁ וַתִּרְעַ֨שׁ ׀ הָאָ֗רֶץ וּמֹוסְדֵ֣י הָרִ֣ים יִרְגָּ֑זוּ וַ֝יִּתְגָּֽעֲשׁ֗וּ כִּי־חָ֥רָה לֹֽו׃ watigeʿash watireʿash ׀ haʾarets umowsedey hariym yiregazu wayitegaʿashu kiy־ḥarah low׃

⁹ עָ֘לָ֤ה עָשָׁ֨ן ׀ בְּאַפֹּ֗ו וְאֵשׁ־מִפִּ֥יו תֹּאכֵ֑ל גֶּ֝חָלִ֗ים בָּעֲר֥וּ מִמֶּֽנּוּ׃ ʿalah ʿashan ׀ beʾapow weʾesh־mipiyw toʾkhel geḥaliym baʿaru mimenu׃

¹⁰ וַיֵּ֣ט מַיִם וַיֵּרַ֑ד וַ֝עֲרָפֶ֗ל תַּ֣חַת רַגְלָֽיו׃ wayeṭ mayim wayerad waʿarafel taḥat ragelayw׃

¹¹ וַיִּרְכַּ֣ב עַל־כְּ֭רוּב וַיָּעֹ֑ף וַ֝יֵּ֗דֶא עַל־כַּנְפֵי־רֽוּחַ׃ wayirekav ʿal־keruv wayaʿof wayedeʾ ʿal־kanefey־ruaḥ׃

¹² יָ֤שֶׁת חֹ֨שֶׁךְ ׀ סִתְרֹ֗ו סְבִֽיבֹותָ֥יו סֻכָּתֹ֑ו חֶשְׁכַת־מַ֝֗יִם עָבֵ֥י שְׁחָקִֽים׃ yashet ḥoshekhe ׀ siterow seviyvowtayw sukatow ḥeshekhat־mayim ʿavey sheḥaqiym׃

¹³ מִנֹּ֗גַהּ נֶ֫גְדֹּ֥ו עָבָ֥יו עָבְר֑וּ בָּ֝רָ֗ד וְגַֽחֲלֵי־אֵֽשׁ׃ minogah negedow ʿavayw ʿaveru barad wegaḥaley־ʾesh׃

¹⁴ וַיַּרְעֵ֬ם בַּשָּׁמַ֨יִם ׀ יְֽהוָ֗ה וְ֭עֶלְיֹון יִתֵּ֣ן קֹלֹ֑ו בָּ֝רָ֗ד וְגַֽחֲלֵי־אֵֽשׁ׃ wayareʿem bashamayim ׀ yehwah weʿeleyown yiten qolow barad wegaḥaley־ʾesh׃

¹⁵ וַיִּשְׁלַ֣ח חִ֭צָּיו וַיְפִיצֵ֑ם וּבְרָקִ֥ים רָ֝ב וַיְהֻמֵּֽם׃ wayishelaḥ ḥitsayw wayefiytsem uveraqiym rav wayehumem׃

¹⁶ וַיֵּ֤רָא֨וּ ׀ אֲפִ֥יקֵי מַ֗יִם וַֽיִּגָּלוּ֮ מֹוסְדֹ֪ות תֵּ֫בֵ֥ל מִגַּעֲרָ֣תְךָ֣ יְהוָ֑ה מִ֝נִּשְׁמַ֗ת ר֣וּחַ אַפֶּֽךָ׃ wayeraʾu ׀ ʾafiyqey mayim wayigalu mowsedowt tevel migaʿaratekha yehwah minishemat ruaḥ ʾapekha׃

¹⁷ יִשְׁלַ֣ח מִ֭מָּרֹום יִקָּחֵ֑נִי יַֽ֝מְשֵׁ֗נִי מִמַּ֥יִם רַבִּֽים׃ yishelaḥ mimarowm yiqaḥeniy yamesheniy mimayim rabiym׃

¹⁸ יַצִּילֵ֗נִי מֵאֹיְבִ֥י עָ֑ז וּ֝מִשֹּׂנְאַ֗י כִּֽי־אָמְצ֥וּ מִמֶּֽנִּי׃ yatsiyleniy meʾoyeviy ʿaz umisoneʾay kiy־ʾametsu mimeniy׃

¹⁹ יְקַדְּמ֥וּנִי בְיֹום־אֵידִ֑י וַֽיְהִי־יְהוָ֖ה לְמִשְׁעָ֣ן לִֽי׃ yeqademuniy veyowm־ʾeydiy wayehiy־yehwah lemisheʿan liy׃

²⁰ וַיֹּוצִיאֵ֥נִי לַמֶּרְחָ֑ב יְ֝חַלְּצֵ֗נִי כִּ֘י חָ֥פֵֽץ בִּֽי׃ wayowtsiyʾeniy lamereḥav yeḥaletseniy kiy ḥafets biy׃

²¹ יִגְמְלֵ֣נִי יְהוָ֣ה כְּצִדְקִ֑י כְּבֹ֥ר יָ֝דַ֗י יָשִׁ֥יב לִֽי׃ yigemeleniy yehwah ketsideqiy kevor yaday yashiyv liy׃

²² כִּֽישָׁ֭־מַרְתִּי דַּרְכֵ֣י יְהוָ֑ה וְלֹֽא־רָ֝שַׁ֗עְתִּי מֵאֱלֹהָֽי׃ kiysha־maretiy darekhey yehwah weloʾ־rashaʿetiy meʾelohay׃

²³ כִּ֣י כָל־מִשְׁפָּטָ֣יו לְנֶגְדִּ֑י וְ֝חֻקֹּתָ֗יו לֹא־אָסִ֥יר מֶֽנִּי׃ kiy khal־mishepaṭayw lenegediy weḥuqotayw loʾ־ʾasiyr meniy׃

²⁴ וָאֱהִ֣י תָמִ֣ים עִמֹּ֑ו וָ֝אֶשְׁתַּמֵּ֗ר מֵעֲוֹנִֽי׃ waʾehiy tamiym ʿimow waʾeshetamer meʿaoniy׃

²⁵ וַיָּֽשֶׁב־יְהוָ֣ה לִ֣י כְצִדְקִ֑י כְּבֹ֥ר יָ֝דַ֗י לְנֶ֣גֶד עֵינָֽיו׃ wayashev־yehwah liy khetsideqiy kevor yaday leneged ʿeynayw׃

²⁶ עִם־חָסִ֥יד תִּתְחַסָּ֑ד עִם־גְּבַ֥ר תָּ֝מִ֗ים תִּתַּמָּֽם׃ ʿim־ḥasiyd titeḥasad ʿim־gevar tamiym titamam׃

²⁷ עִם־נָבָ֥ר תִּתְבָּרָ֑ר וְעִם־עִ֝קֵּ֗שׁ תִּתְפַּתָּֽל׃ ʿim־navar titebarar weʿim־ʿiqesh titepatal׃

²⁸ כִּֽי־אַ֭תָּה עַם־עָנִ֣י תֹושִׁ֑יעַ וְעֵינַ֖יִם רָמֹ֣ות תַּשְׁפִּֽיל׃ kiy־ʾatah ʿam־ʿaniy towshiyʿa weʿeynayim ramowt tashepiyl׃

²⁹ כִּֽי־אַ֭תָּה תָּאִ֣יר נֵרִ֑י יְהוָ֥ה אֱ֝לֹהַ֗י יַגִּ֥יהַּ חָשְׁכִּֽי׃ kiy־ʾatah taʾiyr neriy yehwah ʾelohay yagiyha ḥashekiy׃

³⁰ כִּֽי־בְ֭ךָ אָרֻ֣ץ גְּד֑וּד וּ֝בֵֽאלֹהַ֗י אֲדַלֶּג־שֽׁוּר׃ kiy־vekha ʾaruts gedud uveʾlohay ʾadaleg־shur׃

³¹ הָאֵל֮ תָּמִ֪ים דַּ֫רְכֹּ֥ו אִמְרַֽת־יְהוָ֥ה צְרוּפָ֑ה מָגֵ֥ן ה֝֗וּא לְכֹ֤ל ׀ הַחֹסִ֬ים בֹּֽו׃ haʾel tamiym darekow ʾimerat־yehwah tserufah magen huʾ lekhol ׀ haḥosiym bow׃

³² כִּ֤י מִ֣י אֱ֭לֹוהַּ מִבַּלְעֲדֵ֣י יְהוָ֑ה וּמִ֥י צ֝֗וּר זוּלָתִ֥י אֱלֹהֵֽינוּ׃ kiy miy ʾelowha mibaleʿadey yehwah umiy tsur zulatiy ʾeloheynu׃

³³ הָ֭אֵל הַמְאַזְּרֵ֣נִי חָ֑יִל וַיִּתֵּ֖ן תָּמִ֣ים דַּרְכִּֽי׃ haʾel hameʾazereniy ḥayil wayiten tamiym darekiy׃

³⁴ מְשַׁוֶּ֣ה רַ֭גְלַי כָּאַיָּלֹ֑ות וְעַ֥ל בָּ֝מֹתַ֗י יַעֲמִידֵֽנִי׃ meshaueh ragelay kaʾayalowt weʿal bamotay yaʿamiydeniy׃

³⁵ מְלַמֵּ֣ד יָ֭דַי לַמִּלְחָמָ֑ה וְֽנִחֲתָ֥ה קֶֽשֶׁת־נְ֝חוּשָׁ֗ה זְרֹועֹתָֽי׃ melamed yaday lamileḥamah weniḥatah qeshet־neḥushah zerowʿotay׃

³⁶ וַתִּתֶּן־לִי֮ מָגֵ֪ן יִ֫שְׁעֶ֥ךָ וִֽימִינְךָ֥ תִסְעָדֵ֑נִי וְֽעַנְוַתְךָ֥ תַרְבֵּֽנִי׃ watiten־liy magen yisheʿekha wiymiynekha tiseʿadeniy weʿanewatekha tarebeniy׃

³⁷ תַּרְחִ֣יב צַעֲדִ֣י תַחְתָּ֑י וְלֹ֥א מָ֝עֲד֗וּ קַרְסֻלָּֽי׃ tareḥiyv tsaʿadiy taḥetay weloʾ maʿadu qaresulay׃

³⁸ אֶרְדֹּ֣וף אֹ֭ויְבַי וְאַשִּׂיגֵ֑ם וְלֹֽא־אָ֝שׁוּב עַד־כַּלֹּותָֽם׃ ʾeredowf ʾowyevay weʾasiygem weloʾ־ʾashuv ʿad־kalowtam׃

³⁹ אֶ֭מְחָצֵם וְלֹא־יֻ֣כְלוּ ק֑וּם יִ֝פְּל֗וּ תַּ֣חַת רַגְלָֽי׃ ʾemeḥatsem weloʾ־yukhelu qum yipelu taḥat ragelay׃

⁴⁰ וַתְּאַזְּרֵ֣נִי חַ֭יִל לַמִּלְחָמָ֑ה תַּכְרִ֖יעַ קָמַ֣י תַּחְתָּֽי׃ wateʾazereniy ḥayil lamileḥamah takheriyʿa qamay taḥetay׃

⁴¹ וְֽאֹיְבַ֗י נָתַ֣תָּה לִּ֣י עֹ֑רֶף וּ֝מְשַׂנְאַ֗י אַצְמִיתֵֽם׃ weʾoyevay natatah liy ʿoref umesaneʾay ʾatsemiytem׃

⁴² יְשַׁוְּע֥וּ וְאֵין־מֹושִׁ֑יעַ עַל־יְ֝הוָ֗ה וְלֹ֣א עָנָֽם׃ yeshaueʿu weʾeyn־mowshiyʿa ʿal־yehwah weloʾ ʿanam׃

⁴³ וְֽאֶשְׁחָקֵ֗ם כְּעָפָ֥ר עַל־פְּנֵי־ר֑וּחַ כְּטִ֖יט חוּצֹ֣ות אֲרִיקֵֽם׃ weʾesheḥaqem keʿafar ʿal־peney־ruaḥ keṭiyṭ ḥutsowt ʾariyqem׃

⁴⁴ תְּפַלְּטֵנִי֮ מֵרִ֪יבֵ֫י עָ֥ם תְּ֭שִׂימֵנִי לְרֹ֣אשׁ גֹּויִ֑ם עַ֖ם לֹא־יָדַ֣עְתִּי יַֽעַבְדֽוּנִי׃ tefaleṭeniy meriyvey ʿam tesiymeniy leroʾsh gowyim ʿam loʾ־yadaʿetiy yaʿaveduniy׃

⁴⁵ לְשֵׁ֣מַֽע אֹ֭זֶן יִשָּׁ֣מְעוּ לִ֑י בְּנֵֽי־נֵ֝כָ֗ר יְכַחֲשׁוּ־לִֽי׃ leshemaʿ ʾozen yishameʿu liy beney־nekhar yekhaḥashu־liy׃

⁴⁶ בְּנֵי־נֵכָ֥ר יִבֹּ֑לוּ וְ֝יַחְרְג֗וּ מִֽמִּסְגְּרֹֽותֵיהֶֽם׃ beney־nekhar yibolu weyaḥeregu mimisegerowteyhem׃

⁴⁷ חַי־יְ֭הוָה וּבָר֣וּךְ צוּרִ֑י וְ֝יָר֗וּם אֱלֹוהֵ֥י יִשְׁעִֽי׃ ḥay־yehwah uvarukhe tsuriy weyarum ʾelowhey yisheʿiy׃

⁴⁸ הָאֵ֗ל הַנֹּותֵ֣ן נְקָמֹ֣ות לִ֑י וַיַּדְבֵּ֖ר עַמִּ֣ים תַּחְתָּֽי׃ haʾel hanowten neqamowt liy wayadeber ʿamiym taḥetay׃

⁴⁹ מְפַלְּטִ֗י מֵאֹ֫יְבָ֥י אַ֣ף מִן־קָ֭מַי תְּרֹומְמֵ֑נִי מֵאִ֥ישׁ חָ֝מָ֗ס תַּצִּילֵֽנִי׃ mefaleṭiy meʾoyevay ʾaf min־qamay terowmemeniy meʾiysh ḥamas tatsiyleniy׃

⁵⁰ עַל־כֵּ֤ן ׀ אֹודְךָ֖ בַגֹּויִ֥ם ׀ יְהוָ֑ה וּלְשִׁמְךָ֥ אֲזַמֵּֽרָה׃ ʿal־ken ׀ ʾowdekha vagowyim ׀ yehwah uleshimekha ʾazamerah׃

⁵¹ [מִגְדֹּל כ] (מַגְדִּיל֮ ק) יְשׁוּעֹ֪ות מַ֫לְכֹּ֥ו וְעֹ֤שֶׂה חֶ֨סֶד ׀ לִמְשִׁיחֹ֗ו לְדָוִ֥ד וּלְזַרְעֹ֗ו עַד־עֹולָֽם׃ [migedol kh] (magediyl q) yeshuʿowt malekow weʿoseh ḥesed ׀ limeshiyḥow ledawid ulezareʿow ʿad־ʿowlam׃