1 Rois 12

¹ וַיֵּ֥לֶךְ רְחַבְעָ֖ם שְׁכֶ֑ם כִּ֥י שְׁכֶ֛ם בָּ֥א כָל־יִשְׂרָאֵ֖ל לְהַמְלִ֥יךְ אֹתֹֽו׃ wayelekhe reḥaveʿam shekhem kiy shekhem baʾ khal־yiseraʾel lehameliykhe ʾotow׃

² וַיְהִ֞י כִּשְׁמֹ֣עַ ׀ יָרָבְעָ֣ם בֶּן־נְבָ֗ט וְהוּא֙ עֹודֶ֣נּוּ בְמִצְרַ֔יִם אֲשֶׁ֣ר בָּרַ֔ח מִפְּנֵ֖י הַמֶּ֣לֶךְ שְׁלֹמֹ֑ה וַיֵּ֥שֶׁב יָרָבְעָ֖ם בְּמִצְרָֽיִם׃ wayehiy kishemoaʿ ׀ yaraveʿam ben־nevaṭ wehuʾ ʿowdenu vemitserayim ʾasher baraḥ mipeney hamelekhe shelomoh wayeshev yaraveʿam bemitserayim׃

³ וַֽיִּשְׁלְחוּ֙ וַיִּקְרְאוּ־לֹ֔ו [וַיָּבֹאוּ כ] (וַיָּבֹ֥א ק) יָרָבְעָ֖ם וְכָל־קְהַ֣ל יִשְׂרָאֵ֑ל וַֽיְדַבְּר֔וּ אֶל־רְחַבְעָ֖ם לֵאמֹֽר׃ wayisheleḥu wayiqereʾu־low [wayavoʾu kh] (wayavoʾ q) yaraveʿam wekhal־qehal yiseraʾel wayedaberu ʾel־reḥaveʿam leʾmor׃

⁴ אָבִ֖יךָ הִקְשָׁ֣ה אֶת־עֻלֵּ֑נוּ וְאַתָּ֡ה עַתָּ֣ה הָקֵל֩ מֵעֲבֹדַ֨ת אָבִ֜יךָ הַקָּשָׁ֗ה וּמֵעֻלֹּ֧ו הַכָּבֵ֛ד אֲשֶׁר־נָתַ֥ן עָלֵ֖ינוּ וְנַעַבְדֶֽךָּ׃ ʾaviykha hiqeshah ʾet־ʿulenu weʾatah ʿatah haqel meʿavodat ʾaviykha haqashah umeʿulow hakaved ʾasher־natan ʿaleynu wenaʿavedeka׃

⁵ וַיֹּ֣אמֶר אֲלֵיהֶ֗ם לְכ֥וּ עֹ֛ד שְׁלֹשָׁ֥ה יָמִ֖ים וְשׁ֣וּבוּ אֵלָ֑י וַיֵּלְכ֖וּ הָעָֽם׃ wayoʾmer ʾaleyhem lekhu ʿod sheloshah yamiym weshuvu ʾelay wayelekhu haʿam׃

⁶ וַיִּוָּעַ֞ץ הַמֶּ֣לֶךְ רְחַבְעָ֗ם אֶת־הַזְּקֵנִים֙ אֲשֶׁר־הָי֣וּ עֹמְדִ֗ים אֶת־פְּנֵי֙ שְׁלֹמֹ֣ה אָבִ֔יו בִּֽהְיֹתֹ֥ו חַ֖י לֵאמֹ֑ר אֵ֚יךְ אַתֶּ֣ם נֹֽועָצִ֔ים לְהָשִׁ֥יב אֶת־הָֽעָם־הַזֶּ֖ה דָּבָֽר׃ wayiuaʿats hamelekhe reḥaveʿam ʾet־hazeqeniym ʾasher־hayu ʿomediym ʾet־peney shelomoh ʾaviyw biheyotow ḥay leʾmor ʾeykhe ʾatem nowʿatsiym lehashiyv ʾet־haʿam־hazeh davar׃

⁷ [וַיְדַבֵּר כ] (וַיְדַבְּרוּ֙ ק) אֵלָ֜יו לֵאמֹ֗ר אִם־הַ֠יֹּום תִּֽהְיֶה־עֶ֜בֶד לָעָ֤ם הַזֶּה֙ וַֽעֲבַדְתָּ֔ם וַעֲנִיתָ֕ם וְדִבַּרְתָּ֥ אֲלֵיהֶ֖ם דְּבָרִ֣ים טֹובִ֑ים וְהָי֥וּ לְךָ֛ עֲבָדִ֖ים כָּל־הַיָּמִֽים׃ [wayedaber kh] (wayedaberu q) ʾelayw leʾmor ʾim־hayowm tiheyeh־ʿeved laʿam hazeh waʿavadetam waʿaniytam wedibareta ʾaleyhem devariym ṭowviym wehayu lekha ʿavadiym kal־hayamiym׃

⁸ וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־הַיְלָדִים֙ אֲשֶׁ֣ר גָּדְל֣וּ אִתֹּ֔ו אֲשֶׁ֥ר הָעֹמְדִ֖ים לְפָנָֽיו׃ wayaʿazov ʾet־ʿatsat hazeqeniym ʾasher yeʿatsuhu wayiuaʿats ʾet־hayeladiym ʾasher gadelu ʾitow ʾasher haʿomediym lefanayw׃

⁹ וַיֹּ֣אמֶר אֲלֵיהֶ֗ם מָ֚ה אַתֶּ֣ם נֹֽועָצִ֔ים וְנָשִׁ֥יב דָּבָ֖ר אֶת־הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־הָעֹ֔ל אֲשֶׁר־נָתַ֥ן אָבִ֖יךָ עָלֵֽינוּ׃ wayoʾmer ʾaleyhem mah ʾatem nowʿatsiym wenashiyv davar ʾet־haʿam hazeh ʾasher diberu ʾelay leʾmor haqel min־haʿol ʾasher־natan ʾaviykha ʿaleynu׃

¹⁰ וַיְדַבְּר֣וּ אֵלָ֗יו הַיְלָדִים֙ אֲשֶׁ֨ר גָּדְל֣וּ אִתֹּו֮ לֵאמֹר֒ כֹּֽה־תֹאמַ֣ר לָעָ֣ם הַזֶּ֡ה אֲשֶׁר֩ דִּבְּר֨וּ אֵלֶ֜יךָ לֵאמֹ֗ר אָבִ֙יךָ֙ הִכְבִּ֣יד אֶת־עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תְּדַבֵּ֣ר אֲלֵיהֶ֔ם קָֽטָנִּ֥י עָבָ֖ה מִמָּתְנֵ֥י אָבִֽי׃ wayedaberu ʾelayw hayeladiym ʾasher gadelu ʾitow leʾmor koh־toʾmar laʿam hazeh ʾasher diberu ʾeleykha leʾmor ʾaviykha hikhebiyd ʾet־ʿulenu weʾatah haqel meʿaleynu koh tedaber ʾaleyhem qaṭaniy ʿavah mimateney ʾaviy׃

¹¹ וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אֹוסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֕י אֲיַסֵּ֥ר אֶתְכֶ֖ם בָּעַקְרַבִּֽים׃ weʿatah ʾaviy heʿemiys ʿaleykhem ʿol kaved waʾaniy ʾowsiyf ʿal־ʿulekhem ʾaviy yisar ʾetekhem bashowṭiym waʾaniy ʾayaser ʾetekhem baʿaqerabiym׃

¹² [וַיָּבֹו כ] (וַיָּבֹ֨וא ק) יָרָבְעָ֧ם וְכָל־הָעָ֛ם אֶל־רְחַבְעָ֖ם בַּיֹּ֣ום הַשְּׁלִישִׁ֑י כַּאֲשֶׁ֨ר דִּבֶּ֤ר הַמֶּ֙לֶךְ֙ לֵאמֹ֔ר שׁ֥וּבוּ אֵלַ֖י בַּיֹּ֥ום הַשְּׁלִישִֽׁי׃ [wayavow kh] (wayavowʾ q) yaraveʿam wekhal־haʿam ʾel־reḥaveʿam bayowm hasheliyshiy kaʾasher diber hamelekhe leʾmor shuvu ʾelay bayowm hasheliyshiy׃

¹³ וַיַּ֧עַן הַמֶּ֛לֶךְ אֶת־הָעָ֖ם קָשָׁ֑ה וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֥ר יְעָצֻֽהוּ׃ wayaʿan hamelekhe ʾet־haʿam qashah wayaʿazov ʾet־ʿatsat hazeqeniym ʾasher yeʿatsuhu׃

¹⁴ וַיְדַבֵּ֣ר אֲלֵיהֶ֗ם כַּעֲצַ֤ת הַיְלָדִים֙ לֵאמֹ֔ר אָבִי֙ הִכְבִּ֣יד אֶֽת־עֻלְּכֶ֔ם וַאֲנִ֖י אֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֕י אֲיַסֵּ֥ר אֶתְכֶ֖ם בָּעַקְרַבִּֽים׃ wayedaber ʾaleyhem kaʿatsat hayeladiym leʾmor ʾaviy hikhebiyd ʾet־ʿulekhem waʾaniy ʾosiyf ʿal־ʿulekhem ʾaviy yisar ʾetekhem bashowṭiym waʾaniy ʾayaser ʾetekhem baʿaqerabiym׃

¹⁵ וְלֹֽא־שָׁמַ֥ע הַמֶּ֖לֶךְ אֶל־הָעָ֑ם כִּֽי־הָיְתָ֤ה סִבָּה֙ מֵעִ֣ם יְהוָ֔ה לְמַ֜עַן הָקִ֣ים אֶת־דְּבָרֹ֗ו אֲשֶׁ֨ר דִּבֶּ֤ר יְהוָה֙ בְּיַד֙ אֲחִיָּ֣ה הַשִּׁילֹנִ֔י אֶל־יָרָבְעָ֖ם בֶּן־נְבָֽט׃ weloʾ־shamaʿ hamelekhe ʾel־haʿam kiy־hayetah sibah meʿim yehwah lemaʿan haqiym ʾet־devarow ʾasher diber yehwah beyad ʾaḥiyah hashiyloniy ʾel־yaraveʿam ben־nevaṭ׃

¹⁶ וַיַּ֣רְא כָּל־יִשְׂרָאֵ֗ל כִּ֠י לֹֽא־שָׁמַ֣ע הַמֶּלֶךְ֮ אֲלֵיהֶם֒ וַיָּשִׁ֣בוּ הָעָ֣ם אֶת־הַמֶּ֣לֶךְ דָּבָ֣ר ׀ לֵאמֹ֡ר מַה־לָּנוּ֩ חֵ֨לֶק בְּדָוִ֜ד וְלֹֽא־נַחֲלָ֣ה בְּבֶן־יִשַׁ֗י לְאֹהָלֶ֙יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑ד וַיֵּ֥לֶךְ יִשְׂרָאֵ֖ל לְאֹהָלָֽיו׃ wayareʾ kal־yiseraʾel kiy loʾ־shamaʿ hamelekhe ʾaleyhem wayashivu haʿam ʾet־hamelekhe davar ׀ leʾmor mah־lanu ḥeleq bedawid weloʾ־naḥalah beven־yishay leʾohaleykha yiseraʾel ʿatah reʾeh veytekha dawid wayelekhe yiseraʾel leʾohalayw׃

¹⁷ וּבְנֵ֣י יִשְׂרָאֵ֔ל הַיֹּשְׁבִ֖ים בְּעָרֵ֣י יְהוּדָ֑ה וַיִּמְלֹ֥ךְ עֲלֵיהֶ֖ם רְחַבְעָֽם׃ פ uveney yiseraʾel hayosheviym beʿarey yehudah wayimelokhe ʿaleyhem reḥaveʿam׃ f

¹⁸ וַיִּשְׁלַ֞ח הַמֶּ֣לֶךְ רְחַבְעָ֗ם אֶת־אֲדֹרָם֙ אֲשֶׁ֣ר עַל־הַמַּ֔ס וַיִּרְגְּמ֨וּ כָל־יִשְׂרָאֵ֥ל בֹּ֛ו אֶ֖בֶן וַיָּמֹ֑ת וְהַמֶּ֣לֶךְ רְחַבְעָ֗ם הִתְאַמֵּץ֙ לַעֲלֹ֣ות בַּמֶּרְכָּבָ֔ה לָנ֖וּס יְרוּשָׁלִָֽם׃ wayishelaḥ hamelekhe reḥaveʿam ʾet־ʾadoram ʾasher ʿal־hamas wayiregemu khal־yiseraʾel bow ʾeven wayamot wehamelekhe reḥaveʿam hiteʾamets laʿalowt bamerekavah lanus yerushalim׃

¹⁹ וַיִּפְשְׁע֤וּ יִשְׂרָאֵל֙ בְּבֵ֣ית דָּוִ֔ד עַ֖ד הַיֹּ֥ום הַזֶּֽה׃ ס wayifesheʿu yiseraʾel beveyt dawid ʿad hayowm hazeh׃ s

²⁰ וַיְהִ֞י כִּשְׁמֹ֤עַ כָּל־יִשְׂרָאֵל֙ כִּֽי־שָׁ֣ב יָרָבְעָ֔ם וַֽיִּשְׁלְח֗וּ וַיִּקְרְא֤וּ אֹתֹו֙ אֶל־הָ֣עֵדָ֔ה וַיַּמְלִ֥יכוּ אֹתֹ֖ו עַל־כָּל־יִשְׂרָאֵ֑ל לֹ֤א הָיָה֙ אַחֲרֵ֣י בֵית־דָּוִ֔ד זוּלָתִ֥י שֵֽׁבֶט־יְהוּדָ֖ה לְבַדֹּֽו׃ wayehiy kishemoaʿ kal־yiseraʾel kiy־shav yaraveʿam wayisheleḥu wayiqereʾu ʾotow ʾel־haʿedah wayameliykhu ʾotow ʿal־kal־yiseraʾel loʾ hayah ʾaḥarey veyt־dawid zulatiy sheveṭ־yehudah levadow׃

²¹ [וַיָּבֹאוּ כ] (וַיָּבֹ֣א ק) רְחַבְעָם֮ יְרוּשָׁלִַם֒ וַיַּקְהֵל֩ אֶת־כָּל־בֵּ֨ית יְהוּדָ֜ה וְאֶת־שֵׁ֣בֶט בִּנְיָמִ֗ן מֵאָ֨ה וּשְׁמֹנִ֥ים אֶ֛לֶף בָּח֖וּר עֹשֵׂ֣ה מִלְחָמָ֑ה לְהִלָּחֵם֙ עִם־בֵּ֣ית יִשְׂרָאֵ֔ל לְהָשִׁיב֙ אֶת־הַמְּלוּכָ֔ה לִרְחַבְעָ֖ם בֶּן־שְׁלֹמֹֽה׃ פ [wayavoʾu kh] (wayavoʾ q) reḥaveʿam yerushalim wayaqehel ʾet־kal־beyt yehudah weʾet־sheveṭ bineyamin meʾah ushemoniym ʾelef baḥur ʿoseh mileḥamah lehilaḥem ʿim־beyt yiseraʾel lehashiyv ʾet־hamelukhah lireḥaveʿam ben־shelomoh׃ f

²² וַיְהִי֙ דְּבַ֣ר הָֽאֱלֹהִ֔ים אֶל־שְׁמַעְיָ֥ה אִישׁ־הָאֱלֹהִ֖ים לֵאמֹֽר׃ wayehiy devar haʾelohiym ʾel־shemaʿeyah ʾiysh־haʾelohiym leʾmor׃

²³ אֱמֹ֗ר אֶל־רְחַבְעָ֤ם בֶּן־שְׁלֹמֹה֙ מֶ֣לֶךְ יְהוּדָ֔ה וְאֶל־כָּל־בֵּ֥ית יְהוּדָ֖ה וּבִנְיָמִ֑ין וְיֶ֥תֶר הָעָ֖ם לֵאמֹֽר׃ ʾemor ʾel־reḥaveʿam ben־shelomoh melekhe yehudah weʾel־kal־beyt yehudah uvineyamiyn weyeter haʿam leʾmor׃

²⁴ כֹּ֣ה אָמַ֣ר יְהוָ֡ה לֹֽא־תַעֲלוּ֩ וְלֹא־תִלָּ֨חֲמ֜וּן עִם־אֲחֵיכֶ֣ם בְּנֵֽי־יִשְׂרָאֵ֗ל וּבוּ אִ֣ישׁ לְבֵיתֹ֔ו כִּ֧י מֵאִתִּ֛י נִהְיָ֖ה הַדָּבָ֣ר הַזֶּ֑ה וַיִּשְׁמְעוּ֙ אֶת־דְּבַ֣ר יְהוָ֔ה וַיָּשֻׁ֥בוּ לָלֶ֖כֶת כִּדְבַ֥ר יְהוָֽה׃ ס koh ʾamar yehwah loʾ־taʿalu weloʾ־tilaḥamun ʿim־ʾaḥeykhem beney־yiseraʾel uvu ʾiysh leveytow kiy meʾitiy niheyah hadavar hazeh wayishemeʿu ʾet־devar yehwah wayashuvu lalekhet kidevar yehwah׃ s

²⁵ וַיִּ֨בֶן יָרָבְעָ֧ם אֶת־שְׁכֶ֛ם בְּהַ֥ר אֶפְרַ֖יִם וַיֵּ֣שֶׁב בָּ֑הּ וַיֵּצֵ֣א מִשָּׁ֔ם וַיִּ֖בֶן אֶת־פְּנוּאֵֽל׃ wayiven yaraveʿam ʾet־shekhem behar ʾeferayim wayeshev bah wayetseʾ misham wayiven ʾet־penuʾel׃

²⁶ וַיֹּ֥אמֶר יָרָבְעָ֖ם בְּלִבֹּ֑ו עַתָּ֛ה תָּשׁ֥וּב הַמַּמְלָכָ֖ה לְבֵ֥ית דָּוִֽד׃ wayoʾmer yaraveʿam belibow ʿatah tashuv hamamelakhah leveyt dawid׃

²⁷ אִֽם־יַעֲלֶ֣ה ׀ הָעָ֣ם הַזֶּ֗ה לַעֲשֹׂ֨ות זְבָחִ֤ים בְּבֵית־יְהוָה֙ בִּיר֣וּשָׁלִַ֔ם וְ֠שָׁב לֵ֣ב הָעָ֤ם הַזֶּה֙ אֶל־אֲדֹ֣נֵיהֶ֔ם אֶל־רְחַבְעָ֖ם מֶ֣לֶךְ יְהוּדָ֑ה וַהֲרָגֻ֕נִי וְשָׁ֖בוּ אֶל־רְחַבְעָ֥ם מֶֽלֶךְ־יְהוּדָֽה׃ ʾim־yaʿaleh ׀ haʿam hazeh laʿasowt zevaḥiym beveyt־yehwah biyrushalim weshav lev haʿam hazeh ʾel־ʾadoneyhem ʾel־reḥaveʿam melekhe yehudah waharaguniy weshavu ʾel־reḥaveʿam melekhe־yehudah׃

²⁸ וַיִּוָּעַ֣ץ הַמֶּ֔לֶךְ וַיַּ֕עַשׂ שְׁנֵ֖י עֶגְלֵ֣י זָהָ֑ב וַיֹּ֣אמֶר אֲלֵהֶ֗ם רַב־לָכֶם֙ מֵעֲלֹ֣ות יְרוּשָׁלִַ֔ם הִנֵּ֤ה אֱלֹהֶ֙יךָ֙ יִשְׂרָאֵ֔ל אֲשֶׁ֥ר הֶעֱל֖וּךָ מֵאֶ֥רֶץ מִצְרָֽיִם׃ wayiuaʿats hamelekhe wayaʿas sheney ʿegeley zahav wayoʾmer ʾalehem rav־lakhem meʿalowt yerushalim hineh ʾeloheykha yiseraʾel ʾasher heʿelukha meʾerets mitserayim׃

²⁹ וַיָּ֥שֶׂם אֶת־הָאֶחָ֖ד בְּבֵֽית־אֵ֑ל וְאֶת־הָאֶחָ֖ד נָתַ֥ן בְּדָֽן׃ wayasem ʾet־haʾeḥad beveyt־ʾel weʾet־haʾeḥad natan bedan׃

³⁰ וַיְהִ֛י הַדָּבָ֥ר הַזֶּ֖ה לְחַטָּ֑את וַיֵּלְכ֥וּ הָעָ֛ם לִפְנֵ֥י הָאֶחָ֖ד עַד־דָּֽן׃ wayehiy hadavar hazeh leḥaṭaʾt wayelekhu haʿam lifeney haʾeḥad ʿad־dan׃

³¹ וַיַּ֖עַשׂ אֶת־בֵּ֣ית בָּמֹ֑ות וַיַּ֤עַשׂ כֹּֽהֲנִים֙ מִקְצֹ֣ות הָעָ֔ם אֲשֶׁ֥ר לֹֽא־הָי֖וּ מִבְּנֵ֥י לֵוִֽי׃ wayaʿas ʾet־beyt bamowt wayaʿas kohaniym miqetsowt haʿam ʾasher loʾ־hayu mibeney lewiy׃

³² וַיַּ֣עַשׂ יָרָבְעָ֣ם ׀ חָ֡ג בַּחֹ֣דֶשׁ הַשְּׁמִינִ֣י בַּחֲמִשָּֽׁה־עָשָׂר֩ יֹ֨ום ׀ לַחֹ֜דֶשׁ כֶּחָ֣ג ׀ אֲשֶׁ֣ר בִּיהוּדָ֗ה וַיַּ֙עַל֙ עַל־הַמִּזְבֵּ֔חַ כֵּ֤ן עָשָׂה֙ בְּבֵֽית־אֵ֔ל לְזַבֵּ֖חַ לָעֲגָלִ֣ים אֲשֶׁר־עָשָׂ֑ה וְהֶעֱמִיד֙ בְּבֵ֣ית אֵ֔ל אֶת־כֹּהֲנֵ֥י הַבָּמֹ֖ות אֲשֶׁ֥ר עָשָֽׂה׃ wayaʿas yaraveʿam ׀ ḥag baḥodesh hashemiyniy baḥamishah־ʿasar yowm ׀ laḥodesh keḥag ׀ ʾasher biyhudah wayaʿal ʿal־hamizebeaḥ ken ʿasah beveyt־ʾel lezabeaḥ laʿagaliym ʾasher־ʿasah weheʿemiyd beveyt ʾel ʾet־kohaney habamowt ʾasher ʿasah׃

³³ וַיַּ֜עַל עַֽל־הַמִּזְבֵּ֣חַ ׀ אֲשֶׁר־עָשָׂ֣ה בְּבֵֽית־אֵ֗ל בַּחֲמִשָּׁ֨ה עָשָׂ֥ר יֹום֙ בַּחֹ֣דֶשׁ הַשְּׁמִינִ֔י בַּחֹ֖דֶשׁ אֲשֶׁר־בָּדָ֣א [מִלִּבַּד כ] (מִלִּבֹּ֑ו ק) וַיַּ֤עַשׂ חָג֙ לִבְנֵ֣י יִשְׂרָאֵ֔ל וַיַּ֥עַל עַל־הַמִּזְבֵּ֖חַ לְהַקְטִֽיר׃ פ wayaʿal ʿal־hamizebeaḥ ׀ ʾasher־ʿasah beveyt־ʾel baḥamishah ʿasar yowm baḥodesh hashemiyniy baḥodesh ʾasher־badaʾ [milibad kh] (milibow q) wayaʿas ḥag liveney yiseraʾel wayaʿal ʿal־hamizebeaḥ lehaqeṭiyr׃ f