1 בִּשְׁנַת֙ שְׁבַֽע־עֶשְׂרֵ֣ה שָׁנָ֔ה לְפֶ֖קַח בֶּן־רְמַלְיָ֑הוּ מָלַ֛ךְ אָחָ֥ז בֶּן־יֹותָ֖ם מֶ֥לֶךְ יְהוּדָֽה׃ bishenat shevaʿ־ʿesereh shanah lefeqaḥ ben־remaleyahu malakhe ʾaḥaz ben־yowtam melekhe yehudah׃
2 בֶּן־עֶשְׂרִ֤ים שָׁנָה֙ אָחָ֣ז בְּמָלְכֹ֔ו וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָ֑ם וְלֹא־עָשָׂ֣ה הַיָּשָׁ֗ר בְּעֵינֵ֛י יְהוָ֥ה אֱלֹהָ֖יו כְּדָוִ֥ד אָבִֽיו׃ ben־ʿeseriym shanah ʾaḥaz bemalekhow weshesh־ʿesereh shanah malakhe biyrushalim weloʾ־ʿasah hayashar beʿeyney yehwah ʾelohayw kedawid ʾaviyw׃
3 וַיֵּ֕לֶךְ בְּדֶ֖רֶךְ מַלְכֵ֣י יִשְׂרָאֵ֑ל וְגַ֤ם אֶת־בְּנֹו֙ הֶעֱבִ֣יר בָּאֵ֔שׁ כְּתֹֽעֲבֹות֙ הַגֹּויִ֔ם אֲשֶׁ֨ר הֹורִ֤ישׁ יְהוָה֙ אֹתָ֔ם מִפְּנֵ֖י בְּנֵ֥י יִשְׂרָאֵֽל׃ wayelekhe bederekhe malekhey yiseraʾel wegam ʾet־benow heʿeviyr baʾesh ketoʿavowt hagowyim ʾasher howriysh yehwah ʾotam mipeney beney yiseraʾel׃
4 וַיְזַבֵּ֧חַ וַיְקַטֵּ֛ר בַּבָּמֹ֖ות וְעַל־הַגְּבָעֹ֑ות וְתַ֖חַת כָּל־עֵ֥ץ רַעֲנָֽן׃ wayezabeaḥ wayeqaṭer babamowt weʿal־hagevaʿowt wetaḥat kal־ʿets raʿanan׃
5 אָ֣ז יַעֲלֶ֣ה רְצִ֣ין מֶֽלֶךְ־אֲ֠רָם וּפֶ֨קַח בֶּן־רְמַלְיָ֧הוּ מֶֽלֶךְ־יִשְׂרָאֵ֛ל יְרוּשָׁלִַ֖ם לַמִּלְחָמָ֑ה וַיָּצֻ֙רוּ֙ עַל־אָחָ֔ז וְלֹ֥א יָכְל֖וּ לְהִלָּחֵֽם׃ ʾaz yaʿaleh retsiyn melekhe־ʾaram ufeqaḥ ben־remaleyahu melekhe־yiseraʾel yerushalim lamileḥamah wayatsuru ʿal־ʾaḥaz weloʾ yakhelu lehilaḥem׃
6 בָּעֵ֣ת הַהִ֗יא הֵ֠שִׁיב רְצִ֨ין מֶֽלֶךְ־אֲרָ֤ם אֶת־אֵילַת֙ לַֽאֲרָ֔ם וַיְנַשֵּׁ֥ל אֶת־הַיְהוּדִ֖ים מֵֽאֵילֹ֑ות [וַאֲרַמִּים כ] (וַֽאֲדֹומִים֙ ק) בָּ֣אוּ אֵילַ֔ת וַיֵּ֣שְׁבוּ שָׁ֔ם עַ֖ד הַיֹּ֥ום הַזֶּֽה׃ פ baʿet hahiyʾ heshiyv retsiyn melekhe־ʾaram ʾet־ʾeylat laʾaram wayenashel ʾet־hayehudiym meʾeylowt [waʾaramiym kh] (waʾadowmiym q) baʾu ʾeylat wayeshevu sham ʿad hayowm hazeh׃ f
7 וַיִּשְׁלַ֨ח אָחָ֜ז מַלְאָכִ֗ים אֶל־תִּ֠גְלַת פְּלֶ֤סֶר מֶֽלֶךְ־אַשּׁוּר֙ לֵאמֹ֔ר עַבְדְּךָ֥ וּבִנְךָ֖ אָ֑נִי עֲלֵ֨ה וְהֹושִׁעֵ֜נִי מִכַּ֣ף מֶֽלֶךְ־אֲרָ֗ם וּמִכַּף֙ מֶ֣לֶךְ יִשְׂרָאֵ֔ל הַקֹּומִ֖ים עָלָֽי׃ wayishelaḥ ʾaḥaz maleʾakhiym ʾel־tigelat peleser melekhe־ʾashur leʾmor ʿavedekha uvinekha ʾaniy ʿaleh wehowshiʿeniy mikaf melekhe־ʾaram umikaf melekhe yiseraʾel haqowmiym ʿalay׃
8 וַיִּקַּ֨ח אָחָ֜ז אֶת־הַכֶּ֣סֶף וְאֶת־הַזָּהָ֗ב הַנִּמְצָא֙ בֵּ֣ית יְהוָ֔ה וּבְאֹֽצְרֹ֖ות בֵּ֣ית הַמֶּ֑לֶךְ וַיִּשְׁלַ֥ח לְמֶֽלֶךְ־אַשּׁ֖וּר שֹֽׁחַד׃ wayiqaḥ ʾaḥaz ʾet־hakesef weʾet־hazahav hanimetsaʾ beyt yehwah uveʾotserowt beyt hamelekhe wayishelaḥ lemelekhe־ʾashur shoḥad׃
9 וַיִּשְׁמַ֤ע אֵלָיו֙ מֶ֣לֶךְ אַשּׁ֔וּר וַיַּעַל֩ מֶ֨לֶךְ אַשּׁ֤וּר אֶל־דַּמֶּ֙שֶׂק֙ וַֽיִּתְפְּשֶׂ֔הָ וַיַּגְלֶ֖הָ קִ֑ירָה וְאֶת־רְצִ֖ין הֵמִֽית׃ wayishemaʿ ʾelayw melekhe ʾashur wayaʿal melekhe ʾashur ʾel־dameseq wayitepeseah wayageleah qiyrah weʾet־retsiyn hemiyt׃
10 וַיֵּ֣לֶךְ הַמֶּ֣לֶךְ אָחָ֡ז לִ֠קְרַאת תִּגְלַ֨ת פִּלְאֶ֤סֶר מֶֽלֶךְ־אַשּׁוּר֙ דּוּמֶּ֔שֶׂק וַיַּ֥רְא אֶת־הַמִּזְבֵּ֖חַ אֲשֶׁ֣ר בְּדַמָּ֑שֶׂק וַיִּשְׁלַח֩ הַמֶּ֨לֶךְ אָחָ֜ז אֶל־אוּרִיָּ֣ה הַכֹּהֵ֗ן אֶת־דְּמ֧וּת הַמִּזְבֵּ֛חַ וְאֶת־תַּבְנִיתֹ֖ו לְכָֽל־מַעֲשֵֽׂהוּ׃ wayelekhe hamelekhe ʾaḥaz liqeraʾt tigelat pileʾeser melekhe־ʾashur dumeseq wayareʾ ʾet־hamizebeaḥ ʾasher bedamaseq wayishelaḥ hamelekhe ʾaḥaz ʾel־ʾuriyah hakohen ʾet־demut hamizebeaḥ weʾet־taveniytow lekhal־maʿasehu׃
11 וַיִּ֛בֶן אוּרִיָּ֥ה הַכֹּהֵ֖ן אֶת־הַמִּזְבֵּ֑חַ כְּכֹ֣ל אֲשֶׁר־שָׁלַח֩ הַמֶּ֨לֶךְ אָחָ֜ז מִדַּמֶּ֗שֶׂק כֵּ֤ן עָשָׂה֙ אוּרִיָּ֣ה הַכֹּהֵ֔ן עַד־בֹּ֥וא הַמֶּֽלֶךְ־אָחָ֖ז מִדַּמָּֽשֶׂק׃ wayiven ʾuriyah hakohen ʾet־hamizebeaḥ kekhol ʾasher־shalaḥ hamelekhe ʾaḥaz midameseq ken ʿasah ʾuriyah hakohen ʿad־bowʾ hamelekhe־ʾaḥaz midamaseq׃
12 וַיָּבֹ֤א הַמֶּ֙לֶךְ֙ מִדַּמֶּ֔שֶׂק וַיַּ֥רְא הַמֶּ֖לֶךְ אֶת־הַמִּזְבֵּ֑חַ וַיִּקְרַ֥ב הַמֶּ֛לֶךְ עַל־הַמִּזְבֵּ֖חַ וַיַּ֥עַל עָלָֽיו׃ wayavoʾ hamelekhe midameseq wayareʾ hamelekhe ʾet־hamizebeaḥ wayiqerav hamelekhe ʿal־hamizebeaḥ wayaʿal ʿalayw׃
13 וַיַּקְטֵ֤ר אֶת־עֹֽלָתֹו֙ וְאֶת־מִנְחָתֹ֔ו וַיַּסֵּ֖ךְ אֶת־נִסְכֹּ֑ו וַיִּזְרֹ֛ק אֶת־דַּֽם־הַשְּׁלָמִ֥ים אֲשֶׁר־לֹ֖ו עַל־הַמִּזְבֵּֽחַ׃ wayaqeṭer ʾet־ʿolatow weʾet־mineḥatow wayasekhe ʾet־nisekow wayizeroq ʾet־dam־hashelamiym ʾasher־low ʿal־hamizebeaḥ׃
14 וְאֵ֨ת הַמִּזְבַּ֣ח הַנְּחֹשֶׁת֮ אֲשֶׁ֣ר לִפְנֵ֣י יְהוָה֒ וַיַּקְרֵ֗ב מֵאֵת֙ פְּנֵ֣י הַבַּ֔יִת מִבֵּין֙ הַמִּזְבֵּ֔חַ וּמִבֵּ֖ין בֵּ֣ית יְהוָ֑ה וַיִּתֵּ֥ן אֹתֹ֛ו עַל־יֶ֥רֶךְ הַמִּזְבֵּ֖חַ צָפֹֽונָה׃ weʾet hamizebaḥ haneḥoshet ʾasher lifeney yehwah wayaqerev meʾet peney habayit mibeyn hamizebeaḥ umibeyn beyt yehwah wayiten ʾotow ʿal־yerekhe hamizebeaḥ tsafownah׃
15 [וַיְצַוֵּהוּ כ] (וַיְצַוֶּ֣ה ק) הַמֶּֽלֶךְ־אָ֠חָז אֶת־אוּרִיָּ֨ה הַכֹּהֵ֜ן לֵאמֹ֗ר עַ֣ל הַמִּזְבֵּ֣חַ הַגָּדֹ֡ול הַקְטֵ֣ר אֶת־עֹֽלַת־הַבֹּקֶר֩ וְאֶת־מִנְחַ֨ת הָעֶ֜רֶב וְֽאֶת־עֹלַ֧ת הַמֶּ֣לֶךְ וְאֶת־מִנְחָתֹ֗ו וְ֠אֵת עֹלַ֞ת כָּל־עַ֤ם הָאָ֙רֶץ֙ וּמִנְחָתָ֣ם וְנִסְכֵּיהֶ֔ם וְכָל־דַּ֥ם עֹלָ֛ה וְכָל־דַּם־זֶ֖בַח עָלָ֣יו תִּזְרֹ֑ק וּמִזְבַּ֧ח הַנְּחֹ֛שֶׁת יִֽהְיֶה־לִּ֖י לְבַקֵּֽר׃ [wayetsauehu kh] (wayetsaueh q) hamelekhe־ʾaḥaz ʾet־ʾuriyah hakohen leʾmor ʿal hamizebeaḥ hagadowl haqeṭer ʾet־ʿolat־haboqer weʾet־mineḥat haʿerev weʾet־ʿolat hamelekhe weʾet־mineḥatow weʾet ʿolat kal־ʿam haʾarets umineḥatam wenisekeyhem wekhal־dam ʿolah wekhal־dam־zevaḥ ʿalayw tizeroq umizebaḥ haneḥoshet yiheyeh־liy levaqer׃
16 וַיַּ֖עַשׂ אוּרִיָּ֣ה הַכֹּהֵ֑ן כְּכֹ֥ל אֲשֶׁר־צִוָּ֖ה הַמֶּ֥לֶךְ אָחָֽז׃ wayaʿas ʾuriyah hakohen kekhol ʾasher־tsiuah hamelekhe ʾaḥaz׃
17 וַיְקַצֵּץ֩ הַמֶּ֨לֶךְ אָחָ֜ז אֶת־הַמִּסְגְּרֹ֣ות הַמְּכֹנֹ֗ות וַיָּ֤סַר מֵֽעֲלֵיהֶם֙ [וְאֶת־ כ] (אֶת־הַכִּיֹּ֔ר ק) וְאֶת־הַיָּ֣ם הֹורִ֔ד מֵעַ֛ל הַבָּקָ֥ר הַנְּחֹ֖שֶׁת אֲשֶׁ֣ר תַּחְתֶּ֑יהָ וַיִּתֵּ֣ן אֹתֹ֔ו עַ֖ל מַרְצֶ֥פֶת אֲבָנִֽים׃ wayeqatsets hamelekhe ʾaḥaz ʾet־hamisegerowt hamekhonowt wayasar meʿaleyhem [weʾet־ kh] (ʾet־hakiyor q) weʾet־hayam howrid meʿal habaqar haneḥoshet ʾasher taḥeteyha wayiten ʾotow ʿal maretsefet ʾavaniym׃
18 וְאֶת־ [מִיסַךְ כ] (מוּסַ֨ךְ ק) הַשַּׁבָּ֜ת אֲשֶׁר־בָּנ֣וּ בַבַּ֗יִת וְאֶת־מְבֹ֤וא הַמֶּ֙לֶךְ֙ הַֽחִיצֹ֔ונָה הֵסֵ֖ב בֵּ֣ית יְהוָ֑ה מִפְּנֵ֖י מֶ֥לֶךְ אַשּֽׁוּר׃ weʾet־ [miysakhe kh] (musakhe q) hashabat ʾasher־banu vabayit weʾet־mevowʾ hamelekhe haḥiytsownah hesev beyt yehwah mipeney melekhe ʾashur׃
19 וְיֶ֛תֶר דִּבְרֵ֥י אָחָ֖ז אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey ʾaḥaz ʾasher ʿasah haloʾ־hem ketuviym ʿal־sefer diverey hayamiym lemalekhey yehudah׃
20 וַיִּשְׁכַּ֤ב אָחָז֙ עִם־אֲבֹתָ֔יו וַיִּקָּבֵ֥ר עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ חִזְקִיָּ֥הוּ בְנֹ֖ו תַּחְתָּֽיו׃ פ wayishekav ʾaḥaz ʿim־ʾavotayw wayiqaver ʿim־ʾavotayw beʿiyr dawid wayimelokhe ḥizeqiyahu venow taḥetayw׃ f